Skip to main content

TEINAK HE KA SINAH PATHIAN A UM ZUNGZAL...

Joshua hi Bawipa nih tthawng ko law ralttha in um ko, na lung zong dong hlah, na thin zong phang hlah, na kalnak poah ah kan umpi zungzal lai timi thazang peknak bia hi an va luh hnawh laimi Kanaan mi an tuk tikah kan dirpi zungzal lai timi biacah asi. Joshua le a mi vialte hna va kal ulaw kan umpi hna lai caah nan tei hrimhrim ko hna lai, nan hmai ah a dir kho ding an um hrimhrim lai lo ti hi forhfialnak biacah cu asi. Ka duh tukmi cu khua zeika na kalnak hmanh ah na sinah ka um ko timi bia hi asi. Sihmanhsehlaw Joshua sinah a chimmi asi tikah keimah caah asi ka ti kho ve hnga maw ti hi ruah awk ngai asi. Cucaah pei Israel ralkap cheukhat nih Moses sinah Pathian a um bantuk in nangmah sin zongah Pathian um ve ko seh an tinak asi cu. phundang in ka chim ahcun Joshua kha a ral rak chia in Pathian tthawnnak he rak um hlah sehlaw mipi a hruai kho hna hnga lo i ral zong an rak tel kho taktak hna hnga lo. Cun van pek ka duhmi cu Joshua le ralkap nih an luh hnawhmi ram kha an doh hrimhrim a hau i an doh lawnglawng ah teinak an rak hmu. Amen! 

         Khua zeika na kalnak hmanh ah na sinah ka um ko timi bia hi nangmah le keimah caah asi ve maw? Sihme teh! Mah hnak in fiang deuh in Jesuh Khrih hrim nih a kan cah takmi cu vawlei hi ttih hlah uh ka tei cang, nan sinah can dongh tiang a zungzal in ka um lai ti hi a si. Halleluijah. Joshua le Israel mi hna cu anmah nih doh dingah nan kalnak poah ka um lai i kan teipi hna lai tiah ti an si nain nihin ah kei cu ttih hlah nangmah tei hau ti loin vawlei ka tei cang ti hi ka si. Amen. Na zumhnak thawngin Khrih tei naa hrawmnak he hin vawlei na nunchung poah na hngalh ko ahcun teitu lakah teitu na si zungzal ko lai. Vawlei na tei dingmi um ti lo in Khrih nih an teipiak dih cang caah na tuahmi poah ah teicia mi tuah in tuah zungzal ko cang. Amen! Vawlei nih harnak an pek ve tawn ko lai sihmanhsehlaw ttihhlah, Jesuh Khrih nih vawlei a tei cang caah a teinak hrawmh na si cang i na chungah vawlei dongh tiang an umpi ve. Amen! Mah bia hi kaa in chim menmen in a ngahmi asi lo in nunnak in Khrih a ngeimi lawng nih chim khawhmi asi. Halleluijah. Amen..... Bawipa sunparnak co ko seh...
JOSHUA 1:9
Keimah nih nawl kan pek a si lo mei? Ṭhawng ngai le ralṭha ngaiin um ko; na thinphang hlah, na lung zong dong hlah; zeicahtiah Bawipa na Pathian cu khuazeika na kalnak hmanh ah na sinah a um ko," tiah a ti.
Labels:

Comments

Post a Comment

Popular posts from this blog

“Pathian Pennak Sullam.”

Vawlei cung hmunzakip ah a ummi ka miphun vialte hna Bawipa nih nan umnak hmun cioah Amah dawtnak thukpi in intheihter chin hna sehlaw biathli in ruah cio ko hna seh. Atu i Thawngṭha ka ṭialmi Pathian Pennak chungah na lut cang maw? timi hi fak deuh in rak ka ruahpi ve tiah kan sawm. Pathian Pennak chungah na lut cang maw timi biahalnak hi va luh dingmi khi halduhmi cu asi nain a taktak le ngaingai ah cun kan thinlung chungah ngeih dingmi tu hi a rak si deuh. Biatak cu Pathian Pennak hi tuahṭuannak in le nunthiannak men in kan hmuhkhawhmi asi hrimlo ti hi voi tampi chim ka duh. Pathian Pennak kan luhkhawhnak dingah cun lamkhat lawng aum i cucu Jesuh Khrih zumhnak thawng lawng bak in asi ko. Pathian Fapa Jesuh Khrih kan zumhnak thawngin Ti le Thlarau in kan hrinṭhan lawnglawng ah Pathian Pennak chungah kan lut kho ti hi fakpi in chim ṭhan ve ka duhmi asi. Bawipa Jesuh nih a timi cu ka Pa nih tuah hna seh ti a duhmi a tuahmi lawnglawng an lut lai tiah a ti taktak. Cucu tuahnak biafan...
Post a Comment
Read more

"BIATAK."

Biatak timi cu biachimmi biataknak le tuahnak i fakpi alangmi khi biatak asi ve ko nain chunglei ah hmuhkhawhlomi biatak kha lenglei kan tuahnak in a hunglangmi tu khi asi deuh. Tuahnak in a hunglangmi ka ti tikah tuahnak paoh khi biatak an si ka ti duhnak siloin na chunglei ah aummi biatak kha tuahnak in na langhter tikah na chunglei ah aummi biatak he aikhat in na tuahmi khi biatak ka timi cu asi. Biatak le dawtnak hi hmuhkhawhlomi chunglei ah aithupmi veve an si i an kalning le an sining ailo ngai. Dawtnak le biatak hi lenglei tuahnak cungah aihngatmi siloin dawtnak he chungleiin aithawkmi an si i lenglei langhtermi tuahnak tiangah dawtnak taktak le biatak in chunglei umning in rianlimtu khi an si. Biachim i biataknak le tuahnak i biataknak vialte hi biatak i theitlai tu an si deuh. Sihmanhsehlaw Kaa in biatak achimmi tampi kan um nain nun in ai biataklomi tampi kan um ve. Baibal nih biatak ati lengmang mi tu cu kaa le tuahnak hlan ah nunnak ah biatak ngeihtu hi biatak atimi cu asi....
Post a Comment
Read more

Sazuk nih rial tidai a ngaih bang in ka nun nih Bawipa an ngai

Sazuk nih rialtidai a ngaih bangin kei ka nun zong nih Bawipa an ngai. Minung hi Pathian he kan i peh hnuah cun Bawipa he nunti le umtti hi a nuamh theih tuk asi, kan ti a hal tuk caan i ti kan din i kan di ariam bantukin Thlarau in Bawipa he hawi komhnak kan ngeih caan le Thlarau in kan khah caan i Bawipa kan thangtthat tikah sazuk bangin Thlarau nun in kan di ariam taktak ve. Minung hi sualnak he kan i tthen kho tawn lo i sualnak kan tuah tikah le Thlarau rawl ei loin le lungthin takin thla cam loin caan sau kan um tikah kan nun a hul i Thlarau ti le rawl ka hal tuk tawn. Pathian nih a kan hlat si loin kanmah tu nih kan hlat a rak si. Kan nun a hul deuhdeuh i kan dar a car deudeuh tikah cun a celh in kan celh lo lio caan theng teah Nunnak ti asimi Thlarau ti le rawl lei panh in sual phuannak kan neih tikah Bawipa nih thangthat lawmhnak a kan pek tthan i sazuk nih rialti dai a din i a di riamh bangin Thlarau ti le rawl in kan di a rian ve tawn. A taktak le ngaingai tiah cun a zungzal...
Post a Comment
Read more