NIHIN CU A TANG BAIBAL KA REL TIKAH KAA LAWM TUK I THLUACHUAHNAK VIALTE HI KEIMAH CA BAKAH ASI TIIN LUNGLAWMHNAK KA CHIM COLH. KA CHIM DIH HNU AH KA RUAH TTHANMI CU PATHIAN DAWTNAK KA THEIH HNU AH MAH THLUACHUAHNAK HNA NIH HIN A KAN ZULH AWK BAK ASI TTUNG, ZIAH NIHIN I KA DIRHMUN HE AI RALKAH CANG NE TTUNG TIMI HI KA RUAH COLH TTHANMI ASI. APHI KA HMUHMI CU BAWIPA KAA BOCHAN KA RAK TIMI LE KAA HNGATCHAN KA RAK TIMI KHA A BIAKAM CUNGAH FEK TEIN KA RAK DIRLO CAAH ASI KHA KA VAN I FIANG TTHAN. PHUNDANG IN KA CHIM AHCUN BAIBAL NIH A KAN CHIMHMI BIAKAMNAK HI KAN RAK ZUM KHO DIH NGAINGAI LO CAAH ASI. CUCU NA ZUMH TAKTAK AHCUN NA ZUMH BANTUKIN ZEI THIL KONG POAH AH PATHIAN KHA NAA HNGATCHAN LE NAA BOCHAN ZUNGZAL A HAU VE. CU HNA NIH A VAN ZULH DINGMI CU HARSATNAK LE TEMINAK, LUNGRE THEIHNAK NIH A VAN ZULH COLH HNA LAI, NA LUNG A DONGH LO I PATHIAN BIAKAM CUNGAH AMAH KHA NAA BOCHAN I NAA HNGATCHAN PENG KO AHCUN BIAKAMNAK CU NA CUNGAH A TLING HRIMHRIM KO LAI. AMEN!
PATHIAN NIH ZEITIK HMANH AH A BIAKAMNAK A LET BAL HRIMHRIM LO TIHI AL AWK TTHALO IN A TLING CU HNGALH CIO ASI. A LET HRIMLO TI KAN HNGALHNAK CU KA LUNG A KA TONGMI TUUKHAL KAN PEK HNA LAI A TI I A KAN PEK DIAM CANGNAK HIN ASI. SIHMANHSEHLAW CU BIAKAMHMI THLARAU TTHAWNNAK LE THLUACHUAHNAK CU NA CUNG LE KA CUNGAH A TLINLO AHCUN MI CUNGAH A TLINGMI CHIM CU SANTLAIHNAK A NGEI LO I PAKPALAWNG TAKTAK THIL ASI KO. CUCAAH BAWIPA SIN THLA KA CAMMI CU NA BIAKAM ZEITIK HMANH AH NA LET BALLO BANTUKIN NA CAAH ZUMHTLAK TEIN NA BIAKAM CUNGAH KA THIH TIANG IN KAN BOCHAN LAI I KAN HNGATCHAN ZUNGZAL LAI TIMI HI KA BIAKAMNAK LE KA THLACAMNAK CU ASI. AMEN! KAN PATHIAN HI BOCHAN TLAK LE HNGATCHAN TLAK ASI ZUNGZAL KO NAIN KANMAH TU NIH HIN KAN BOCHAN TAKTAK LO RUANGAH LE KAN HNGATCHAN TAKTAK LO RUANGAH BIA A KAMHMI THIANG THLARAU TTHAWNNAK LE A THLUACHUAH KAN HMUH KHAWH LO NAK ASI. CUCAAH CUN
PATHIAN KAN I BOCHAN I KAN I HNGATCHAN PENG KO AHCUN PATHIAN BIAKAMHMI THLUACHUAH VIALTE LE THIANG THLARAU TTHAWNNAK VIALTE CU KAMMAH TA ASI LAI. AMEN...
LUNGSAU TEIN BAWIPA NAA BOCHAN I NAA HNGATCHAN KO AHCUN THLARAU RUMNAK LE BIAKAMMI THLUACHUAHNAK VIALTE HI KAN CUNGAH A TLING HRIMHRIM KO LAI. AMEN.. ZUMHNAK IN KAR KAN HLANNAK AH HIN A THEI KAN TLAI TIANG LE TEHTE TTHA KAN SI KHAWHNAK TIANG BAWIPA CU I BOCHAN HNA SILAW I HNATCHAN KO HNA USIH.. BOCHANTLAK LE HNGATCHAN TLAK TAKTAK CU KAN PATHIAN LAWNG LAWNG HI ASI. HALLELUIJAH. AMEN.. AMEN... AMEN.... BIAKAMHMI LAK AH KA DUH BIKMI CU NAN CUNGAH THIANG THLARAU A TLUN TIKAH TTHAWNNAK IN NAN KHAT LAI I VAWLEI CUNG KHUAZAKIP AH KA TEHTE NAN SI LAI TIMI HI ASI. HALLELUIJAH. AMEN! BIAKAMHMI LAKAH A BIAPI BIKMI CU THIANG THLARAU TTHAWNNAK IN KHAH HI ASI I CU TTHAWNNAK NIH CUN VANRAM I KAN VA HMUH TE LAI MI VIALTE LE VAWLEI KAN NUN CHUNG I KAN HMUH LAIMI THLUACHUAH BIAKAMNAK VIALTE KHA ZUMHNGAMNAK A KAN NGEIHTER. CU ZUMH NGAMNAK NIH CUN BIAKAMNAK A TLINTERTU LE A NGEITU PA CUNGAH KHAN BOCHAN NGAMNAK LE HNGATCHAN NGAMNAK NUN KHA A KAN PEK. KAN HNGATCHANMI PA LE KAN BOCHANMI PA NIH CUN A BIAKAM CU KA LET HRIMHRIM LAI LO TI HMELCHUNHNAK AH A FAPA HMANH PEI PEK KAN SI CANG CU...
PATHIAN NIH BIA A KAN KAMHMI VIALTE KAN HMUH KHAWHNAK DING AHCUN LAM PAKHAT LAWNG A UM I CUCU A VAN THLAHMI FAPA JESUH ZUMHNAK HIN A SI. AMEN. FAPA JESUH KHRIH ZUMHNAK NIH CUN A BIAKAM BANGIN TTHAWNNAK IN A KHATMI AMAH THLARAU IN A KAN UMPI. AMEN... TTHAWNNAK IN A KHATMI KHRIH THLARAU NA CUNGAH A TLUNG CANG KO AHCUN ZEI BANTUK BIAKAMHNAK VIALTE HI NA ZUMH NING LE NAA NUNPI NING IN NANGMAH TA A SI CANG KO. AMEN. BAWIPA NIH SUNPARNAK CO KO SEH...
PATHIAN BIAKAMHMI VIALTE KAN HMUH KHAWHNAK DING AH KAN HERH HMASA BIKMI CU FAPA JESUH KHRIH ZUMHNAK IN THAWNNAK IN A KHATMI THIANG THLARAU KAN CUNGAH A TLUN HMASA HI KAN HERHMI CU ASI. AMEN.. PATHIAN NIH BIA A KAN KAMHMI CU HI HI ASI: A KA BOCHANMI LE A KA HNGAT CHANMI CU THLUACHUAHNAK KA PEK HRIMHRIM HNA LAI TI HI ASI. AMEN. CU THLUACHUAH NA HMUH KHAWHNAK DINGAH CUN TTHAWNNAK IN A KHATMI THIANG THLARAU NA NGEIH NAK IN PATHIAN BIAKAMMI HI NA ZUMH LE FEK TEIN BIAKAMMI CUNGAH NA DIR I NAA NUNPI A HERH VE.
JEREMIAH 17:7
Sihmanhsehlaw keimah kha a ka bochan i a ka hngatchanmi cu thluachuahnak ka pek lai.
JEREMIAH 17:8
Amah cu tikam phunmi thingkung bantuk, tiva kam i hram a zammi bantuk a si. Vaupi ni a chuah tikah, ṭih awk zeihmanh a ngei lo, A hnah cu hring dildel in an um zungzal ko. Khuakhen kum a tlun tikah a zei a poi lo i a thei zong a dong lo.
Comments
Post a Comment