Pathian nih a lehmi thlacamnak le a cohlanmi rawl ulhnak cu kan thinung in a rami nih a chuahter mi ziaza tthalomi vialte kan hlawtnak hin asi. Amen! Pathian nih Nineveh khuami rawl ulhnak le thlacamnak a cohlan hna nak cu rawl ulhnak an tuahmi ruang lawngah si loin an thinlung in a chuakmi tthatlonak le an rak ngeihmi ziaza tthalo vialte an hlawt a hmuhnak khan asi deuh. Amen! Tuahnak tampi a chuahtertu cu kan sual ngeihchihnak kan ngeihnak hin asi tawn, cu ve bantuk tthiamtthiam in Pathian duhnak tlinternak in kan hmuh laimi ruahchannak tampi ruang zongah an si ve tawn. Sihmanhsehlaw Bawipa nih a cohlan taktak mi tuahnak vialte hi tuahnak sawhsawh men si loin kan nunzia a tthalo mi remhnak tu he tuahmi tu hi a cohlanmi le a duhmi cu asi. Amen! Mah vialte nunzia remhnak he a kan tuahtertu hi kan chim lengmangmi Jesuh Khrih zumhnak nih a hrimmi asi. Amen! Zeizong vialte kan hmuhnak dingah zumhtlak Jesuh Khrih Min cu nganchin lengmang ko sehlaw Fapa hmanh zuahlo in a kan dawtu kan Pathian cu thangtthat si zungzal ko seh. Amen!
Mi zei poah nih Bawipa sinah bawmh halnak le sual ngaihthiam duhnak he thlacamnak kan ngeih tikah a kan leh zungzal le ngaihthiam zungzal hi kan duh ciomi asi ko. Cucaah Bawipa he thlacamnak in kan i pehtlaihnak vialte hi cohlanmi le lehmi thlacamnak a si zungzal nak hnga Zumh ngamnak dihlak he thlacam usih law thinlung chungah a thalomi ziaza le zang ennak vialte cu hlawt dih cang hna usih. Bawipa sin kan au hlan ah kan nun ah Bawipa fihmi nun a ummi vialte hlawtnak le nun remhnak he kan aumi cu Bawipa nih a lehmi thlacamnak asi zungzal ko. Amen! Pathian sinah nangmah duhmi na hal hlan ah Pathian duhmi na thinlung tu kha remh hmasa, na thinlung nih Pathian duhnak a kawlmi nih a hrinmi cu na thlacamnak an leh zungzal nak hin asi lai. Halleluijah. Amen! Bawipa nih sunparnak co zungzal ko seh...
Khamhnak a hmu cangmi hna nun ah rian nganbik fial kan simi cu thilttha phungzakip tuah hi asi. Cu vialte lak ah a nganbikmi fial kan si mi cu Amah duhnak tuah le nawl zulhnak in zumh awktlak te nun hi asi. Amen! Thilttha ka ti tikah hin tampi a huap. Phunkhat in ka chim lai i sifakmi, nuhmei le ngaktah bawmh hi Bawipa nih a duhmi le fialmi asi. Sihmanhsehlaw an herhmi ti le rawl hi ka pek awk hna asi timi tuahnak sawhsawh kha Pathian nih a cohlanmi thilttha tuahmi ti si loin thinlung thiang tein dawtnak he tuahmi tu hi Pathian nih thilttha tuah fial kan simi taktak cu asi. Amen! Lungthin tak tel loin tuahmi thil poah cu na can le chawva pam mei asi zungzal ko. Na tuahmi vialte hi Bawipa ruangah siseh law Thiang Thlarau nih an pekmi dawtnak thiang, thinlung thiang le lungtak tein biataknak he si zungzal ko seh. Amen! Kan tuahmi zeizong vialte hi Bawipa min a nganter tu si zungzal ko seh..
JONAH 3:4
Jonah cu khuapi chungah cun a va lut i ni khat a kal hnuah khin, "Hi hnu ni sawm li chungah Nineveh hi a rawk lai!" tiah a au.
JONAH 3:5
Nineveh khuami nih cun Pathian bia cu an zumh. Zapi rawl ulhnak kan tuah lai i a hme bik in a ngan bik tiang, a mi kip nih buri kan i hruk lai, an ti.
JONAH 3:7
Cun Nineveh khua chungah khan thawngthanhnak a tuah i, "Mah hihi siangpahrang le a bawi hna nih an chuahmi nawlbia a si: Ahohmanh nih zeihmanh nan ei lai lo; minung nih siseh, saṭil nih siseh, cawrun nih siseh, tuurun nih siseh, rawl nan ei lai lo, ram nan ṭam lai lo, ti nan ding lai lo.
JONAH 3:8
Nan dihlak in buri nan i aih lai i Pathian sinah biatak tein thla nan cam cio lai. Cun nan ziaza ṭhalo kha nan hlawt hna lai i zaang-ennak nan tuah lengmangmi kha nan hlawt hna lai.
JONAH 3:10
Pathian nih an tuahmi kha a hmuh i an ziaza ṭhalo an hlawt kha a hmuh tikah aa ngaihchih i an cungah ka tlunter lai a timi ṭhat lonak kha a tlunter ṭhan lo.
Comments
Post a Comment