Ruth nih cun Noami sinah nangmah he itthen ding in kan lem len hlah! Na kalnak ah ka kal ve lai i na miphun cu ka mi phun asi lai, na Pathian cu ka Pathian a si ve lai i na thihnak ah ka thi ve lai, thihnak hmanh nih a kan tthen kho lai lo tiah a nu cungah a ngeihmi dawtnak le tlaihchannak cu a langhter. A nu cungah dawtnak le tlaihchannak a ngeihmi cu a ngantuk caah a caah zeidang vialte kaltak hi ai harh hrimhrim lo. Na duh tukmi nungak, tlangval he tthen le na dawt cumakmi fanu le fapa he tthen le na nupi le va he tthen cu a fawi bal ve hme maw? Pathian kan dawt hi kanmah nih kan dawt hmasa caah si loin a Fapa hmangin a kan dawt hmasa tuah hin kan dawt khawh ve nak tu asi. Amen! Kan dawt bikmi cu Khrih a hung si cang. Amen! Caah cun Khrih thihnak le thawhtthannak kan zumh kan ti tikah hin Khrih nih a temh inmi ing ve ding le a lawmhnak zong hmuh ve dingin biakamnak kan ser chih dih. Amen!
Cu bangin Khrih nih kan cungah dawtnak in ngaihthiamnak le khamhnak a kan pekmi kan hmuh tikah dawtnak le lawmhnak, daihnak le ruahchannak in a kan khahter. Amen! Khrih nih kan cungah a tuahmi thawngin Amah dawtnak nih a kan phum ve i Amah caah zumhtlak nun hi kan caah a har hrimhrim lo. Kanmah nih heh tiah va tuah hau len loin thihnak tiang intuarnak in a kan Khamhtu Khrih Thlarau, kan chungah a ummi tthawnnak thawngin vawlei ah hin Amah he a kan tthen khotu pakhat taktak hmanh an um hrimhrim lo. A ruang cu kanmah he kan i tthen ti lonak dingah a nunnak in a kan cawk cang i Amah ta hrimhrim kan si cangnak hmelchunhnak cu a Thlarau in kan chungah a zungzal in a kan umpi. Amen!
Kanmah nih a nawl kan zulh khawh ruangah le a duhnak kan tuah khawh ruangah si loin kanmah ai ah a lim dih cang ruang tuah zeihmanh nih a kan tthen khawh lonak cu asi. Amen! Noami nih cu a nu cu Amah hrim nih a tlaihchan i a zulh pengnak in thluachhuahnak a hmu sihmanhsehlaw Jesuh Khrih vel tu cu zeihmanh kan tuah khawh lo lio caan le kan sual liopi ko caan ahcun na sual lo ti biakhiah kan sinak hin kamhmi zungzal nunnak thluachuah cu a kan pek. Amen! Zungzal nunnak Thlarau a ngei cangmi nih cun Ruth nih Naomi he tthen a ttih bangin Khrih he i tthen cu a ttih in kan ttih i a siang in kan siang hrimhrim lo, Amah he umtti zungzal hi kan duh bikmi le kan thlacam asi zungzal. Amen! Cu bantuk minung hna cu thluachuah a hmu taktak mi cu kan si. Amen! Nangteh na duhbikmi le na lawmh bikmi hi Khrih nih an limpiakmi ruangah le na chung i a um ruangah hin asi ve maw? Na ttih bikmi hi Amah he tthen le a duhlonak tuah hi asi ve maw? Ka hrintthan ko na ti bu hna i na taksa duhnak na tuah cuahmah ko zong i na zeihmanh a poi lo, na lawmh peng ko ahcun aa fiangmi cu na chungah Khrih Thlarau a um rih loh tinak asi ko. Bawipa nih sunparnak co ko seh...
RUTH 1:16
Sihmanhsehlaw Ruth nih, "Nangmah he i ṭhen awk le nangmah zul lo i kir ṭhan awkah ka lem len hlah; zeicahtiah na kalnak ah ka kal ve lai i na riahnak ah ka riak ve lai; na miphun cu ka miphun an si ve lai i na Pathian cu ka Pathian a si ve lai;
RUTH 1:17
na thihnak ah ka thi ve lai i khika ah cun an ka vui ve ko lai. Pathian nih cu bantukin ka cungah tuah seh law, tam deuh zongin tuah ko seh, thihnak hmanh nih nangmah sinin ka ṭhen ai kun," tiah a ti.
Comments
Post a Comment