LAM, BIATAK LE NUNNAK CU JESUH ASI I JESUH CU PATHIAN FAPA, KEIMAH CU KEIMAH KA SI KO A TIMI PATHIAN ASI TI HGALH HI BIATAK LE NUNNAK ASI... PATHIAN CU THLARAU ASI I A BIATU HNA NIH THLARAU LE BIATAK IN KAN BIAK AWK ASI. CU THLARAU CU PATHIAN NIH NI HMANUNG BIK AH KA TOIH HNA LAI TIAH BIA A KAN KAMHMI, JESUH NIH A PA SIN IN A HMUHMI LAKSAWNG KHA ASI I CU LAKSAWNG CU JESUH NIH A KAN TOIHMI THIANG THLARAU HI ASI. AMEN!
======••••••==========
JOHAN 18:37
Cucaah Pilat nih cun, "Siangpahrang cu tah na si kun maw?" tiah a hal. Jesuh nih, "Siangpahrang na si tiah na ka ti. Hi vawlei ah ka chuah chan le ka rat chan cu biatak kong chim hi a si. Biatak kha a hna a phihkanh lomi paoh nih cun ka bia kha an ngaih," tiah a ti.
JOHAN 18:38
"Zei cu dah biatak cu a si?" tiah Pilat nih a hal. Cun Pilat cu lengah a va chuak ṭhan i, Judah mi hna cu, "Kei nih cun a sualnak zeihmanh ka hmu lo.
JOHAN 17:17
Annih cu biatak khan thianter hna: biatak cu nangmah bia kha a si.
JOHAN 8:12
Jesuh nih annih cu a thawh ṭhan hna i, "Kei cu vawlei ceunak ka si. Keimah a ka zummi paoh cu nunnak ceunak kha an ngei lai i mui lakah an vai lai lo," tiah a ti.
JOHAN 8:19
"Na Pa cu khuazei ah dah a um?" tiah an ti. Jesuh nih cun, "Keimah zong nan ka hngal lo, ka Pa zong nan hngal fawn lo. Keimah kha ka hngal u law cu ka Pa zong cu nan hngalh ko hnga," tiah a leh hna.
JOHAN 8:24
Cucaah cun pei, nan sualnak chungah nan thi lai, kan ti hna kha a si cu. Cun Keimah cu Keimah Ka Si Ko timi ka si kha nan ka zumh lo ahcun nan sualnak chungah cun nan thi ko lai," tiah a ti hna.
JOHAN 8:28
Cucaah Jesuh nih a thawh hna i, "Nannih nih Mi Fapa cu nan taar tikah, Keimah cu Keimah Ka Si Ko timi ka si kha nan hngalh lai; cun keimah nawl lawngin zeihmanh ka tuah lo le ka Pa nih a ka cawnpiakmi lawnglawng ka chim kha nan hngalh lai.
JOHAN 8:32
biatak cu nan hngalh lai i biatak nih cun an luatter hna lai," tiah a ti hna.
JOHAN 8:36
Fapa nih nannih kha an luatter hna ahcun nannih cu nan luat taktak lai.
JOHAN 8:47
Pathian sinin a rami nih cun Pathian bia kha a ngaih, sihmanhsehlaw nannih cu Pathian sinin a rami nan si lo i cucaah cun nan ngaih duh lonak cu a si," tiah a ti hna.
JOHAN 8:51
Biatak kan chimh hna: Ka bia a zulmi cu zeitikhmanh ah an thi lai lo," tiah a leh hna.
JOHAN 8:58
Jesuh nih cun, "Biatak kan chimh hna: Abraham hlanah ka um cang," tiah a leh hna.
LAMKALTU 1:4
Cun an sin i a um lioah khan hi nawlbia hi a pek hna i, "Jerusalem khua hi chuahtak hlah u, ka Pa nih a rak in kamhmi hna laksawng ka rak in chimhmi hna tu kha hngak ko u.
LAMKALTU 2:33
Pathian orhlei kamah khan ṭhutter a si i a Pa nih bia a kam bantuk khan Thiang Thlarau cu a Pa sin khan a hmuh; cun atu i nan hmuhmi le nan theihmi hi kannih a kan toihmi a laksawng kha a si.
LAMKALTU 2:17
'Ni hmanung bik ah cun mi vialte kha ka Thlarau ka toih hna lai. Nan fapa hna le nan fanu hna nih bia an chim lai; Nan tlangval hna nih langhnak an hmuh lai i Nan tar hna nih mang an manh lai.
LAMKALTU 3:19
Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.
LAMKALTU 3:20
Cun Bawipa nih thlarau thazang thar hmuhnak caan ṭha an pek hna lai i amah nih nan caah a thim cangmi Messiah, Jesuh kha nan sinah a run thlah lai.
LAMKALTU 4:12
Amah thawng lawnglawng in khamhnak hi hmuh khawh a si. Zeicahtiah vawlei cung dihlak ah hin a kan khamh khotu ding min dang zeihmanh a um lo," tiah a ti.
LAMKALTU 4:33
Lamkaltu hna nih khan Bawipa Jesuh thihnak in a thawhṭhannak kong kha fak piin an chim i Pathian nih an dihlak in thluachuahnak tampi a pek hna.
Comments
Post a Comment