——-
Duhnak le dawtnak hi tthen khawh an si lo nain an riantuan ning bel ai dang. Duhnak nih kanmah duhnak tlinter ai zuam i dawtnak nih kan dawtmi hna duhnak tlinter ai zuam ve... Sihmanhsehlaw duh dawtnak tling taktak cu kaphnih pengin asi a hau... pakhat lawngin duh le dawt cu a tling lo, kaphnih in duhnak le dawtnak tu hi a tlingmi a chuahter lai.. Sihmanhsehlaw Pathian nih a kan dawtnak cu Amah lei lawng bakin a kan duh hmasa i a kan dawt hmasa. Sihmanhsehlaw a dawtnak a co vemi nih cun Bawipa duh le dawt cu kan rawl thawbik asi ve tthiamtthiam! Nang le kei teh duhnak tiang maw kan phanh? Dawtnak tiang dah kan phan ve? Duhnak tiang na phanh ahcun na duhnak lawng tling seh tiah na zuam lai... Dawtnak tiang na phanh cang ahcun na dawtmi vialte hna an cungah, ahleiin Pathian cungah a duhnak zulh le tlinter nan zuam ve ko lai..
——-
Pathian riantuan kan timi le thawngtha chim kan timi le Mission rian kan ttuan timi hi kanmah lawng si loin Thiang Thlarau he ttuantti le chimtti tu hi a rak si deuh.. Zeitlunin dah Baibal kan rel le zeitlukin thla kan cam, rawl kan ulh hi si loin Bawipa he um kalttinak le kan tuahmi kip ah a Thiang Thlarau he tuahttinak tu hin Bawipa nih a sunparnak a langhter deuh a rak si. A hleiin Pathian riantuan hmual a ngeihtertu taktak cu zeitlukin thawngtha chim kan thiam hi si loin Bawipa Jesuh he nunttinak, i hawikomh ttinak le i pehtlaihnak, i hngalhnak, umttinak thuk deuh kan ngeihmi tuin a rak si diam ai.. Mah ti ka chim lengmang mi hi leng leiin i pehtlaihnak, a leng in hmuhkhawhmi kan tuahmi khi ka chim duhmi si loin chunglei Thlarau riantuannak he pehtlaihnak tu khi ka chim duh deuhmi asi... Zumtu paohpaoh hi chunglei Thlarau riantuannak he hawikomhnak ngeih in lenglei ah Pathian fale taktak kan sinak a lang zungzal dingmi arak si.. Pathian fale kan si langhter i zuam si loin Pathian fale taktak kan sinak tu hi mikip nih an rak hmuh awk asi... Pathian riantuantu hna nih a rian kan ttuanmi Pathian rian hmual ngei seh ti kan duh ahcun Bawipa hmai ah kun lengmang law na kun tikah nangmah lawng si ti loin na kun hnawhmi Pa he ton ding tiang in kun ko, na kun tik paoh ah Jesuh he nan i ton i bia nan i ruah lengmang ko ahcun a rian an ttuantermi cungah thluachuahnak he lam an hruai hrimhrim lai.. Bawipa rian kan ttuan ciomi hnak in Amah Bawipa hi duh a nung deuhmi le tlaihchan awk atlak deuhmi cu asi. A rian na ttuanmi ah tthawnnak a um lo i Amah Jesuh Khrih lawngah tthawnnak a um... Biatak cu tthawnnak hna hmanh hin Bawipa Jesuh hi ka duh deuh i ka dawt deuh... Biatak cu Bawipa Jesuh ah hin a baumi a um lo, Amah ah a tling dih caah asi.. Tthawnnak le a tlingmi a ngeih caah ka zumh le ka duh, ka dawt si loin zumhawk tlak asi caah le a ka duhtuk le a ka dawttuk caah ka duh tuk ve i ka dawt tuk ve cu asi. A thi bakin cawkmi ka si... Thil kan cawkmi cu kanmah ta a si bangin Keimah zong Jesuh nih a thi in a ka cawk ve caah Amah ta hrimhrim ka si ve..
Comments
Post a Comment