BIA THLUM NGAI TUNG I LUNGTHIN IN HUATNAK KHAH CU...

Nihin kan vawleipi hi zoh ah ttih a nung chin lengmang. Lungthin tak chung ummi asi lomi nun kan cawng chin lengmang! Kanmah a hrintthan cang ai timi hna zong kan kut kan i tlaih ahcun mirh bu tein kan i tlai nain kan thinlung cun remlonak in kan khat. Cucu asi awk hrim asi loh.. kan kaa nih biathlum a chim khawh ahcun kan thinlung zong thlumchih ko seh, a leng in cawnnak lawng si ti loin thinlung in a luangmi nunzia tu hi Zumtu Pathian fale cu kan si bak awk asi... Mikip cungah kan thinlung in kan dawt khawhlomi hna an um hmanh ah kan thinlung in cucu Thlarau in kan thah awk asi i remlonak a chuahtertu thinlung vialte le rul sivai cu kan chak awk bak asi..

A hleiin ramdang nun bang hi cu zoh ah a mak ko. Hi... an kan ti cang ahcun an kan duh hlah maw ti awk in an um dih nain an chung lei taktak hi zoh hna usihlaw ttihnung lawngte an si ko lai.. Chim ka duhbikmi cu Zumtu hi lenglei remhnak si loin chunglei remhnak a ra hmasa ti hi chim ka duhmi asi. Lenglei in biathlum chim na thiam nain na thinlung in huatmi le remlomi na ngeih peng rih ahcun na dam hrimhrim lo ti kha a fiang ko.. Damlonak chungin damnak na hmuh khawhnak ding cu Baibal relnak lawngin asi ti lai lo, rawl ulhnak lawngin a si ti lai lo, thlacamnak lawngin a si ti lai lo, Bawipa Jesuh he hawikomhnak le umttinak lawngin na dam lai.. Bawipa umnak paoh ahcun luatnak a um. Amen!

Zumtu nih hin biathlum le biattha, bia dawhdawh hi kan chim hna awk asi, a taktak le ngaingai ahcun biadawh, biathlum le biattha hna hi zumtu caah an si i a tak in kan ngeihmi hna zong an si. Kan hmanchin lengmang awk hrim zong an si. Amah belte cu kan thinlung ah a um lomi velhle bia dawh le biattha, biathlum sawhsawh hi cu zumtu nih cun kan hrial awk ngaingai an si ve tihi ka chim duhmi cu asi. Nangmah le nangmah rak i check law nitin te i na hmangmi bia hi thinlung in a thlummi bia an si hna maw? Pathian fale kan si caah kaa pahle sawhsawh men si loin lungthin takin biadawh le biattha, biathlum chim hna usih... Kan lungthin cio ah hin a khami pawi loin a thlummi pawi cio ko hna usih..

Baibal nih a kan cawnpiakmi cu bia thum ngaiin chim ttung i an thinlung ah huatnak in a khatmi cu mitthalo le thil tthalo tuahtu an si tiah a ti.. Nangmah tein a hodah na si rak i ruat ve ko...
—-
SALM 28:3
Miṭhalo hna, thil ṭhalo a tuahtu hna sinah khan sual ka phaw hlah — annih cu a bia a thlum ṭung i an lungthin vial huatnak in a khatmi an si.