Skip to main content

JESUH KHRIH CU NUNNAK PETU THLARAU ASI...

Minung vialte nih taksa nunnak kan ngeihmi le thih hnu thawhtthan nunnak kan ngeih dingmi vialte a kan petu hi Pathian asi. Minung vialte a tu i kan nung kan ti lengmang mi hi kan taksa a nung ruangah si loin kan chungah thlarua a um rih caah kan taksa in kan nun rihmi tu asi. Minung an thi kan ti lengmang mi khi an thlarua a chuah cang caah an thihnak asi. Biatak cu minung vialte hi thlarau kan chungah aum lo paoh ahcun athimi kan si dih ko. Minung hi Pathian nih tlak in ser kan rak si lio ahcun a thimi kan si ko nain Pathian Thaw, Thlarau kan hnar chungah a kan chuahhnawhnak thawngin a nungmi kan si. Phundang in kan chim ahcun kan chungah Pathian nih thaw achuahhnawhmi hi Thlarau, Amah Thlarau, Amah he loin sermi Thlarau taktak cu kan chungah achiahnak thawngin a nungmi cu kan si. Cucaah cun Pathian cu Thlarau asi, Pathian cu Nunnak asi kan ti khawhnak cu asi. Nunnak Petu taktak cu Pathian asi i Pathian cu Thlarau asi, Pathian cu Nunnak zong asi. Nunnak le Thlarau asimi Pathian nih cun Fapa Jesuh Khrih cu Adam hmanung bik, Nunnak Petu Thlarau sinak he vawlei ah avun thlah. Pathian nih Abraham sinah bia arak kamh taktakmi cu Fapa Jesuh Khrih hi asi.

Adam ruangah minung vialte hi taksa in kan nung nain Thlarua ah athimi kan si dih caah Thlarau in kan nun khawh tthannak ding caah Jesuh Khrih hrimhrim kha Pathian nih Nunnak Petu Thlarau sinak in avun thlahnak cu asi. Jesuh Khrih hi Pathian nih vawlei khamhtu ah arun thlahmi asi tiah azummi vialte kan caah cun Jesuh Khrih cu Nunnak Petu Thlarau asi caah Thlarau in kan nung dih tthan ve. Mah ruangah Cathiang nih Jesuh Khrih cu Nunnak Petu Thlarau asi ati nak asi. Adam cu Thihnak chuahpi tu asi i Jesuh Khrih cu nunnak Petu Thlarau asi. Adam ruangah minung vialte kan thi dih i Jesuh Khrih ruangah Amah azummi vialte cu Thlarau in kan nung dih ve. Cubantuk tthiamtthiam in Moses pekmi nawlbia nih cun thihnak achuahpi i Biakam thar a kan serpiaktu Pathian thawngin le Biakamnak a tlintertu Jesuh Khrih nih cun Nunnak Thlarau a chuahpi ve. Biakam hlun cu nawlbia zulhnak in nunnak hmun ding asi i biakam thar cu zumhnak in Thlarau le Nunnak hmuh ding asi. Nawlbia cu catlap cungah ca hang in ttial a rak si i Nunnak le Thlarau tu cu kan thinlung cungah Khrih Thlarau in ttial asi. Amen. Biakam hlun chungah aum mi nawlbia arak zul kho taktakmi cu nunnak an hmu taktak ve ko lai, Sihmansehlaw biakamthar cu kanmah tuahmi ruangah si loin Fapa Jesuh Khrih in Pathian nih a rak i timh zungzalmi atuahmi kan zumh ruangah Thlarau tu kamh kan si. Kamhmi Thlarau nih cun Nunnak a kan pek. Kamhmi Thlarau kan hmuh cu kanmah tuahmi ruangah si loin Fapa Jesuh Khrih nih a tuahmi kan zumhnak thawngin kan hmuhmi asi. Kanmah tuahmi ruangah si loin kan zumhnak thawngin kan hmuhmi cu Thlarau le Nunnak cu asi. 
  • Adam hmasa ADAM cu Taksa Minung athi khomi asi...
  • Adam hmanung bik Jesuh Khrih cu Nunnak Petu Thlarau athi kho ti lomi asi...
  • Jesuh Khrih Thawngtha hi a zum duhlomi le atlau lio lengmang mi caah cun Thihnak Rimchia asi...
  • Jesuh Khrih Thawngtha hi a zum i khamh asi lio lengmangmi kan caah cun Nunnak Petu Rihmui asi...
  • Biakam thar rian a kan ttuanter khotu cu Pathian asi i Biakam thar chungah aummi cu nawlbia si loin Thlarau tu asi. Thlarau nih cun Nunnak kha a chuahpi.
  • Biakam hlun chungah a ummi cu Nawlbia asi. Nawlbia nih cun Thihnak achuahpi.
  • Biakam thar chungah a ummi cu Thlarau asi, Thlarau nih cun Nunnak kha a chuahpi..
  • Nunnak petu cu Pathian Thlarau asi..
  • Pathian cu Thlarau asi...
  • Jesuh Khrih a kan petu cu Pathian asi..
  • Jesuh Khrih cu Nunnak Petu Thlarau asi..
  • Jesuh Khrih nih kan chimhmi hna bia hi Nunnak Petu Pathian Thlarau cu Nunnak le Thlarau asi ti hi asi...
  • Pathian cu Thlarau asi, Pathian cu Nunnak asi...
  • Pathian cu Thlarau asi caah Thlarau le Biatak in biak awk asi...
  • Jesuh Khrih cu Vel le Biatak in akhatmi asi. Vel le Biatak cu Amah thawngin ara...
  • Biatak Phuangtu cu Thiang Thlarau asi. Biatak chungah a kan luhpitu zong Thiang Thlarau asi..
—-
1 KORIN 15:45
Zeicahtiah Cathiang nih, "Mi hmasa bik Adam cu minung ah ser a si," a rak ti, sihmanhsehlaw Adam hmanung bik cu nunnak  petu Thlarau a si.
2 KORIN 2:16
A tlau lio lengmangmi hna caah cun thihnak rimchia a si i khamh a si lio lengmangmi hna caah cun nunnak petu rimhmui a si. Cu bantuk rian cu aho nih dah a tuah khawh lai?
2 KORIN 3:6
biakam thar rian a kan ṭuanter khotu cu, cu Pathian cu a si. Cu biakam thar chung i a ummi cu ṭialmi nawlbia kha si loin Thlarau tu a si. Ṭialmi nawlbia nih cun thihnak kha a chuahpi, sihmanhsehlaw Thlarau nih cun nunnak kha a chuahpi.
JOHAN 6:63
Nunnak petu cu Pathian Thlarau a si; minung ṭhawnnak hi cu zeihmanh a ṭhahnem lo. Nannih kan chimhmi hna bia hi Thlarau le nunnak cu an si.
Labels:

Comments

Post a Comment

Popular posts from this blog

“Pathian Pennak Sullam.”

Vawlei cung hmunzakip ah a ummi ka miphun vialte hna Bawipa nih nan umnak hmun cioah Amah dawtnak thukpi in intheihter chin hna sehlaw biathli in ruah cio ko hna seh. Atu i Thawngṭha ka ṭialmi Pathian Pennak chungah na lut cang maw? timi hi fak deuh in rak ka ruahpi ve tiah kan sawm. Pathian Pennak chungah na lut cang maw timi biahalnak hi va luh dingmi khi halduhmi cu asi nain a taktak le ngaingai ah cun kan thinlung chungah ngeih dingmi tu hi a rak si deuh. Biatak cu Pathian Pennak hi tuahṭuannak in le nunthiannak men in kan hmuhkhawhmi asi hrimlo ti hi voi tampi chim ka duh. Pathian Pennak kan luhkhawhnak dingah cun lamkhat lawng aum i cucu Jesuh Khrih zumhnak thawng lawng bak in asi ko. Pathian Fapa Jesuh Khrih kan zumhnak thawngin Ti le Thlarau in kan hrinṭhan lawnglawng ah Pathian Pennak chungah kan lut kho ti hi fakpi in chim ṭhan ve ka duhmi asi. Bawipa Jesuh nih a timi cu ka Pa nih tuah hna seh ti a duhmi a tuahmi lawnglawng an lut lai tiah a ti taktak. Cucu tuahnak biafan...
Post a Comment
Read more

"NUNNAK."

JESUH CU NUNNAK ASI (John 14:6) Minung vialte nih kan herhbikmi hi “Nunnak”, asi. Tulio i kan kawl, kan ṭ uanmi tampi hna zong hi nun duh ah an rak si i Kan pum in dam kan duh lengmang mi zong hi nun kan duh caah asi. Thuk deuh in kan rak ruahlomi cu Nunnak maw abiapi deuh? Damnak dah abiapi deuh timi kong hi asi. Na dam ruangah na nun si loin na nun rih ruangah damnak na herh asi deuh. Damnak cu anungmi nih kan herhmi asi i athimi caah cun damnak aherhnak a um ti loh. Cubantuk in Khamhnak zong hi taksa in anung rihmi le Thlarau in athimi hna ca i sualnak thianhpiak, Sualman leiba champiak le sualnak chungin luatnak thawngin khamhnak kan hmuhnak ding caah Khamh kan herh arak si ve. Khamhnak kan ti lengmang mi cu sualnak ruangah Pathian thinhunnak in aluangmi dantatnak kan in dingmi chungin kan luat khawhnak ding caah Jesuh Khrih thisen in sual ngaihthiamnak kan hmuhnak ding caah tuahpiakmi le sualnak chungin luatternak thawngin sualnak sal kan si tinak hnga lo caah asi. Sualnak sal kan...
1 comment
Read more

Sazuk nih rial tidai a ngaih bang in ka nun nih Bawipa an ngai

Sazuk nih rialtidai a ngaih bangin kei ka nun zong nih Bawipa an ngai. Minung hi Pathian he kan i peh hnuah cun Bawipa he nunti le umtti hi a nuamh theih tuk asi, kan ti a hal tuk caan i ti kan din i kan di ariam bantukin Thlarau in Bawipa he hawi komhnak kan ngeih caan le Thlarau in kan khah caan i Bawipa kan thangtthat tikah sazuk bangin Thlarau nun in kan di ariam taktak ve. Minung hi sualnak he kan i tthen kho tawn lo i sualnak kan tuah tikah le Thlarau rawl ei loin le lungthin takin thla cam loin caan sau kan um tikah kan nun a hul i Thlarau ti le rawl ka hal tuk tawn. Pathian nih a kan hlat si loin kanmah tu nih kan hlat a rak si. Kan nun a hul deuhdeuh i kan dar a car deudeuh tikah cun a celh in kan celh lo lio caan theng teah Nunnak ti asimi Thlarau ti le rawl lei panh in sual phuannak kan neih tikah Bawipa nih thangthat lawmhnak a kan pek tthan i sazuk nih rialti dai a din i a di riamh bangin Thlarau ti le rawl in kan di a rian ve tawn. A taktak le ngaingai tiah cun a zungzal...
Post a Comment
Read more