Skip to main content

PATHIAN NA DAW MAW?

Na biakmi Pathian hi na daw maw? tiah in hal ning law ka dawt tuk na ti men ko hnga. A dawt zong cu na dawt taktak ko lai... Kan Pathian nih hin dawt a duh taktak ve i na lungthin dihlak, ruahnak (thluak) dihlak, thazang (pum) dihlak, thlarau dihlak in na ka dawt lai ati ve taktak.. Pathian nih nan ka dawt lai atimi ningin adihlak in kan dawt ahau ko lai nain Amah nih a kan pekmi chung lila in dawt a kan fialmi asi. Micheu caah ahlei thazang, chawva, pum retheihnak dawt an fial lai i micheu caah cun thluak, ruahnak, fimmnak in dawt khawhnak an pek ko hna lai, a cheu caah cun thlarau dihlak le thinlung dihlak in midang cungah dawt ning langhter asi ve ko hnga.

Hal kan duhmi cu zeitindah na Pathian na dawt ning cu na langhter timi hi asi. Pathian na dawt taktaknak hi phun tampi in langhter khawh asi lai nain minung hawi na dawtning hna na langhternak ah hin asi ve hnga lo maw? tihi hal kan duhmi asi.. Minung dang dawt khawhnak tiang na phanh rih lo i nangmah ca lawngah na ruah peng rih ko ahcun cucu Bawipa nih alawmhmi asi rih lo. Pathian na dawt taktak ko ahcun midang na dawt ve hna ning hin na langhter awk asi.. Minung hawi dang nih Pathian na ngeih le na dawt taktaknak cu kaa lawng si loin nun in minung dang cungah na langhternak ah pei an hmuh awk asi cu... Na Pathian na dawt hi na minung hawi dang sinah na langhter lo ah zeiah khin dah na langhter ti lai? Nangmah le nangmah naa dawt bantukin na innpa (midang) va daw ti pei asi kha.. Kan umnak Khrihfabu minung hmanh kan i dawt khawh ti ṭung ne lo...

Minung tampi cu Pathian kan dawt tuk kan ti nain midang nih hnahnawh kan duh loh, midang bawmh kan duh lo, midang harsatnak tuarpi le lungretheihnak hrawmpi kan duh loh, midang dawt kan duhloh i midang caah canpek kan duh loh. Pathian nih afapa nunnak pek tiangin a kan dawtning a langhter nain nang le kei nih cun kanmah ca lawng te ah kan caan a dih i zeizong vialte kan tuahmi zong ah hin midang ca timi hnak in kanmah ca lawng te ah asi ko cang hi ta....

Pathian na dawt taktak ve ko ahcun midang cungah na langhter ning nih hin na sining taktak alanghter ko. Ahodah ka si ti hngalh naa duh ahcun midang cungah na lungput le dawtning na langhtermi ah hin an lang ko. Bawipa nih a kan fialmi cu Keimah nih kan dawt hna bantukin pakhat le pakhat (midang) va daw ve ti pei asi kha...
——
JOHAN 13:34
Nawlbia thar kan pek hna: pakhat le pakhat i daw u. Keimah nih kan dawt hna bantuk hin pakhat le pakhat nan i dawt awk a si.
MARKA 12:31
Cun a pahnihnak cu, Na innpa kha nangmah naa dawt bantukin na dawt lai, ti hi a si. Hi hna pahnih nakin a biapi deuhmi nawlbia dang an um ti lo," tiah a ti.
Labels:

Comments

Post a Comment

Popular posts from this blog

ISRAEL MI HNA NIH MOSES LE PATHIAN AN LAWMHTER HNA LO

        Israel miphun hna cu Izipt ram in an chuah hnu kumhnih le thlahnihnak, nikhatnak ni ah Bawipa nih Moses cu Sinai ramlak ah a chawnh i milu a relter than. Bawipa fial bangin an rel hna i sing ruk, thong thum, za nga le sawm nga an si. Mah hnu ni (20) hnu ah puan Biakinn cung Minmei cu aa tthial tikah Israel pawl zong an i thawh ve i Paran ramlak ah khan an kal. Cun Bawipa minmei cu, an riahhmun in an i thawh fate chun ah annih cungah a um i kuang cu aa thawh fate Moses nih, "Tho tuah, maw Bawipa, na ral kha i ṭ hek dih hna seh law, nangmah an huatu hna cu na hmaiah zaam hna seh," tiah a ti. Cun aa dinh tikah, "Ra kir tuah, maw Bawipa, Israel mi a thong a sang hna sinah hin," tiah a ti.             Israel mi hna cu Bawipa theih ah an sifah retheih an innak ruangah an zai hawi tthan i Bawipa thinhunnak cu a alh i riahhmun kiang i aummi riahbuk a cheukhat cu a kangh hna. Cu tikah Moses nih thla a campi...
Post a Comment
Read more

Sazuk nih rial tidai a ngaih bang in ka nun nih Bawipa an ngai

Sazuk nih rialtidai a ngaih bangin kei ka nun zong nih Bawipa an ngai. Minung hi Pathian he kan i peh hnuah cun Bawipa he nunti le umtti hi a nuamh theih tuk asi, kan ti a hal tuk caan i ti kan din i kan di ariam bantukin Thlarau in Bawipa he hawi komhnak kan ngeih caan le Thlarau in kan khah caan i Bawipa kan thangtthat tikah sazuk bangin Thlarau nun in kan di ariam taktak ve. Minung hi sualnak he kan i tthen kho tawn lo i sualnak kan tuah tikah le Thlarau rawl ei loin le lungthin takin thla cam loin caan sau kan um tikah kan nun a hul i Thlarau ti le rawl ka hal tuk tawn. Pathian nih a kan hlat si loin kanmah tu nih kan hlat a rak si. Kan nun a hul deuhdeuh i kan dar a car deudeuh tikah cun a celh in kan celh lo lio caan theng teah Nunnak ti asimi Thlarau ti le rawl lei panh in sual phuannak kan neih tikah Bawipa nih thangthat lawmhnak a kan pek tthan i sazuk nih rialti dai a din i a di riamh bangin Thlarau ti le rawl in kan di a rian ve tawn. A taktak le ngaingai tiah cun a zungzal...
Post a Comment
Read more

Pathian nih Abram auhnak le Thluachuah peknak

             Vawlei cung mi vialte hi Noah fapa le hna nih hrinthlak mi lawngte kan si. Noah fapa pathum lak ah hin upa bik Shem hin thluahchuahnak le Pathian nih thim khunmi asi nak alang. Adam nih fapa angeihmi ah Seth hlan ah Kain aum ko nain fa upa rocotu ah Seth hi Pathian nih athim bantuk in Noah fale zongah hin Upabik Shem hi ahlei in thluachuah pek dingah athim ve. Chim duhmi cu Seth cii ruang chung in Noah a chuak i Shem chung hin Abram te pawl zong an chuak ve. Pathian nih Noah le fapa hna cu thluachuahnak apek hna i fa tampi an ngei, vawlei ah cun an karh chin lengmang. Buanchukcho in kum hnih hnuah Shem nih fapa angeih, Shem a fapa hi kum 403 anung. Cu ti cun an fapa le upa bik changchang cun an van izul i Shem in Peleg chan, chan 5 nak ah hin cun kum 209 lawng an nung cang. Cu cu Pathian nih minung hi kum 120 cung nung ka sianh ti hna lo ati mi kha a van tling cuahmah. Shem in Abram pa Terah tiang hi chan (10) arau i Terah cu kum 205 a ...
Post a Comment
Read more