Skip to main content

LUNGLAWMHNAK (JOY) CU THLACAMNAK IN THIANG THLARAU HE HAWIKOMHNAK IN HMUHMI ASI...

Keimah bantukin thintawimi na si ahcun lungsaunak na ngeih ahau. Lungsaunak na ngeih khawhnak ding ahcun lunglawmhnak na ngeih ahau ve.. Lunglawmhnak na ngeih khawhnak ding ahcun Jesuh Khrih na zumh hnu ah na ngeih ahau. Jesuh Khrih na ngeih hnu ah Amah he thlacamnak in hawikomhnak na ngeih ahau. Thiang Thlarau he thlacamnak in hawikomhnak na ngeih zungzalnak lawngin lunglawmnak tling taktak cu na hmuh zungzal lai. 


Lunglawmhnak hi nichiarte rawl kan einak in thazang kan hmuh bantukin Thiang Thlarau he thlacamnak in hawikomhnak kan ngeih lengmangnak lawngin hmuhkhawhmi asi ve...


Thintawi na duh ti lo i lungsaunak ngeih na duh cang ahcun lunglawmhnak na ngeih hmasa ahau.. Lunglawmhnak tling cu thlacamnak in Thiang Thlarau he hawikomhnak lawngin hmuhkhawhmi asi. Amen... Thlarau he hawikomhnak nih achuahtermi cu Lunglawmhnak asi...


Thlacamnak nun na ngeihlo ahcun zeitik hmanh ah lunglawmhnak tling na hmu lai lo i lungsaunak nun zong na ngeih bal lai lo. Mah nih ahrin dingmi cu Thintawinak lawng asi ko lai... Thlacamnak in Thiang Thlarau he hawikomhnak nih lunglawmhnak ahrin, Lunglawmhnak nih thintawinak azamter i thintawinak azam tikah lungsaunak cu kanmah ta asi. Amen…


Lunglawmhnak nih na hmai an panhter lai....

Hmaipanhnak hnak in thuk deuhmi cu lunglawmhnak hi asi..

Hmaipanhnak nih lunglawmhnak an phanhpi lai lo..

Lunglawmhnak tu nih hmaipanhnak an phanhpi lai..

Lunglawmhnak phak zungzal khawhnak cu Thiang Thlarau he hawikomh zungzalnak lawng in na hmuh khawh ve mi asi.. Amen.. Johan 15:16

Labels:

Comments

Post a Comment

Popular posts from this blog

“Pathian Pennak Sullam.”

Vawlei cung hmunzakip ah a ummi ka miphun vialte hna Bawipa nih nan umnak hmun cioah Amah dawtnak thukpi in intheihter chin hna sehlaw biathli in ruah cio ko hna seh. Atu i Thawngṭha ka ṭialmi Pathian Pennak chungah na lut cang maw? timi hi fak deuh in rak ka ruahpi ve tiah kan sawm. Pathian Pennak chungah na lut cang maw timi biahalnak hi va luh dingmi khi halduhmi cu asi nain a taktak le ngaingai ah cun kan thinlung chungah ngeih dingmi tu hi a rak si deuh. Biatak cu Pathian Pennak hi tuahṭuannak in le nunthiannak men in kan hmuhkhawhmi asi hrimlo ti hi voi tampi chim ka duh. Pathian Pennak kan luhkhawhnak dingah cun lamkhat lawng aum i cucu Jesuh Khrih zumhnak thawng lawng bak in asi ko. Pathian Fapa Jesuh Khrih kan zumhnak thawngin Ti le Thlarau in kan hrinṭhan lawnglawng ah Pathian Pennak chungah kan lut kho ti hi fakpi in chim ṭhan ve ka duhmi asi. Bawipa Jesuh nih a timi cu ka Pa nih tuah hna seh ti a duhmi a tuahmi lawnglawng an lut lai tiah a ti taktak. Cucu tuahnak biafan...
Post a Comment
Read more

"NUNNAK."

JESUH CU NUNNAK ASI (John 14:6) Minung vialte nih kan herhbikmi hi “Nunnak”, asi. Tulio i kan kawl, kan ṭ uanmi tampi hna zong hi nun duh ah an rak si i Kan pum in dam kan duh lengmang mi zong hi nun kan duh caah asi. Thuk deuh in kan rak ruahlomi cu Nunnak maw abiapi deuh? Damnak dah abiapi deuh timi kong hi asi. Na dam ruangah na nun si loin na nun rih ruangah damnak na herh asi deuh. Damnak cu anungmi nih kan herhmi asi i athimi caah cun damnak aherhnak a um ti loh. Cubantuk in Khamhnak zong hi taksa in anung rihmi le Thlarau in athimi hna ca i sualnak thianhpiak, Sualman leiba champiak le sualnak chungin luatnak thawngin khamhnak kan hmuhnak ding caah Khamh kan herh arak si ve. Khamhnak kan ti lengmang mi cu sualnak ruangah Pathian thinhunnak in aluangmi dantatnak kan in dingmi chungin kan luat khawhnak ding caah Jesuh Khrih thisen in sual ngaihthiamnak kan hmuhnak ding caah tuahpiakmi le sualnak chungin luatternak thawngin sualnak sal kan si tinak hnga lo caah asi. Sualnak sal kan...
1 comment
Read more

Sazuk nih rial tidai a ngaih bang in ka nun nih Bawipa an ngai

Sazuk nih rialtidai a ngaih bangin kei ka nun zong nih Bawipa an ngai. Minung hi Pathian he kan i peh hnuah cun Bawipa he nunti le umtti hi a nuamh theih tuk asi, kan ti a hal tuk caan i ti kan din i kan di ariam bantukin Thlarau in Bawipa he hawi komhnak kan ngeih caan le Thlarau in kan khah caan i Bawipa kan thangtthat tikah sazuk bangin Thlarau nun in kan di ariam taktak ve. Minung hi sualnak he kan i tthen kho tawn lo i sualnak kan tuah tikah le Thlarau rawl ei loin le lungthin takin thla cam loin caan sau kan um tikah kan nun a hul i Thlarau ti le rawl ka hal tuk tawn. Pathian nih a kan hlat si loin kanmah tu nih kan hlat a rak si. Kan nun a hul deuhdeuh i kan dar a car deudeuh tikah cun a celh in kan celh lo lio caan theng teah Nunnak ti asimi Thlarau ti le rawl lei panh in sual phuannak kan neih tikah Bawipa nih thangthat lawmhnak a kan pek tthan i sazuk nih rialti dai a din i a di riamh bangin Thlarau ti le rawl in kan di a rian ve tawn. A taktak le ngaingai tiah cun a zungzal...
Post a Comment
Read more