Nunnak Petu Thawngṭha

M inung tampi nih Jesuh Khrih hi Baibal kan relnak thawngin le Thawngṭha chimtu nih an chimmi thawngin a kong cu kan theih taktak ko nain a tak in Amah kan hngalh khawhnak ding cu Thiang Thlarau thawng lawnglawng in asi. Jesuh Khrih hrimhrim nih achimmi cu Thiang Thlarau nih Keimah kong kha an chimh hna lai tiah a kan cahtak. Thiang Thlarau lawng nih Jesuh Khrih hi fiang tein a kan hngalhter.. Thiang Thlarau na ngeihlo ahcun Jesuh Khrih na hngal taktak bal lai lo... Jesuh Khrih kong theih le Amah hngalh cu aa dang ngaingai.. Jesuh Khrih hngalh na duh taktak ahcun Thiang Thlarau na ngeih ahau i Thiang Thlarau na ngeih khawhnak ding ahcun Jesuh Khrih Thawngṭha na zumh ve aherh.  Jesuh Khrih Thawngṭha na zumh hnu ah na nunnak dihlak in Jesuh Khrih hi Khamhtu le Bawipa na ser i  na sualnak naa ngaihchih bak aherh, sual ngaihchih timi cu ka palhtuk e, ka sualtuk e timi ṭah lawng hi silo in sual naa ngaihchihnak taktak cu sualnak vialte mertak dih hi asi i cucu Bawipa nih aduhmi le ...

D ISCIPLES taktak cu Amah duhnak tlinter duh ah Jesuh zulmi si loin azulhmi Jesuh duhnak tlinter dingah azulhmi asi... Jesuh duhnak tlintertu dingah zultu na si ahcun zultu taktak tampi hringtu na si ko lai. Pale aṭhami nih fale aṭhami ahrin ve bang... Bawipa duhnak tlinter ka ti tikah Bawipa nawlngaih hi ka chim duhmi asi. Bawipa nawlngaih khawhnak ding ahcun Bawipa duhnak hngalh aherh, Bawipa duhnak hngalhnak ding ahcun Thiang Thlarau he thlacamnak in hawikomhnak ngeih aherh, Thiang Thlarau he thlacamnak in hawikomhnak ding ahcun Pathian fa si aherh, Pathian Fa si khawhnak ding ahcun Jesuh Khrih hi Bawipa le Khamhtu ah ser lawng silo in sualmertaknak in sualngaihchih aherh, Jesuh Khrih zumh le cohlannak thawngin Pathian fa kan si i Pathian fa kan si hnu ah Baibal relnak siseh, rawlulh le thlacamnak in siseh Thawngṭha ngeihnak in siseh Thiang Thlarau he thlacam hawikomhnak ngeih dingin kan kawl aherh. Bawipa he hawikomhnak ngeih dingin kan kawl tik lawnglawng ah aduhnak kan hngalh lai...

V awlei cungah hin harsatnak le retheihnak, lungre theihnak, thluak buainak tonlo in tlamtlinnak taktak le thluachuahnak taktak hmuhkhawh asi hrimhrim lo timi hi biatak bak asi. 1. Pathian Fa kan si khawhnak ding zongah hin Jesuh Khrih nih kan caah anunnak a kan pekpiak.. 2. Fanu/fapa thluachuah zong hi hringtu nule nih thlakua in thlahra karlak tiang an pawi hna i harsa taktak in an kan hrinpiak hna.. 3. Thlarau in thluachuahnak siseh zumhngamnak in nun kan cawnnak ah siseh thluachuahnak kan hmuhmi vialte zong hi kan zumh timi tiang lawng silo in zumhnak in Pathian kan hngah hnu ah harnak le lungretheihnak, lungawṭawmnak tampi kan ngeih hnu ah Pathian zumhtlak asinak taktak kan hmuh tawn. Pathian zumhtlak asinak kan hmuhnak dingah hin ralṭhatnak nun a kan cawnpiak hmasa i ralṭhatnak nun a kan cawnpiak tikah harnak kan tonmi, lungre theihnak kan tonmi,thluak buainak kan tonmi bawmlo in a kan um tawn. Zumhnak nun cawnnak ah ral ṭhatnak ahringtu taktak cu tlamtlingnak chung hnak in tlamt...

M inung vialte nih hin ruahchannak ngei in nung zungzal ding hi Bawipa nih a kan duhpiakmi asi. Ruahchannak angeitilomi paoh cu lungdonghnak in an caan an hmang tawn.. Ruahchannak tling taktak ngeihkhawh zungzalnak ding ahcun Bawipa nih an tinhpiakmi le an fialmi rian na hngalhnak hin asi zungzal lai.. Jesuh Khrih nih Kei ka rawl thawbikmi cu Pathian duhnak tuah le fialmi rianlim hi asi ati. Bawipa nih an fialmi rianlim le duhnak zulh lawng hi lawmhnak tling taktak le ruahhannak taktak cu asi. Nifate zeibantuk ruahchannak ngei in dah na nun? Vawlei thilri ruahchannak ngei in na nun ahcun na thillung le na ruahnak hi Bawipa ta asi lo timi cu afiang. Sihmanhsehlaw na thinlung le na ruahnak hi Thlarau duhnak nih auk ahcun zungzal nunnak asi ko.. Na thinlung le na ruahnak hi Thlarau nih auk ahcun naa ruahchannak nganbikmi hi Bawipa duhnak zulh le fialmi rianlim asi ko lai. Na thinlung le na ruahnak nih Bawipa duhnak zulh le fialmi rianlim hi naa ruahchanbikmi asi ko ahcun naa lawmhnak bik ...

P athian ṭih hi fimnak hramthoknak, hngalhnak hramthoknak le fimnak asi timi cu Baibal nih fian tein a kan chimhmi asi.. Pathian aṭihzahmi hi cu Bawipa nih acawisan zungzal hna i upatmi le ṭihzahmi le bochanmi ah an i chuahdih ko timi cu Baibal chungin siseh nihin kan hmuh cuahmahmi in siseh hmuhkhawh le chim khawh asi ko. Pathian aṭihmi hi cu Pathian fa asimi lawng kan si i Pathian kan ṭihnak kan langhter ning cu aduhnak zulh le fialmi rian kan zulhnak in anawl kan ngaihnmi kan langhter ning hin asi... Bawipa ṭih cu anawl ngaih hi asi ko i Bawipa nawlngaimi cu kan herh ning in fimnak le hngalhnak zong a kan pek taktak ko. Amen. Bawipa min thangṭhat chin si ko seh.. Pathian ṭih kan timi cu zeicem hi dah asi hnga? Pathian ṭih timi hi zumlotu nih ṭihmi khi chimduhmi silo in Amah azummi le abiami nih ṭihnak hi chimduhmi cu asi. Ṭih ciocio ah hin a kan hrawh lai timi ṭihnak le alung kan fahter sual lai timi ṭihnak cu tampi aidang. Lungfahter sianlo cu dawt taktak le ṭihzah le upat ruangah ...

J esuh Khrih thihnak in athawh hnu, zultu sin i voithumnak ailangh ah Peter ahalmi bia asi. Jesuh Khrih na zumh hnu ah na sinah voikhat tal ailangh bal ve maw? Ailangh ahcun zei bia dah an chimh ve i zeidah an fial ve? Jesuh Khrih nih Peter bia ahal le rian afial hi athih hlan ah silo in thihnak in athawh ṭhan hnu ah asi. Biatak cu Jesuh Khrih na zumh taktak i thlacamnak he na hngah peng ko ahcun an ton ve hrimhrim ko lai.. Jesuh Khrih nih Peter aduhpiakmi cu amah le amah thazang lak lawng silo in tuufa cawm, tuu cawm le tuu zohkhenh hi asi. Tuufa cawm, tuu dang cawm, tuu zohkhenhnak ding ahcun an cawmmi hna tuu le an zohkhenhmi hna tuu hnak in an ṭhawng deuh awk le thlarau in an rum deuh awk asi.. Nihin Pathian fa aitimi hna cu midang cawm chimlo kanmah le kanmah hmanh kan i cawm kho lo.. Tuufa zong na si ko lai nain na ṭhan ve cang awk asi.. Tuu cawm haumi na si zongah na ṭhang ve i tuu dang cawmtu na si ve awk asi.. Zohkhenh ahaumi tuu zong na rak si ko lai nain na ṭhang ve i tuu da...