RETHEIHNAK TELLO IN THLUACHUAHNAK HMUHKHAWH ASI LO...

Vawlei cungah hin harsatnak le retheihnak, lungre theihnak, thluak buainak tonlo in tlamtlinnak taktak le thluachuahnak taktak hmuhkhawh asi hrimhrim lo timi hi biatak bak asi. 
Pathian Fa kan si khawhnak ding zongah hin Jesuh Khrih nih kan caah anunnak a kan pekpiak..
Fanu/fapa thluachuah zong hi hringtu nule nih thlakua in thlahra karlak tiang an pawi hna i harsa taktak in an kan hrinpiak hna..
Thlarau in thluachuahnak siseh zumhngamnak in nun kan cawnnak ah siseh thluachuahnak kan hmuhmi vialte zong hi kan zumh timi tiang lawng silo in zumhnak in Pathian kan hngah hnu ah harnak le lungretheihnak, lungawṭawmnak tampi kan ngeih hnu ah Pathian zumhtlak asinak taktak kan hmuh tawn. Pathian zumhtlak asinak kan hmuhnak dingah hin ralṭhatnak nun a kan cawnpiak hmasa i ralṭhatnak nun a kan cawnpiak tikah harnak kan tonmi, lungre theihnak kan tonmi,thluak buainak kan tonmi bawmlo in a kan um tawn. Zumhnak nun cawnnak ah ral ṭhatnak ahringtu taktak cu tlamtlingnak chung hnak in tlamtlinglonak chung kan luhnak hin ralṭhatnak ahrin deuh.
Chawca rumnak zong hi takpum in siseh thinlung le thluak in siseh retheihnak le can tampi pek hnu lawngah hmuhkhawhmi asi ve.. Fawituk in rumnak le rangtuk in rumnak vialte cu thluachuakmi rumnak asi ballo i cansau zong anguhbalmi rumnak asi ballo.
Pum in harsatnak le lungretheihnak, thluakbuainak hnu leiah thluachuahnak takak cu hmuhkhawhmi asi..

Thazang pekduhmi cu: Nihin i na tonmi harnak le lungretheihnak, thluak buainak hnulei ah hin Pathian nih nangmah le na innchungkhar caah aṭhabikmi thluachuahnak an chiahpiak caah asi. Na hmaika ah harnak vanpang hnulei ah thuhmi rothil taktak thluachuahnak cu aum. Thuhmi rothil taktak ngeihkhawhnak dingah hin cun ngeihmi vialte le sining vialte hi tlakta le sunghta zong ahau kho men. Amen.. Bawipa Pathian hi zungzal in zumhawktlak Pathian asi zungzal ko. Amen...

Vancung pennak chung zongah hin harnak tampi kan ton ko lai, harnak tampi kan ton ruangah vancung pennak chungah kan luh silo in harnak tampi kan ton cu Pathian nih thluachuahnak tampi pek a kan duh caah asi.. Zeibantuk thluachuahnak hmanh caan tawite i hmuhmi le retheihnak tampi umlo in hmuhmi paoh cu cansau anguhmi asi bal lo.. Reitheihnak le lungretheihnak, harnak pinlei ah thluachuahnak aum zungzal...
Matthai 13:45
“Vancung Pennak cu lungvar aṭha phun akawlmi pa bantuk asi fawn. 46 Aṭha ngaingaimi kha ahmuh tikah akal i angeihmi thil vialte kha azuar i cu lungvar cu acawk.”
Lamkaltu 14:22
Zumtu hna kha thazang an pek hna i nan zumhnak ah khan fek tein hmun ko u, tiah an forh hna. “Pathian Pennak chung luh awkah hin harnak tampi kan ton a hau,” tiah an cawnpiak hna.

Comments

“Pathian Pennak Sullam.”

Vawlei cung hmunzakip ah a ummi ka miphun vialte hna Bawipa nih nan umnak hmun cioah Amah dawtnak thukpi in intheihter chin hna sehlaw biathli in ruah cio ko hna seh. Atu i Thawngṭha ka ṭialmi Pathian Pennak chungah na lut cang maw? timi hi fak deuh in rak ka ruahpi ve tiah kan sawm. Pathian Pennak chungah na lut cang maw timi biahalnak hi va luh dingmi khi halduhmi cu asi nain a taktak le ngaingai ah cun kan thinlung chungah ngeih dingmi tu hi a rak si deuh. Biatak cu Pathian Pennak hi tuahṭuannak in le nunthiannak men in kan hmuhkhawhmi asi hrimlo ti hi voi tampi chim ka duh. Pathian Pennak kan luhkhawhnak dingah cun lamkhat lawng aum i cucu Jesuh Khrih zumhnak thawng lawng bak in asi ko. Pathian Fapa Jesuh Khrih kan zumhnak thawngin Ti le Thlarau in kan hrinṭhan lawnglawng ah Pathian Pennak chungah kan lut kho ti hi fakpi in chim ṭhan ve ka duhmi asi. Bawipa Jesuh nih a timi cu ka Pa nih tuah hna seh ti a duhmi a tuahmi lawnglawng an lut lai tiah a ti taktak. Cucu tuahnak biafan...

"NUNNAK."

JESUH CU NUNNAK ASI (John 14:6) Minung vialte nih kan herhbikmi hi “Nunnak”, asi. Tulio i kan kawl, kan ṭ uanmi tampi hna zong hi nun duh ah an rak si i Kan pum in dam kan duh lengmang mi zong hi nun kan duh caah asi. Thuk deuh in kan rak ruahlomi cu Nunnak maw abiapi deuh? Damnak dah abiapi deuh timi kong hi asi. Na dam ruangah na nun si loin na nun rih ruangah damnak na herh asi deuh. Damnak cu anungmi nih kan herhmi asi i athimi caah cun damnak aherhnak a um ti loh. Cubantuk in Khamhnak zong hi taksa in anung rihmi le Thlarau in athimi hna ca i sualnak thianhpiak, Sualman leiba champiak le sualnak chungin luatnak thawngin khamhnak kan hmuhnak ding caah Khamh kan herh arak si ve. Khamhnak kan ti lengmang mi cu sualnak ruangah Pathian thinhunnak in aluangmi dantatnak kan in dingmi chungin kan luat khawhnak ding caah Jesuh Khrih thisen in sual ngaihthiamnak kan hmuhnak ding caah tuahpiakmi le sualnak chungin luatternak thawngin sualnak sal kan si tinak hnga lo caah asi. Sualnak sal kan...

"BIATAK."

Biatak timi cu biachimmi biataknak le tuahnak i fakpi alangmi khi biatak asi ve ko nain chunglei ah hmuhkhawhlomi biatak kha lenglei kan tuahnak in a hunglangmi tu khi asi deuh. Tuahnak in a hunglangmi ka ti tikah tuahnak paoh khi biatak an si ka ti duhnak siloin na chunglei ah aummi biatak kha tuahnak in na langhter tikah na chunglei ah aummi biatak he aikhat in na tuahmi khi biatak ka timi cu asi. Biatak le dawtnak hi hmuhkhawhlomi chunglei ah aithupmi veve an si i an kalning le an sining ailo ngai. Dawtnak le biatak hi lenglei tuahnak cungah aihngatmi siloin dawtnak he chungleiin aithawkmi an si i lenglei langhtermi tuahnak tiangah dawtnak taktak le biatak in chunglei umning in rianlimtu khi an si. Biachim i biataknak le tuahnak i biataknak vialte hi biatak i theitlai tu an si deuh. Sihmanhsehlaw Kaa in biatak achimmi tampi kan um nain nun in ai biataklomi tampi kan um ve. Baibal nih biatak ati lengmang mi tu cu kaa le tuahnak hlan ah nunnak ah biatak ngeihtu hi biatak atimi cu asi....

Nunnak Petu Thawngṭha

Search This Blog