Skip to main content

THIANG THLARAU LO CUN

Minung tampi nih Jesuh Khrih hi Baibal kan relnak thawngin le Thawngṭha chimtu nih an chimmi thawngin a kong cu kan theih taktak ko nain a tak in Amah kan hngalh khawhnak ding cu Thiang Thlarau thawng lawnglawng in asi. Jesuh Khrih hrimhrim nih achimmi cu Thiang Thlarau nih Keimah kong kha an chimh hna lai tiah a kan cahtak. Thiang Thlarau lawng nih Jesuh Khrih hi fiang tein a kan hngalhter.. Thiang Thlarau na ngeihlo ahcun Jesuh Khrih na hngal taktak bal lai lo... Jesuh Khrih kong theih le Amah hngalh cu aa dang ngaingai.. Jesuh Khrih hngalh na duh taktak ahcun Thiang Thlarau na ngeih ahau i Thiang Thlarau na ngeih khawhnak ding ahcun Jesuh Khrih Thawngṭha na zumh ve aherh. 

Jesuh Khrih Thawngṭha na zumh hnu ah na nunnak dihlak in Jesuh Khrih hi Khamhtu le Bawipa na ser i  na sualnak naa ngaihchih bak aherh, sual ngaihchih timi cu ka palhtuk e, ka sualtuk e timi ṭah lawng hi silo in sual naa ngaihchihnak taktak cu sualnak vialte mertak dih hi asi i cucu Bawipa nih aduhmi le alawmhmi sual ngaihchihnak asi... Sualngaihchih taktak cu sualnak mertak thai hi asi...

Jesuh Khrih nih a thisen in vailam cung i cawknak thawngin Amah ta bak ka si timi na zumh hnu ah Amah ta bak na sinak afehtertu Thiang Thlarau in hrin na si lai, Thiang Thlarau in hrin na si hnu lawngah na caah athimi taktak hi na hngalh khawh ve taktak lai. Thiang Thlarau(Khrih Thlarau) na ngeihlo ahcun Khrih ta na si lo.. Jesuh Khrih ta bak na sinak afehtertu cu Thiang Thlarau na ngeihnak hin asi. Jesuh Khrih hngalh khawh ve taktaknak cu Amah tonnak le Thiang Thlarau nih an chimhnak thawng lawngin asi... Thiang Thlarau na ngeih taktak lawngah Khrih ta na si i Thiang Thlarau na ngeih lawngah Jesuh Khrih hi na hngalh khawh taktak lai.... Amen....
Johan 15:26
“Ka Pa sinin a rami Bawmtu, biatak Phuangtu Thlarau cu a ra lai. Ka Pa sinin nan sinah ka rak thlah lai i keimah kong kha an chimh hna lai.
26 “When the Advocate comes, whom I will send to you from the Father—the Spirit of truth who goes out from the Father—he will testify about me.
Labels:

Comments

Post a Comment

Popular posts from this blog

“Pathian Pennak Sullam.”

Vawlei cung hmunzakip ah a ummi ka miphun vialte hna Bawipa nih nan umnak hmun cioah Amah dawtnak thukpi in intheihter chin hna sehlaw biathli in ruah cio ko hna seh. Atu i Thawngṭha ka ṭialmi Pathian Pennak chungah na lut cang maw? timi hi fak deuh in rak ka ruahpi ve tiah kan sawm. Pathian Pennak chungah na lut cang maw timi biahalnak hi va luh dingmi khi halduhmi cu asi nain a taktak le ngaingai ah cun kan thinlung chungah ngeih dingmi tu hi a rak si deuh. Biatak cu Pathian Pennak hi tuahṭuannak in le nunthiannak men in kan hmuhkhawhmi asi hrimlo ti hi voi tampi chim ka duh. Pathian Pennak kan luhkhawhnak dingah cun lamkhat lawng aum i cucu Jesuh Khrih zumhnak thawng lawng bak in asi ko. Pathian Fapa Jesuh Khrih kan zumhnak thawngin Ti le Thlarau in kan hrinṭhan lawnglawng ah Pathian Pennak chungah kan lut kho ti hi fakpi in chim ṭhan ve ka duhmi asi. Bawipa Jesuh nih a timi cu ka Pa nih tuah hna seh ti a duhmi a tuahmi lawnglawng an lut lai tiah a ti taktak. Cucu tuahnak biafan...
Post a Comment
Read more

"NUNNAK."

JESUH CU NUNNAK ASI (John 14:6) Minung vialte nih kan herhbikmi hi “Nunnak”, asi. Tulio i kan kawl, kan ṭ uanmi tampi hna zong hi nun duh ah an rak si i Kan pum in dam kan duh lengmang mi zong hi nun kan duh caah asi. Thuk deuh in kan rak ruahlomi cu Nunnak maw abiapi deuh? Damnak dah abiapi deuh timi kong hi asi. Na dam ruangah na nun si loin na nun rih ruangah damnak na herh asi deuh. Damnak cu anungmi nih kan herhmi asi i athimi caah cun damnak aherhnak a um ti loh. Cubantuk in Khamhnak zong hi taksa in anung rihmi le Thlarau in athimi hna ca i sualnak thianhpiak, Sualman leiba champiak le sualnak chungin luatnak thawngin khamhnak kan hmuhnak ding caah Khamh kan herh arak si ve. Khamhnak kan ti lengmang mi cu sualnak ruangah Pathian thinhunnak in aluangmi dantatnak kan in dingmi chungin kan luat khawhnak ding caah Jesuh Khrih thisen in sual ngaihthiamnak kan hmuhnak ding caah tuahpiakmi le sualnak chungin luatternak thawngin sualnak sal kan si tinak hnga lo caah asi. Sualnak sal kan...
1 comment
Read more

"BIATAK."

Biatak timi cu biachimmi biataknak le tuahnak i fakpi alangmi khi biatak asi ve ko nain chunglei ah hmuhkhawhlomi biatak kha lenglei kan tuahnak in a hunglangmi tu khi asi deuh. Tuahnak in a hunglangmi ka ti tikah tuahnak paoh khi biatak an si ka ti duhnak siloin na chunglei ah aummi biatak kha tuahnak in na langhter tikah na chunglei ah aummi biatak he aikhat in na tuahmi khi biatak ka timi cu asi. Biatak le dawtnak hi hmuhkhawhlomi chunglei ah aithupmi veve an si i an kalning le an sining ailo ngai. Dawtnak le biatak hi lenglei tuahnak cungah aihngatmi siloin dawtnak he chungleiin aithawkmi an si i lenglei langhtermi tuahnak tiangah dawtnak taktak le biatak in chunglei umning in rianlimtu khi an si. Biachim i biataknak le tuahnak i biataknak vialte hi biatak i theitlai tu an si deuh. Sihmanhsehlaw Kaa in biatak achimmi tampi kan um nain nun in ai biataklomi tampi kan um ve. Baibal nih biatak ati lengmang mi tu cu kaa le tuahnak hlan ah nunnak ah biatak ngeihtu hi biatak atimi cu asi....
Post a Comment
Read more