PATHIAN ṬIH (FEAR GOD)

Pathian ṭih hi fimnak hramthoknak, hngalhnak hramthoknak le fimnak asi timi cu Baibal nih fian tein a kan chimhmi asi.. Pathian aṭihzahmi hi cu Bawipa nih acawisan zungzal hna i upatmi le ṭihzahmi le bochanmi ah an i chuahdih ko timi cu Baibal chungin siseh nihin kan hmuh cuahmahmi in siseh hmuhkhawh le chim khawh asi ko. Pathian aṭihmi hi cu Pathian fa asimi lawng kan si i Pathian kan ṭihnak kan langhter ning cu aduhnak zulh le fialmi rian kan zulhnak in anawl kan ngaihnmi kan langhter ning hin asi... Bawipa ṭih cu anawl ngaih hi asi ko i Bawipa nawlngaimi cu kan herh ning in fimnak le hngalhnak zong a kan pek taktak ko. Amen. Bawipa min thangṭhat chin si ko seh..

Pathian ṭih kan timi cu zeicem hi dah asi hnga? Pathian ṭih timi hi zumlotu nih ṭihmi khi chimduhmi silo in Amah azummi le abiami nih ṭihnak hi chimduhmi cu asi. Ṭih ciocio ah hin a kan hrawh lai timi ṭihnak le alung kan fahter sual lai timi ṭihnak cu tampi aidang. Lungfahter sianlo cu dawt taktak le ṭihzah le upat ruangah asi.. Pathian ṭih timi sullam taktak cu Pathian nih fialmi rian tuah le zulh hi asi. Phundang in chim ahcun Bawipa nawlngaih hi asi i Bawipa nawlngaih timi cu Bawipa nih a kan fialmi le tuah hna seh ti a kan duhmi hngalhmi kha Bawipa dawtnak le upat ṭihzahnak he tuah le zulh kha nawlngaih timi cu asi.

Pathian nih Abraham sinah na fapa ngaihchun Isaac hi Moriah tlang cungah raithawinak in ka pe law timi arak hal tikah ello tein arak pek taktak.. Abraham nih anunnak taktak cu ape manhlo nain Pathian thinlung ahcun apek taktak in hmu sehlaw cu ko cu alo.. Cucaah Bawipa nih Abraham sinah atimi cu atu cu Pathian na ṭih taktak timi cu ka hngalh cang, zeicah tiah na fapa ngaihchun hmanh pe sianlo in na ka umlo caah tiah ati.

Pathian ṭih timi sullam taktak cu Pathian nih fialmi rian ṭuan le zulh hi asi. Phundang in chim ahcun Bawipa nawlngaih hi asi i Bawipa nawlngaih timi cu Bawipa nih a kan fialmi rian le tuah hna seh ti a kan duhmi hngalhmi kha Bawipa dawtnak le upat, ṭihzahnak he tuah le zulh kha nawlngaih timi cu asi. Biatak cu Bawipa nawlngaih khawhnak ding ahcun Bawipa fialmi rian le duhnak hngalh ve ahau, Bawipa duhnak le fianmi rian hngalh khawhnak ding ahcun Jesuh Khrih zumh thawgin Pathian fa kan si hmasa aherh ve. Pathian fa kan si hnu ah Bawipa fialmi rian le aduhnak kan hngalh khawhnak hnga, thlacamnak in Thiang Thlarau he hawikomhnak ngeihkhawhnak hnga hngah lengmang ahau. Thiang Thlarau he atak in hawikomhnak na ngeih lengmang ko ahcun Bawipa nih an fialmi le aduhnak cu duhsah duhsah in na hngalh ko lai i cucu Bawipa duhnak tuahnak tuah le fialmi rianlim cu naa lawmhbikmi asi ko lai. Bawipa fialmi rianlim le duhnak zulhnak in nawlngaih hi Bawipa ṭih timi cu asi.

Genesis 22:12

“Do not lay a hand on the boy,” he said. “Do not do anything to him. Now I know that you fear God, because you have not withheld from me your son, your only son.”

12Vancungmi nih cun, “Ngakchiapa kha fahnak zeihmanh pe hlah, a cungah zeihmanh zong tuah fawn hlah. Fapa pakhat lawngte na ngeihmi hmanh pek sian loin na ka um lo caah Pathian nawl ngaih cu na duh ngaingai ti kha ka hngalh,” tiah a ti.