THIH TIANG ZUMH AN TLAK

Jesuh Khrih Nih Thiang Thlarau A Kan Toih Hnu Zultu, Pathian Fale Cu Thih Tiangin Zumhtlakin An Rak Nung.. Biakamhlun Pathian Arak Dawmi Hna Cu An Tlu, Thih Tiang Zumh Atlakmi An Tlawm Timi Hi Hmuhkhawh asi Nain Biakamthar Jesuh Khrih Thihnak In Thawhṭhan Hnu Le Thiang Thlarau Toihmi Pathian Fale Hi An Nunnak Pek Tiangin Zumhawk An Rak Tlak Taktak Tihi Biatak Asi. Nangmah Le Keimah Zong Kan Chungah Pathian, Thiang Thlarau Aummi Thawngin Zumhtlak Kan Si Ve Ko Lai. Ahleiin Kan Hmuhkhawhmi Hna Lamkaltu Hna Hi Cu An Zummi Bawipa Cungah Le Pathian Fale Kan Ca Vialte Ah An Nunnak An Pek I An Thih Tiang Zumhtlak In An Rak Nung I Zohchunhtlak Taktak An Rak Si. Sualnak Na Tuahkhawhrih Ko Ahcun Zumhawktlak Cu Na Si Bal Lai Lo I Zumhawktlak Na Silo Ahcun Bawipa Nih Cun An Umpi Bal Ve Lai Lo Timi Cu Biatak Asi Ko. Zumhawktlaklo Nupi/Va Aumpi Pengmi Cu An Um Bal Lai Lo.

Biatak Tein Chim Ka Duhmi Cu Biakamthar Zumtu, Pathian Fale Vialte Hi Cu Thih Tiangin Zumhtlak Kan Si Hrimhrim Ko Lai Timi Hi Asi. Aruang Cu Nangmah Ruangah Siloin Thiang Thlarau Na Chungah Aummi Nih Tluk Le Sual Hi An Sianh Naisailo Lawng Siloin Thiang Thlarau Ṭhawnnak Hi Sualṭhawnnak Hnakin Aṭhawn Deuh Caah le Jesuh Khrih Thisen Nih Sualnak In An Thianh Lawng Siloin Sualnak Chungin An Luatter Cang Caah Asi. Biatak Cu Pathian Chungah Hin Sualnak Aumlo Caah Asi. Thawngṭha Chimtu Nih Sual Kan Tuah Kho Rihko Atimi Hi Rak Izumh Hlah, Sualnak Tuahkhomi le Tuahawnhmi Kan Si Tilo i Sualnak Cu Teipiak le Lakpiak Kan Si Cang Timi Hi Nawlhchih In Theihter Kan Duh Ṭhan. Na Hrinṭhan Ko Ahcun Sualnak Chung Ahcun Na Pil Bal Ti Lailo.. Minung Hi Atlingmi Kan Silo Caah Kan Sual Kho Rihko Timi Azummi Na Si Ahcun Sualnak Nih An Tei Taktak Men Ko Lai Nain Thiang Thlarau Chungah Sualnak Aumlo Timi le Sualnak Hnakin Thiang Thlarau Aṭhawng Deuh Timi Na Zumh Ko Ahcun Sualnak Nih Cun An Tei Bal Lai Lo I Na Thih Tiang Na Ca I Anunnak Pekin Athimi Bawipa Jesuh Cungah Zumhtlak Hrimhrim Na Si Ko Lai…

Na Hrinṭhan Hnu Ah Sualnak Na Tuahrih Ko Lai, Sualnak Kan Tuah Peng Rihko, Minung Cu Atlingmi Kan Umloh, Timi Cawnpiaknak Na Zumh Bak Ahcun Ka Lo Cang Timi Rak I Hngalh. Aruang Cu Bawipa Jesuh Cungah Zumhawk Na Tlak Bal Ti Lai Lo. Nupi/Va Na Ngeih Ni Bak Ah Thawngṭha Chimtu Nih Vawlei Cungah Nupi/Va Hi Thih Tiang Zumhawktlakmi Pakhat Hmanh An Umlo I Nannih Zong Hi Nudang Duh, Padang Duh In Nan I Ṭhen Ve Te Ko Lai Timi Khi Chim Sehlaw Zeitindah Na Ruah Hnga?

Jeim Zong A Nunnak Pek Tiangin Jesuh Khrih Caah Zumhawktlak Asi ko. Lamkaltu Vialte Nih An Biakmi Bawipa Caah An Nunnak Pek in An Thih Tiang Zumhawk An Tlak Ko. Stephen Zong Thilak In Lung In An Cheh Tiang Zumhawk Atlak Lawng hmanh  Siloin Lung Acheptu Hna Caah Ngaihthiam Halpiaktu Asi. Biatak Tein Chim Ka Ngamhmi Cu Jesuh Khrih Thihnak In Thawh Hnu Thiang Thlarau Toihmi Pathian Fale Hi An Thih Tiang Zumh An Rak Tlak Bak Ko Caah Hin Nangmah Le Keimah Zong Kan Bawipa Cungah Kan Thih Tiang Thiang Thlarau Ṭhawnnak Le Bawmhnak Thawngin Zumh Kan Tlakbak Ve Ko Lai. Nupi Le Va Kan Ngeih Hmanh Ah Zumhawktlak Nun Dingin Pei Kan I Umh i Bia Kan I Kamh Hi. Zumhawk Atlaklo Dingmi Nupi Le Va Angei Dingmi Cu Kan Um Lai Ka Zum Lo. Na Nupi/Na Va Nih Thih Tiang Na Cungah Zumhawk Ka Tlak Lai Kaa Zumloh An Ti Ahcun Zumhawk Atlak Bal Lai Lo Nain Zumhawk Ka Tlakbak Lai Ati Ahcun Na Caah Thih Tiang Zumhtlak Asi Ko Lai. Ka Nupi Khun Khun Nu Cungah Hin Ka Thih Tiang Zumhawk Ka Thlak Zungzal Ko Lai. Khun Khun Nu Cung Hmanh Ah Zumhtlak Sinak Kaa Thim Ahcun Bawipa Cung Ahcun Kaa Thim Chinchin Awk Pei Asi Cu.. Biatak Cu Keimah Thimnak Le Zuamnak Hnakin Thiang Thlarau Umpinak Le Bawmhnak Thawngin Zumhawk Ka Tlak Hrimhrim Ko Lai Timi Hi Ka Chim Duh Deuhmi Cu Asi. Bawipa Jesuh Khrih Nih Amah Cungah Zumhawktlak Kan Sinak Dingah Hin Kanmah Ṭhawnnak Bochanlo In Amah Thiang Thlarau Ṭhawnnak Tu Bochan In Zumhawk Kan Tlak Lai Cu Ahngalh Ko.

Pathian Fale Vialte Caah Kan Hmasabik Athih Tiang Pathian Caah Zumhawktlak Cu Bawipa Jesuh Khrih Hi Asi. Jesuh Khrih Hi Na Nunnak Dihlakin Na Zumh I Na Cohlan Ko Ahcun Thiang Thlarau Na Hmu(Pek) Na Si Lai i Jesuh Khrih Thawng Le Thiang Thlarau Na Chungah Aummi Thawngin Thih Tiang Bawipa Caah Zumhawktlak Na Si Ko Lai. Nangmah Nih Thih Tiang Bawipa Caah Zumhawktlak Na Sinak Nih Nangmah Bantuk Pathian Fale Vialte Caah Thazang An I Laknak Na Si Hi Zeitikhmanh Ah Philhhlah Law Thih Tiang Zohchunhtlak Nun An Ngeihkhawhnak Dingah Bawmtu Na Si Hi Rak Philh Hhrimhrim Hlah.. Bawipa Jesuh Khrih Zong Thih Tiang Zumh Atlak, Lamkaltu Vialte Zong An Thih Tiang Zumh An Tlak I Nangmah Le Keimah Pathian Fale Vialte Zong Jesuh Khrih Nih Athisen In Sualthianh Le Sualnak In Luattermi Kan Si Lawng Siloin Zeizong Vialte Asertu, Zeizong Vialte Hnakin Aṭhawng Deuhmi Thiang Thlarau Nih Umpimi le Umhnawhmi Kan Si Caah Zumhawk Kan Tlakbak Ve Cio Ko Lai. Amen.. Nihin Ni Tiang Thiang Thlarau Hruainak In Zumhawktlak Nun Ngeitu Ah A Kan Hruai Cuahmah Caah Bawipa Min Thangṭhat Chin Si Ko Seh . Amen..
Lamkaltu 12:2-3
Johan unau Jeim kha vainam in a thahter hna i ³hi nih hin Judah mi kha an lung a lawmhter hna ti kha a hmuh tikah Peter zong kha a tlaihter fawn hna. (Mah hihi Thilnu Phulh Lo Changreu Puai lioah khan a si).