Skip to main content

Khrih chungchuak taktak kan si maw? si lo? i theihnak

Dear Khrih chung chuak unau hna,
       Pathian bia in thazang thar latti than hna usih. Atang i Baibal hi tthen hnih ah ka rak tthen i khuazei lei deuh hoih in dah nang na nunning asi ve ti hi rak i check ve ding in kan sawm. Na taksa duh ning/minung duhning in na nun rih ah cun Pathian fa na si kho lo i Khamh mi zong na rak si rih loh ti hi ifiang cikcek hna usih. Keimah bia si loin Pathian bia asi i Amah duh ning in nun dingah kawh auh le khamhmi kan rak si. Amen! 

GALATI 5:17
Zeicahtiah kan minung sining nih a duhmi cu Thlarau nih a duhmi he khan aa ralchanh i Thlarau nih a duhmi cu kan minung sining nih a duhmi he khan aa ralchan. Annih pahnih cu ral an si, cu a sullam cu, tuah na duhmi kha na tuah kho lo, tinak a si.
GALATI 5:19
Minung sining nih a tuah tawnmi cu a fiang ko: nu le pa sualnak tehna, a thurhnawmmi thil tehna, aa dawhcah lomi thil tehna,
GALATI 5:20
siasal biak tehna le dawih le eih tehna hi an si. Pakhat le pakhat an i ral, an i do, an i nahchuah, an thin a hung anmah zawn cio lawng an ruat, an i ṭhen,
GALATI 5:21
ziar an i ngeih, zu an ri, an au an khuang i cu bantuk thil a dang tampi kha an tuah lengmang hna. Hmasa ah ralrin bia ka rak in chimh cang hna bantuk khan atu ah kan chimh ṭhan hna: cu bantuk thil a tuahmi cu Pathian Pennak an hmu lai lo.

    Hi acung i Pathian bia ning in na nunning a si rih ah cun Jesuh Khrih nih a thisen chuak in a nunnak a pek hnawhchan he cun ai ralkah taktak. Sihmanhsehlaw na thin phang hlah, nawlbia pek kan si cu kan sualnak kha sualnak asi hi teh ti kan theihnak ding caah pek kan si i mah Baibal zong nih kan si ning te kan i theihnak ding ah pek tthan kan si ve. Amen! Mah ning kan nun ruangah cun pei Jesuh Khrih kan caah bawmtu dingah le hi sualnak chung in kan luatnak dingah arat fawm cu! Amen! Jesuh Khrih hi nangmah ca bakah arak chuak, a thi i nunnak ah thawhter asi! Amen! Nangmah Khamh ding bak ah ara. Amen! Nangmah deihnak, lawmhnak le hnangamnak he Khamhnak thawngttha phurhtu bakah ara. Amen! Na nunnak dihlak in na thinlung innka rak hunpiak. Na caah zungzal nunnak he biakam ning in Pathian fa le rocotu na si ve lai. Amen! Bawipa min thangtthat si ko seh!

GALATI 5:16
Ka chim duhmi cu hihi a si: Thlarau nih nan nunning kha lamhruai seh law nan minung sinak duhning kha zul hlah u.
GALATI 5:18
Thlarau nih an hruai a si ahcun Nawlbia tangah na um lo.
GALATI 5:22
Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak,
GALATI 5:23
toidornak le mah le mah i tei khawhnak tehna hi an si. Cu bantuk thil hna caah cun nawlbia zeihmanh a herh lo.
GALATI 5:24
Cun Khrih Jesuh ta a simi nih cun a minung sinak kha tuah a duh tawnmi thil le a pumsa duhnak he khan a thah.Cun Khrih Jesuh ta a simi nih cun a minung sinak kha tuah a duh tawnmi thil le a pumsa duhnak he khan a thah.
GALATI 5:25
Thlarau nih nunnak a kan pek cang caah kan nunnak zong hi amah nih a uk awk a si.

        Acung i Baibal hi Khamh ciami le hrintthan asi cangmi hna nih cun nunpi ding le nunnak ah alangh awk bak arak si. Amen! Jesuh Khrih nih a thisen in a kan tlanh cu kan nun hlun kha hlawnh riangmang i nunthar nung ding tuah tlanh kan si. Amen! Nunhlun ka ti tikah hin kan tuah tawnmi thil ttha lo hna le kan ruah tawnmi ruahnak tha lo vialte hi an si. Kan mah tein kan nunnak nih thilttha/Pathian duhnak a tuah khawh lo caah le kan tlinh khawh hrimhrim lo caah bawmtu Thiang Thlarau pek kan sinak chaan cu asi i mah caah cun Thiang Thlarau angei lo mi cu Pathian fa an si loh atinak cu asi. Sihmanhsehlaw minung tampi cu minung tah ning in kan i tah ko rih, minung tah ning in cun kan tling kho bal lai lo nain minung tah ning le Pathian tahning belte arak i dang ve. Minung tahning cu lenglei zohnak sawhsawh in asi i Pathian tahning tu cu chung lei zoh in asi. Amen! Nangmah le nangmah rak i hlenglen duhhlah. Na si ning te le na lungthin athei dihtu cu Pathian asi ko. Chim duhmi cu Paul nih ati bang in Pathian mithmuh lawng si loin Minung mithmuh zongah tlingkhawh kan izuam ati bang in kan nunnak hi Pathian duh ning le tinhpiak ning in  mikip caah Dawtnak nih kan nun hi a uk awk asi. Amen! Cucaah kan nih Pathian fale ai timi hna nih kan nunnak in thawngtha chim in dawtnak in langhter hna usihlaw a hmunmi thei tlai zungzal cang hna usih. Amen! Nihin ni thawk in a zungzal in Thiang Thlarau hruai ningtu hi kan i thim deuhmi si zungzal cang ko seh. Amen! Bawipa Pathian nih sunparnak le thangtthatnak cu co zungzal ko seh. Amen!



Labels:

Comments

Post a Comment

Popular posts from this blog

“Pathian Pennak Sullam.”

Vawlei cung hmunzakip ah a ummi ka miphun vialte hna Bawipa nih nan umnak hmun cioah Amah dawtnak thukpi in intheihter chin hna sehlaw biathli in ruah cio ko hna seh. Atu i Thawngṭha ka ṭialmi Pathian Pennak chungah na lut cang maw? timi hi fak deuh in rak ka ruahpi ve tiah kan sawm. Pathian Pennak chungah na lut cang maw timi biahalnak hi va luh dingmi khi halduhmi cu asi nain a taktak le ngaingai ah cun kan thinlung chungah ngeih dingmi tu hi a rak si deuh. Biatak cu Pathian Pennak hi tuahṭuannak in le nunthiannak men in kan hmuhkhawhmi asi hrimlo ti hi voi tampi chim ka duh. Pathian Pennak kan luhkhawhnak dingah cun lamkhat lawng aum i cucu Jesuh Khrih zumhnak thawng lawng bak in asi ko. Pathian Fapa Jesuh Khrih kan zumhnak thawngin Ti le Thlarau in kan hrinṭhan lawnglawng ah Pathian Pennak chungah kan lut kho ti hi fakpi in chim ṭhan ve ka duhmi asi. Bawipa Jesuh nih a timi cu ka Pa nih tuah hna seh ti a duhmi a tuahmi lawnglawng an lut lai tiah a ti taktak. Cucu tuahnak biafan...
Post a Comment
Read more

"BIATAK."

Biatak timi cu biachimmi biataknak le tuahnak i fakpi alangmi khi biatak asi ve ko nain chunglei ah hmuhkhawhlomi biatak kha lenglei kan tuahnak in a hunglangmi tu khi asi deuh. Tuahnak in a hunglangmi ka ti tikah tuahnak paoh khi biatak an si ka ti duhnak siloin na chunglei ah aummi biatak kha tuahnak in na langhter tikah na chunglei ah aummi biatak he aikhat in na tuahmi khi biatak ka timi cu asi. Biatak le dawtnak hi hmuhkhawhlomi chunglei ah aithupmi veve an si i an kalning le an sining ailo ngai. Dawtnak le biatak hi lenglei tuahnak cungah aihngatmi siloin dawtnak he chungleiin aithawkmi an si i lenglei langhtermi tuahnak tiangah dawtnak taktak le biatak in chunglei umning in rianlimtu khi an si. Biachim i biataknak le tuahnak i biataknak vialte hi biatak i theitlai tu an si deuh. Sihmanhsehlaw Kaa in biatak achimmi tampi kan um nain nun in ai biataklomi tampi kan um ve. Baibal nih biatak ati lengmang mi tu cu kaa le tuahnak hlan ah nunnak ah biatak ngeihtu hi biatak atimi cu asi....
Post a Comment
Read more

Righteousness = Pathian Dinnak

Righteousness = Pathian Dinnak (Mat 6:33, 13:44-46, Rome 1:16-17, 3:22, 4:3-13-25) Dinnak timi sullam cu Pathian He kan I rem cang tinak asi. Righteousness meaning is to be  right with God . Pathian he kan I remnak cu Bawipa Jesuh Khrih kan zumhnak thawng lawngin asi. Cu Bawipa Jesuh Khrih kan zumh hlanah hin Bawipa Jesuh hi zumhtlak asinak le kan zumhngam nakhnga nganpi in rian a limmi aum I cucu rian a limmi thawngin cun Pathian he remnak kan hmuhkhawhnak cu asi. Pathian he remnak kan hmuhmi hi Bawipa Jesuh nih a nunnak pek in rian a limmi thawngin asi nain nangmah le keimah caah Pathian he kan I remkhawhnak dingah cun a thlahmi Fapa zumh le a kan limpiakmi zumh thawng lawngin hmuhmi asi. Nangmah le keimah caah zumh fial kan simi hi a fawimite alo lai nain Bawipa Jesuh caah cun nunnak tiang pekmi, Pathian he remter khawhnak tiang chuahtertu nunnak in pekmi raithawinak asi. Nunnak in pekmi raithawinak nih cun Pathian he remnak a chuahter I cucu nangmah le keimah nih Bawipa Jesuh k...
Post a Comment
Read more