Nitin Baibal Relnak

NAMBAR 33:38

Cun tlangbawi Aaron cu Bawipa nawl pek bangin, Hor Tlang ah cun a hung kai i, Izipt ram in Israel mi nih an chuah hnu kum sawm linak, thla nganak thla, ni khat ni ah cun khika ah a thi.

NAMBAR 33:39

Aaron cu Hor Tlang cung i a thih tikah kum za khat le kum kul le kum thum a si.

NAMBAR 33:51

"Israel mi sinah hi bangin va chim tuah, Jordan tiva nan tan i Kanaan ram chungah nan luh tikah,

NAMBAR 33:52

nan hmai in cu ram i a ummi vialte cu nan dawi hna lai i an lung ṭial vialte kha nan hrawh lai i, thletmi an siasal vialte kha nan hrawh lai i, an khuahrum bo vialte kha nan chimh dih lai.

NAMBAR 33:53

Cun ram cu nan co lai i a chungah nan um lai, zeitintiah, co awkah cu ram cu kan pek cang hna.

NAMBAR 33:55

Sihmanhsehlaw cu ram i a ummi hna cu nan hmai in nan dawi hna lo ahcun, nan taantermi hna cu nan mit chungah hling le nan hrappang ah chuntu bantuk an si lai i nannih nan umnak ram chungah cun harnak an in pek hna lai.

NAMBAR 33:56

Cun an cung i tuah awk ka ruahmi kha nan cungah ka tuah lai," tiah a ti.

NAMBAR 35:10

"Israel mi cu hi bangin chim tuah hna, Jordan tiva nan tan i Kanaan ram nan luh tikah,

NAMBAR 35:11

timhnak ngei loin mi a thatmi paoh nih an zamnak dingah nannih caah himnak khua caah khua nan i thim lai.

NAMBAR 35:12

Biaceih awkah mibu hmaiah a dir hlanah mithattu cu a thih nakhnga lo, cu khua hna cu nannih caah phuhlamtu sinin himnak an si lai.

NAMBAR 35:16

"Sihmanhsehlaw thir hriamnam in a tuk i a thih ahcun, amah cu lainawng a si; lainawng cu thah awk a si lai.

NAMBAR 35:26

Sihmanhsehlaw mi thattu kha zeitik caan hmanh ah a zamnak himnak khua ramri lengah khan a chuah i

NAMBAR 35:27

cu a himnak khua ramri lengah cun thisen phuhlamtu nih khan a hmuh i mi thattu cu thisen phuhlamtu nih khan a thah ahcun, amah cungah thisen mawhnak a um lai lo.