DEUTERONOMI 1:3
Kum sawm linak kum, thla hleikhat thla ni khatnak ni ah cun, Bawipa nih anmah chimh awkah nawlbia a pekmi vialte cu Moses nih Israel mi cu a chimh hna;
DEUTERONOMI 1:6
"Bawipa kan Pathian nih Horeb ah a kan chawnh i, 'Hi tlang ah hin sau nawn nan um ko cang;
DEUTERONOMI 1:7
i mer u law, i thawh u law, Amor mi hna umnak tlangram le an pawngkam ram hna Arabah ah siseh, tlangram ah le ramniam ah siseh, Negeb le rilikam ram ah siseh, Kanaan mi hna ram ah siseh, Lebanon ah siseh, tiva ngan Zufrates tiva tiang va kal u.
DEUTERONOMI 1:8
Zohhmanh, ram cu nan hmaiah ka chiah cang; nan pupa Abraham, Isak, le Jakob sinah Bawipa nih anmah le an hnu i an tefa hna sinah pek awkin chiat a sermi ram ah cun va lut u law, va co u,' tiah a ti.
DEUTERONOMI 1:10
Bawipa nan Pathian nih an karhter cang hna i zohhmanh, nihin cu nan tam ning ah van arfi zat khi nan si cang.
DEUTERONOMI 1:11
Bawipa, nan pupa hna Pathian nih cun, atu nakin a let thong khat in in karhter hna seh law, thluachuah in pe hna seh, bia an kam hna bang khan!
DEUTERONOMI 1:17
Biaceih tikah duhdanh nan ngei lai lo; mi hme siseh, mi ngan siseh, aa tluk in nan ngaihpiak hna lai; minung hmai kha nan ṭih lai lo, zeitintiah biakhiahnak cu Pathian ta a si; cun nan ca i a har tukmi bia cu ka sinah nan ratpi lai keimah nih ka ngaih lai,' tiah nawl ka pek hna.
DEUTERONOMI 1:31
Izipt ram i nan mithmuh ah an tuahpiak hna bantuk le mipa nih a fa a puak bantuk i Bawipa nan Pathian nih ramlak i nan kalnak lam vialte ah, hi hmun nan phak hlantiang, an puak hna nan hmuh bantuk khan nan hmai i a kalmi Bawipa nan Pathian hrimhrim nih an dohpiak hna lai,' tiah ka ti.
DEUTERONOMI 1:33
Sihmanhsehlaw nan thlam tung bunhnak hmun kawlpiak awkah, nan hmaiah lam ah nan kalnak hmuhsak awkah, zan ah mei in, chun ah minmei in, a kalmi Bawipa nan Pathian cu hi thil a tuah nain, nan zum lo.
DEUTERONOMI 1:34
"Cun Bawipa nih nan bia cu a theih i a thin a hung i,
DEUTERONOMI 1:35
'Hi chan ṭhalo chung mi hna lak hin, nan pupa hna sinah pek awkin chiat ka sermi ram ṭha cu pakhat hmanh nih an hmu lai lo.
DEUTERONOMI 1:36
Sihmanhsehlaw Jefunneh fapa Kaleb nih cun a hmuh lai i lungtling tein Bawipa kha a rak zulh caah, amah le a tefa hna sinah a lamhmi ram cu ka pek lai,' tiah chiat a ser.
DEUTERONOMI 1:37
Nanmah ruangah Bawipa cu keimah cung zongah a thin a hung i, 'Nangmah zong khika ah na lut ve lai lo;
DEUTERONOMI 1:38
nangmah an bultawltu Nun fapa Joshua cu a lut lai; amah kha thazang pe tuah, zeitintiah amah nih Israel cu, cu ram cu a coter lai.
DEUTERONOMI 1:39
Cuhleiah nan ngakchia, hranchaw ah an cang lai nan timi hna le, atu ah chia le ṭha a hngal lomi nan fale hna cu, khika ah an lut lai i annih cu ka pek hna lai i annih nih an co lai.
DEUTERONOMI 1:41
"Cun nannih nih nan ka leh i, 'Bawipa cungah kan sual cang; Bawipa kan Pathian nih nawl a kan pek bantuk khan kan hung kal lai i kan doh lai,' tiah nan ti. Cun nan dihlak in nan ral hriamnam cio in nan i thuam i tlangram i hung luh awk cu a fawi ah nan ruah.
DEUTERONOMI 1:42
Cun Bawipa nih a ka chawnh i, 'Annih cu va chim hna, hung kal hlah u, do hlah u, zeitintiah nan lakah ka um lo caah nan ral nih an in tei sual hna lai,' tiah a ti.
DEUTERONOMI 1:44
Cun khi tlangram i a ummi Amor mi hna nih cun an in chuahhnawh hna i khuai nih mi an dawi bantukin an in dawi hna i Seir in Hormah tiang an in den chih len hna.
DEUTERONOMI 1:45
Cun nan ra kir ṭhan i Bawipa hmaiah nan ṭap, sihmanhsehlaw Bawipa nih nan aw kha a ngai lo i a hna zong an chit hna lo.
DEUTERONOMI 2:4
Cun mi cu nawl pe hna law: Seir i a ummi nan unau hna, Esau fapa hna, an ram cu nan tan dengmang cang i nannih cu an in ṭih hna lai. Cucaah ṭha tein i ralring tuah u,
DEUTERONOMI 2:5
annih cu va doh sual hna hlah u, zeitintiah an ram cu zeihmanh kan pe hna lai lo, keza kauh hmanh kan pe hna lai lo, zeicahtiah Seir Tlang cu Esau kha a covo ah ka pek cang.
DEUTERONOMI 2:7
Zeitintiah Bawipa nan Pathian nih nan kut rianṭuannak vialte ah thluachuah an pek hna; hi ramlak kaupi chung i nan kalnak hi a hngalh ko; hi kum sawm li chung hi Bawipa nan Pathian cu nan sinah a um i zeihmanh nan bau lo,' tiah a ka ti.
DEUTERONOMI 2:9
Cun Bawipa nih a ka chawnh i, 'Moab cu awlokchonh hna hlah u, a tuk zong tu hna hlah u, zeitintiah annih ram cu co awkah zeihmanh kan pe hna lai lo, zeicahtiah Lot fapa hna cu Ar kha an co awkah ka pek cang hna.'
DEUTERONOMI 2:14
Cun Kadesh-barnea in kan i thawh i Zered varek kan tan tiang Bawipa nih annih sinah chiat a ser bangin, cu chan cu a ningpi in, cucu ralkap hna cu, riahhmun in an loh dih tiang, kum sawm thum le kum riat a si.
DEUTERONOMI 2:19
Ammon fapa hna ramri nan va naih tikah, annih cu awlokchonh hna hlah u, a tuk zong tu hna hlah u, zeicahtiah co awkah Ammon fapa hna ram cu kan pe hna lai lo, Lot fapa hna kha ka coter cang hna a ti.
DEUTERONOMI 2:25
Nihin ni hin, vanrang toi i a ummi vialte cungah nanmah ṭihnak le phannak chiah cu ka thawk lai i, annih nih nan thawngpang kha an theih lai i an ther lai i nanmah ruangah lungrethei in an um lai,' tiah a ti.
DEUTERONOMI 3:21
Cun khi tikah Joshua kha nawl ka pek i, 'Hi siangpahrang pahnih hna cungah Bawipa nan Pathian nih a tuahmi vialte cu na mit nih a hmuh cang; cu bantukin nan va phak laimi ram vialte cungah Bawipa nih a tuah lai.
DEUTERONOMI 3:22
Nan ṭih hna lai lo, zeitintiah Bawipa nan Pathian cu an dohpiaktu hna a si,' tiah ka ti.
DEUTERONOMI 3:24
'Maw Bawipa Pathian, nangmah na salpa hi na lianhngannak le a ṭhawngmi na kut hmuhsak kha a thawk lawng na thawk rih, zeitintiah nangmah tuahmi thil bantuk le khuaruahhar na sermi bantuk a tuah khotu pathian, van ah siseh, lei ah siseh, ahodah a um?
DEUTERONOMI 3:25
Ka lanhter ko, tiah kan nawl, Jordan ral i ram ṭha khi ka hmuhter ko, khi tlangram dawh le Lebanon khi,' tiah ka ti.
DEUTERONOMI 3:26
Sihmanhsehlaw nanmah ruang ah Bawipa cu ka cungah a thin a hung i a ka ngai duh lo i Bawipa nih cun, 'Mah hi na caah i za ko seh, hi kong cu ka chim ti hlah.
DEUTERONOMI 3:28
Asinain Joshua cu nawl pe tuah, amah cu forh law, thazang pe tuah, zeitintiah hi mi hna lu ah hin a kal lai i na hmuh laimi
Comments
Post a Comment