DEUTERONOMI 18:15
"Nannih lakin, nan unau hna chungin, Bawipa nan Pathian nih nan caah profet pakhat keimah bantuk a chuahter lai i amah cu a bia nan ngaih lai,
DEUTERONOMI 18:16
'Bawipa ka Pathian aw cu ka theihter ti hlah, hi mei ngan zong hi ka hmuhter ti hlah, ka thi sual ai hnga,' tiin Horeb tlang i pumh ni i Bawipa nan Pathian nan rak halmi kha a si.
DEUTERONOMI 18:18
An unau hna chungin nangmah bantuk profet pakhat an caah ka chuahter lai i a kaa chungah ka bia ka chiah hna lai i, nawl ka pekmi vialte kha a chimh hna lai.
DEUTERONOMI 18:22
profet pakhatkhat nih Bawipa min in bia a chim tikah cu bia cu a tlin lo le a dik lo ahcun, cu bia cu Bawipa nih a chim lomi bia cu a si; profet nih amah duh in a chimmi a si, amah cu nan ṭih awk a si lo.
DEUTERONOMI 19:16
Huatnak lungthin a pawimi biahngaltu pakhatkhat nih mi pakhatkhat cu ṭhat lo tuah a puh ahcun,
DEUTERONOMI 19:17
taza aa cuaimi cu an phu hnih in Bawipa hmaiah an chuak lai, khi caan i rian a ṭuanmi tlangbawi hna le biaceihtu hna hmaiah cun;
DEUTERONOMI 19:18
biaceihtu hna nih cun fel tein an hlat lai i biahngaltu cu biahngaltu dinglo a si i a unau kha dinglo piin a puh a si ahcun,
DEUTERONOMI 19:19
a unau cung i tuah a rak i tinhmi bantuk khan a cungah nan tuah lai; cuticun nan lakin ṭhat lonak cu nan thianh lai.
DEUTERONOMI 20:1
"Nannih nih nan ral hna doh awkah nan kal i, rang hna le rangleng hna le nanmah i nakin a ngan deuhmi ralkapbu nan hmuh tikah, nan ṭih hna lai lo; zeitintiah Izipt ram in an chuahpitu hna Bawipa nan Pathian kha nan sinah a um.
DEUTERONOMI 20:2
Cun raltuknak hmun kha nan phak dengmang tikah tlangbawi kha hmaiah a ra chuak lai i
DEUTERONOMI 20:3
mizapi sinah cun, 'Maw Israel, thei tuah u, nihin cu nan ral doh awkah raltuknak hmun cu nan phan dengmang cang; nan lung der hlah seh, ṭih hlah u, a ther zong ther hlah u, anmah kha ṭih hna hlah u;
DEUTERONOMI 20:4
zeitintiah teinak cu in pek hna awk le nan ral cu in dohpiak hna awkah nannih sinah a kalmi cu Bawipa nan Pathian cu a si,' tiah a ti lai.
DEUTERONOMI 20:10
"Doh awkah khua nan hei naih tikah remnak kha nan pek hmasa hna lai.
DEUTERONOMI 20:11
An lehnak hna cu remnak a si i nan sinah aa hun ahcun, cu chung i a ummi mi vialte cu nan caah hnekmi rian a ṭuantu an si lai i an in rianh hna lai.
DEUTERONOMI 20:12
Sihmanhsehlaw nannih he remnak kha a ser lo i an doh hna ahcun, nannih nih nan kulh lai;
DEUTERONOMI 20:13
cun Bawipa nan Pathian nih nan kut chungah an pek hna tikah, khuachung pa vialte cu nam in nan sam dih hna lai,
DEUTERONOMI 20:15
Hika i a ummi miphun hna khua a si lomi, nan umnak in lam hlapi ah a ummi khua vialte hna cu, cu bang cun nan tuah hna lai.
DEUTERONOMI 20:16
Sihmanhsehlaw Bawipa nan Pathian nih ro caah an pekmi hna, hi miphun hna khua chung tu ah hin cun, thaw a chuahmi zeihmanh a nung in nan zuah lai lo,
DEUTERONOMI 21:6
Cun thahmipa a naih bik khua upa vialte nih, nelrawn ah a hngawng khiah a simi cawla cungah khan an kut an i ṭawl lai i,
DEUTERONOMI 21:7
'Hi thi hi kannih kan kut nih a chuah lo i, a chuah kha kan mit zong nih a hmu lo.
DEUTERONOMI 21:18
"Mipa pakhatkhat nih lung a khawng i ralchanh a hmangmi fapa a ngeih i, a pa bia siseh a nu bia siseh a ngaih duh lo i, an chimhring nain zel ah a rel hna lo ahcun,
DEUTERONOMI 21:19
a nu le a pa nih an tlaih lai i a khuachung upa hna sinah, a umnak khua hauka ah cun an chuahpi lai,
DEUTERONOMI 21:20
cun a khua upa hna sinah cun, 'Hi kan fapa hi a lung a khawng i ralchanh hmangmi a si, amah nih kan bia ngaih a duh lo, mihrokhrawl le zurit hmang a si,' an ti lai.
DEUTERONOMI 21:21
Khi tikah khuachung pa vialte nih lung in thi lakin an cheh lai; cuticun ṭhat lonak cu nan lakin nan thianh lai i Israel mi vialte nih an theih lai i an ṭih lai.
Comments
Post a Comment