Nitin Baibal Relnak

BIACEIHTU 9:2

"Shekhem khua chung i a ummi vialte cu, 'Nannih caah zeidah a ṭha deuh, Jerubbaal fapa sawm sarih nih an dihlak in an in uk hna ah maw, pakhat lawng nih an uk hna ah dah?' tiin an hna chungah va chim tuah u. Cun keimah cu nan ruh le nan sa ka si kha va philh fawn hlah u," tiah a ti hna.

BIACEIHTU 9:5

Cun Ofrah khua i a pa inn ah khan a va kal i Jerubbaal fapale hna, a unau hna cu, minung sawm sarih, lung pakhat cungah a va thah hna; sihmanhsehlaw Jotham, Jerubbaal fapa a hniang bik tu cu aa thuh caah a tang.

BIACEIHTU 9:6

Cun Shekhem khuami vialte le Beth-millo khuami vialte cu an i pum i Abimelek cu Shekhem khua lungphun hram i kuhthing pawngah cun siangpahrang ah an ser.

BIACEIHTU 9:22

Abimelek nih Israel cu kum thum a uk hna.

BIACEIHTU 9:53

Cun nu pakhat nih rialnak lung a cunglei khin Abimelek cu a lu ah a vun cheh i a lu cu a kuai.

BIACEIHTU 9:54

Khi tikah a hriamnam putu tlangvalpa cu khulrang in a auh i, "Na vainam kha i zuh law, ka that tuah, cu ti a si lo ahcun, 'Nu pakhat nih a thah,' an ka ti sual hnga," tiah a ti. Cun a tlangvalpa nih cun tleng lakin a chunh i a thi.

BIACEIHTU 9:56

Cuticun Pathian nih Abimelek cu, a pa cung i ṭhat lonak a tuahmi, a unau sawm sarih a thahmi hna ruangah khan, teirul a cham;

BIACEIHTU 9:57

cun Shekhem khuami hna an ṭhat lonak zong kha Pathian nih anmah lu cung lila ah a tlakter i Jerubbaal fapa Jotham chiatserhnak kha an cungah a tlung.

BIACEIHTU 10:10

Cun Israel mi nih Bawipa kha an auh i, "Nangmah cungah kan sual cang, zeitintiah kan Pathian kha kan hlawt i Baal kha kan biak hna," tiah an ti.

BIACEIHTU 10:11

Cun Bawipa nih Israel mi hna sinah cun, "Izipt mi hna le Amor mi hna le Ammon mi hna le Filistin mi hna sinin kan chuah hna lo maw?

BIACEIHTU 10:12

Sidon mi hna zong le Amalek mi hna le Maon mi hna nih nannih kha an in hrem hna i nannih nih nan ka auh i an kut chungin kan chuah hna.

BIACEIHTU 10:13

Sihmanhsehlaw nannih nih nan ka hlawt i pathian dang kha nan biak hna; cucaah kan chuah ti hna lai lo.

BIACEIHTU 10:14

Va kal u law, nan i thimmi pathian cu va au hna u; annih nih nannih cu vansang au in nan um lio caan ah in chuah hna seh," tiah a ti.

BIACEIHTU 10:15

Cun Israel mi nih Bawipa sinah cun, "Kannih cu kan sual cang; nangmah nih a ṭha na tining paoh in kan cungah tuah ko; a chuah bel nihin ah hin zaangfahnak in kan chuah ko sawh," tiah an ti.

BIACEIHTU 10:16

Cucaah annih sin i ramdang pathian hna kha an hlonh hna i Bawipa kha an biak; cun Israel mi hna retheihnak ruangah khan a thin a hung ngaingai.

BIACEIHTU 11:29

Cun Bawipa Thlarau cu Jepthah cungah a tlung i Gilead le Manasseh ah aa chawk i Gilead ram Mizpah ah a lan i Gilead ram Mizpah cun Ammon mi hna sinah a va lan chin.

BIACEIHTU 11:30

Cun Jepthah nih Bawipa sinah biakamnak pakhat a ser i, "Ammon mi cu ka kut chungah na ka pek hna ahcun,

BIACEIHTU 11:31

Ammon mi hna sinin teinak he ka kir tikah keimah don awkah ka inn innka chungin a chuakmi paoh cu Bawipa ta a si lai i khangh thawinak caah ka pekchanh lai," tiah a ti.

BIACEIHTU 11:32

Cucaah Jepthah cu anmah doh awkah khan Ammon mi hna sinah cun a va kal i Bawipa nih annih cu amah kut chungah khan a rak pek hna.

BIACEIHTU 11:36

Cun anih nih amah sinah, "Ka pa, Bawipa sinah na kaa na pau cang a si ahcun, na kaa chungin a chuakmi bangin ka cungah tuah ko, Bawipa nih pei na ral Ammon mi hna cungah na phu an hlampiak cang sawk cu," tiah a ti.

BIACEIHTU 12:7

Jepthah nih Israel cu kum ruk bia a ceih hna. Cun Gilead mi Jepthah cu a thi i amah khua Gilead ah cun an vui.

BIACEIHTU 13:1

Cun Israel mi nih Bawipa mithmuh i a ṭha lomi kha an tuah ṭhan hoi i Bawipa nih Filistin mi kut chungah kum sawm li a pek hna.

BIACEIHTU 13:3

Cun Bawipa vancungmi cu minu sinah cun a lang i amah sinah cun, "Zohhmanh, na cing i fa na ngei lo; sihmanhsehlaw fa na pawi lai i fapa na hrin lai.

BIACEIHTU 13:5

zeitintiah, zohhmanh, fa na pawi lai i fapa na hrin lai. Lu mehnak nam nih a lu a tawng lai lo, zeicahtiah ngakchiapa cu a chuahka in Bawipa ca i Nazir mi a si lai; cun amah nih Israel mi cu Filistin mi hna kut chungin chuah hram a thawk lai," tiah a ti.

BIACEIHTU 13:24

Cun nu nih cun fapa a hrin i a min ah Samson a sak; cun ngakchiapa cu a ṭhang i Bawipa nih thluachuahnak a pek.

BIACEIHTU 14:6

cun Bawipa thlarau cu ṭhawng ngaiin a cungah a tlung i chiandeih cu meheh fa thlehbaoh bantuk ceo khin a thlehbaoh dih ko; a kut in zeihmanh aa put fawn ṭung lo. Sihmanhsehlaw a tuahmi kha a nu siseh, a pa siseh, a chim hna lo.

BIACEIHTU 14:14

Cun anih nih, "Eitu chungin ei awk a chuak. A ṭhawngmi chungin a thlummi a chuak," tiah a ti hna. Cun annih nih cu biahleng cu zei a si kha ni thum chung an hngal kho lo.

BIACEIHTU 14:15

A ni linak ni ah Samson nupi cu, "Na va cu, biahleng kha zei a si a kan chimh nakhnga lem tuah, cu ti a si lo ahcun nangmah le na pa innchungkhar cu mei in kan in khangh hna lai. Kannih kha sifak i umter awkah maw hika ah na kan sawm?" tiah an ti.

BIACEIHTU 14:18

Cun cu khuami hna nih cun a sinah, ni sarihnak ni, ni a tlak hlanah, "Zeidah khuaihliti nakin a thlum deuh? Zeidah chiandeih nakin a ṭhawng deuh?" tiah an ti. Cun anih nih an sinah, "Ka cawla in rak ka thuang hlah u law, Ka biahleng hi nan rak hngal kho hnga lo," tiah a ti.

BIACEIHTU 14:19

Cun Bawipa thlarau cu ṭhawng ngaiin a cungah a tlung i Ashkelon ah a vung kal i cu khuami cu sawm thum a vung thah hna i an thuam cu a lak i biahleng a chimtu hna kha puai puan cu a pek hna. Thin lin ngaiin a pa inn ah a hung kir ṭhan.

BIACEIHTU 15:15

Cun laa kharuh tharte hi a hmuh i a hei banh i a hei lak i mah cu cun mi thong khat a thah hna.

BIACEIHTU 15:18

Cun a ti a hal ngaingai i Bawipa kha a auh i, "Hi luatnak nganpi hi nangmah nih na salpa kut in na tlunter cang; atu ah hin tihal in ka thi i cuarpar tan lomi hna kut chungah ka tla ko lai maw?" tiah a ti.

BIACEIHTU 15:19

Cun Pathian nih Lehi khua a kuarmi hmun cu a kahter i cu chung cun ti a hung chuak; cun a din tikah a thlarau cu a kir ṭhan i a nung ṭhan. Cucaah cu ka hmun min cu En-hakkore tiah ti a si; nihin tiangin Lehi khua ah cun a um ko.

BIACEIHTU 15:20

Cun Filistin mi hna chan ah Israel mi cu kum kul bia a ceih hna.

BIACEIHTU 16:4

Mah hi hnuah hin Sorek nelrawn i a ummi nu pakhat, a min Delilah a simi kha a duh.

BIACEIHTU 16:5

Cun Filistin bawi hna kha a sinah an ra i, "Lem law, a thazang ṭhapi hi khuazei ah dah a um i zei lam in dah kan tei khawh i kan ṭem khawh i kan hrilh khawh lai, hngalh i zuam tuah; cun kannih nih ngun phar thong khat le za khat cio kan in pek lai," tiah an ti.

BIACEIHTU 16:16

Cun ni khat hnu ni khat a bia in a rial lengmang i a lem lengmang tikah, a lungthin cu thih tiangin a ing a puang.

BIACEIHTU 16:19

A phei chungah a ihter i mipa pakhat a auh i a lu cung i a sam phiar sarih cu a mehter. Cun hrem hram kha a thawk i a thazang nih khan a kaltak cang.

BIACEIHTU 16:20

Cun amah nih cun, "Samson, Filistin mi nih an in tlaih cang lai hih!" tiah a ti. Cun aa hngilhnak cun a hun i hlau i, "Voi dang bantuk khan ka chuak lai i keimah le keimah kaa luatter lai," tiah a ti. Cun anih nih, Bawipa nih a kaltak cang kha a hngal lo.

BIACEIHTU 16:21

Cun Filistin mi nih an tlaih i a mit an khoih i Gaza ah an vun kalpi i dar hreng an khenh; cun thonginn chungah rawl rialnak lung in rawl kha an rialter.

BIACEIHTU 16:28

Cun Samson nih Bawipa kha a auh i, "Maw Bawipa Pathian, ka hngal ṭhan ko tiah kan nawl, ka ṭhawnter ṭhan ko tiah kan nawl, hi voi khatte hi cu, maw Pathian, Filistin mi hna cungah hin ka mit pahnih lak i pakhat caah hin phu ka hlam nakhnga, ka ṭhawnter ko," tiah a ti.

BIACEIHTU 16:30

Cun Samson nih, "Filistin mi hna sinah hin thi ning luao," tiah a ti. Cun a thazang dih umnak in a kun i, inn nih cun a chung i a ummi bawi hna le mi vialte hna cu a cimhhnawh hna. Cucaah a thih chihmi mithi hna cu, a nun chung i a thahmi hna nakin an tam deuh.

BIACEIHTU 19:16

Cun zohhmanh, zanlei sang ah tarpa pakhat cu lo i a rian ṭuannak in a ra tlung; cu pa cu Efraim tlangram mi a si i Gibeah ah a pem; cu ka hmunmi hna cu Benjamin mi an si.

BIACEIHTU 19:22

Cun annih nih thanuam in an um lioah khan, zohhmanh, cu khua chung i zei ruaram lomi hna nih cun inn kha an kulh i innka kha an cumh len. Cu inn ngeitu tarpa kha, "Na inn ah a lutmipa kha kan theihhngalh nakhnga hun chuahpi tuah," tiah an ti.

BIACEIHTU 19:24

Zohhmanh u, hika ah ka fanu ngaknu le a nuchun an um; ka hun chuahpi hna lai. Sual hna u law, nanmah nih a ṭha nan timi kha an cungah va tuah ko u, sihmanhsehlaw hi mipa cungah cun hi tlukin a ṭha lomi thil cu tuah hlah u," tiah a ti hna.

BIACEIHTU 19:26

Cun khua a dei tikah minu cu a ra i a bawipa a tlunnak inn, mipa inn ah khan, innka ah a tlu i khua a ceu hlantiang a ril ko.

BIACEIHTU 19:28

Anih nih, "Tho law, kal u sih," tiah amah cu a ti. Sihmanhsehlaw zeihmanh a let lo. Cun a laa cungah a chuan i mipa cu a tho i a inn leiah a kal.

BIACEIHTU 19:29

Cun a inn a phanh tikah nam aa lak i a nuchun cu a can, a kut a ke in, hmun hleihnih ah a ṭhen i Israel ram vialte ah a kuat dih.

BIACEIHTU 19:30

Cun a hmumi vialte nih, "Mah bantuk thil hi dah ngai Israel mi nih Izipt ram in an chuah ni in nihin tiangah a um bal lo, a hmuh zong kan hmu bal lo; ruat u law, i ceih ṭi u law, chim tuah u," an ti.

BIACEIHTU 20:2

Cun mi vialte haotu, Israel phun vialte haotu hna cu, Pathian mi aa pummi hna chungah cun an hung chuak i vainam putmi ralkap sing li an si.

BIACEIHTU 20:15

Cun khi ni ah Benjamin mi hna nih an khua hna chungin vainam pumi an pumhmi hna cu sang hnih le thong ruk an si, Gibeah i a ummi hna nih an thim cikcekmi za sarih hna hleiah khan.

BIACEIHTU 20:18

Israel mi cu an tho i Bethel ah an hung kal i Pathian kha an hal, "Kannih lakah hin ahodah Benjamin doh awkah a kal hmasa bik lai?" an ti. Cun Bawipa nih, "Judah a hung kal hmasa bik lai," a ti.

BIACEIHTU 20:21

Benjamin mi hna nih Gibeah chungin an hung chuak i khi ni ah Israel mi cu sang hnih le thong hnih an hrilh hna.

BIACEIHTU 20:23

Cun Israel mi nih an hung kal i Bawipa hmaiah zanlei tiang an ṭap; "Kan unau Benjamin mi hna he i doh awkah kan hung kal ṭhan lai maw?" ti in Bawipa kha an hal. Cun Bawipa nih, "Hung doh ṭhan hna u," a ti.

BIACEIHTU 20:25

A ni hnihnak ni ah cun Gibeah in Benjamin cu annih kha doh awkah a chuak i Israel mi chungin sang khat le thong riat a hrilh hna; an dihlak in vainam pumi an si.

BIACEIHTU 20:26

Cun Israel mi vialte, ralkap bu cu an ningpi in, an hung kal i Bethel an phan i an ṭap; Bawipa hmaiah an ṭhu i khi ni cu zanlei tiang rawl an ul i Bawipa hmaiah khangh thawinak le daihnak thawinak kha an pekchanh.

BIACEIHTU 20:35

Cun Bawipa nih Benjamin cu Israel hmaiah a tei; Israel mi nih khi ni ah Benjamin mi cu sang hnih thong nga za khat an thah hna. Hi mi hna cu vainam tlai an si dih.

BIACEIHTU 20:48

Cun Israel mi nih Benjamin mi cu an kirhnawh ṭhan hna i vainam in an sam hna. Mi siseh, saram siseh, an hmuhmi paohpaoh an sam dih hna. Cun an hmuhmi khua vialte zong mei in an duah hna.

BIACEIHTU 21:2

Cun mi hna cu Bethel ah an ra i Pathian hmaiah zanlei tiang an ṭhu i aw thang piin, lunghno ngaiin an ṭap.