Nitin Baibal Relnak

1 SAMUEL 1:6

Cun Bawipa nih a nau inn a khar caah khan amah a engtaitu nih khan amah cu a thin hunter awkah ṭhalo tein a ti hram tawn.

1 SAMUEL 1:7

Cuticun kum khat hnu kum khat a si lengmang i, Bawipa inn i a hung kal fate amah cu a ti hram lengmang tawn. Cucaah Hannah cu a ṭap i rawl ei kha a duh lo.

1 SAMUEL 1:10

Cun Hannah cu a lungre a thei ngaingai i Bawipa sinah thla a cam i lunghno ngai tein a ṭap.

1 SAMUEL 1:11

Cun biatiamnak a tuah i, "Maw ralkapbu Bawipa, na salnu intuarnak hi na ka hmuhpiak i na ka cinken i, na salnu kha na philh lo i na salnu hi fapa na ka pek ahcun, a nun chung vialte amah cu Bawipa sinah ka pek lai i, luei nam nih a lu kha a tawng lai lo," tiah a ti.

1 SAMUEL 1:13

Hannah nih cun a lung chungin a chim; a hmur lawng kha an caang i a aw cu theih a si lo; cucaah Eli nih zuri nu ah a rel.

1 SAMUEL 1:15

Sihmanhsehlaw Hannah nih a leh i, "Asilo, ka bawipa, lung rethei ngaingai in a ummi nu ka si; mitsur hang siseh, zu siseh ka ding lo, sihmanhsehlaw Bawipa hmaiah ka lungthin ka bungh a si.

1 SAMUEL 1:17

Cun Eli nih a leh i, "Dai tein va kal ko, Israel mi Pathian nih amah na halmi cu in pe ko seh," tiah a ti.

1 SAMUEL 1:19

Zingka tein an tho i Bawipa cu an biak i Ramah khua i an inn ah khan an tlung. Cun Elkanah nih a nupi Hannah kha a hngalh i Bawipa nih amah kha a philh lo;

1 SAMUEL 1:20

cun a caan a tlin tikah Hannah cu fa a pawi i fapa a hrin i, "Amah cu Bawipa sinin ka halmi a si," tiin a min ah Samuel a sak.

1 SAMUEL 1:27

Hi ngakchia caah hin thla kha ka rak cam; cun Bawipa nih ka halnak kha a ka pek.

1 SAMUEL 1:28

Cucaah Bawipa kha amah cu ka hlanh cang; a nun chung vialte amah cu Bawipa sinah hlanh a si," tiah a ti. Cun khika ah Bawipa kha an biak.

1 SAMUEL 2:2

"Bawipa bantukin a thianghlim ahohmanh an um lo Nangmah hleiah ahohmanh an um lo; Kan Pathian bantuk lungpi zong an um lo.

1 SAMUEL 2:4

A ṭhawngmi an likuk cu an kiak, Sihmanhsehlaw a derthawmmi nih thazang an i hruk.

1 SAMUEL 2:5

A khim tawnmi cu rawl kawl ah kuli an ṭuan, Sihmanhsehlaw a ṭam tawnmi cu an ṭam ti lo. A cingmi nih pasarih a hrin cang hna. Sihmanhsehlaw fa tampi a ngeimi kha cihai in a um.

1 SAMUEL 2:8

Bawi hna sinah ṭhutter awk le Upatnak ṭhutdan coter awk caah, Sifakmi kha leidip lak in a thawh hna i Retheimi kha vutcam pumhmi lak in a cawi hna. Zeitintiah vawlei tung hna cu Bawipa ta an si i An cungah vawlei cu a chuan.

1 SAMUEL 2:9

"A mithiang hna an ke kha a ven lai; Sihmanhsehlaw miṭhalo cu khuamui lakah hrawh an si lai; Zeitintiah mi nih teinak an hmuhnak cu zaang ṭhawnnak in a si lai lo.

1 SAMUEL 2:10

Bawipa a raltu cu kek cikcek in den an si lai; Annih cu van in khuarit in a rithnawh hna lai. Bawipa nih vawlei cung dihlak bia a ceih lai, Amah siangpahrang cu ṭhawnnak a pek lai, Chiti a thuhmi lianhngannak cu a hlorh lai," tiin a ti.

1 SAMUEL 2:25

Mi nih mi cungah a sual ahcun Pathian nih remnak a serpiak lai, sihmanhsehlaw mi nih Pathian cungah a sual ahcun, aho nih dah a nawlpiak ti lai?" tiah a ti. Sihmanhsehlaw a pa bia cu an ngai duh lo; zeitintiah annih thah awk kha Bawipa duhnak a si.

1 SAMUEL 2:26

Cun ngakchiapate Samuel cu pum in siseh, Bawipa le minung duhning in siseh a ṭhang lengmang.

1 SAMUEL 2:28

Cun amah cu ka biakṭheng i hung kal awk le zihmui khangh awk le keimah hmai i tlangbawi angki i hruk awkah, Israel mi phun vialte chungin ka tlangbawi si awkah ka thim; cun na pa chungle hna sinah cun Israel mi sinin ka hmuhmi mei in khanghmi pekchanhnak vialte kha ka pek.

1 SAMUEL 2:29

A si kun ahcun zeicahdah ka umnak ah pekchanh awk tiin nawl ka pekmi ka raithawinak hna le pekchanhnak hna cu hakkauh mit in nan zoh i keimah nakin na fapale hna cu na upat deuh hna i ka mi Israel mi nih an pekchanhmi thil lak i a ṭha bik hna cun nan i cenh?

1 SAMUEL 2:30

Cucaah Bawipa Israel Pathian nih, "Na chungle hna le na pa chungle hna cu zungzal in ka hmaiah an lut an chuak lai," tiah ka rak ti taktak, sihmanhsehlaw atu cu Bawipa nih hitin a thanh: A si naisai ti lai lo, zeitintiah a ka upatmi cu ka upat hna lai i a ka zawmtaimi cu zei ah ka rel hna lai lo.

1 SAMUEL 2:31

Zohhmanh, na ban le na pa innchungkhar ban ka tan lai ni cu a ra lio, cucaah na chungle lakah tar tlung in a nungmi an um lai lo.

1 SAMUEL 2:32

Cun Israel mi cungah pek a si laimi rumnak cu lungrethei in le hngarnak mit in na zoh lai i na inn chungah zeitikhmanh ah tar tlung in a nungmi pakhat hmanh an um lai lo.

1 SAMUEL 2:33

Ka biakṭheng in ka hlonh lai lo ding na mi cu na mit zettertu le na lungretheihtertu ah zuah a si lai i na inn chungah hrinmi fa vialte cu vainam in an thi lai.

1 SAMUEL 2:34

Cun na fapa pahnih Hofni le Phinehas cungah a tlung lai dingmi hi nangmah caah hmelchunhnak a si lai: an pahnih tein ni khatte ah an thi lai.

1 SAMUEL 2:35

Cun keimah hrimhrim nih zumhawktlak tlangbawi pakhat, ka lung chung le ka ruahnak chungah a ummi ningin a tuahtu ding cu ka chuahter lai; cun amah cu a fekmi innchungkhar ka sakpiak lai i ka chiti thuhmi hmaiah a zungzal in a lut a chuak lai.

1 SAMUEL 3:4

Cun Bawipa nih, "Samuel! Samuel!" tiah a kawh i anih nih, "Hika ah hin ka um!" tiah a ti.

1 SAMUEL 3:7

Samuel nih cun Bawipa kha a hngal rih lo i Bawipa bia kha a sinah phuan a si rih lo.

1 SAMUEL 3:7

Samuel nih cun Bawipa kha a hngal rih lo i Bawipa bia kha a sinah phuan a si rih lo.

1 SAMUEL 3:8

Cun Bawipa nih Samuel cu a voi thumnak a kawh ṭhan. Cun a tho i Eli sinah khan a va kal i, "Hika ah hin ka um, na ka auh caah," a va ti. Bawipa nih ngakchiapa kha a auh tiah khi tikah Eli nih a hun hngalh.

1 SAMUEL 3:10

Cun Bawipa cu a ra i a rung dir i voi dang bantuk khan, "Samuel! Samuel!" tiah a auh. Cun Samuel nih, "Chim ko, zeitintiah na sal nih a theih," tiah a ti.

1 SAMUEL 3:13

A fapa hna nih Pathian an vawlhpamhnak sualnak kha a hngal ko nain a thlauh hna lo caah, a innchungkhar cu zungzal ca in dantatnak ka pek dengmang cang, tiah amah kha ka chimh.

1 SAMUEL 3:14

Cucaah Eli innchungkhar hna cu raithawinak in siseh, pekchanhnak in siseh, sualthianhpiak khawh, zungzal in an si lai lo, tiah Eli innchungkhar hna sinah cun chiat ka ser cang," tiah a ti.

1 SAMUEL 3:19

Cun Samuel cu a ṭhang i Bawipa cu a sinah a um i a bia kha pakhat hmanh vawlei ah a lohlakter lo.

1 SAMUEL 3:21

Cun Bawipa cu Shiloh ah a lang ṭhan, zeicahtiah Bawipa cu Samuel sinah Shiloh ah khan Bawipa bia in aa langhter.

1 SAMUEL 4:2

Filistin mi hna cu Israel mi doh awkah cun a tlang a tlang in an rak um i an hun i doh tikah Filistin mi hna nih cun Israel mi cu an tei hna, mi thong li tluk raldohnak hmun ah cun an thah hna.

1 SAMUEL 4:3

Cun ralkap pawl cu an riahhmun ah an rat tikah, Israel upa hna nih cun, "Zeicahdah Bawipa nih nihin ah hin Filistin mi hna hmaiah a kan sunghter hnga? Bawipa cu kan sinah a rat i kan ral hna ṭhawnnak chungin a kan khamh nakhnga Bawipa biakamnak kuang kha Shiloh in hika ah hin ratpi u sih," tiah an ti.

1 SAMUEL 4:5

Bawipa biakamnak kuang cu riah-hmun chungah a phak tikah, Israel mi vialte cu fak piin an au i cucaah vawlei zong kha a tlerh dih.

1 SAMUEL 4:10

Cucaah Filistin mi nih cun an tuk hna i Israel mi cu an sung, anmah le an inn cio ah khan an zam dih; i thahnak fakpi a um, Israel mi ke ralkap sang thum an thi.

1 SAMUEL 4:11

Pathian biakamnak kuang kha an tlaih; Eli fapa pahnih Hofni le Phinehas zong kha an thi.

1 SAMUEL 4:17

Cun thawngpang a rak phortu nih cun a leh i, "Israel mi cu Filistin mi hna hmaiah an zam i mi lakah thahnak nganpi a um; na fapa pahnih Hofni le Phinehas zong kha an thi i Pathian kuang kha an tlaih," tiah a ti.

1 SAMUEL 4:18

Pathian kuang, ti a vun chim tikah khan Eli cu, kutka pawng i a ṭhutdan cung khan hnulei ah aa ngal; a hngawng a kiak i a thi, zeicahtiah amah cu a tarmi a si i a rit fawn. Israel mi cu kum sawm li bia a ceih hna.

1 SAMUEL 5:2

cun Filistin mi nih cun Pathian kuang cu an lak i Dagon inn chungah an luhpi i Dagon pawngah cun an chiah.

1 SAMUEL 5:3

Cun a thaizing ah, Ashdod khuami hna cu zingkate in an thawh tikah, zohhmanh, Dagon cu a bawktakhup in vawlei ah Pathian kuang hmaiah cun a rak tlu. Cucaah Dagon cu an lak i a umnak kel ah khan an chiah ṭhan.

1 SAMUEL 5:4

Sihmanhsehlaw a thaizing zingkate i an thawh tikah khan, zohhmanh, Dagon cu a boktakhup in vawlei ah Pathian kuang hmaiah a rak tlu ko i Dagon lu bul le a kut bul hna cu innkaba ah an rak ril ko; Dagon cu a pum thlur lawng kha a taang.

1 SAMUEL 5:8

Cucaah Filistin bawi vialte kha an cah an pumh hna i, "Israel Pathian i a kuang hi zeitindah kan tuah lai?" tiah an ti. Annih nih, "Israel Pathian i a kuang cu Gath hrawngah ratpi si tuah seh," tiah an leh hna. Cucaah Israel Pathian i a kuang cu cuka ah cun an kalpi.

1 SAMUEL 5:11

Cucaah Filistin bawi vialte kha an cah an pumh hna i, "Israel Pathian i a kuang cu kalter ko u, kanmah le kan mi hna kha a kan thah nakhnga lo, amah umnak hmun ah kirter ṭhan ko u," tiah an ti. Zeitintiah khua chungah khan ṭih a nung ngaingaimi launak a um dih. Pathian kut cu khika ah a rit ngaingai ko.

1 SAMUEL 5:12

A thi lomi cu an bo dih i khua chung aunak thawng cu van tiang a kai.

1 SAMUEL 6:1

Bawipa kuang cu Filistin mi hna ram chungah thla sarih a um.

1 SAMUEL 6:2

Cun Filistin mi hna nih tlangbawi hna le litin thiam hna kha an auh hna i, "Bawipa kuang hi zeitindah kan tuah lai? A umnak ah zei he dah kan kuat lai, ti kha kan chim tuah u," an ti.

1 SAMUEL 6:3

Annih nih, "Israel Pathian i a kuang kha nan kirter a si ahcun, a lawng in kirter citcet hlah u; phungbuar thawinak he nan kirter hrimhrim lai. Cun nan dam lai i zeicahdah a kut cu nan sinin aa mer lo ti kha nan hngalh lai," an ti.

1 SAMUEL 6:5

Cucaah nan bonak mui le nan ram a hrawktu nan zu hna mui cu nan ser lai i Israel Pathian cu sunparnak nan pek lai; nanmah le nan khuazing hna le nan ram cungin a kut cu a hei zanter hmanh maw.

1 SAMUEL 6:9

Cun zoh tuah u, amah ram lei i a hung kalmi Beth-shemesh lei i a kalmi lam kha a hun zulh ahcun, kannih cungah hi harnak nganpi a tuahtu hi amah a si; sihmanhsehlaw cu ti a si lo ahcun, a kan tutu cu amah kut a si lo, kan cungah a tlung sual i a si ko, ti kha kan hngalh lai," an ti.

1 SAMUEL 6:12

Cun caw hna nih cun ding teomao in Beth-shemesh lei i a kalmi lam pakhat kha paw pah lengmang in an zulh; orhlei ah siseh, kehlei ah siseh an i mer lo; Filistin bawi hna nih Beth-shemesh ramri tiang an zulh hna.

1 SAMUEL 6:19

Cun Bawipa kuang chung kha Beth-shemesh khuami nih an bih caah tlawmpal a thah hna; annih kha mi sawm sarih a thah hna i, Bawipa nih annih kha tampi a thah hna caah an ṭap.

1 SAMUEL 6:20

Cun Beth-shemesh khuami nih, "Hi Pathian thiang, Bawipa, hmaiah hin ahodah a dir kho lai? Kannih sin hin aho sinah dah a hung kal lai?" an ti.

1 SAMUEL 7:3

Cun Samuel nih Israel chungkhar vialte hna sinah cun, " Bawipa sinah nan lung dihlak in nan kir a si ahcun, ramdang khuazing hna le Ashtaroth hna kha nanmah chungin nan hlonh hna lai i Bawipa leiah khan nan lung nan hoihter lai i amah lawng kha nan biak lai, cun amah nih Filistin mi hna kut chungin an chuahter hna lai," tiah a ti.

1 SAMUEL 7:4

Cucaah Israel mi nih Baal hna le Ashtaroth hna kha an hlawt hna i Bawipa rian lawng kha an ṭuan.

1 SAMUEL 7:5

Cun Samuel nih, "Israel mi vialte hna cu Mizpah ah pum hna u law, Bawipa sinah keimah nih thla kan campiak hna lai," a ti.

1 SAMUEL 7:7

Cun Filistin mi hna nih Israel mi cu Mizpah ah an i pum ti kha an theih, Filistin bawi hna cu Israel mi hna doh awkah an hung kal. Cun Israel mi nih mah cucu an theih tikah, Filistin mi cu an ṭih hna.

1 SAMUEL 7:8

Israel mi nih Samuel cu, "Filistin mi hna kut chungin a kan khamh nakhnga, kan ca i Bawipa kan Pathian sin i na aunak cu ngol hlah," tiah an ti.

1 SAMUEL 7:9

Cucaah Samuel nih hnuk ding lio tuufa pakhat a lak i Bawipa sinah pum khangh thawinak caah a pekchanh; cun Samuel nih Bawipa cu Israel mi caah a kawh i Bawipa nih amah cu a leh.

1 SAMUEL 7:10

Samuel nih khangh thawinak kha a pekchanh lioah Filistin mi cu Israel mi kha doh awkah lam nai ah an ra; sihmanhsehlaw khi ni ah Bawipa nih aw fak piin Filistin mi hna cu khuarit in a rithnawh hna i an i tuai dih; Israel mi hna hmai in an zam dih.

1 SAMUEL 8:5

Amah cu an thawh i, "Zohhmanh, na tar cang, cun na fapale nih na lam an zul fawn lo. Cucaah miphun vialte hna cio bangin, a kan uktu ah siangpahrang pakhat kan chiahpiak tuah," an ti.

1 SAMUEL 8:7

Cun Bawipa nih Samuel cu a chawnh i, "Mizapi nih na sinah an chimmi bia vialte ah an aw kha ngai tuah; zeitintiah nangmah an in hlawt a si lo, an cung i siangpahrang ka sinak hin keimah an ka hlawt a si.

1 SAMUEL 8:10

Cucaah Samuel nih amah sinin siangpahrang a halmi hna kha Bawipa bia vialte cu a chimh hna.

1 SAMUEL 8:18

Cun khi ni ah nanmahte nih nan i thimmi nan siangpahrang ruangah nannih cu nan ai len te lai; sihmanhsehlaw Bawipa nih khi ni ah cun an let hna lai lo," tiah a ti.

1 SAMUEL 9:3

Saul pa Kish i laa cu an tlau i Kish nih a fapa Saul cu, "Sinum pakhat khan i kalpi law, tho law, laa kawl awkah cun va kal tuah," tiah a ti.

1 SAMUEL 9:15

Cun Saul a rat hlan ni khat ah khan Bawipa nih Samuel sinah khan a rak phuan i,

1 SAMUEL 9:16

"Thaizing atu tik hrawngah hin, na sinah Benjamin peng i mipa pakhat ka rak thlah lai i amah cu ka mi Israel mi hna cung i bawi si awkah chiti na rak thuh lai. Amah nih ka mi hna cu Filistin mi kut chungin a khamh hna lai; zeitintiah an aunak kha ka sinah a phak cang caah ka mi hna nih hremnak an inmi cu ka hmuh cang," tiah a ti.

1 SAMUEL 9:17

Samuel nih Saul kha a hmuh tikah, Bawipa nih amah cu, "A kong kan chimh mipa kha mah pa hi a si! Amah hi ka mi hna uktu ding cu a si," tiah a chimh.

1 SAMUEL 9:19

Samuel nih Saul cu a leh i, "Hmutu cu keimah hi ka si; ka hmaiah hin khuahrum bo leiah khan kal ko, zeitintiah nihin cu keimah sinah rawl na ei lai i thaizing ah kan kalter te lai i na ruah lengmangmi cu kan chimh dih lai.

1 SAMUEL 9:20

Na laa, ni thum a tlau cangmi hna cu ruat len ti hna hlah, zeicahtiah an hmuh cang hna. Cun Israel mi hna lak i duh awk thil vialte cu aho caah dah an si? Nangmah le na pa chungkhar vialte hna caah an si lo maw?" tiah a ti.

1 SAMUEL 10:1

Cun Samuel nih chiti thawl kha aa chuah i a lu ah khan a toih i a hnamh i, "Bawipa nih a mi Israel mi hna cung i bawi si awkah chiti an thuh a si lo mei? Cun Bawipa mi cu na uk hna lai i an pawngkam i a ummi an ral hna kut chung khan na khamh hna lai. Cun Bawipa nih amah ro cung i bawi si awkah chiti an thuh cang, ti hmelchunhnak cu mah hihi a si lai.