1 SAMUEL 11:2
Sihmanhsehlaw Ammon mi Nahash nih cun annih cu, "Nan orhlei mit kan khoih dih hna i cuticun Israel mi vialte cungah ningzah hmaichiatnak ka tlunter bel ah, nannih sinah hnatlaknak cu ka tuah hnga," tiah a ti.
1 SAMUEL 11:6
Cun hi bia kha Saul nih a theih tikah Pathian thlarau cu Saul cungah hmual fak piin a tlung i fak piin a thin a hung.
1 SAMUEL 11:7
Cawtum khuah khat kha aa lak hna i a can cikcek hna i lamkaltu hna kut in Israel ram chung vialte ah a kuat dih hna i, "Saul le Samuel zulh awkah a chuak duh lo paoh cu a cawtum hna cungah hi bantukin tuah a si lai!" tiah a ti. Khi tikah Bawipa ṭihnak kha mi cungah khan a tlung i annih nih mi pakhat bantukin an chuak.
1 SAMUEL 11:11
Cun a thaizing ah Saul nih mi kha phu thum ah a ṭhen hna i zinglei ven caan ah khin riahhmun chungah khan an lut i chun ni linh tiang Ammon mi kha an sam hna, cun a nung rihmi cu an i ṭhek dih i cucaah pahnih in a um ṭimi an um lo.
1 SAMUEL 12:3
Hika ah hin ka um hih; Bawipa le a chiti thuhmi hmaiah hin ka soi tuah u. Aho cawtum ka la bal maw? Aho laa ka la bal maw? Aho tal ka hleng bal hna maw? Aho tal ka hrem bal maw? Ka mit phenhtertu ah aho sinin nawhthuh ka la bal maw? Ka chim u law, kan rulh hna lai," tiah a ti.
1 SAMUEL 12:7
Cucaah dir ṭhep u law, Bawipa hmaiah Bawipa nih nanmah ca le nan pupa hna ca i khamhnak rian a ṭuanmi kha kan ruah tuah hna lai.
1 SAMUEL 12:9
Sihmanhsehlaw Bawipa an Pathian kha an philh i Hazor siangpahrang Jabin i a ralkapbu haotu Sisera kut chungah khan le Filistin mi hna kut chungah le Moab siangpahrang kut chungah khan a zuarh hna; cun annih nih an tuk an doh hna.
1 SAMUEL 12:10
Cun Bawipa kha an auh i, 'Bawipa kha kan hlawt i Baal le Ashtaroth kha an rian kan ṭuan hna caah kan sual cang; sihmanhsehlaw atu cu kan ral hna kut chungin kan chuahter law, nangmah na rian kan ṭuan lai,' an ti.
1 SAMUEL 12:11
Cun Bawipa nih Jerubbaal le Barak le Jepthah le Samuel kha a run thlah hna i nan pawngkam i a ummi nan ral hna kut chungin an chuah hna i him tein khua nan sa.
1 SAMUEL 12:15
sihmanhsehlaw Bawipa aw kha nan ngaih lo Bawipa nawlbia kha nan ralchanh ahcun, khi tikah Bawipa kut nih cun nanmah le nan siangpahrang kha an ralchanh hna lai.
1 SAMUEL 12:16
Cucaah dir ṭhep u law, nan hmaika ah Bawipa nih a tuah laimi thil lianngan hi zoh tuah u.
1 SAMUEL 12:17
Nihin hi changvut ṭuan ni a si lo mei? Khua a ritter i ruah a surter nakhnga, Bawipa kha ka auh lai i nan ca i nannih nih siangpahrang nan halnak kongah hin Bawipa hmai i nan tuahmi nan ṭhat lonak kha a ngan, ti kha nan hngalh lai i nan hmuh lai," tiah a ti.
1 SAMUEL 12:18
Cucaah Samuel nih Bawipa kha a auh i khi ni ah Bawipa nih khua a ritter i ruah a surter; cun mi vialte nih Bawipa le Samuel kha an ṭih ngaingai hna.
1 SAMUEL 12:19
Cun mi vialte nih Samuel sinah cun, "Bawipa na Pathian sinah cun, kan thih nakhnga lo, na sal hna caah hin thla kan campiak tuah; zeicahtiah kan sualnak vialte cungah hi thil ṭhalo hi kan i chap cang, kan ca i siangpahrang kan hal hi," tiah an ti.
1 SAMUEL 12:20
Cun Samuel nih mi sinah cun, "Ṭih hlah u; hi thil ṭhalo vialte hi nan tuah cang, asinain Bawipa nan zulhnak khan pial loin nan lungthin dihlak in Bawipa rian kha ṭuan tuah u;
1 SAMUEL 12:21
cun pakpalawng thil, ṭhathnem zong an ṭhathnem kho hna lo i a khamh zong an khamh kho hna lomi thil hna kha, pialhnawh hna hlah u, zeitintiah pakpalawng an si.
1 SAMUEL 12:22
Nannih cu amah ca miphun i ser kha Bawipa lawmhmi a si caah, a min ngan ruang ah hin, Bawipa nih a mi cu an hlonh hna lai lo.
1 SAMUEL 12:24
Bawipa cu a ṭih bel ṭih ko u law, nan lungthin dihlak in a rian kha zumhawktlak tein ṭuan ko u; zeitintiah nan ca i thil lianngan a tuahmi kha ruat tuah hna u.
1 SAMUEL 13:3
Jonathan nih Geba i a ummi Filistin ralveng ralkapbu cu a tei hna i mah cucu Filistin mi nih an theih. Cun Saul nih ram chung dihlak ah khan, "Hebru mi nih thei hna seh," tiin muko a tum.
1 SAMUEL 13:4
Cun Israel mi vialte nih khan, Saul nih Filistin ralveng ralkapbu kha a tei hna ti le Israel mi cu Filistin mi hna huat kan phor cang ti zong kha an theih. Cun mi hna cu Saul kha Gilgal i hei fonh awkah an auh hna.
1 SAMUEL 13:5
Cun Filistin mi cu Israel mi kha doh awkah an i pum, rangleng sang thum, rangcung ralkap thong ruk le ke ralkap an tam ning cu rilikam thetse zat; cun an hung kai i Mikmash ah an riak, Beth-aven nichuahlei ah khan.
1 SAMUEL 13:7
a cheu nih Jordan tiva kha a tannak hmun hna ah khan an tan i Gad le Gilead ram ah an zam. Saul tu cu Gilgal ah khan a um ko i mi vialte nih khan therphang lengmang in an zulh.
1 SAMUEL 13:8
Samuel nih a caan a tinh tak bangin ni sarih a hngah; sihmanhsehlaw Samuel cu Gilgal ah khan a ra lo i mi nih khan amah kha an ṭiaotak lengmang cang.
1 SAMUEL 13:9
Cucaah Saul nih, "Hika ah hin, keimah sinah, khangh thawinak kha le daihnak thawinak hna kha rak pu hna u," tiah a ti. Cun khangh thawinak kha a pekchanh.
1 SAMUEL 13:10
Khangh thawinak kha a pekchanh dih kate ah khin, zohhmanh, Samuel kha a ra; cun Saul nih khan amah ton awkah a kal i salaam a pek.
1 SAMUEL 13:13
Cun Samuel nih Saul cu, "Na tuahmi hi hruhnak ngaingai a si; Bawipa na Pathian nih an pekmi a nawlbia cu na zul lo; zeicahtiah atu cu, Bawipa nih na pennak cu Israel mi cungah zungzal ca in a hei fehter ko hnga.
1 SAMUEL 13:14
Sihmanhsehlaw atu cu na pennak hi aa pehtlai lai lo; zeitintiah Bawipa nih amah duhning lungthin a pumi pakhat a kawl cang; cun nangmah nih Bawipa nih an pekmi nawlbia kha na zulh hna lo caah, a mi hna cung i bawi sinak kha Bawipa nih amah cu a pek cang," tiah a ti.
1 SAMUEL 13:22
Cucaah raltuk ni ah khan fei siseh, nam siseh a ngeimi, Saul le Jonathan sin i a ummi hna lakah khan an um lo; sihmanhsehlaw Saul le a fapa Jonathan kha cu an ngei.
1 SAMUEL 14:6
Cun a ralthuam putu tlangval sinah cun Jonathan nih, "Hi cuarpartan lomi hna an ralvengtu ralkapbu sinah khin va kal tuah u sih; Bawipa nih kan caah rian a hei ṭuan ko hmanh hnga maw, zeitintiah khamhnak cu mi tam thawngin a si ah siseh, mi tlawm thawngin a si ah siseh, Bawipa cu zeihmanh nih a dawnh khawh ṭung lo," tiah a ti.
1 SAMUEL 14:7
Cun a ralthuam putu nih khan a sinah, "Na lung nih a duhning te cun tuah ko; zohhmanh, na sinah ka um, na ruahnak bantukte cu ka ruahnak a si ve," tiah a ti.
1 SAMUEL 14:10
Sihmanhsehlaw annih nih, 'Kan sinah hung tuah u,' an ti ahcun, kan hung kal lai; zeitintiah mah hihi Bawipa nih annih cu kan kut chungah a kan pek cang ti hmelchunhnak a si lai," tiah a ti.
1 SAMUEL 14:12
Cun ralvengtu ralkapbu hna nih cun Jonathan le a ralthuam putu cu an hei kawh hna i, "Kan sinah hung u law, thil pakhat kan in hmuhsak hna lai," tiah an hei ti hna. Cun Jonathan nih a ralthuam putu sinah cun, "Hun ka zul tuah; zeitintiah annih cu Bawipa nih Israel mi kut chungah a pek cang hna cuh," tiah a ti.
1 SAMUEL 14:14
cun cu thahnak hmasa bik Jonathan le a ralthuam putu nih an tuahmi cu, tlangrel tuhnak kauh vawlei ah khin, leileh rinkuar a cheu can tluk ah khin, mi pakul tluk an thi.
1 SAMUEL 14:15
Cun riahhmun le lo lak le mi vialte lakah khan launak a um ciammam i ralvengtu ralkapbu le ral hranhtu ralkap hna hmanh cu an ther ko; cun vawlei aa hnin i launak nganpi ah a cang.
1 SAMUEL 14:20
Cun Saul le a sinah a ummi vialte kha an i pum ṭhan i raldohnak chungah cun an lut; cun zohhmanh, anmah le anmah cu nam in an i tu ciammam i, i tuainak nganpi a um.
1 SAMUEL 14:23
Cuticun khi ni ah Bawipa nih Israel cu a luatter; raldohnak cu Beth-aven pin tiang a phan.
1 SAMUEL 14:24
Cun khi ni ah Israel mi hna cu an lungre a thei, zeicahtiah mi cungah cun chiatsernak kha Saul nih a khin i, "Ka ral hna cungah phu ka hlam i zanlei a si hlan i rawl a eimi cu chiatserh siseh," tiah a ti. Cucaah ahohmanh nih rawl an tep lo.
1 SAMUEL 14:27
Sihmanhsehlaw Jonathan nih a pa nih mi kha chiatserhnak in bia a beuh hna ti kha a thei lo; cucaah a kut in aa putmi fung par cun khuai thlar cu a sawh i a kut in aa tuh i a mit a hung fiang ṭhan.
1 SAMUEL 14:28
Cun mi pakhat nih, "Na pa nih mi kha chiatserhnak in fek tein bia a beuh hna i, 'Nihin i rawl a eimi cu chiat siseh,' a ti," tiah a ti. Cun mizapi cu an buhri dih.
1 SAMUEL 14:29
Cun Jonathan nih aa thawh i, "Ka pa nih ram hi harnak a pek ko hih. Khuaihliti tlawmpalte ka teh caah ka mit au a fian ṭhan hi zoh tuah ngat u.
1 SAMUEL 14:32
mi hna nih cun hranchaw kha an zuanhnawh hna i tuu hna le cawtum hna le cawfa hna kha an lak hna i vawlei ah an thah hna i mi nih cun an thisen he an ei chih hna.
1 SAMUEL 14:37
Cun Saul nih Pathian cu a hal i, "Filistin mi cu ka vung dawi hna lai maw? Annih cu Israel mi hna kut chungah na pe hna lai maw?" tiah a ti. Sihmanhsehlaw khi ni ah cun amah cu a let lo.
1 SAMUEL 14:39
Zeitintiah Israel a khamhtu Bawipa nih a nun bangin, ka fapa Jonathan chungah a um a si hmanh ah, a thi hrimhrim lai," tiah a ti. Sihmanhsehlaw mi vialte lakah cun amah a hun lettu pakhat hmanh an um lo.
1 SAMUEL 14:41
Cucaah Saul nih, "Maw Bawipa, Israel Pathian, zeicahdah nihin cu na sal kha na ka leh lo? Hi mawhnak cu keimah chungah siseh, ka fapa Jonathan chungah siseh, a um a si ahcun, maw Bawipa, Israel Pathian, Urim langhter; sihmanhsehlaw hi mawhnak cu na mi Israel mi chungah a um a si ahcun, Thummim langhter," tiah a ti. Cun Jonathan le Saul cungah khan a tla i mizapi kha cu an luat.
1 SAMUEL 14:43
Cun Saul nih Jonathan cu, "Zeidah na rak tuah, ka chim tuah," tiah a ti. Cun Jonathan nih amah cu, "Ka kut in kaa putmi ṭhiangṭhunh par in khuaihliti tlawmte ka teh; hika ah ka um ko hih, ka thi ko lai," tiah a ti.
1 SAMUEL 14:45
Khi tikah mizapi nih Saul sinah cun, "Israel chungah hi teinak nganpi a tuahtu Jonathan cu maw a thi hnga? Naisai hlah! Bawipa a nun bangin, a lu cung a samfa fa khat hmanh vawlei ah a tla lai lo; zeicahtiah nihin ah Bawipa he pei an tuah ṭi leh hi," tiah an ti. Cuticun mizapi nih Jonathan cu an tlanh; cucaah a thi lo.
1 SAMUEL 15:1
Cun Samuel nih Saul cu, "Bawipa nih keimah cu, nangmah kha, a mi Israel mi cung i siangpahrang si awk i chiti thuh awkah, a ka thlah cang; cucaah Bawipa bia cu ngai tuah hna.
1 SAMUEL 15:2
Hi bangin ralkapbu Bawipa nih a ti, 'Amalek mi nih Israel mi cungah an tuahmi, Izipt ram in an chuah i lampi i annih an rak doh hna kha, dan ka tat lai.
1 SAMUEL 15:3
Atu cu va kal law, Amalek kha va tu, an ngeihmi vialte kha va hrawk dih; zuah hna hlah, sihmanhsehlaw pa thlulo nu thlulo, ngakchia thlulo, bawhte thlulo, tuu thlulo, kalauk thlulo, laa thlulo in va that hna,' a ti," tiah a ti.
1 SAMUEL 15:9
Sihmanhsehlaw Saul le mi hna nih khan Agag le tuu lak i a ṭha bik hna le cawtum lak i a ṭha bik hna le cenhmi saṭil thauthau hna lakin a ṭha bik hna le, tuufa hna le a ṭhami vialte kha an zuah hna i an hrawk cikcek duh hna lo; a ṭhalo le santlailo vialte lawng kha an hrawh cikcek hna.
1 SAMUEL 15:10
Bawipa bia cu Samuel sinah a ra phan:
1 SAMUEL 15:11
"Saul cu siangpahrang i ka rak ser caah hin kaa ngaichih; zeicahtiah keimah zulhnak in aa mer cang i ka nawlbia kha a tuah hna lo," tiah a ti. Cun Samuel cu a thin a hung i Bawipa kha zan khuadei in a auh.
1 SAMUEL 15:14
Cun Samuel nih, "A si kun ahcun, tuu awnh ka hna i a lutmi hi le cawtum pawt ka theihmi hi zeidah a si kun?" tiah a ti.
1 SAMUEL 15:15
Saul nih, "Amalek mi hna sinin an ratpimi an si; zeitintiah mi nih tuu lak i a ṭha bik hna le cawtum lak i a ṭha bik hna kha Bawipa na Pathian sin i raithawi awkah an zuah hna; cun a dang vialte cu kan hrawh cikcek hna," tiah a ti.
1 SAMUEL 15:17
Cun Samuel nih, "Nangmah naa ruahnak ah mi hmete si hmanh law, Israel miphun hna lu na si lo maw? Bawipa nih Israel mi siangpahrang ah chiti an thuh cang.
1 SAMUEL 15:18
Cun Bawipa nih rian pakhat tuah awkah an thlah i, 'Va kal law, misual mi, Amalek mi kha, va hrawk dih cikcek hna, cun an ciamh dih tiangin va do hna,' a ti.
1 SAMUEL 15:19
A si kun ahcun, zeicahdah Bawipa aw cu na zulh lo? Zeicahdah hranchaw kha na zuanhnawh i Bawipa hmai i thil ṭhalo kha na tuah?" tiah a ti.
1 SAMUEL 15:22
Cun Samuel nih a thawh i, "Bawipa nih hin Bawipa aw zulhnak i lawmhnak ngan a ngeih tluk hin maw, Khangh thawinak le raithawinak ah hin lawmhnak a ngeih ve? Zohhmanh, nawlngaihnak hi raithawinak nakin a ṭha deuh i Amah bia ngaih hi tuukawng hna thau nakin a ṭha deuh.
1 SAMUEL 15:23
Zeitintiah ralchanh hman hi litin bantukin sual a si ve i, Lungkhon hi ṭhat lo le siasal biak he an i tluk. Nangmah nih Bawipa bia na al cang caah amah zong nih nangmah cu siangpahrang sinak khan an hlawt cang," tiah a ti.
1 SAMUEL 15:24
Cun Saul nih Samuel sinah cun, "Ka sual cang; mi zapi kha ka ṭih hna i an aw ka zulh hna caah Bawipa nawlbia le nangmah bia kha ka buar cang hna.
1 SAMUEL 15:25
Cucaah atu cu, ka sualnak kha ka ngaithiam law, ka sinah kir tuah, Bawipa kha ka biak nakhnga, tiah kan nawl," tiah a ti.
1 SAMUEL 15:26
Cun Samuel nih Saul cu, "Nangmah cu kan kirpi lai lo; zeitintiah Bawipa bia kha na al cang i, Bawipa nih Israel mi cung i siangpahrang na sinak khan an hlawt cang," tiah a ti.
1 SAMUEL 15:6
Cun Saul nih Ken mi hna cu, "Kal u law, i ṭhen u, Amalek mi hna sinin vung kal u; cu ti a si lo ahcun, anmah sinah kan hrawh chih sual hna lai; zeitintiah Izipt ram in an hung chuah lioah khan nannih nih Israel mi vialte cu nan rak zaangfah hna," tiah a ti. Cucaah Ken mi hna cu Amalek mi hna sin khan an i ṭhen.
1 SAMUEL 15:27
Cun Samuel cu kal awk i aa mer pah ah khin Saul nih a puan ki in a tlaih i a tlek.
1 SAMUEL 15:28
Cun Samuel nih amah cu, "Bawipa nih Israel pennak cu nangmah sinin nihin ah hin a thleh cang i nangmah nakin a ṭha deuhmi na innpa sinah khan a pek cang.
1 SAMUEL 15:29
Cun Israel Sunparnak nih khan lih zong a chim lai lo i a ngaih zong aa ngaichih lai lo; zeitintiah i ngaihchih awkah amah cu minung a si ṭung lo," tiah a ti.
1 SAMUEL 15:30
Cun amah nih khan, "Ka sual ko cang; sihmanhsehlaw atu cu ka mi hna i an upa hna hmai le Israel mi hmaiah hin upatnak ka pe law ka kirpi ko. Bawipa na Pathian cu ka biak nakhnga," tiah a ti.
1 SAMUEL 15:31
Cucaah Samuel nih Saul cu a kirpi i Saul nih Bawipa kha a biak.
1 SAMUEL 16:3
Cun Jesse kha raithawinak ah cun va sawm law, nangmah nih zeidah na tuah awk a si kha kan hmuhsak lai; cun a min kan chimhmi kha nangmah nih chiti cu na ka thuhpiak lai," tiah a ti.
1 SAMUEL 16:7
Sihmanhsehlaw Bawipa nih Samuel sinah cun, "A muisam in siseh, a pumrua in siseh, zoh hlah, zeicahtiah amah cu ka hlawt cang; zeitintiah Bawipa nih cun mi i an zohning in a zoh lo; mi nih cun lenglei langhning kha an zoh, sihmanhsehlaw Bawipa nih cun lungthin kha a zoh," tiah a ti.
1 SAMUEL 16:12
Cun a hei thlah hna i an run luhpi. Amah cu mi sen tertar te, mit au dawh ngai, midawh ngai a si. Cun Bawipa nih, "Tho law, amah cu thuh tuah; zeicahtiah amah hi dahkaw a si cu," tiah a ti.
1 SAMUEL 16:13
Cun Samuel nih a chiti rawnnak ki cu aa lak i amah cu a unau hna lakah cun a toih; cun Bawipa thlarau cu cu ni thawk in fak piin David cungah a tlung. Cun Samuel cu a tho i Ramah ah a kal.
1 SAMUEL 16:14
Bawipa thlarau cu Saul sin khan aa ṭhial i Bawipa sinin a rami thlarau ṭhalo nih amah kha awlok a chonh.
1 SAMUEL 16:16
Kan bawipa nih nangmah hmai i a ummi na sal hna hi, tingtang tum a thiammi kawl awkah nawl kan pe tuah; Pathian sinin a rami thlarau ṭhalo kha na cungah a um tikah amah nih cun a tum lai i na dam lai," tiah an ti.
1 SAMUEL 16:18
Tlangval pakhat nih khan a hun leh i, "Zohhmanh, Bethlehem khuami Jesse fapa pakhat, tingtang tum a thiammi, mi ralṭha, raldoh thiammi, biachim holh rel i a fimmi, mui dawh ngai, ka hmuh; cun Bawipa cu amah sinah a um," tiah a ti.
1 SAMUEL 16:21
Cun David cu Saul sinah khan a ra i a rian ah khan a lut. Cun Saul nih khan a duh ngaingai i a hriamnam putu ah a cang.
1 SAMUEL 16:22
Cun Saul nih Jesse cu bia a hei cah i, "David cu ka rian ah hin um ko seh, zeitintiah a cungah ka mit a tling," tiah a ti.
Comments
Post a Comment