Dear Khrih chungchuak unau hna,
Nunnak petu thawngtha bia i ruahti than ding in kan sawm hna. Kan nunnak dihlak in Bawipa panh cang le thangtthat caan asi cang. Chim le rel lawng siloin kan nunnak tuin langhter ve cang hna usih. Bawipa nih nan nun in cit cio cang ko hna seh. Amen!
TITAS 1:4
Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.
Pathian salle Khrih Jesuh sal ka sinak a langhtertu cu zumhnak le hngalhnak le ruahchannak hna hi an si. Khrih kan zumhnak thawngin a fale kan sinak le kan i theih khawhnak hmelchunhnak ah Thiang Thlarau pek kan si. Amen! Cu Thiang Thlarau nih cun daihnak le lawmhnak cu tling khitkhet in a ka pek i Pathian fale taktak kan sinak kha aphuan. Amen! Zumhnak kan timi cu Pathian nih A fapa arak thlahmi Jesuh Khrih kan zumhnak thawng in khamhnak pek kan si hi asi i cu khamhnak pek kan si cu kan zumhnak a kan cohlan piaknak thawng in asi. Amen! Hngalhnak kan ti mi zong hi Pathian sin in arami an si dih hna i kan biaknak phung nih a kan cawnpiakmi biatak hngalnak (Baibal ca) hin asi. Biatak cu nan hngalh lai i Biatak nih cun an luatter hna lai tiah ati. Biatak kan timi cu mi cung in si loin kan chungah Khrih biatak aummi tu kha kan timi cu asi. Amen! Khrihfa poahpoah nih kan hngalhnak hrampi cu Baibal ca chung hin asi bak awk asi i Baibaal ca hi Pathian nih thaw achuah hnawhmi le thluachuah apekmi asi. Amen! Nitin tein Baibal hi rel lengmang ding le ti le rawl kan ei bang in Thlarau rawl kan ei lengmang ding asi ve.
Ruanchannak kan ti mi cu thih hnu thawhtthannak, van ram ah zungzal nunnak kan hmuh lai tiah kan i ruahchan lengmang mi cu asi. Zumtu nih kan i tlaihbik mi hi ruahchannak hi asi i cu ruahchannak kan ngeihnak ahrampi cu Pathian ah kan bunh i kan hmuh khawhmi thilri men ah si loin kan hmuh khawh lomi thil tuah arak si. Amen! Pathian he kan i pehtlainak thawng in zeizong vialte hi vawlei kan nun chung caah he Van ram kan va nun te lai dingmi ca he thluachuah pek ding in le nunnak pek ding in bia kamhmi kan si caah kan i ruahchannak nih cun thanuamhnak a kan pek i kan nun a cawm zungzal. Amen! Sawm kan duhmi hna cu kan mit nih ahmuh khawhmi/kan mah minung sinak nih tuah khawh vial chungah ruahchanak bunh loin kan sining nih tuahkhawh, ruah khawh/hmuhkhawh leng in Pathian sinah ruahchannak thukpi in chia hna usih ti hi asi. Amen! Thih hnu thawhtthannak in zungzal nunnak hmanh a kan kamh cangah cun vawlei kan nun chung ca i kan herhmi vialte hi teh a kan pe hnga lo maw? Pe tuk lai hmeteh. Kan i ruahchannak hrampi tu hi Pathian sin in si dih ko seh. Amen! Minung nai bochan ah cun donghnak angei lai i na unau/na hawikom na bochan zong ah donghnak angei lai sihmanhsehlaw Pathian sin ah ruahchannak thukpi in hram na bunh ah cun zungzal nunnak ca he vawlei ah thluachuah na rel hrimhrim ko lai. Bawipa nih sunparnak co ko seh....
Nunnak petu thawngtha bia i ruahti than ding in kan sawm hna. Kan nunnak dihlak in Bawipa panh cang le thangtthat caan asi cang. Chim le rel lawng siloin kan nunnak tuin langhter ve cang hna usih. Bawipa nih nan nun in cit cio cang ko hna seh. Amen!
TITAS 1:4
Pathian sal le Khrih Jesuh sal ka sinak a langhtertu cu zumhnak le hngalhnak le ruahchannak an si, zumhnak cu Pathian nih a thimmi hna chung i a hung thomi zumhnak, hngalhnak cu kan biaknak phung nih a kan cawnpiakmi biatak hngalhnak, ruahchannak cu zungzal nunnak i ruahchannak. Cu zungzal nunnak cu lih a chim kho lomi Pathian nih caan hramthawk hlan in a kan kamh cangmi nunnak kha a si i atu ah amah nih a caan a rem a timi caan ah a phuan cang. Cu bia a phuanmi rian cu keimah kha ṭuan awkah a ka fial i kan Khamhtu Pathian nawl in cu bia cu ka chim.
Pathian salle Khrih Jesuh sal ka sinak a langhtertu cu zumhnak le hngalhnak le ruahchannak hna hi an si. Khrih kan zumhnak thawngin a fale kan sinak le kan i theih khawhnak hmelchunhnak ah Thiang Thlarau pek kan si. Amen! Cu Thiang Thlarau nih cun daihnak le lawmhnak cu tling khitkhet in a ka pek i Pathian fale taktak kan sinak kha aphuan. Amen! Zumhnak kan timi cu Pathian nih A fapa arak thlahmi Jesuh Khrih kan zumhnak thawng in khamhnak pek kan si hi asi i cu khamhnak pek kan si cu kan zumhnak a kan cohlan piaknak thawng in asi. Amen! Hngalhnak kan ti mi zong hi Pathian sin in arami an si dih hna i kan biaknak phung nih a kan cawnpiakmi biatak hngalnak (Baibal ca) hin asi. Biatak cu nan hngalh lai i Biatak nih cun an luatter hna lai tiah ati. Biatak kan timi cu mi cung in si loin kan chungah Khrih biatak aummi tu kha kan timi cu asi. Amen! Khrihfa poahpoah nih kan hngalhnak hrampi cu Baibal ca chung hin asi bak awk asi i Baibaal ca hi Pathian nih thaw achuah hnawhmi le thluachuah apekmi asi. Amen! Nitin tein Baibal hi rel lengmang ding le ti le rawl kan ei bang in Thlarau rawl kan ei lengmang ding asi ve.
Ruanchannak kan ti mi cu thih hnu thawhtthannak, van ram ah zungzal nunnak kan hmuh lai tiah kan i ruahchan lengmang mi cu asi. Zumtu nih kan i tlaihbik mi hi ruahchannak hi asi i cu ruahchannak kan ngeihnak ahrampi cu Pathian ah kan bunh i kan hmuh khawhmi thilri men ah si loin kan hmuh khawh lomi thil tuah arak si. Amen! Pathian he kan i pehtlainak thawng in zeizong vialte hi vawlei kan nun chung caah he Van ram kan va nun te lai dingmi ca he thluachuah pek ding in le nunnak pek ding in bia kamhmi kan si caah kan i ruahchannak nih cun thanuamhnak a kan pek i kan nun a cawm zungzal. Amen! Sawm kan duhmi hna cu kan mit nih ahmuh khawhmi/kan mah minung sinak nih tuah khawh vial chungah ruahchanak bunh loin kan sining nih tuahkhawh, ruah khawh/hmuhkhawh leng in Pathian sinah ruahchannak thukpi in chia hna usih ti hi asi. Amen! Thih hnu thawhtthannak in zungzal nunnak hmanh a kan kamh cangah cun vawlei kan nun chung ca i kan herhmi vialte hi teh a kan pe hnga lo maw? Pe tuk lai hmeteh. Kan i ruahchannak hrampi tu hi Pathian sin in si dih ko seh. Amen! Minung nai bochan ah cun donghnak angei lai i na unau/na hawikom na bochan zong ah donghnak angei lai sihmanhsehlaw Pathian sin ah ruahchannak thukpi in hram na bunh ah cun zungzal nunnak ca he vawlei ah thluachuah na rel hrimhrim ko lai. Bawipa nih sunparnak co ko seh....
Comments
Post a Comment