Dear Khrih chungchuak unau hna,
Pathian vel ruangah nunthar lawmhnak thluachuah hmu cio hram ko uh. Pathian bia tawi te ruahtti ding in ka van in sawm tthan hna.
HEBRU 2:11
Minung cu an sualnak kha a thianhpiak hna; minung sualnak a thianhtu le an sualnak a thianhpiakmi hna minung cu, an bu hnih in, an Pa cu aa khat ko. Cu ruangah cun Jesuh nih ka unau hna ti i kawh kha a ning a zak lo.
Minung kan sualnak thianhpiaktu Jesuh Khrih le sualnak thianhpiakmi minung kan mah hi kan Pa aikhat i kan Pa cu Pathian asi. Amen! Aikhat khawhnak aruang cu Jesuh Khrih nih vawlei ah a nunnak pek in kan sualnak a kan thianhpiaknak thawng in Amah bantuk sualnak ngei loin a thisen thawng in Pathian hmaiah a kan luhpi caah asi. Amen! Ataktak le ngaingai tiah cun Jesuh Khrih nunnak in huhmi le thuamhmi kan si caah ka unau hna ti kha aning a zah lonak le a kan zahpi lonak cu asi. Amen! Zahpi awktlak ngaingai khi kan si ko nain dawtnak in zahpi awktlak kan sualnak vialte kha a kan thianhpiak dih cang caah Jesuh Khrih thawng in pum tlamtling khitkhetmi le sawi awk um lomi mithiangah ser kan si. Amen! Jesuh Khrih min le tthawnnak lawnglawng in kan nih caah luatnak le damnak asi i ka unau hna tiin Pa sin ah auh kan si cang caah hin ilawm ko hna usih. Kan nih cu Jesuh Khrih thisen in a nungmi kan si i kan zei zong vialte hi kan mah ta si loin Khrih ta cu asi taktak. Amen!
HEBRU 2:14
Cun ngakchia tiah a timi hna cu, thi le sa in a nungmi minung an si bantukin, Jesuh zong cu anmah bantuk ah a run i cang i an sining kha aa hrawm ve. Cu bantukin a si cu, thihnak cung i nawl a ngeitu Khuachia kha, a thihnak thawng cun a hrawh nakhnga le
HEBRU 2:15
thihnak an ṭih ruang i an nun chung vialte sal bantukin khua a sami hna kha a luatter hna nakhnga caah a si.
Thi le sa in anungmi kan mah minung hi Pathian nih hngakchia tiah auhmi kan si i hngakchia kan mah bantuk tein Jesuh Khrih zong minung thi le sa in a hung cang i kan sining bantuk te hi arak i hrawm ve. Cu kan sining bantuk hrawm loin cun teh vawlei hi a khamh kho lo maw? kan ti tik ah, a khamh khawh tuk ko hmeteh. Zei zong vialte cu amah thawng cun pei ser an rak si i abia thawng cun an hung um cu! Sihmanhsehlaw vawlei cungah kan mah sining bantuk arak i hrawmnak cu vawlei mi vialte nih kan mah bantuk in turforhnak le harsatnak, fahnak, ngaihchiatnak, thihnak a inmi vialte hi kan zumh khawhnak ding caah asi. (Khrih bantuk in kan nun khawhnak ding caah, Khrih tinh ning in kan nun khawhnak ding caah Amah pum in Good Example a kan chiahta) Amen! Kan mah bantuk in kan hawi le nih fahnak a tongmi hna tuarpi kan thiam bantuk in kan Bawipa Jesuh Khrih zong nih a kan theihthiam piaktuk ve i tuarpi a kan thiamtuk ve tihi philh hna hlah usih. Amen! Atu lio i kan inmi harsatnak vialte, lungre theihnak vialte, tukforhnak vialte arak in ve i thihnak tiang hmanh arak in ve, cu thihnak a inmi thawng cun khuachia sualthawnnak chung i aummi thihnak chung in chuahpi le hrawhpiak a kan duh caah arak si. Amen! Nihin ah cun thihnak lam kan panh cuahmah mi lam khan nunnak lamthluan ah a kan kalpi i thihnak timi kha zungzal nunnak tuah thlenpiak kan si cang. Amen! Cucaah cun kan caah sal bantuk in arak kan uktu thihnak kha hrawhpiak kan si cang i ttih awk zei hmanh aum ti lo, teipiaktu Jesuh Khrih kan ngei cang i zungzal nunnak hmanh pei pek kan si cang cu! Thihnak sal kan sinak in a kan luatter i a tthawnnak in thuammi kan si. Bawipa nih sunparnak co ko seh!
Pathian vel ruangah nunthar lawmhnak thluachuah hmu cio hram ko uh. Pathian bia tawi te ruahtti ding in ka van in sawm tthan hna.
HEBRU 2:11
Minung cu an sualnak kha a thianhpiak hna; minung sualnak a thianhtu le an sualnak a thianhpiakmi hna minung cu, an bu hnih in, an Pa cu aa khat ko. Cu ruangah cun Jesuh nih ka unau hna ti i kawh kha a ning a zak lo.
Minung kan sualnak thianhpiaktu Jesuh Khrih le sualnak thianhpiakmi minung kan mah hi kan Pa aikhat i kan Pa cu Pathian asi. Amen! Aikhat khawhnak aruang cu Jesuh Khrih nih vawlei ah a nunnak pek in kan sualnak a kan thianhpiaknak thawng in Amah bantuk sualnak ngei loin a thisen thawng in Pathian hmaiah a kan luhpi caah asi. Amen! Ataktak le ngaingai tiah cun Jesuh Khrih nunnak in huhmi le thuamhmi kan si caah ka unau hna ti kha aning a zah lonak le a kan zahpi lonak cu asi. Amen! Zahpi awktlak ngaingai khi kan si ko nain dawtnak in zahpi awktlak kan sualnak vialte kha a kan thianhpiak dih cang caah Jesuh Khrih thawng in pum tlamtling khitkhetmi le sawi awk um lomi mithiangah ser kan si. Amen! Jesuh Khrih min le tthawnnak lawnglawng in kan nih caah luatnak le damnak asi i ka unau hna tiin Pa sin ah auh kan si cang caah hin ilawm ko hna usih. Kan nih cu Jesuh Khrih thisen in a nungmi kan si i kan zei zong vialte hi kan mah ta si loin Khrih ta cu asi taktak. Amen!
HEBRU 2:14
Cun ngakchia tiah a timi hna cu, thi le sa in a nungmi minung an si bantukin, Jesuh zong cu anmah bantuk ah a run i cang i an sining kha aa hrawm ve. Cu bantukin a si cu, thihnak cung i nawl a ngeitu Khuachia kha, a thihnak thawng cun a hrawh nakhnga le
HEBRU 2:15
thihnak an ṭih ruang i an nun chung vialte sal bantukin khua a sami hna kha a luatter hna nakhnga caah a si.
Thi le sa in anungmi kan mah minung hi Pathian nih hngakchia tiah auhmi kan si i hngakchia kan mah bantuk tein Jesuh Khrih zong minung thi le sa in a hung cang i kan sining bantuk te hi arak i hrawm ve. Cu kan sining bantuk hrawm loin cun teh vawlei hi a khamh kho lo maw? kan ti tik ah, a khamh khawh tuk ko hmeteh. Zei zong vialte cu amah thawng cun pei ser an rak si i abia thawng cun an hung um cu! Sihmanhsehlaw vawlei cungah kan mah sining bantuk arak i hrawmnak cu vawlei mi vialte nih kan mah bantuk in turforhnak le harsatnak, fahnak, ngaihchiatnak, thihnak a inmi vialte hi kan zumh khawhnak ding caah asi. (Khrih bantuk in kan nun khawhnak ding caah, Khrih tinh ning in kan nun khawhnak ding caah Amah pum in Good Example a kan chiahta) Amen! Kan mah bantuk in kan hawi le nih fahnak a tongmi hna tuarpi kan thiam bantuk in kan Bawipa Jesuh Khrih zong nih a kan theihthiam piaktuk ve i tuarpi a kan thiamtuk ve tihi philh hna hlah usih. Amen! Atu lio i kan inmi harsatnak vialte, lungre theihnak vialte, tukforhnak vialte arak in ve i thihnak tiang hmanh arak in ve, cu thihnak a inmi thawng cun khuachia sualthawnnak chung i aummi thihnak chung in chuahpi le hrawhpiak a kan duh caah arak si. Amen! Nihin ah cun thihnak lam kan panh cuahmah mi lam khan nunnak lamthluan ah a kan kalpi i thihnak timi kha zungzal nunnak tuah thlenpiak kan si cang. Amen! Cucaah cun kan caah sal bantuk in arak kan uktu thihnak kha hrawhpiak kan si cang i ttih awk zei hmanh aum ti lo, teipiaktu Jesuh Khrih kan ngei cang i zungzal nunnak hmanh pei pek kan si cang cu! Thihnak sal kan sinak in a kan luatter i a tthawnnak in thuammi kan si. Bawipa nih sunparnak co ko seh!
Comments
Post a Comment