Nitin Baibal Relnak

2 CHANRELNAK 23:3

Cun aa pummi vialte nih siangpahrang he Pathian inn chungah khan biakamnak an tuah. Cun Jehoiada nih a thawh hna i, "Zohhmanh u, siangpahrang fapa hi! Bawipa nih David fapa hna kong ah a chim bantuk khan amah hi ukter ko u.

2 CHANRELNAK 23:11

Cun siangpahrang fapa cu a rak chuahpi i bawi luchin cu a chinh i hngalhternak bia kha a pek; cun siangpahrang a si tiah an thanh i Jehoiada le a fapa hna nih khan chiti an thuh i, "Siangpahrang cu saupi nung ko seh!" tiah an ti.

2 CHANRELNAK 23:20

Cun ralbawi pawl le tuavon pawl le mi a uktu hna le ramchung mi vialte kha a lak hna i annih nih siangpahrang cu Bawipa inn khan an runpi i cunglei kutka khan siangpahrang inn ah an ra. Cun siangpahrang cu siangpahrang bawi ṭhutdan cungah khan an ṭhutter.

2 CHANRELNAK 24:1

Joash cu pen hram a thawk ah khan kum sarih a si i Jerusalem in kum sawm li a pen; a nu min cu Zibiah a si, amah cu Beersheba khuami a si.

2 CHANRELNAK 23:18

Cun Moses phungbia chungah aa ṭial bangin, lawmhpah le hlasak pah in David nawl pekning in Bawipa sin i khangh thawinak pekchanh awkah David nih Bawipa inn zohkhenhtu ah a chiahmi Levi tlangbawi hna le Levi mi hna kut tangah khan, Jehoiada nih Bawipa inn cawngtu kha a chiah hna.

2 CHANRELNAK 23:19

Ahohmanh zei bantuk thian lonak hmanh in a thiang lomi paoh cu an luh nakhnga lo, Bawipa inn kutka ah khan kutka hngaktu a chiah hna.

2 CHANRELNAK 24:6

Cucaah siangpahrang nih upa bik Jehoiada kha a auh i, " Bawipa sal Moses nih Israel mi bu cu hngalhternak thlam caah nan thawh lai tiin a timi hna ngunkhuai cu, Judah ram le Jerusalem khuami kha thawhter hna u tiah zeicahdah Levi mi kha na fial hna lo?" tiah a ti.

2 CHANRELNAK 24:7

Zeicahdah tiah kha misual nu Athaliah fapa hna nih khan Bawipa inn kha an bauh i Bawipa inn chung i pekchanhmi thil vialte zong kha Baal caah an hman dih.

2 CHANRELNAK 24:9

Cun Pathian sal Moses nih ramlak ah Israel mi cu nan thawh lai ti in a rak timi hna ngunkhuai kha Bawipa ca i rak put awkah, Judah ram le Jerusalem khua ah khan thawng an thanh hna.

2 CHANRELNAK 24:10

Cun bawi vialte le mi vialte kha an lung aa lawm i an dih hlantiang an tangka cu an rak put hna i kuang chungah khan an sanh hna.

2 CHANRELNAK 24:12

Cun siangpahrang le Jehoiada nih khan Bawipa inn rian a latu hna sinah khan an pek hna i annih nih Bawipa inn remhnak caah cun lung lei zungthiam le zungthiam kha an lak hna, cun Bawipa inn remh awk caah khan thir lei zungthiam le dar lei zungthiam zong an lak fawn hna.

2 CHANRELNAK 24:14

Cun an lim tikah phaisa a tangmi kha siangpahrang le Jehoiada hmaiah khan an rak put i cu cun Bawipa inn ca i umkheng, biaknak ca le khangh thawinak ca i kha an ser hna i zihmui ca kheng tete le sui umkheng le ngun umkheng zong kha an ser hna. Cun Jehoiada chan chung cu Bawipa inn chungah khan khangh thawinak kha an pekchanh camcin ko.

2 CHANRELNAK 24:17

Cun Jehoiada thih hnuah khan Judah ram bawi hna cu an ra i siangpahrang sinah cun upatnak an tuah i siangpahrang nih an bia cu a ngaih hna.

2 CHANRELNAK 24:18

Cun annih nih Bawipa, an pupa hna Pathian inn kha an hlawt i Asherim le siasal kha an rian an ṭuan hna. Cun hi an mawhnak ruangah hin Judah le Jerusalem cungah thinhunnak a tlung.

2 CHANRELNAK 24:19

Asinain, Bawipa sin i kirpi ṭhan awkah khan profet kha a thlahhnawh hna, sihmanhsehlaw zei ah an rel hna lo.

2 CHANRELNAK 24:20

Khi tikah tlangbawi Jehoiada fapa Zekhariah kha Pathian thlarau nih a tlunhnawh i mizapi cungah cun a dir i a thawh hna i, "Hi bangin Pathian nih, 'Zeicahdah Bawipa nawlbia kha nan buar? Cucaah pei khua awng nan pemh khawh lo cu. Nannih nih Bawipa kha nan hlawt caah amah nih an hlawt ve hna,' a ti," tiah a ti.

2 CHANRELNAK 24:21

Sihmanhsehlaw an rawi i siangpahrang nawl in amah cu Bawipa inn tual ah khan lung in an cheh.

2 CHANRELNAK 24:22

Cuticun siangpahrang a simi Joash nih khan, Zekhariah pa Jehoiada nih a cung i zaangfahnak a rak tuahmi kha a hngal duh lo i a fapa kha a thah. Cun a thih lioah khan, "Bawipa nih hmu seh law phuhlam ko seh," tiah a ti.

2 CHANRELNAK 24:23

Cu kum a donghnak ah Siria ralkapbu nih khan Joash cu an hung tuk. Judah ram le Jerusalem khua ah khan an ra i mi zapi hna lak khan mi zapi i an bawi hna cu an thah hna i an hranchaw vialte cu Damaskas siangpahrang kha an kuat dih.

2 CHANRELNAK 24:24

Siria ralkapbu cu mi tlawmte he an ra ko na in, annih kut chungah khan Bawipa nih ralkapbu nganpi cu a pek hna, zeicahtiah annih nih Bawipa, an pupa hna Pathian kha an hlawt. Cuticun Joash cungah biaceihnak kha an tlunter.

2 CHANRELNAK 24:25

Annih nih an tluntak tikah, hma fak ngaingai a ing in an kaltak, tlangbawi Jehoiada fapa thisen ruangah khan a sinum hna nih an rawi i a ihkhun cungah an thah. Cucaah a thi i David khua chungah an vui, sihmanhsehlaw siangpahrang hna thlan ah khan cun an vui lo.

2 CHANRELNAK 25:7

Sihmanhsehlaw Pathian mi pakhat a sinah a ra i, "Maw siangpahrang, Israel ralkapbu cu na sinah kalter hna hlah, zeicahtiah Israel mi, hi Efraim mi vialte hna sinah hin Bawipa a um lo.

2 CHANRELNAK 25:8

Sihmanhsehlaw nang nih hi lam hin raldohnak ah ka ṭhawng lai tiin na ruah ahcun, ral hmaiah khan Pathian nih nang cu an hlonh ko lai; zeitintiah Pathian nih cun bawmh khawhnak le hlonh khawhnak ṭhawnnak a ngei," tiah a ti.

2 CHANRELNAK 25:9

Cun Amaziah nih Pathian mi cu a thawh i, "Sihmanhsehlaw Israel ralkapbu ka pek cangmi talen za khat tluk cu zeitindah ka tuah kun lai?" tiah a ti. Pathian mi nih cun a leh i, "Mah hi nak hin tam deuh pei Bawipa nih cun an pek khawh cu," tiah a ti.

2 CHANRELNAK 25:11

Sihmanhsehlaw Amaziah cu ralṭha in a um i a mi hna cu a hrui hna i Cite Nelrawn ah khan an kal i Seir mi sang khat an thah hna.

2 CHANRELNAK 25:13

Sihmanhsehlaw Amaziah nih a sinah raltuknak hmun ah kalter loin a kirtermi ralkapbu chung mi hna nih khan Judah ram khua cu Samaria in Beth-horon tiang an chim hna i cu khuami cu thong thum an thah hna i hranchaw tampi an lak.

2 CHANRELNAK 25:14

Edom mi a thah hnanak khan a rat hnuah, Seir mi hna pathian kha a rak i phorh hna i a pathian ah aa chiah hna i a biak hna i an sinah pekchanhnak kha a tuah.

2 CHANRELNAK 25:15

Cucaah Amaziah cungah Bawipa cu a thin a hung i profet pakhat a hei thlah i amah nih cun, "Zeicadah anmah an mi hmanh na kut chungin a chuahter kho lotu pathian, miphun dang hna pathian cu na fuhpanh hna?" tiah a ti.

2 CHANRELNAK 25:16

Sihmanhsehlaw bia a chim lioah cun siangpahrang nih khan a thawh i, "Nangmah cu siangpahrang fimchimtu ah maw kan in ser? Ngol ko! Zeicahdah thah na si lai?" tiah a ti. Cucaah profet nih cun a ngol, sihmanhsehlaw, "Mah hihi na tuah i kan chimhmi na ngaih lo caah, Pathian nih nangmah hrawk awk cu a ruah cang tiah ka hngalh," tiah a ti.

2 CHANRELNAK 25:17

Cun Judah siangpahrang Amaziah nih cun khuakhannak a tuah i Israel siangpahrang Jehu fapa Jehoahaz fapa Jehoash sinah khan mi a thlah hna i, "Ra law, hmaitonh in kan i zoh tuah lai," tiah a ti.

2 CHANRELNAK 25:19

Nang nih na thawh i, 'Zohhmanh, Edom ka tei diam', na ti i tluangkhawnnak in na lung cu aa porhlaw. Sihmanhsehlaw atu cu inn ah khan um ko; zeicahdah harnak kha thawhter i nangmah le, nangmah sinah Judah cu tlukter na duh?" tiah a ti.

2 CHANRELNAK 25:20

Sihmanhsehlaw Amaziah nih a ngai duh lo; zeicahdah a si ti ahcun, anih nih Edom pathian hna kha a kawl hna caah a ral hna kut chung i pek ding kha Pathian nih a tuahmi a si.

2 CHANRELNAK 25:22

Cun Judah cu Israel nih khan a tei i anmahle an inn cio ah khan an zam dih.

2 CHANRELNAK 25:24

Cun sui le ngun vialte, Pathian inn chungah a ummi umkheng vialte kha a lak hna i Obededom kha a tlaih chih; siangpahrang inn i chawhlawn hna le hreng i a tang dingmi hna zong kha a tlaih hna i Samaria ah a tlung ṭhan.

2 CHANRELNAK 26:5

Bawipa ṭihnak kha a cawnpiaktu Zekhariah chan ah khan, Pathian kawl kha aa sehchih i Bawipa a kawl chung vialte cu Pathian nih khua awng a pemhter.

2 CHANRELNAK 26:7

Pathian nih, Filistin mi hna le Gurbaal i a ummi Arab mi hna le Meunim mi hna lakah khan amah cu a bawmh.

2 CHANRELNAK 26:8

Ammon mi hna nih Uzziah cu ngunkhuai an pek i amah cu a ṭhawn ngaingai caah Izipt ramri tiang hmanh in a min a thang.

2 CHANRELNAK 26:15

Cun thal le lung ngan pipi a kap khotu seh zungthiam pawl nih an sermi hna kha, Jerusalem ah cun innsang le a kil ah khan a chiah hna. Cun amah cu a ṭhawn tiang khuaruahhar in bawmh a si caah a min cu khuazakip ah a thang.

2 CHANRELNAK 26:16

Sihmanhsehlaw a hung ṭhawn tikah aa rawknak dingah a hun i porhlaw. Bawipa a Pathian sinah zumhtlak loin a um i zihmui biakṭheng i zihmui khangh awkah khan Bawipa biakinn ah cun a lut.

2 CHANRELNAK 26:17

Sihmanhsehlaw tlangbawi Azariah nih Bawipa tlangbawi a ral a ṭhami sawm riat he a hnu in an zulh;

2 CHANRELNAK 26:18

cun Siangpahrang Uzziah cu an donh i, "Uzziah, nangmah nih Bawipa sinah zihmui khangh cu na tuah awk a si lo, sihmanhsehlaw Aaron fapa hna tlangbawi hna zihmui khangtu ding i thiantermi hna lawnglawng nih khan an tuah awk a si. Thil hmaan lo na tuah caah hmunthiang chung hin chuak tuah, cun hi nih hin Bawipa Pathian sinin upatnak zeihmanh an tlunh lai lo," tiah an ti.

2 CHANRELNAK 26:19

Khi tikah Uzziah cu a thin a hung. Zihmui khanghnak ding cengceh pakhat aa put i tlangbawi hna cungah a thin a hun tikah khan, Bawipa inn chung, zihmui biakṭheng pawng, tlangbawi hna hmaika ah khan a cal ah thinghmui hma a chuak ko.

2 CHANRELNAK 26:21

Cun Siangpahrang Uzziah cu a thih ni tiang thinghmui a si lan, cun thinghmui a si caah khan Bawipa inn khan thlei a si i cucaah inn dang ah a um. Cun a fapa Jotham nih cun siangpahrang innchungkhar cu a zohkhenh i ram mi kha a uk hna.

2 CHANRELNAK 27:2

A pa Uzziah nih a tuahmi vialte ning khan Bawipa mithmuh ah thil dik kha a tuah — Bawipa biakinn bel kha a luhhnawh lo. Sihmanhsehlaw mi zapi nih khan ṭhat lonak kha an tuah lengmang ko.

2 CHANRELNAK 27:6

Jotham cu a kalning kha Bawipa a Pathian hmaiah a ningcang tein a tuah caah miṭhawng ah a cang.

2 CHANRELNAK 28:1

Ahaz cu pen hram a thawk ah kum kul a si i Jerusalem in kum hleiruk a pen. A hringsortu David bangin Bawipa mithmuh ah thil ding a tuah ve lo,

2 CHANRELNAK 28:5

Cucaah Bawipa a Pathian nih amah cu Siria siangpahrang kut chungah a pek i amah nih cun a tei i a mi tampi hna cu sal ah a tlaih hna i Damaskas ah a kalpi hna. Israel siangpahrang kut chung zongah amah cu pek a si i Israel Siangpahrang nih cun a tei i tampi a thah hna.

2 CHANRELNAK 28:6

Bawipa, an pupa hna Pathian kha an hlawt caah Remaliah fapa Pekah nih khan ni khatte ah Judah ram chungah cun sing khat le sang hnih a thah hna, an dihlak in miralṭha lawngte an si.

2 CHANRELNAK 28:8

Israel mi hna nih cun an rualchan hna chung cun nu le fapa le fanu hna sing hnih sal ah an tlaih hna; cun an sin cun hranchaw zong tampi an lak i hranchaw cu Samaria ah an kalpi.

2 CHANRELNAK 28:9

Sihmanhsehlaw khika ah khan Bawipa profet pakhat a rak um i a min cu Oded a si; Samaria i a kalmi ralkapbu ton awkah cun a chuak i annih cu a thawh hna i, "Bawipa, nan pupa hna Pathian cu Judah cungah a thin a hun caah annih cu nan kut chungah an pek hna, sihmanhsehlaw nannih nih van tiang a phanmi thinhunnak in nan thah hna.

2 CHANRELNAK 28:11

Cucaah ka bia ngai u, Bawipa thinhunnak ṭihnung cu nan cungah a um caah, nan rualchan hna chungin nan tlaihmi sal hna cu kua ṭhan hna u," tiah a ti.

2 CHANRELNAK 28:14

Cucaah hriamnam aa putmi hna nih khan hrengtangmi hna le hranchaw hna cu bawi hna le aa pummi vialte hna hmaiah khan an kaltak hna.

2 CHANRELNAK 28:16

Khi caan ah cun Siangpahrang Ahaz nih Assiria siangpahrang sinah bawmhhal awkah mi a thlah hna.

2 CHANRELNAK 28:20

Cucaah Assiria siangpahrang Tiglath-pileser nih khan a rathnawh i ṭhawnter lei loin hremnak tu kha a pek.

2 CHANRELNAK 28:17

Zeicahtiah Edom mi nih Judah ram cu an chim ṭhan hoi i an tei hna i sal ah an i kalpi diam hna.

2 CHANRELNAK 28:22

Hi Siangpahrang Ahaz ṭhiamṭhiam cu, a lung retheih caan ah hin Bawipa sinah khan zumhawktlak lo chinchin in a um.

2 CHANRELNAK 28:25

Judah ram chung khua kip ah khan pathian dang hna sin i zihmui khanghnak caah khuahrum bo a ser hna i Bawipa, a pupa hna Pathian cu a thin a phawh.