Theih herh deuhmi Baibal cang pawl

1 CHANRELNAK 21:22

Cun David nih Ornan cu a thawh i, "Rai hi mi sinin a kian nakhnga, Bawipa sin i biakṭheng saknak caah phuhri hmun hi ka pe tuah — a man tling tein ka hau ko," tiah a ti.

1 CHANRELNAK 21:26

Cun khika ah David nih Bawipa caah biakṭheng a ser i khangh thawinak le daihnak thawinak hna kha a pekchanh hna i Bawipa kha a auh i amah nih cun khangh thawinak biakṭheng cung i vancung in a tlami mei khan amah cu a leh.

1 CHANRELNAK 22:1

Cun David nih, "Hika ah hin Bawipa Pathian inn cu a si lai i hika ah hin Israel mi ca i khangh thawinak biakṭheng cu a si lai," tiah a ti.

1 CHANRELNAK 22:8

Sihmanhsehlaw Bawipa bia cu ka sinah a ra i, 'Thisen tampi na chuah i ral ngan kha na doh hna; keimah hmaiah vawlei cungah thisen tampi na chuah caah ka min thangṭhatnak caah inn na sa lai lo.

1 CHANRELNAK 22:9

Zohhmanh, fapa pakhat na hrin lai; amah cu daihnak mi a si lai. Amah cu a velchum i a ummi ral vialte hna lakin daihnak ka pek lai; zeitintiah a min cu Solomon a si lai i amah chan chungah cun Israel mi cu daihnak le remnak ka pek hna lai.

1 CHANRELNAK 29:5

cun zungthiam hna tuah awk a simi caah sui thilri caah sui, ngun thilri caah ngun kha ka thawh hna. Cucaah nihin ah hin Bawipa sinah mah le mah i pekchanh in lungtho tein ahodah siannak in a tho vemi nan si lai?" tiah a ti.