Bawipa na Bia hi ka lungthin ah ka riahter zungzal lai tiah ka nun in ka chim lengmang ve ko nain ni a tam tikah le caan a tam tikah ka nun nih a zulh duhmi hi sualnak lam lei lawng te an si ko.Fiang tein ka hngalh khawhmi cu minung sinak in na Bia hi ka lungthin ah ka riahter lengmang ko zongah na Thlarau thawnnak nih a ka umpi loah cun ka nun a hul i sualnak lam ah ka kal tthiamthiam ko. Cucaah cun maw Bawipa vawlei ah nunnak thaw na ka pek chung poah cu na Thiang Thlarau hi a toih in ka toih zungzal law ka thinlung nih na Bia le na hla a duh bantuk te hin nitin te na sunparnak le na lianngannak na tuahmi zong ka hrawmh chih ve ko. Na Thiang Thlarau he lawng in ka lung thin chungah na Bia hi ka riahter khawh zungzal lai i na duh ning in kan nung kho lai. Bawipa nangmah tthawnnak tel loin cun ka tuah khawhmi hi zei hmanh a um lo sihmanhsehlaw na Thlarau tthawnnak he cun zeizong vialte teitu ka si ve ko. Amen!
JESUH CU NUNNAK ASI (John 14:6) Minung vialte nih kan herhbikmi hi “Nunnak”, asi. Tulio i kan kawl, kan ṭ uanmi tampi hna zong hi nun duh ah an rak si i Kan pum in dam kan duh lengmang mi zong hi nun kan duh caah asi. Thuk deuh in kan rak ruahlomi cu Nunnak maw abiapi deuh? Damnak dah abiapi deuh timi kong hi asi. Na dam ruangah na nun si loin na nun rih ruangah damnak na herh asi deuh. Damnak cu anungmi nih kan herhmi asi i athimi caah cun damnak aherhnak a um ti loh. Cubantuk in Khamhnak zong hi taksa in anung rihmi le Thlarau in athimi hna ca i sualnak thianhpiak, Sualman leiba champiak le sualnak chungin luatnak thawngin khamhnak kan hmuhnak ding caah Khamh kan herh arak si ve. Khamhnak kan ti lengmang mi cu sualnak ruangah Pathian thinhunnak in aluangmi dantatnak kan in dingmi chungin kan luat khawhnak ding caah Jesuh Khrih thisen in sual ngaihthiamnak kan hmuhnak ding caah tuahpiakmi le sualnak chungin luatternak thawngin sualnak sal kan si tinak hnga lo caah asi. Sualnak sal kan...
Comments
Post a Comment