Minung hlormi siloin Pathian hlorhmi tu kan si deuh awk asi! Minung poahpoah hi kan minung hawi sin in thazang peknak le forhnak, faknak tibantuk hi theih kan duh zungzal ko. Sihmanhsehlaw kan minung hawi sin in hlorhnak vialte hi chikhat ca lawng an si i an dong zau ko. Sihmanhsehlaw Pathian kan zumhnak thawngin kan i bochannak a feh chin lengmang tikah le kan duhnak nganbik hi Bawipa nawl zulhnak asi tikah Bawipa nih a kan hlorh i Amah sin in thangthatnak le cawisannak kan hmu. Amen! Bawipa sin in kan hmuhmi vialte hi zungzal an hmun. Cucaah cun kannih nih kan kawl dingmi cu minung hawi sin in thangthatnak si loin Bawipa sin tuin thangthatnak hmu cio ko hna usih! AMEN! Minung i bochan hna hlah, Pathian tu i bochan ko. Pathain na bochannak nih an nunpi lai i a zungzal in an cawm lai i an huhphenh zungzal lai. Bawipa nangmah cu kan bochan zungzal i zei tik caan poah ah kan herh zungzal ko. Na thla tangah le na dawtnak vel tang in na lawmhnak cu ka hrawmh zungzal ko. Amen! Bawipa min cu hlor in um zungzal ko seh.
Vawlei cung hmunzakip ah a ummi ka miphun vialte hna Bawipa nih nan umnak hmun cioah Amah dawtnak thukpi in intheihter chin hna sehlaw biathli in ruah cio ko hna seh. Atu i Thawngṭha ka ṭialmi Pathian Pennak chungah na lut cang maw? timi hi fak deuh in rak ka ruahpi ve tiah kan sawm. Pathian Pennak chungah na lut cang maw timi biahalnak hi va luh dingmi khi halduhmi cu asi nain a taktak le ngaingai ah cun kan thinlung chungah ngeih dingmi tu hi a rak si deuh. Biatak cu Pathian Pennak hi tuahṭuannak in le nunthiannak men in kan hmuhkhawhmi asi hrimlo ti hi voi tampi chim ka duh. Pathian Pennak kan luhkhawhnak dingah cun lamkhat lawng aum i cucu Jesuh Khrih zumhnak thawng lawng bak in asi ko. Pathian Fapa Jesuh Khrih kan zumhnak thawngin Ti le Thlarau in kan hrinṭhan lawnglawng ah Pathian Pennak chungah kan lut kho ti hi fakpi in chim ṭhan ve ka duhmi asi. Bawipa Jesuh nih a timi cu ka Pa nih tuah hna seh ti a duhmi a tuahmi lawnglawng an lut lai tiah a ti taktak. Cucu tuahnak biafan...
Comments
Post a Comment