Nitin Baibal Relnak

SALM 52:8

Sihmanhsehlaw kei cu Pathian inn pawng i a khomi oliv kung bantuk ka si; a fekmi a dawtnak cu zungzal in kaa bochan zungzal.

SALM 52:9

Maw Pathian, na tuahmi thil ruangah kan lawmh zungzal lai; na mi hna lakah nangmah ṭhatnak kha ka chim zungzal lai.

SALM 54:1

Maw Pathian, na ṭhawnnak in ka khamh ko; na thazang in ka luatter ko.

SALM 54:2

Maw Pathian, ka thlacamnak hi ka theihpiak tuah, ka chimmi bia hi ka ngaihpiak tuah,

SALM 54:4

Pathian cu a ka bawmtu a si kha ka hngalh, Bawipa cu a ka chanhtu a si kha ka hngalh.

SALM 54:6

Bawipa, nangmah cu na ṭhat caah lunglawm tein thawinak cu kan pek lai i na sinah lawmhnak ka langhter lai.

SALM 54:7

Ka harnak vialte chungin na ka chuah i ka ral an sungh cu ka hmuh hna.

SALM 55:1

Maw Pathian, ka thlacamnak cu ka ngaihpiak law kan nawlnak cu ka hlonhpiak hlah.

SALM 55:2

Ka bia kha ka ngaihpiak law ka let tuah; lungrethei in ka baa tuk hringhran cang.

SALM 55:16

Sihmanhsehlaw Bawipa Pathian cu ka bawm tuah tiah ka auh i a ka khamh lai.

SALM 55:17

Ka ainak le ka hramnak cu zing siseh, chun ah siseh, zan ah siseh, amah sinah an kai zungzal ko i ka aw cu a ka theihpiak ṭheo lai.

SALM 55:22

Na thilri cu Bawipa sinah ṭhum ta law amah nih an bawmh lai; miṭha cu zeitikhmanh ah a sunghter bal lai lo.

SALM 56:3

Ka thin a phan tikah, Maw Cungnung Bik, nangmah cu kan bochan.

SALM 56:4

Pathian cu kaa bochan i a biakam cu ka thangṭhat; amah cu kaa bochan i ka thin a phang lo. Minung menmen nih cun zeidah an ka ti khawh lai?

SALM 56:10

Pathian cu kaa bochan i a biakam cu ka thangṭhat, Bawipa biakamnak cu ka thangṭhat lai.

SALM 56:13

zeicahtiah nangmah nih thihnak chungin na ka chuah i ka ke kha rilhnak chungin na khamh. Cucaah Pathian hmaika ah cun kaa chawk i minung cungah a ceumi a ceunak chungah cun ka um.

SALM 57:1

Ka zaangfah ko, Maw Pathian, ka zaangfah ko, himnak hmuh duh ah nangmah cu ka fuh. Thlichia ṭihnung a dih hlantiang, na thlazung in ka huppheng ko.

SALM 57:2

Cung Nung Bik Pathian cu ka auh, ka herhnak vialte a ka petu Pathian cu ka kawh.

SALM 57:3

Vancung khin a run ka leh lai i a ka khamh lai; a ka dohtu kha a sunghter hna lai. Pathian nih cun a fekmi a dawtnak le zumhawktlak a sinak kha ka cungah a langhter lai.

SALM 57:5

Maw Pathian, na lianhngannak cu van ah khin langhter law na sunparnak cu vawlei cung dihlak ah hin langhter ko.

SALM 57:7

Ka lung a hmun ko, maw Pathian, ka lung a fek ko; nangmah thangṭhatnak hla ka sa lai.

SALM 57:9

Maw Bawipa, miphun hna lakah kan lawmh lai, mi vialte hna lakah kan thangṭhat lai.

SALM 57:10

A fekmi na dawtnak cu vancung tiang a phan, zumhawktlak na sinak cu van a tawng.

SALM 58:11

Mi nih an i thawh lai i, "Miding mi cu laksawng an hmu taktak ko; vawleicung ah hin Dingthlu Lairel Pathian a um taktak ko," an ti lai.

SALM 59:9

Maw a ka Vengtu, nangmah nih na ka huhphenh; Maw Pathian, nangmah cu ka ralhruang na si.

SALM 59:10

A ka dawtu ka Pathian nih a ka don lai, ka ral cu a ka teipiak hna lai.

SALM 59:16

Sihmanhsehlaw kei tu cu na ṭhawnnak kha hla in ka thangṭhat lai; zing fate in a fekmi na dawtnak kong kha hla in ka sa lai. Nangmah cu ka caah himnak na si, harnak caan ah dornak lungpi na si.

SALM 59:17

Maw a ka Vengtu, nangmah cu kan thangṭhat lai; Pathian cu ka ralhruang na si, a ka dawtu Pathian cu ka himnak na si.

SALM 60:5

Na ṭhawnnak in kan khamh tuah; kan thlacamnak kha kan let tuah, cuticun na dawtmi hna hi kan luat kho lai.

SALM 60:11

Minung bawmhnak cu zeihmanh a ṭhathnem lo caah kan raldohnak ah hin nangmah nih kan bawm ko.

SALM 60:12

Pathian kan sinah a ṭan caah kan tei hna lai; kan ral cu amah nih a kan teipiak hna lai.

SALM 61:1

Maw Pathian, ka aunak cu ka theihpiak ko, ka thlacamnak cu ka ngaihpiak ko

SALM 61:2

Inn in hlapi ah ka um i khuaruahhar vansang au in ka umnak hmun hin nangmah cu kan auh.

SALM 61:3

Himnak hmun ah ka kalpi tuah, nangmah cu keimah nakin a sang deuhmi lungpi na si, ka ral hna sinin a ka hupphengtu a fekmi innsang na si.

SALM 61:4

Na thlam chungah a zungzal in ka umter tuah, na thla tangah him tein i dor ko ning.

SALM 62:1

Pathian lawnglawng kaa bochan, amah sinin ka khamhnak cu a ra.

SALM 62:2

Amah lawnglawng hi a ka hupphengtu le ka Khamhtu a si, amah cu ka ralhruang a si i ahohmanh nih an ka tei bal lai lo.

SALM 62:5

Pathian lawnglawng kha kaa bochan, amah lawnglawng kha kaa ruahchan.

SALM 62:7

Khamhnak ka hmuhmi le upatnak ka hmuhmi cu amah thawng lawnglawng in a si; amah cu a ṭhawngmi lungpi ka him a si.

SALM 62:8

Ka mi hna, Pathian cu i bochan zungzal u! Amah cu kan himnak a si caah nan harnak vialte kha chim dih u.

SALM 62:11

Pathian nih, ṭhawnnak cu keimah ta a si i dawtnak ka ngeihmi cu a fek,

SALM 62:12

a ti kha voi khat nak tam ka theih. Bawipa, nangmah hrimhrim nih mi cu, an rianṭuanning in na lehrulh ko hna.

SALM 63:1

Maw Pathian, nangmah cu ka Pathian na si, nangmah cu kan ngai. Ka nunnak nih hin an hlam i ka thlarau nih tihal in an hal; vawlei ro nih ti a duh bantuk khin an duh.

SALM 63:3

A fekmi na dawtnak cu nunnak nakin a ṭha deuh, cucaah cun nangmah cu kan thangṭhat lai.

SALM 63:4

Ka nun chung paohpaoh cu kan lawmh lai; nangmah leiah ka kut ka hler lai i thla ka cam lai.

SALM 63:5

Ka nunnak cu rawldangh bantukin aa dang lai i a khim lai, cun nangmah thangṭhat lawmhnak hla kha ka sa lai.

SALM 63:8

Nangmah kha kan tlaihchan i na kut nih him tein an ka umter.

SALM 64:1

Maw Pathian, harnak ka tong, ka thlacamnak cu ka ngaihpiak tuah! Ka thin a phang, ka ral hna kut chungin ka khamh tuah!

SALM 64:10

Bawipa nih a tuahmi thil ruangah khan miding mi vialte cu an i lawm lai; Bawipa chungah cun himnak an hmuh lai i miṭha vialte nih amah cu an thangṭhat lai.

SALM 65:3

Mi vialte nih an sualnak cu na hmaiah an phuan lai: kan sualnak cu kan caah a rit tuk hringhran, nangmah lawnglawng nih na kan thianhpiak khawh.

SALM 65:4

Nangmah nih na thimmi hna cu an lung aa lawm, na hmunthiang ah na umtermi hna mi lunglawm an si! Na inn chung i a ummi thil ṭha cu kan khim lai i a thiangmi na biakinn chung thil ṭha cu kan i zaa lai.

SALM 65:7

Rili thawng cu na daihter i tilet thawng cu na nemter; mi au thawng cu na daihter.

SALM 65:10

An thuanmi lo cu ruah ti na pek i ciap tein ruah nih cun a surh; vawlei cu na nemter i thlaikho kha na ṭhanter hna.

SALM 65:11

Na ṭhatnak nih kum ṭha a vuiter. Na kalnak paoh ah rawl tampi a um.

SALM 66:9

Amah nih nung dam tein a kan umter i tlu loin a kan umter.

SALM 66:10

Maw Pathian, nangmah nih na kan hneksak; ngun cu mei in an thianh bantukin kannih zong na kan hneksak ve.

SALM 66:11

Rap ah na kan foihter i kan keng ah thilrit na kan khinh.

SALM 66:12

Kan ral nih khan an kan lamh beh; tilian le meisul lakah na kan kalter, asinain atu cu himnak hmun na kan phakter.

SALM 66:17

Pathian cu bawmhnak duh ah ka rak auh; amah cu hla in ka rak thangṭhat.

SALM 66:18

Ka sualnak kha rak thup ning law ka thlacamnak cu a rak ka ngaihpiak hnga lo.

SALM 66:19

Sihmanhsehlaw Pathian nih cun a ka theihpiak i ka thlacamnak cu a ka ngaihpiak.

SALM 67:1

Maw Pathian, vawleicung mi vialte nih na duhnak kha an hngalh i

SALM 67:2

miphun vialte nih na khamhnak kha an hngalh nakhnga, kan zaangfah law thluachuahnak kan pe ko, kan cungah na hmai tlanter ko.

SALM 67:5

Mi kip nih in thangṭhat hna seh, Maw Pathian; miphun vialte nih in thangṭhat ko hna seh.

SALM 67:6

Vawlei nih rawl kha a chuahter cang, Pathian kan Pathian nih thluachuah a kan pek cang.

SALM 68:5

A biakinn thiang chungah a ummi Pathian nih, ngakṭah le nuhmei kha an zawn a ruah hna.

SALM 68:6

Lungleng le umhar in a ummi kha umnak inn a pek hna i thongtla kha luatnak lawmhnak chungah a chuahpi hna; sihmanhsehlaw ralthawh hmangmi cu ramcar ah an um lai.

SALM 68:9

Ruah tampi in na surter i a fe cangmi na ram kha na ṭhatter ṭhan.

SALM 68:10

Cuka ah cun na mi nih innlo an khuar i na ṭhatnak thawngin sifakmi kha rawl ei awk na pek hna.

SALM 68:19

Ni khat hnu ni khat kan thilrit a kan changtu Bawipa cu thangṭhat ko u, amah cu a kan khamhtu Pathian a si.