Nitin Baibal Relnak

SALM 80:3

Kan kirpi ṭhan ko, Maw Pathian! Na dawtnak kha kan cungah langhter law kannih nih khamhnak kan hmuh lai.

SALM 80:8

Izipt ram in mitsur ruang pakhat na chuahpi; miphun dang kha na ṭhawl hna i an ram ah cun cu mitsur ruang cu na phun.

SALM 80:9

A ṭhan khawh nakhnga hmun kha na thianhpiak i cucaah a hram cu thukpi an pil kho i a ruang cu an zam i ram vialte kha an huh dih.

SALM 80:15

Nangmah hrimhrim nih na cinmi mitsur ruang hi ra khamh tuah; hi tluk ṭhawng in na ṭhantermi mitsur ruang no hi ra khamh tuah!

SALM 81:6

"Nan keng cung thilrit pipi kha kan lakpiak cang hna i nan rianṭuannak bawm kha kan chiahter cang hna.

SALM 81:7

Harnak nan in tikah nan ka auh i kan khamh hna. Khuadawm chung i kaa thuhnak hmun khin ka run in leh hna; Meribah cerh ah khan kan hneksak hna.

SALM 81:10

Keimah cu Bawipa nan Pathian ka si, keimah nih Izipt ram in kan chuahpi hna; nan ka ang u law rawl kan pek hna lai.

SALM 81:13

Ka mi nih hin ka bia ngai u law zeitluk in dik ka hei i lawmh hnga! Ka nawl zul u law, zeitluk in dik ka lung a va si hnga!

SALM 81:14

Nan ral kha khulrang tein kan teipiak ko hna hnga.

SALM 84:1

Maw Lianngan Bik Bawipa, zeitluk in dah na biakinn cu ka duh!

SALM 84:10

Na biakinn chungah ni khat um cu hmun dang i ni thong khat um nakin a ṭha deuh. Miṭhalo mi hna inn chung i um nakcun ka Pathian inn kutka hram dir hmanh ka duh deuh.

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

SALM 84:12

Maw Lianngan Bik Pathian, nangmah an bochanmi cu lunglawmmi an si.

SALM 85:2

Na mi hna an sualnak kha na ngaihthiam hna i an palhmi vialte kha na maimilh hna.

SALM 85:3

An cung i na thinhunnak kha na damter i na thinlinhnak kha na daihter.

SALM 85:4

Maw Pathian, kan Khamhtu, kan kirpi ṭhan law kan cungah lungsi loin um ti hlah.

SALM 85:7

Maw Bawipa, a fekmi na dawtnak cu kan hmuhsak ko, na khamhnak zong kan pe fawn.

SALM 85:9

Amah a upatmi khamh awkah khan aa tim zungzal ko i kan ram chungah hin a sunparnak cu a um zungzal lai.

SALM 85:10

Dawtnak le zumhawktlak sinak cu an ra ṭi lai; dinnak le daihnak cu an i tong lai.

SALM 85:12

Bawipa nih kumvui ṭha a kan pek lai i kan ram nih rawl tampi a chuahter lai.

SALM 86:1

A derthawmmi le santlai lomi ka si caah ka thlacamnak cu ka ngaihpiak law ka let tuah, Maw Bawipa

SALM 86:2

Nangmah kha an tlaihchanmi ka si caah thihnak in ka khamh ko; nangmah sal ka si ca le nangmah an bochanmi ka si caah ka khamh ko sawh.

SALM 86:5

Nangmah sin i thla a cammi hna cungah cun na ṭha i ngaihthiamnak le a fekmi dawtnak in na khat, Maw Bawipa

SALM 86:6

Bawipa, ka thlacamnak cu ka ngaihpiak law nangmah bawmh hal in ka aunak hi ka theihpiak tuah.

SALM 86:11

Bawipa, tuah seh ti na ka duhmi kha ka cawnpiak law na nawl kha fel tein ka zulh lai; ka lungthin a dih umnak in na rian ka ṭuan nakhnga ka cawnpiak ko.

SALM 86:12

Ka lungthin dihlak in kan thangṭhat lai, Maw Bawipa ka Pathian; na lianhngannak cu a zungzal in ka chim lai.

SALM 86:13

A fekmi na dawtnak cu zeitluk in dah ka caah a ngan! Thlan tawne in na ka khamh.

SALM 86:15

Bawipa, nang cu zaangfahnak le dawtnak in a khatmi Pathian na si; thin a fual i zaangfahnak a ngei zungzal i zumhawktlak a si zungzalmi na si.

SALM 87:4

"Ka nawl a ngaimi miphun hna cazin kha ka ṭial tikah, Izipt le Babilon kha ka telh chih hna lai; cun Filistia le Tair le Ethiopia zong kha, Jerusalem ta nan si tiah ka ti hna lai," a ti.

SALM 87:5

Zion kong ah cun, miphun vialte kha Zion ta an si dih ti a si lai i Cungnung Bik nih a ṭhawnter lai.

SALM 87:6

Bawipa nih miphun hna cazin kha a ṭial lai i annih cu Jerusalem khuami hna chungah khan a telh chih hna lai.

SALM 88:2

Ka thlacamnak cu ka theihpiak ko sawh law nangmah bawmhnak hal in ka aunak cu ka ngaihpiak ko sawh!

SALM 89:1

Bawipa, a fekmi na dawtnak cu hla in ka sak zungzal ko lai i zumhawktlak na sinak cu ka chim thluangthluan ko lai.

SALM 89:2

Na dawtnak cu zungzal in a hmun lai ti kha ka hngalh, zumhawktlak na sinak cu van tlukin a fek.

SALM 89:14

Na pennak cu dinnak le biading cungah a hram bunh a si, na tuahmi thil kip chungah hin dawtnak le zumhawktlak sinak an um.

SALM 89:17

Nangmah nih teinak ngan pipi na kan pek, na zaangfahnak thawngin teinak cu kan hmu,

SALM 89:45

A kum nih a phak hlanah na tarter i hmaichiatnak nih a zual in a zual. Selah

SALM 89:47

Bawipa, minung cu a nunnak hi zeitluk in dah a tawi ti kha philh hlah; mi vialte cu a thi dingin na kan ser dih kha philh hlah!

SALM 89:52

Bawipa cu zungzal in thangṭhat si ko seh! Amen! Amen!

SALM 90:1

Maw Bawipa, nangmah cu kan inn na si zungzal!

SALM 90:2

Tlang an sem hlan le vawlei kha na ser hlan in nangmah cu zungzal in, hramthawknak zong um lo donghnak zong um loin Pathian na si.

SALM 90:4

Kum thong khat hi nang caah cun ni khat bantuk a si; a dih cangmi nizan bantuk kha a si ko, zan khat chung i suimilam caan tawite pakhat bantuk khi a si ko.

SALM 90:10

Kan chan cu kum sawm sarih a si ko, kan thazang a ṭhawn deuh le sawm riat a si; cu hmanh ah retheihnak le harnak lawng kha kan ing, kan nunnak cu a dih zau i kan lo.

SALM 90:12

Kan nunnak hi zeitluk in dah a tawi ti kha kan hngalhter law cuticun kan fim deuh lai.

SALM 90:14

Zing fate in a fekmi na dawtnak in kan khahter, cuticun hla kan sa lai i kan nun chung vialte kan i lawm lai.

SALM 90:16

Kannih na sal rual hi khuaruahharmi thil na tuahmi cu kan hmuhter law kan tefa hna nih a liannganmi na ṭhawnnak cu hmu ve hna seh.

SALM 90:17

Bawipa kan Pathian, kan cungah na thluachuahnak cu um seh law kan thil timi kip ah khua awng kan pemhter ko! Kan thil timi kip ah khua awng kan pemhter ko!