Nitin Baibal Relnak

SALM 108:1

Ka lung a hmun ko, maw Pathian, ka lung a fek ko! Nangmah thangṭhatnak hla ka sa lai. Ka nunnak i hlau tuah,

SALM 108:3

Maw Bawipa, miphun hna lakah kan lawmh lai, mi vialte hna lakah kan thangṭhat lai.

SALM 108:4

A fekmi na dawtnak cu vancung tiang a phan, zumhawktlak na sinak cu van a tawng.

SALM 108:6

Na ṭhawnnak in kan khamh tuah; kan thlacamnak kha kan let tuah, cuticun na dawtmi hi kan luat kho lai.

SALM 108:8

Gilead cu keimah ta a si. Manasseh zong keimah ta a si, Efraim cu ka luchin a si i Judah cu ka bawifung a si.

SALM 108:12

Minung bawmhnak cu zeihmanh a ṭhathnem lo caah kan raldohnak ah hin nangmah nih kan bawm ko.

SALM 108:13

Pathian kan sinah a ṭan caah kan tei hna lai; kan ral cu amah nih a kan teipiak hna lai.

SALM 109:21

Sihmanhsehlaw Maw Bawipa ka Pathian, bia na ka kamh bang khan ka bawm ko, na dawtnak a ṭhat ruangah ka chuahter ko.

SALM 109:26

Maw Bawipa ka Pathian, ka bawm tuah; a fekmi na dawtnak ruangah ka khamh tuah.

SALM 109:27

A ka khamhtu cu nangmah na si kha, ka ral cu hngalhter hna.

SALM 109:28

Annih nih cun chiat an ka serh lai, sihmanhsehlaw nang nih cun thluachuah na ka pek lai. A ka hremtu cu sung hna seh law na sal kei tu cu lunglawm in umning.

SALM 109:30

Bawipa cu fak piin ka thangṭhat lai, mi an i pumhnak hmun ah amah cu ka hlawrh lai,

SALM 109:31

zeicahtiah sifakmi a chanhtu hna cu amah a si i thah awkin an bia a ceihtu hna kut chungin a chuahtu hna cu amah a si.

SALM 110:1

Bawipa nih siangpahrang ka Bawipa cu a thawh i, "Na ral cu na ke tangah ka chiah hna hlantiang, ka orhlei kamah hin ṭhu tuah," tiah a ti.

SALM 110:4

Bawipa nih a fekmi biakamnak a tuah i a let ṭhan lai lo, "Nang cu zungzal in tlangbawi na si lai, Melkhizedek tlangbawi a sining in na si lai," a ti.