Nitin Baibal Relnak

ISAIAH 1:2

Bawipa nih aa thawh i, "Van le vawlei hna, Bawipa nih ka chimmi hi ngai tuah u. Ka cawm cia le ka ken cia ka fale nih hin an ka doh.

ISAIAH 1:3

Caw nih a ngeitu kha a hngalh i laa nih a bawipa nih rawl a peknak kuang kha a hngalh. Sihmanhsehlaw ka mi Israel mi hna nih cun cu hmanh cu an hngal lo. A hngalh in an hngalthiam hrimhrim lo," a ti.

ISAIAH 1:5

Zeicahdah nan puar chin lengmang ko? Fak chinchin in dantat maw nan duh? Israel mi hna, nan lu cu hma a khat i nan lungthin le nan ruahnak cu a zaw.

ISAIAH 1:9

Ralkapbu Bawipa nih mi kha tlawmte tanter hna hlah seh law, Jerusalem cu a rawk dih cikcek taktak cang hnga, Sodom le Gomorrah an rawh dih cikcek bantuk khan a rawk dih cikcek ve cang hnga.

ISAIAH 1:10

Jerusalem, na uktu bawi hna le na mi hna hi Sodom le Gomorrah khuami bantuk kha an si. Bawipa nih an chimhmi bia hi ngai tuah. Kan Pathian nih an cawnpiak mi hi ṭha tein ruat tuah.

ISAIAH 1:11

Pathian nih cun, "Nan ka pekchanh lengmangmi thawinak vialte hi a duh ko hna ti ah maw nan ka ruah? Khangh thawinak caah tuu nan khanghmi hna le nan saṭil ṭha bikbik hna thau nan khanghmi hna hi kaa za diam cang. Nan cawtum hna le nan tuu hna le nan meheh hna thi nih hin a nor in an ka nor cang.

ISAIAH 1:13

Man ngei lo nan ka pekchanhmi thil hi ka duh ti hna lo. Nan ka pekchanhmi zihmui rim hi ka luak a chuak. Nan Thla Thar Puai te hna, nan Sabbath te hna, nan biaknak pumhnak tehna hi a in in ka ing kho ti lo; nan sualnak nih a thutter dih cang hna.

ISAIAH 1:15

"Thlacam in nan kut nan hler tikah kan zoh duh hna lai lo. Zeizat tam hmanh in cam u law kan ngaihpiak hna lai lo, zeicahtiah nan kut ah thisen aa neh.

ISAIAH 1:16

Thiang tein i kholh u. Nan tuah lengmang ka hmuhmi ṭhat lonak hi ngol hna u. Ṭhat lonak cu tuah ti hna hlah u law

ISAIAH 1:17

a dingmi thil tuah tu kha cawng cang u. Dinnak tuah kha i zuam u, cucu mi nih an serhsatmi hna bawmh le ngakṭah hna chanh le nuhmei hna ṭanpi kha a si," a ti.

ISAIAH 1:18

Bawipa nih aa thawh i, "Atu cu hi bia hi ṭhate in ruat ṭi tuah u sih. Nan sualnak cu a sen in sen hna hmanh seh law, hawhra bantukin an thiang hna lai; a dum in dum hna hmanh seh law tuuhmul bantukin an vaar lai.

ISAIAH 1:19

Ka bia nan ka ngaih paoh ahcun, ram nih a chuahtermi thil ṭha kha nan ei hna lai.

ISAIAH 1:20

Sihmanhsehlaw ka bia kha nan ka al i nan ka doh ahcun nan thi ko lai. Hi bia cu Bawipa nih ka chim," a ti.

ISAIAH 1:24

Cucaah Bawipa, Ralkapbu Bawipa Israel miṭhawng nih a chimmi bia hi ngai tuah u: "Ka ral hna, phu kan hlam cang hna lai i harnak nan ka pe ti lai lo.

ISAIAH 1:25

Atu cu kan tongh cang hna lai. Ngun an thianh bantukin kan thianh hna lai i nan thurhnawmhnak vialte kha ka thianh dih lai.

ISAIAH 1:26

Hlanpi ah nan rak ngeihmi hruaitu hna le fimchimtu hna bantuk kha kan pek ṭhan hna lai. Cun Jerusalem cu, dinnak khua, zumhawktlakmi khua, ti a si lai," a ti.

ISAIAH 1:27

Bawipa cu a din caah Jerusalem le aa ngaihchihmi paoh cu a khamh hna lai.

ISAIAH 2:2

Hmailei caan pi ah cun Bawipa biakinn a dirnak tlang hi tlang vialte lakah a sang bik tlang a si lai. Miphun vialte kha cuka ah cun an ra luaimai lai i

ISAIAH 2:3

mi tampi nih an i thawh lai i, "Bawipa tlang ah cun hung kal u sih, Israel Pathian biakinn ahcun hung kal u sih. Tuah hna seh ti a kan duhmi tuah kha kan thiam lai i a kan thimpiakmi lam kha kan zulh lai," an ti lai. Bawipa cawnpiaknak cu Jerusalem in a ra i a mi hna sinah Zion in bia a chim.

ISAIAH 2:4

Miphun ngan pipi an i siknak cu a remh hna lai. An vainam cu tuhmui ah an ser hna lai i an fei cu namtong ah an ser hna lai. Phun khat le phun khat an i do ti lai lo, ral doh zong an i tim ti lai lo.

ISAIAH 2:5

Atu cu, Jakob tefa hna, Bawipa nih a kan pekmi ceunak chungah cun i chawk cang u sih!

ISAIAH 2:11

Minung porhlawtnak le ruamkainak a dongh lai ni kha a ra lio. Khi tikah Bawipa cu hlorh a si lai.

ISAIAH 2:20

Cu ni a phak tikah cun, an i serchommi sui siasal hna le ngun siasal hna kha, tawte le palak an hlonhhnawh hna lai.

ISAIAH 2:21

Bawipa cu vawlei kha hninh awk i a rat tikah, a thinhunnak zamtak awkah le a lianhngannak le a sunparnak kha thuhtak awkah mi cu lungpang tamnak tlang lungkua hna le khor chungah khan an i thup lai.

ISAIAH 3:3

an ralbawi hna le an uktu bawi hna, an ram hruaitu hna le thil umtuning anmah duhning in umter awkah camh a hmangmi hna kha a kalpi dih hna lai.

ISAIAH 3:4

Annih cu kum tling lo ngakchia nih an uk hna lai.

ISAIAH 3:9

Ṭhat lonak lungthin an paw chung i an i chiahmi hrimhrim kha anmah sual phawtu tehte a si te lai. Sodom mi nih langhngan rumro in an rak sual bantukin annih zong nih an tuah ve. Annih cu an lo ko cang, cucu anmah nih anmah cung lila i an i tluntermi a si.

ISAIAH 3:10

Miding mi cu an i lawm lai, an caah thil a rem thliahmah ko lai. An ṭuan man kha an i lawmhpi lai.

ISAIAH 3:16

Bawipa nih, "Jerusalem khua nu hna khi zohhmanh hna u, zeitluk in dah an i zumh! An kal ah van lawng an cau i ahohmanh an hmu hna lo; a khiah in an i khiak. An fengbeo i an i thlaihmi an khi-ing tete cu ring cherhmarh hna seh tiah kar tawi tete in an kar.

ISAIAH 3:17

Sihmanhsehlaw dan ka tat cang hna lai — an lu ka meh hna lai i lu kawng in ka chiah hna lai," a ti.

ISAIAH 3:19

an kut ah an i khihmi hlawn vialte cu a lakpiak dih hna lai. An lu an i khuhnak puan le

ISAIAH 3:21

an kutdong hrolh le an hnarthlaih le

ISAIAH 3:22

an puan ṭhaṭha vialte le an angki fual le an puai puan hna le kutput zal hna le

ISAIAH 3:23

an thlamlang hni hna le la hmangṭhia pavuah hna le an lu an i khuhnak puan hme tete hna le lukhuh thlamlang vialte hna cu a lakpiak dih hna lai.

ISAIAH 4:1

Cu caan a phak tikah nu pasarih nih pa pakhat kha an tlaih lai i, "A cawm cu kanmah tein kan i cawm ko lai i hnipuan zong kanmah tein kan i damh ko lai, sihmanhsehlaw mah lawng khuasak ningzah hi kan luat khawh nakhnga nangmah cu kan va, in ti ko u sih," an ti lai.

ISAIAH 4:2

Hi ram chung thing hna le ram vialte hna hi Bawipa nih ngan ngaingai le dawh ngaingai in a ṭhanter hna caan a phan lai. Israel mi chungin a tangmi vialte hna kha cu, an ram chungin rawl a chuakmi ah khan an i lawm ṭhan lai i an hmai a hngal ṭhan lai.

ISAIAH 4:3

Pathian nih a tangmi si dingin a thimmi hna, Jerusalem i a tangmi vialte kha, mithiang ti an si lai.

ISAIAH 4:4

Bawipa nih hi miphun cu a ṭhawnnak in bia a ceih hna lai i a thianh hna lai, Jerusalem cu a sualnak le a chungah thisen chuahmi kha a ṭawlpiak lai.

ISAIAH 4:5

Cun Zion Tlang cung le khika i aa pummi vialte hna cungah Bawipa nih chun ah minmei a zamter lai i zan ah meikhu le a ceumi meizik kha a umter lai. Pathian sunparnak nih khua cu a pumpi in a khuh lai i a hum a zual lai.

ISAIAH 4:6

A sunparnak nih khan khua cu chun ah thladem a demh lai i himnak hmun, thli le ruah in himnak hmun ah a ser lai.

ISAIAH 5:2

Vawlei kha a cawh i lung kha a hlonh hna; mitsur kung ṭha bik phun kha a cin hna. Mitsur ruang cawnghnak caah cun parthlam pakhat a sak i mitsur thei nennak caah cun khor pakhat a cawh. Mitsur thei an hmin lai cu a hngah, sihmanhsehlaw an thor dih ai.

ISAIAH 5:3

Cucaah ka hawipa nih cun aa thawh i, "Jerusalem khua chung i a ummi hna le Judah ram chung i a ummi hna, keimah le ka mitsur dum hi bia kan thlek tuah u.

ISAIAH 5:4

Ka dum caah hin tuah ka tlolhmi zei tal a um maw? Ka tlolhmi zeihmanh a um lo ahcun, zeicahdah mitsur thei a ṭhami a tlai lai tiah ka ruahmi tu tlai loin, a thormi lawng a tlai kun?

ISAIAH 5:6

Ka buatter lai i mitsur ruang cu an nge ka tanpiak hna lai lo; vawlei zong kha ka co lai lo, hling le so tu ka khahter hna lai. Khuadawm hmanh kha, ruah pe hlah, tiah ka thlauh lai," a ti.

ISAIAH 5:7

Israel cu Lianngan Bik Bawipa dum cu a si; Judah ram mi hna cu mitsur ruang a cinmi cu an si. Thil ṭha kha nan tuah lai tiah a ti hna, sihmanhsehlaw lai nawnnak lehlam kha an tuah. A dingmi thil kha nan tuah lai tiah a ti hna, Sihmanhsehlaw an hremmi hna ṭah thawng tu kha a theihmi cu a si.

ISAIAH 5:16

Sihmanhsehlaw Ralkapbu Bawipa nih a lianhngannak cu ahmaanmi thil a tuahmi ah khan a langhter i a thiannak cu a mi hna an bia a ceihpiak hnanak ah khan a langhter.

ISAIAH 5:20

Nan lo cang! Thil ṭha cu thil ṭhalo nan ti i thil ṭhalo cu thil ṭha nan ti. Khuamui kha khuaceu nan ti i khua ceu kha khua mui nan ti. A kha mi kha a thlum nan ti i a thlummi kha a kha nan ti.

ISAIAH 5:24

Cucaah cun facangzi le ramro cu an ker i an kangh bantukin, Israel Pathian a thiangmi Ralkapbu Bawipa nih a kan cawnpiakmi kha nan ngaih duh lo caah nan hram cu a thu lai i nan par cu a ro lai.

ISAIAH 6:1

Siangpahrang Uzziah a thih kum ah khan Bawipa cu ka hmuh. A sang i aa hlorhmi a bawiṭhutdan cungah khan a ṭhu i a puan cu biakinn kha a khat.

ISAIAH 6:3

Pakhat le pakhat kha an i chawn i, "A thiang, a thiang, a thiang, Ralkapbu Bawipa cu a thiang! Vawlei cung vialte hi a sunparnak in a khat dih," an ti.

ISAIAH 6:5

Cun kei nih kaa thawh i, "E law, mah hi ka si ko cang! Ka lo ko cang. Ka ka in a chuakmi bia hi bia sual lawngte an si i ka umnak mi zong hi bia sual le bia thur a hmangmi lawngte an si. Cun atu ah ka mit hrimhrim in Siangpahrang, Ralkapbu Bawipa cu ka hmuh," ka ti.

ISAIAH 6:6

Cun thilnung pakhat kha ka sinah a rung zuang i biakṭheng cung meiṭil cengceh in a cehmi kha a run i put.

ISAIAH 6:7

Meiṭil cun ka hmur kha a ka tawngh i, "Meiṭil nih na hmur an tawngh cang, cucaah cun mawhchiat awk na sinak cu a lo cang i na sualnak cu ngaihthiam na si cang," a ti.

ISAIAH 6:8

Cun Bawipa nih, "Ahodah ka fial lai? Ahodah ka lamkal a si lai?" a ti kha ka theih. Kei nih, "Keimah ka kal lai! Ka thlah tuah," tiah ka leh.

ISAIAH 6:9

Cucaah a ka thawh i, "Va kal law hi mi hna hi hi bia hi va chim hna: 'Ngai lengmang hmanh u law a sullam cu nan hngal bal lai lo. Zoh lengmang hmanh u law a um lio lengmangmi hi zei thil dah a si ti kha nan hngal bal lai lo,' va ti hna," a ti.

ISAIAH 7:3

Bawipa nih Isaiah cu a thawh i, "Na fapa Shear Jashub kha i ṭhit law Siangpahrang Ahaz cu hung tong tuah u. Puan taktu pawl rianṭuannak hmun, cunglei tili in ti a rung luannak tidong a donghnak ah khan nan va hmuh lai.

ISAIAH 7:4

Amah cu, i ralring peng in lungdai tein um ko, lau hlah, awlokchong in um hlah, nan va ti lai. Rezin Siangpahrang le a mi Siria mi hna thinhunnak le Siangpahrang Pekah thinhunnak cu a mit dengmangmi thingthu bul pahnih khu tluk fang men a si ko.

ISAIAH 7:7

"Sihmanhsehlaw Bawipa keimah hrimhrim nih, hihi cu a si bal lai lo ka ti kha nan va chimh lai.

ISAIAH 7:9

Israel cu Samaria khua nakin a ṭhawng deuh lo i Samaria cu Siangpahrang Pekah nakin a ṭhawng deuh fawn lo. " 'Na zumhnak a ṭhawn lo ahcun, na hmun hrimhrim lai lo,' a ti, tiah hung chim," a ti.

ISAIAH 7:10

Bawipa nih Ahaz cu bia dang pakhat a cah ṭhan i,

ISAIAH 7:11

"Bawipa na Pathian cu hmelchunhnak pakhat in hal tuah, a thuk lei ah mithi khua in a hung chuakmi hmelchunhnak tluk zong thuk ko seh, a sanlei ah vancung in a rung ṭummi tluk zongin sang ko seh, a ti.

ISAIAH 7:12

Ahaz nih cun aa thawh i, "Hmelchunhnak cu ka hal lai lo. Bawipa cu hneksak del zong ka duh lo," tiah a leh.

ISAIAH 7:13

Cu tikah Isaiah nih cun aa thawh i, "Siangpahrang David tefa a simipa, ka bia hi ngai tuah. Hi tlukin minung ing na puanter cang pinah hin maw Pathian ing cu na puanter rih lai?

ISAIAH 7:14

Atu cu Bawipa hrimhrim nih hmelchunhnak an pek lai. Fa a pawi liomi nu pakhat a um i fapa a hrin lai i a min ah Immanuel sak a si lai.

ISAIAH 7:15

A hung upat i chiaṭha thleidang kho a si tikah a rawl cu cawhnuk le khuai hliti an si lai.

ISAIAH 7:16

Cu caan a phak hlanah, nangmah an hrocer lengmangmi siangpahrang pahnih hna ram kha chuahtak an si lai.

ISAIAH 7:21

"Cu caan a phak tikah lothlopa pakhat nih cawpino pakhat le mehehpi pahnih lawng a ngeih hmanh ah,

ISAIAH 7:22

an hnuk kha tam tuk hringhran a chuah lai caah duhdim tein aa za ko lai. Asi, ram chung i a tangmi vialte nih cawhnuk le khuai hliti ei awk an i ngeih dih cio lai.

ISAIAH 8:1

Bawipa nih a ka thawh i, "Ca ṭialnak tlap a nganmi pakhat in i lak law cafang puam pipi in, 'Maher-shalal-hash-baz' tiah ṭial.

ISAIAH 8:12

"Hi mi hna an khuakhannak ah hin i tel hlah, cun an ṭihmi zong hi ṭih hna hlah.

ISAIAH 8:13

Ralkapbu Bawipa keimah hi a thiangmi ka si kha philh hlah; na ṭih hrimhrim awk cu keimah hi ka si.

ISAIAH 8:14

Ṭih a nungmi ka thiannak ruangah hin, mi nih an i chuih i an rilhnak lung bantuk ka si; Judah ram chung le Israel ram chung i a ummi hna le Jerusalem i a ummi hna a foihtu ding rap bantuk ka si.

ISAIAH 8:15

Mi tampi an i chuih lai i an ril lai. An tlu lai i an kuai cikcek lai. An i foih lai," a ti.

ISAIAH 8:16

Pathian nih a ka pekmi bia kha ka zultu hna nih ṭha tein an zohkhenh awk le an i ken awk a si.

ISAIAH 8:17

Bawipa nih a mi cu a thuhtak cang hna, sihmanhsehlaw kei nih cun ka zumh i kaa bochan.

ISAIAH 8:18

Zohhmanh, keimah le Bawipa nih a ka pekmi ka fale hi Zion Tlang i a ummi Ralkapbu Bawipa sinin a rami Israel mi caah hmelchunhnak le chingchiahnak kan si.

ISAIAH 9:1

Zebulun le Naftali phun umnak ram nih hin hlanah cun ningzahnak a rak phan nain hi ram nih hin hmailei ah cun upatnak a hmuh lai, cu ram cu Mediterranean rili in aa thawk lai i nichuahlei ah Jordan tiva ral tiang, miphun dang an umnak Galilee ram hrimhrim tiang a phan lai.

ISAIAH 9:2

Mui lak i a rak i chawkmi hna nih khan ceunak nganpi an hmuh cang! Thihnak thladem tangah an rak um, sihmanhsehlaw atu cu ceunak nih a ceuh cang hna.

ISAIAH 9:3

Bawipa, nangmah nih annih cu lunglawmhnak nganpi na pek hna i an tha na nuamter hna. Mi nih rawl an ṭuan tikah an i lawmh bantuk le an tlaihmi hranchaw an i phawt tikah an i lawmh bantukin Nangmah nih na tuahpiakmi hna cungah khan an i lawm.

ISAIAH 9:4

Zeicahtiah rit piin an phorhmi hngawngkual kha na khiahpiak hna i an liang i a tu lengmangtu hna fung kha na khiah dih. Hlan liopi ah Midian ralkapbu na rak tei hna bantuk khan, na mi a hremtu hna le a serhsattu hna cu Bawipa nangmah nih na tei cang hna.

ISAIAH 9:6

Kan caah ngakchia pakhat a chuak! Fapa pakhat pek kan si! Amah cu kan uktu bawi a si lai. Amah cu Khuaruahhar Fim Chimtu, A Ṭhawngmi Pathian, Zungzal Hmunmi Pa, Daihnak Bawi, ti a si lai.

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

ISAIAH 9:8

Bawipa nih Israel pennak cungah, Jakob tefa hna cungah, a bia a thlah cang.

ISAIAH 9:11

Bawipa nih an ral hna cu anmah doh awkah khan a cawlcanghter cang hna.

ISAIAH 9:14

Ni khat te ah Bawipa nih Israel mi hna le an hruaitu pawl cu dan a tat dih hna lai; a sam dih hna lai, lu he mei he a sam dih hna lai.

ISAIAH 9:15

Lu cu tar le hmaizahmi kha an si, mei cu cawnpiaknak hmaanlo a cawnpiaktu hna profet kha an si.

ISAIAH 10:5

Bawipa nih aa thawh i, "Ka thin a ka huntertu hna dantatnak caah Assiria cu thingtan bantukin ka hman.

ISAIAH 10:7

Sihmanhsehlaw Assiria siangpa-hrang nih hin a lungchung tein amahte in aa tinhmi thil pakhat, a puarṭhawng ngaimi a ngei. Miphun tampi hrawh hrimhrim kha aa tim.

ISAIAH 10:12

Sihmanhsehlaw Bawipa nih, "Atu i Zion Tlang cung le Jerusalem khua chungah ka tuah liomi hi ka dih tikah cun, Assiria siangpahrang hi aa porhlawtnak le a tluangkhawnmi ruangah hin dan ka tat lai," a ti.

ISAIAH 10:20

Israel mi lakin a taangmi hna nih, a rak hrawk dih dengmangtu hna miphun kha an i bochan ti lo caan a phan lai. Bawipa Israel Pathian thiang tu kha an i bochan taktak cang lai.

ISAIAH 10:21

Israel mi hna lakin tlawmpal cu a ṭhawngmi an Pathian sinah khan an kir lai.

ISAIAH 10:22

Atu ah cun Israel mi cu rili kam thetse zat si hna hmanh seh law, a kir ṭhanmi cu tlawmte lawng an si lai. Hi mi hna hi rawhralnak cu chiahpiak an si ko i cu rawhralnak cu an ton hrim awk a si ko.

ISAIAH 11:1

Siangpahrang David ciruang hi haumi thingkung bantuk a si; chumhmui in nge thar an corh bantukin David tefa chungin siangpahrang thar pakhat a chuak lai.

ISAIAH 11:2

A mi kha a uk khawh hna nakhnga Bawipa ṭhawnnak nih amah cu fimnak le hngalhnak le thiamnak a pek lai. Bawipa duhnak kha zeidah a si ti a hngalh lai i Bawipa cu a ṭih lai.

ISAIAH 11:3

Cun Bawipa rian ṭuan kha aa lawmhnak a si lai. Leng lang men le mi chim chin bia men in bia a khiak lai lo;

ISAIAH 11:4

Sifakmi kha an bia ṭha tein a ceihpiak hna lai i nauta pawl kha a ṭanh hna lai. Amah nawl pekning in ram cu dantat a si lai i mi ṭhalo cu an thi lai.

ISAIAH 11:5

A mi cu dinnak in a uk hna lai i an caah zumh awk tlakmi a si lai.

ISAIAH 11:6

Cenghngia le tuu kha hmunkhat ah dai tein an tlong ṭi lai i pawlai le mehehfa cu an bawk ṭi lai. Cawfa le chiandeih no kha rawl an ei ṭi lai i ngakchia tete nih khan an zohkhenh hna lai.

ISAIAH 11:7

Caw le vom cu rawl an ei ṭi lai i an fale cu dai tein an bawk ṭi hna lai. Caw nih facang zi an ei bantukin chiandeih nih facang zi cu a ei ve lai.

ISAIAH 11:8

Sivai ngeimi rul pawngah ngakchia nih lente an i celh hmanh ah harnak zeihmanh an tong lai lo.

ISAIAH 11:9

Zion Tlang, Pathian tlang thiang chungah cun thil ṭihnung le thil ṭhalo zeihmanh a um lai lo. Rili cu ti in a khah bantukin hi ram cu Bawipa hngalhnak in a khat lai.

ISAIAH 11:10

Siangpahrang David ciruang chungin a chuakmi siangpahrang thar cu miphun hna caah hmelchunhnak a si lai i cu a si lainak ni cu a phan lai. A siangpahrang khua chungah khan an i pum lai i upatnak an pek lai.

ISAIAH 11:12

Israel mi le Judah mi aa ṭhekmi hna kha vawlei ki li in ka pumh ṭhan hna lai i hmuhsaknak caah Bawipa nih hmelchunhnak pakhat a tar lai.

ISAIAH 11:13

Israel ram nih khan Judah ram kha a nahchuah ti lai lo i Judah zong cu Israel ral a si ti lai lo.

ISAIAH 12:1

Ni khatkhat cu mi nih hitin hla an sak ni a phan te lai: "Bawipa, nangmah cu kan lawmh ko. Ka cungah na thin a rak hung, sihmanhsehlaw atu cu na ka hnemh i na thin cu a hung ti lo.

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

ISAIAH 12:3

A ti a halmi cu tikik nih lawmhnak a pek hna bangin Pathian mi cu Pathian nih a khamh hna tikah an i lawm."

ISAIAH 12:4

Ni khatkhat cu mi nih hitin hla an sak ni a phan te lai: "Bawipa cu thangṭhat ko u, Amah kha bawmhnak hal u. Miphun vialte kha a tuahmi chim hna u, zeitluk in dah a lianhngan ti kha chim hna u.

ISAIAH 13:11

Bawipa nih aa thawh i, "Vawleicung ah rawhralnak ka tlunter lai i miṭhalo vialte cu an sualnak ruangah khan dan ka tat dih hna lai. Aa porhlawmi paohpaoh kha ka ṭhumh hna lai i a lung a puammi le ruam a kaimi vialte cu dan ka tat hna lai.

ISAIAH 13:12

A tangmi cu sui nakin an tlawm deuh lai, Ofir sui nakin an tlawm deuh lai.

ISAIAH 13:17

Bawipa nih, "Babilon tuk awkah Media mi kha ka cawlcanghter lio hna. Annih cu ngun kha zeihmanh ah an rel lo i sui zongin lem khawh an si lo.

ISAIAH 13:19

Babilon ram hi ram vialte lakah ram dawh bik a si, a chung i a ummi a mi hna nih an i chor ngaingaimi a si. Sihmanhsehlaw Bawipa nih Sodom le Gomorrah ka rak hrawh bantuk khan ka hrawh ve lai.

ISAIAH 14:1

Bawipa nih a mi Israel mi cu a zaangfah ṭhan hna lai i amah mi ah khan a thim ṭhan hna lai. An ram ah khan a kirter ṭhan hna lai i ramdangmi nih khan an fuh hna lai i an sinah cun an um lai.

ISAIAH 14:2

Israel mi cu Bawipa nih a pekmi hna ram i an kir kha miphun tampi nih an bawmh hna lai i cuka ah cun cu miphun hna nih cun sal bantukin an rian an ṭuanpiak hna lai. Hmasa i Israel mi a rak tlaitu hna kha atu cu Israel mi nih an tlaih ve hna lai i hmasa i a rak hremtu hna kha an uk ve hna lai.

ISAIAH 14:3

Bawipa nih Israel mi cu fahnak le temhnak an inmi chung le an duh na lo i an hnekmi hna rian chung khan dinhnak a pek hna lai.

ISAIAH 14:12

Babilon siangpahrang, Deirel arfi ceu, nang cu vancung in na tla cang! Hlanah cun miphun tampi kha na rak tei hna, sihmanhsehlaw atu cu vawlei ah an in hlonh cang.

ISAIAH 14:13

Vancung i hung kai i a sang bikmi arfi nak sang i na bawiṭhutdan hung chiah cu na rak i zuam. Chaklei i a ummi tlang, pathian hna an i pumhnak tlang ah khan siangpahrang bantukin ka ṭhu lai tiah naa ruah.

ISAIAH 14:14

Khuadawm cungah khin ka kai lai i Cungnung Bik bantuk ka si lai na ti.

ISAIAH 14:27

Ralkapbu Bawipa nih hi hi tuah aa timh hrimhrimmi a si; dantatnak pek awkah a ban cu aa samh i ahohmanh nih an dawn kho lai lo.

ISAIAH 14:27

Ralkapbu Bawipa nih hi hi tuah aa timh hrimhrimmi a si; dantatnak pek awkah a ban cu aa samh i ahohmanh nih an dawn kho lai lo.

ISAIAH 14:30

Bawipa cu a mi hna lak i sifakmi hna caah tuukhal a si lai i him tein a umter hna lai. Sihmanhsehlaw nannih Filistin mi cungah cun mangṭam a tlunter lai i pakhat hmanh cu mangṭam nih cun a nung in an zuahmi hna nan um lai lo.

ISAIAH 14:32

Filistia ram in a rami lamkaltu hna kha zeitindah bia kan rak leh hna lai? Bawipa nih Zion cu a fehter cang i cuka ah cun fahnak a ingmi a mi hna kha him tein khua a sakter hna lai, tiah kan rak chimh hna lai.