Nitin Baibal Relnak

ISAIAH 22:12

Bawipa Ralkapbu Pathian nih cun, ṭah awk le mitthli tlak awk le nan lu i kongh awk le buri i aih awkah an auh hna.

ISAIAH 22:13

Sihmanhsehlaw a nih salam men in nan ni i puai tu nan tuah. Tuu le caw kha nan that i zu nan ding. "Ding in ei ko u sih! Thaizing ah cun kan hei thi dih ko lai hen cu," nan ti.

ISAIAH 22:14

Ralkapbu Bawipa hrimhrim nih a ka chawnh i, "Hi thil ṭhalo hi, an nun chung paoh cu, ngaihthiam an si bal lo. Hi bia cu Bawipa Ralkapbu Pathian nih ka chimmi a si," a ti.

ISAIAH 22:21

Na bawinak puan le taisawm cu amah kha ka pek lai i nangmah nih na rak ngeihmi nawlngeihnak vialte kha amah cungah ka chiah lai. Jerusalem khuami le Judah ram mi hna caah anih cu pa bantuk a si lai.

ISAIAH 22:22

David te chung tawh cu a liang cungah ka chiah lai i a hunmi cu ahohmanh nih an khar kho lai lo, a kharmi cu ahohmanh nih an hung kho lai lo.

ISAIAH 22:23

Thlam hri hrennak khenhteo bantukin fek tein ka khenh lai i a innchungkhar dihlak caah upatnak hrampi a si lai.

ISAIAH 23:17

Kum sawm sarih a dih tikah Bawipa nih Tair cu a rak ṭuan tawnmi a rian hlawhhlan rian ah khan a kirter ṭhan lai i vawlei cung ram dihlak ah khan a kal ṭhan lai.

ISAIAH 23:18

Chawleh chawhrawlnak in a hmuhmi tangka cu Bawipa sinah a pek lai. A khong hna lai lo i a thup hna lai lo, sihmanhsehlaw Bawipa a biami hna nih a tangka cu an herhmi rawl le thilpuan cawknak ah an hman lai.

ISAIAH 24:3

Vawlei cu a kek a kuai dih lai i a rawk dih lai. Cu bia cu Bawipa nih a chimmi a si i a chim bangin a si ko lai.

ISAIAH 24:6

Cucaah Pathian nih vawlei cu hrawh awkah khan vawlei cu chiat a serh, vawleicung mi nih an sual man kha an in. A tangmi cu an tlawm chin lengmang.

ISAIAH 24:14

A tangmi cu lunglawm in hla an sa lai. Nitlaklei i a ummi nih Pathian a lianhngannak kong kha an chim lai i

ISAIAH 24:15

nichuahlei i a ummi nih an thangṭhat lai. Rili kam i a ummi hna nih Bawipa Israel Pathian cu an thangṭhat lai.

ISAIAH 24:23

Ralkapbu Bawipa cu siangpahrang a si lai caah thlapa cu a mui lai i ni cu a tlang lai lo. Jerusalem khua cu Zion Tlang in a uk lai i a sunparnak cu an upa hna nih khan an hmuh lai.

ISAIAH 25:1

Bawipa, nangmah cu ka Pathian na na si, Kan upat lai i na min kha ka thangṭhat lai. Khuaruahharmi thil kha na tuah hna; hlan lio piin na rak i timhmi thil kha zumh awk tlak tein na tlinter hna.

ISAIAH 25:3

A ṭhawngmi miphun nih an in thangṭhat lai i a puarmi miphun hna khua ah khan nangmah cu an in ṭih lai.

ISAIAH 25:4

Sifak rethei, bawmtu ngei lomi nih khan an in fuh i harnak caan ah him tein na umter hna. Thlichia a hran tikah an i dornak na si i ni a linh tikah an naidem na si. Mipuar nih cun khuasik caan thlichia bantuk le

ISAIAH 25:5

a ro a carmi hmun i ni lin bantukin mi kha an tuk an den tawn hna. Sihmanhsehlaw Bawipa, nang nih cun kan ral cu na daihter hna i khuadawm nih ni lin a daihter bangin mi puarmi au thawng cu na daihter.

ISAIAH 25:6

Hi Zion Tlang cungah hin Ralkapbu Pathian nih vawlei cung miphun vialte caah rawl danghnak a timh lai — cu rawl danghnak cu rawl thaw bik le zu thaw bik in a timh lai.

ISAIAH 25:7

Miphun vialte cungah minmei bangin a zammi ngaihchiatnak kha a ṭianter lai.

ISAIAH 25:8

Bawipa nih thihnak cu zungzal ca in a hrawh lai. Mi vialte cu an mitthli a hnawh hna lai i a miphun nih vawlei cung khuazakip ah zawmhtaihnak an inmi kha a lakpiak hna lai. Hi bia cu Bawipa hrimhrim nih a chimmi bia a si.

ISAIAH 25:9

Cu bantukin thil a hung si tikah mi kip nih an i thawh lai i, "Amah cu kan Pathian a si. Amah cu kan i bochan i a kan chuah. Amah cu Bawipa a si. Amah cu kan i bochan i a kan khamh caah atu cu lunglawm in kan um i kan tha a nuam," an ti lai.

ISAIAH 26:3

Bawipa, nangmah nih, an i tinhmi kha fek tein aa tlaih i nangmah an bochanmi cu, a tlingmi daihnak kha na pek hna.

ISAIAH 26:4

Bawipa kha i bochan zungzal ko u, amah nih an huhphenh zungzal hna lai.

ISAIAH 26:7

Bawipa, miṭha cu an lam na sialpiak hna i an zulhmi lam cu na pheiter.

ISAIAH 26:8

Nangmah duhnak kha kan zul i nangmah kha kan in bochan; kan duhmi cu nangmah na si ko.

ISAIAH 26:9

Zan ah nangmah kha kan ngai; vawlei le a cung i a ummi kha an bia na ceih tikah dinnak hi zeidah a si ti kha an hngalh lai.

ISAIAH 26:12

Bawipa, nangmah nih rumnak na kan pek lai; kan tuah khawhmi thil vialte hi nangmah tuahmi lawngte an si dih.

ISAIAH 26:13

Bawipa, kan Pathian, midang nih an kan uk, sihmanhsehlaw kan Bawi cu nangmah lawnglawng na si.

ISAIAH 26:11

Na ral nih, dan a kan tat lai, ti awk an hngal lo, temhinnak pe hna law na timhmi dantatnak kha inter hna. Na mi kha zeitluk in dah na dawt hna ti kha annih cu hmuhsak hna.

ISAIAH 26:14

Atu cu an thi cang i an nung ṭhan ti lai lo, an thlarau cu a tho ṭhan lai lo, zeicahtiah nangmah nih dan na tat cang hna i na hrawh cang hna. Ahohmanh nih an hngal ti hna lo.

ISAIAH 26:15

Bawipa, nangmah nih kan miphun cu na ṭhanter i a ram cu a kam kip in na kauhter, cucaah nangmah nih upatnak na hmuh.

ISAIAH 26:16

Bawipa, nangmah nih na mi cu dan na tat hna i harnak an in tikah na sinah thla an cam.

ISAIAH 26:19

Kan mi hna a thimi kha an nung ṭhan lai! An pum kha a nung ṭhan lai. An thlan i a itmi vialte kha an i hlau lai i lunglawm in hla an sa lai. Dapti nih vawlei cu a hrinter ṭhan bantukin a thi ciami cu Bawipa nih a nunter ṭhan hna lai.

ISAIAH 26:21

Vawleicung mi kha an sual ruang i dantat awkah Bawipa cu a rung ṭum lai. Vawlei cungah a thli tein lainawnnak an tuahmi kha a puang dih lai i an thahmi hna kha vawlei nih a thup ti hna lai lo.

ISAIAH 27:1

Cu ni ah cun Leviathan rulpi, a kualh in aa kual i a ngerh in aa ngerhmi rulpi kha dantat awkah le rili chung i a ummi rulpi kha thah awkah a ṭhawng i a har ngaingaimi a vainam kha Bawipa nih a hman lai.

ISAIAH 27:2

Cu ni ah cun a nuammi a mitsur dum kong ah Bawipa nih hitihin bia a chim lai,

ISAIAH 27:3

"Ka mitsur dum cu ka cawngh i ti ka toih zungzal. Ahohmanh nih an hrawh nakhnga lo chunzan in ka cawngh.

ISAIAH 27:4

Ka mitsur dum cungah ka thin a hung ti lo. Sam len awk hling le so um hna seh law ka duh hnga. Um hna seh law a khangh in ka khangh dih hna hnga.

ISAIAH 27:5

Asinain ka mi hna an ral nih keimah huhphenhnak hmuh kha an duh ve ahcun, keimah he i remnak tuah hna seh. Asi, keimah he i remnak tuah hna seh," a ti.

ISAIAH 28:2

Anmah dohtu dingah a ṭhawng i a liannganmi pakhat Bawipa nih a chiah ko. Rial bantukin a ra lai, ruahpi sur in a sur lai, ti lian bantukin a ra lai i ram kha a tei cikcek lai.

ISAIAH 28:5

Khi ni ah Ralkapbu Bawipa cu a tangmi a mi hna caah a sunglawimi bawi luchin pangpar in ṭamhmi bantuk a si lai.

ISAIAH 28:6

Biaceihtu hna kha dinnak lungthin a pek hna lai i khua kulhnak kutka ah ral a rak khirhtu hna kha ralṭhatnak a pek hna lai.

ISAIAH 28:7

Profet hna le tlangbawi hna hmanh kha zu an ri tuk i an sawn lengmang. Zu le zureu tam tuk an din caah lungmit in an ril lengmang i khoika zawn ah kan kal ti hmanh kha an hngal lo. Cucaah profet nih Pathian sinin langhnak an hmuhmi ah an palh i tlangbawi nih bia an ceihnak ah an palh.

ISAIAH 28:9

Keimah kong ah khan an zai i, "Khi pa nih khin, aho ka cawnpiak hna ti ah dah aa ruah hnga? Aho nih dah a bia cu an herh? Hnukthlei ka bawhte ca lawngah pei a ṭhat ko cu.

ISAIAH 28:11

Keimah bia kha nan ngaih lo ahcun, holh phun dang in a holhmi ramdangmi kha, nanmah cawnpiaktu dingah Pathian nih a hman hna lai.

ISAIAH 28:12

Dinhnak le hnangamnak kan pek hna lai, tiah nan dihlak in an ti hna, sihmanhsehlaw nannih nih cun nan ngai duh lo.

ISAIAH 28:14

Cucaah cun Jerusalem khuami uktu, mi lungpuam rual hna, Bawipa nih a chimmi hi ngai tuah u.

ISAIAH 28:16

Sihmanhsehlaw Bawipa Pathian nih a chimmi cu hihi a si: "Zion ah hin a fek i a ṭhawngmi inn hram ka ser lai. Cu hram ah cun innkil lung, lungcang pakhat ka bunh lai i cu lung cungah cun, 'Zumhnak fek cu a lung zong a sau,' tiah ṭial a si lai.

ISAIAH 28:17

A hram a phei lei in an tahnak hri cu dinnak a si lai i a tunglei in an tahnak hri cu lihchim lonak a si lai. Sihmanhsehlaw nan i hngatchanmi lih bia cu rial he a rami ṭotho nih a choih dih lai i nan himnak cu tilian nih a fenh dih lai," a ti.

ISAIAH 28:22

Ralrinnak kan pekmi hna hi nan nih men chuak hlah seh. Nan nih a chuah ahcun nan caah luatnak a har chinchin lai. Ralkapbu Bawipa nih ram cu a dihlak in ka hrawh lai a timi kha ka theih cang.

ISAIAH 28:29

Hi bantuk fimnak vialte hi Ralkapbu Bawipa sinin a rami a si. Pathian khuakhannak cu a fimmi a si zungzal i thlua a chuak zungzal.