Nitin Baibal Relnak

ISAIAH 16:1

Thetse ram i a ummi khua Sela khua in Moab mi nih, Jerusalem khua i bawi a simi sinah laksawng caah tuufa pakhat an kuat.

ISAIAH 16:3

Judah mi cu an thawh hna i, "Zeitindah kan um lai, kan chim tuah u. Chun ni lin ah naidem a demhtu thing bangin kannih cu kan huppheng tuah u, nan thladem tangah cun kan dorter tuah u. Kannih cu ralzam kan si, ahohmanh nih an kan hmuh khawh lonak ding hmun ah kan thup u.

ISAIAH 16:4

Nan ram chungah kan umter u law, kanmah hrawh a kan duhtu hna sin khan kan huppheng ko u," an ti hna. (Hremnak le rawhralnak kha a dong lai i ram a hrawktu kha an um ti lai lo,

ISAIAH 16:5

Khi tikah David tefa pakhat cu siangpahrang a si lai i a mi kha zumhawktlak le dawtnak in a uk hna lai. A hmaanmi thil tuah ah khan a khul a rang lai i mi kha dinnak cu a tuahter hna lai.)

ISAIAH 16:12

Moab mi hna nih thla cam awkah tlang cung hmunthiang ah an kal lengmang le an biakinn i an kal lengmang cu alak ah an tha lam an i bat men, zeihmanh a ṭhathnem hna lai lo.

ISAIAH 16:13

Hi bia hi Bawipa nih Moab kong ah a rak chimmi bia a si.

ISAIAH 17:4

Bawipa nih, "Israel lianhngannak a dongh lai ni a phan lai, cun a rumnak vialte cu sifahnak nih a rolh lai.

ISAIAH 17:7

Cu ni a phak tikah annih a sertu hna Israel Pathian thiang cu bawmh an hal lai.

ISAIAH 17:8

Anmah nih an kut in an sermi biakṭheng kha an i bochan ti lai lo, anmah nih an kut in an tuahmi zong kha an i bochan ti hna lai lo — cu an kut in an tuahmi hna cu Asherah khuazingnu biaknak caah an tuahmi thingṭial hna zihmui khanghnak caah an sermi biakṭheng hna kha an si.

ISAIAH 17:10

Israel, nangmah an chanhtu le lungpi bangin an hupphengtu na Pathian cu na philh cang. Dum thiang tu kha naa serh hna i ramdang pathian kha na biak.

Comments

“Pathian Pennak Sullam.”

Vawlei cung hmunzakip ah a ummi ka miphun vialte hna Bawipa nih nan umnak hmun cioah Amah dawtnak thukpi in intheihter chin hna sehlaw biathli in ruah cio ko hna seh. Atu i Thawngṭha ka ṭialmi Pathian Pennak chungah na lut cang maw? timi hi fak deuh in rak ka ruahpi ve tiah kan sawm. Pathian Pennak chungah na lut cang maw timi biahalnak hi va luh dingmi khi halduhmi cu asi nain a taktak le ngaingai ah cun kan thinlung chungah ngeih dingmi tu hi a rak si deuh. Biatak cu Pathian Pennak hi tuahṭuannak in le nunthiannak men in kan hmuhkhawhmi asi hrimlo ti hi voi tampi chim ka duh. Pathian Pennak kan luhkhawhnak dingah cun lamkhat lawng aum i cucu Jesuh Khrih zumhnak thawng lawng bak in asi ko. Pathian Fapa Jesuh Khrih kan zumhnak thawngin Ti le Thlarau in kan hrinṭhan lawnglawng ah Pathian Pennak chungah kan lut kho ti hi fakpi in chim ṭhan ve ka duhmi asi. Bawipa Jesuh nih a timi cu ka Pa nih tuah hna seh ti a duhmi a tuahmi lawnglawng an lut lai tiah a ti taktak. Cucu tuahnak biafan...

"NUNNAK."

JESUH CU NUNNAK ASI (John 14:6) Minung vialte nih kan herhbikmi hi “Nunnak”, asi. Tulio i kan kawl, kan ṭ uanmi tampi hna zong hi nun duh ah an rak si i Kan pum in dam kan duh lengmang mi zong hi nun kan duh caah asi. Thuk deuh in kan rak ruahlomi cu Nunnak maw abiapi deuh? Damnak dah abiapi deuh timi kong hi asi. Na dam ruangah na nun si loin na nun rih ruangah damnak na herh asi deuh. Damnak cu anungmi nih kan herhmi asi i athimi caah cun damnak aherhnak a um ti loh. Cubantuk in Khamhnak zong hi taksa in anung rihmi le Thlarau in athimi hna ca i sualnak thianhpiak, Sualman leiba champiak le sualnak chungin luatnak thawngin khamhnak kan hmuhnak ding caah Khamh kan herh arak si ve. Khamhnak kan ti lengmang mi cu sualnak ruangah Pathian thinhunnak in aluangmi dantatnak kan in dingmi chungin kan luat khawhnak ding caah Jesuh Khrih thisen in sual ngaihthiamnak kan hmuhnak ding caah tuahpiakmi le sualnak chungin luatternak thawngin sualnak sal kan si tinak hnga lo caah asi. Sualnak sal kan...

Sazuk nih rial tidai a ngaih bang in ka nun nih Bawipa an ngai

Sazuk nih rialtidai a ngaih bangin kei ka nun zong nih Bawipa an ngai. Minung hi Pathian he kan i peh hnuah cun Bawipa he nunti le umtti hi a nuamh theih tuk asi, kan ti a hal tuk caan i ti kan din i kan di ariam bantukin Thlarau in Bawipa he hawi komhnak kan ngeih caan le Thlarau in kan khah caan i Bawipa kan thangtthat tikah sazuk bangin Thlarau nun in kan di ariam taktak ve. Minung hi sualnak he kan i tthen kho tawn lo i sualnak kan tuah tikah le Thlarau rawl ei loin le lungthin takin thla cam loin caan sau kan um tikah kan nun a hul i Thlarau ti le rawl ka hal tuk tawn. Pathian nih a kan hlat si loin kanmah tu nih kan hlat a rak si. Kan nun a hul deuhdeuh i kan dar a car deudeuh tikah cun a celh in kan celh lo lio caan theng teah Nunnak ti asimi Thlarau ti le rawl lei panh in sual phuannak kan neih tikah Bawipa nih thangthat lawmhnak a kan pek tthan i sazuk nih rialti dai a din i a di riamh bangin Thlarau ti le rawl in kan di a rian ve tawn. A taktak le ngaingai tiah cun a zungzal...

Nunnak Petu Thawngṭha

Search This Blog