Nitin Baibal Relnak

MARKA 1:3

Cun mi pakhat kha ramlak ah a au i, 'Bawipa lam kha rak remh tuah u, A kalnak ding lam kha ding tein rak ser u,' a ti," bantuk kha a si taktak.

MARKA 1:4

Cucaah Johan cu ramlak ah khan a hung chuak i mi kha tipilnak a pek hna i phung kha a chimh hna. "Nan lung i thleng u law tipilnak kha ing tuah u; cun Pathian nih nan sualnak kha an ngaihthiam hna lai," tiah a ti hna.

MARKA 1:5

Judea ram le Jerusalem khua i a ummi hna nih khan amah cu an fuh luaimai i an sualnak kha an i phuang i Jordan tiva ah khan tipilnak kha a pek hna.

MARKA 1:7

Mizapi cu a thawh hna i, "Ka hnu in a ra lai ding pa hi keimah nakin tampi in a ngan deuhmi a si; a kedan hri a phoihtu ding hmanh ah kei cu kaa tlak lo.

MARKA 1:8

Kei nih cun tiin tipilnak kha kan pek hna, sihmanhsehlaw anih nih cun Thiang Thlarau in tipilnak cu an pek hna lai," tiah a ti.

MARKA 1:9

Cu hnu tlawmpal ah cun Jesuh cu Galilee ram Nazareth khua khan a ra i Johan nih khan Jordan tiva ah cun tipilnak kha a pek.

MARKA 1:10

Ti chungin a hung thawh dih kate ah khan, van kha aa cheu i Thlarau cu ṭhuro bantukin a cung i a run i fut kha Jesuh nih cun a hmuh.

MARKA 1:11

Cun van in aw pakhat kha a theih i, "Nangmah hi ka Fapa dawt cu na si. Na cungah ka lung a tling ngaingai," tiah aw nih cun a ti.

MARKA 1:14

Johan kha thong i thlak a si hnuah Jesuh cu Galilee ram ah khan khual a tlawng i Pathian sinin a rami Thawngṭha kha a chimh hna.

MARKA 1:15

"A caan kha a phan cang. Pathian Pennak cu a phan dengmang cang. Nan sualnak kha kaltak hna u law Thawngṭha kha zum tuah u," tiah a ti hna.

MARKA 1:17

Jesuh nih cun a thawh hna i, "Ka zul tuah u, mi tlaitu ah kan ser hna lai," tiah a ti hna.

MARKA 1:18

Chikkhatte ah an sur kha an kaltak i amah kha an zulh colh.

MARKA 1:21

Kapernaum khua kha a va phan i Sabbath ni ah cun Jesuh cu pumhnak inn ah khan a kal i a cawnpiak hna.

MARKA 1:22

Phungbia cawnpiaktu saya pawl nih an cawnpiak hna bantuk khan si loin hmual ngei ngaiin a cawnpiak hna caah an khuaruah a har.

MARKA 1:23

Cu liote ah cun khuavang nih a tuahmi mipa pakhat kha pumhnak inn chungah cun a rung lut i

MARKA 1:25

Jesuh nih khuavang cu, "Dai tein um, mipa chung khan chuak," tiah a ti.

MARKA 1:26

Khuavang nih cun mipa cu fak piin a thin a thin tak i fak piin a au i mipa chung cun a chuak.

MARKA 1:40

Jesuh sinah cun thinghmuimi pakhat kha a ra i a khuk aa bil i, "Na duh ahcun na ka thianter khawh," tiah bawmhnak kha a hal.

MARKA 1:41

Jesuh nih cun a zaang a fak ngaingai i a hei banh i a hei tongh. "Nangmah thianter kha ka duh, va thiang cang," tiah a ti.

MARKA 1:42

Chikkhatte ah thinghmui zawtnak nih khan cu pa cu a kaltak i a thiang.

MARKA 1:45

Sihmanhsehlaw mipa nih cun a kalnak paoh ah khan cu kong cu a chimh hna i tam tuk in a chim caah Jesuh cu khua chungah khan langhngan in a lut kho ti lo. Hmunking tu ah khan a um i cuka ah cun a kenkip khan mi nih an rak fuh.

MARKA 2:4

Asinain mi an tam tuk caah Jesuh sin kha an phakpi kho lo. Cucaah Jesuh cung zawn inncung kha an baoh i mipa cu a ihphah cung i a ih bu khan an vun thlak.

MARKA 2:5

Jesuh nih an ka bochan hringhran ti kha a hmuh tikah, "Ka fa, na sualnak cu kan ngaihthiam," tiah mizengpa cu a ti.

MARKA 2:7

"Zeitindah hitihin, Pathian ralchanh in bia chim a ngamh hnga? Pathian dah ti lo nih aho nih dah sualnak a ngaihthiam khawh?" tiah an lung chungin an ti.

MARKA 2:9

Hi mizengpa sinah hin, 'Na sualnak kan ngaihthiam,' ti maw a fawi deuh, 'Tho tuah, na ihphah kha i put law kal,' ti dah a fawi deuh?

MARKA 2:10

Cucaah hmuhsak kan duhmi hna cu, Mi Fapa nih hin vawlei cungah sual ngaihthiamnak nawl a ngei, ti hi a si," tiah a ti. Cucaah mizengpa cu a thawh i,

MARKA 2:11

"Tho tuah, na ihphah kha i lak law va ṭin, kan ti," tiah a ti.

MARKA 2:12

An dihlak in an zoh ko lioah khan mipa cu a tho i a ihphah cu aa lak i khulrang in a kal. An dihlak in khuaruahhar in ar koin an um i Pathian kha an thangṭhat i, "Hi bantuk thil hi zeitikhmanh ah kan hmu bal lo," tiah an ti.

MARKA 2:14

Aa chawhpah ah khan ngunkhuai khawltu pakhat a zung i a rak ṭhut ko kha a hmuh. Cu pa cu Alfeas fapa Levi kha a si. Jesuh nih cun Levi cu, "Ka zul," tiah a ti i a tho i a zulh colh.

MARKA 2:16

Phungbia saya a cheukhat, Farasi mi a simi hna nih khan Jesuh cu misual hna le ngunkhuai khawltu hna he rawl a ei kha an hmuh tikah, a zultu kha an thawh hna i, "Zeicahdah ngunkhuai khawltu hna le misual hna he rawl a ei?" an ti.

MARKA 2:17

Jesuh nih a theih hna i, "A dammi nih cun sibawi an herh ṭung lo, a zawmi lawng nih pei an herh ko cu; miding mi hna kawh awkah ka ra lo, misual mi hna kawh awk tu ah ka ra," tiah a ti hna.

MARKA 2:19

Jesuh nih cun a leh hna i, "Nupi ṭhit rawldanghnak ah an sawmmi hna cu rawl loin an um hnga, tiah nan ruat maw? Um hlah. Nupi ṭhitupa kha an sinah a um chung paoh cu rawl loin an um hrimhrim lai lo.

MARKA 2:20

Sihmanhsehlaw nupi ṭhitu nih a kaltak hna caan a phan te lai i cu caan a phak tikah cun rawl cu an ul ve te ko lai.

MARKA 2:24

Cucaah Farasi mi hna nih khan Jesuh cu an thawh i, "Zohhmanh, na zultu hna nih sabbath ni ah an tuahmi hi kan Phung he aa ralchanhmi a si," an ti.

MARKA 2:25

Jesuh nih cun a leh hna i, "David le a mi hna nih khan, zeihmanh ei awk an ngeih lo i an rawl a ṭam tikah khan, zeidah an tuah, ti kha nan rel bal lo maw?

MARKA 2:27

Cun Jesuh nih cun, "Sabbath cu minung caah pei ser a si cu, minung cu sabbath caah ser an si ṭung lo,

MARKA 2:28

cucaah Mi Fapa cu sabbath Bawi zong a si," tiah a ti.

MARKA 3:1

Jesuh cu pumhnak inn ah khan a va kal ṭhan i cuka ah cun a kut a zengmipa pakhat a rak um.

MARKA 3:2

Jesuh cu zeitindah sual kan phawt khawh lai ti a bawhmi kha an rak um i cu hna nih cun sabbath ni ah hin aho tal a damter hna lai maw ti kha ṭha tein an rak ngiat.

MARKA 3:3

A kut a zengmipa cu Jesuh nih cun a thawh i, "Hmailei ah hin ra chuak tuah," tiah a ti.

MARKA 3:4

Cun mizapi cu a thawh hna i, "Kan Phung nih sabbath ni ah zeidah tuah a kan onh? Ṭhatnak nan tuah lai, a ti maw ṭhat lonak nan tuah lai, a ti dah?" tiah a ti hna. Sihmanhsehlaw bia kaa khat hmanh an chim lo.

MARKA 3:5

Cu tlukin an lung a hah le an palh kha a hmuh hna tikah a thin a hung a ngaih a chia i mipa cu a thawh i, "Na kut kha samh," a ti. A samh i a dam ai!

MARKA 3:9

Mi cu an tam tuk hringhran i an ka naan sual lai ti kha a phan caah Jesuh nih cun a zultu hna kha lawng pakhat in ka timhpiak tuah u tiah a ti hna.

MARKA 3:10

Mi tampi kha a damter hna i a zawmi paoh nih cun amah an tongh khawh nakhnga heh tiah an i zuam.

MARKA 3:11

Cun khuavang a ngeimi paoh nih amah an hmuh tikah khan a hmaiah cun an tlu, "Pathian Fapa na si," tiah fak piin an au.

MARKA 3:13

Cun Jesuh cu tlang cungah a kai i a duhmi kha a kawh hna. A sinah khan an ra i

MARKA 3:14

hleihnih kha a rak thim hna i annih cu lamkaltu tiah min a rak sak hna. A thawh hna i, "Ka sin i um awkah kan thim hna. Cun phung chim awkah kan thlah hna lai i

MARKA 3:15

khuavang ṭhawl khawhnak ṭhawnnak nan ngei lai," tiah a ti hna.

MARKA 3:20

Cun Jesuh cu inn ah a tlung. Mi nih khan a zual in an zual ṭhan hoi caah Jesuh le a zultu hna cu rawl einak caan hmanh an ngei lo.

MARKA 3:21

Cucu le mi nih, "A hrut cang," an ti kha a chungle nih an theih tikah, kan va hnuh lai, tiah an i thawh.

MARKA 3:28

"Hihi va philh hlah u. Minung hi an sualnak vialte le thil ṭhalo an chimmi vialte ngaihthiam khawh an si ko lai,

MARKA 3:29

sihmanhsehlaw Thiang Thlarau ralchanh in bia ṭha lo a chimmi cu zeitikhmanh ah ngaihthiam khawh an si lai lo, zeicahtiah zungzal in a hmunmi sualnak kha an tuah cang," tiah a ti.

MARKA 3:30

(Jesuh kha, "Thlarau ṭhalo a chungah aa hrolh," tiah an ti caah khan Jesuh nih hi bia a chimnak cu a si).

MARKA 3:33

Jesuh nih cun a leh hna i, "Ahodah ka nu cu a si? Ahodah ka naule cu an si?" tiah a ti hna.

MARKA 3:34

A pawng i a ṭhumi kha a zoh hna i, "Zohhmanh u, hika ah hin ka nu le ka naule hna cu an um.

MARKA 3:35

Zeicahtiah Pathian nih tuah hna seh, tiah, a duhmi thil a tuahmi paoh cu ka nau, ka far le ka nu an si," tiah a ti.

MARKA 4:11

Jesuh nih cun a leh hna i, "Pathian Pennak biathli cu nannih cu pek nan si cang, sihmanhsehlaw lenglei i a ummi hna cu bianabia lawnglawng in cawnpiak an si.

MARKA 4:34

Annih cu tahchunhnak hmang loin a chim hna lo, sihmanhsehlaw a zultu he lawng an um tikah cun zeizong vialte kha an sullam fiang tein a chimh hna.

MARKA 4:14

Thlaici vorhtu nih a vorhmi cu Pathian bia a si.

MARKA 4:16

A dang cu lung tamnak i a tlami bantuk an si. Bia cu an theih cangka lunglawm in an cohlan.

MARKA 4:17

Asinain an chungah khan thuk a pil lo i cucaah sau an rau lo. Cu bia ruang i hremnak siseh, harnak siseh, an hung um tikah an i ngol zau.

MARKA 4:18

Cun a dang cu hlingbur i a tlami thlaici bantuk a si. Hi hna hi Pathian bia kha a theih cu a thei i

MARKA 4:19

asinain lungretheihnak le rum duhnak le duhnak dangdang kha an hung chuah tikah, kha hna nih khan Pathian bia cu an ṭemṭawn caah, theipar zeihmanh a ngei lomi kha an si.

MARKA 4:20

Sihmanhsehlaw mi a cheu cu vawlei ṭha i a tlami thlaici bantuk an si. Pathian bia kha an theih i an cohlan i thei an tlai: a cheu cu a let sawm thum in, a cheu cu a let sawm ruk in, a cheu cu a let za khat in," tiah a ti.

MARKA 4:37

Cun thlichia a tho ciammam i tilet cu lawng chungah khan an lut cuahmah ko i an lawng cu ti kha a khat dengmang.

MARKA 4:38

Jesuh cu lawng hnulei ah khan a um i chantling cungah khan a rak i hngilh. A zultu hna nih khan an va hlauh i, "Saya, kan thih dengmang cang ṭung, zei poi loin maw na um ko?" an ti.

MARKA 4:39

Jesuh cu a tho i thlitu cu, "Hrang ti hlah," tiah nawl a pek i tilet cu, "Dai tuah," tiah a ti. Thli cu a dai zuahmah i rili cu dai zirziar tein a um.

MARKA 4:40

Cun Jesuh nih annih cu, "Zeicahdah cu ti hringhran in nan thin a phan? Zeicahdah zumhnak nan ngeih lo?" tiah a ti hna.

MARKA 4:41

Sihmanhsehlaw annih cu an thin a phang tuk hringhran i pakhat le pakhat cu, "Hi pa hi mi zei ko dah a si hnga? Thlitu le tilet hmanh nih dahngai a bia an ngaih ko hi," an ti.

MARKA 5:2

Jesuh cu lawng chungin a chuah cangka khan, mithi an vui hnanak lungkua i a um tawnmi mipa pakhat nih a rak ton.

MARKA 5:6

Jesuh a hei hmuh ah khan lamhlat nawn ah khin a um, cucaah a va tli i a hmaika ah khan a khuk aa bil i

MARKA 5:7

fak piin a au i, "Cung Nung Bik Pathian Fapa Jesuh, zeidah na ka duhnak a um? Zei kan ti hnga, dan cu ka tat sawh hlah," tiah a ti.

MARKA 5:13

Cucaah a kalter hna. Thlarau ṭhalo cu mipa chung khan an chuak i vok chungah khan an lut. Vok cu an dihlak in lungpang cung khan rili chungah an zuang ciammam i an thi dih, thong hnih tluk an si.

MARKA 5:15

Jesuh sin cu an va phan i a sinah cun a chung i thlarau ṭhalo bupi a um tawnmipa kha, hnipuan i hruk le lungfim in a rak ṭhut ko kha an va hmuh i an dihlak in an thla a hlauh hna.

MARKA 5:18

Jesuh cu lawng chung i a luh lioah khuavang a rak ngeimipa nih khan, "Na sinah kal ve ko ning," tiah a nawl.

MARKA 5:19

Sihmanhsehlaw Jesuh nih a onh lo. "Inn tu ah va tlung law Bawipa nih zeizat riamruam dah na ca i a tuahmi kha a si le zeitluk in dah an zaangfah kha, na chungle kha va chim deuh hna," tiah a ti.

MARKA 5:20

Cucaah mipa cu a kal i Khua Hra peng timi kha a tlawng i Jesuh nih a tuahpiakmi kha a chimh hna; cun a theimi vialte cu an khuaruah a har dih.

MARKA 5:23

"Ka fanute cu a zaw i a zual ngaingai ko. Zaangfahnak tein ra law a cungah na kut ra chia ko sawh, cu ti na tuah ahcun a dam lai i a nung ko lai," tiah a ti.

MARKA 5:24

Cun Jesuh cu amah sinah cun a kal. A zultu cu an tam tuk caah a kenkiplo in an hnursuan len ko.

MARKA 5:25

Cu hna lakah cun nu pakhat, thichuahnak in kum hleihnih a zaw cangmi a um.

MARKA 5:26

Sibawi tampi nih an thlop i cu thlopnak ahcun a ngeihchiah vialte zong a hmang dih cang nain a ṭha deuh hlei lo; a zual in a zual chin.

MARKA 5:27

Mi nih Jesuh kong an chim lengmang cu a rak theih ve i

MARKA 5:28

a puan ka tawngh hmanh ah ka dam lai, tiah a ti. Cucaah zapi lakah cun hnulei in a ra i a puan kha a tawngh.

MARKA 5:29

Cu ka hmun le cu caan te ah cun a thi chuah cu a dam i ka zawtnak in ka dam cang, ti kha aa hngal.

MARKA 5:30

Jesuh nih a chungin ṭhawnnak a chuah kha chikkhatte ah a hngalh i zapi lakah cun aa mer i, "Ahodah ka puan a tawng?" tiah a ti hna.

MARKA 5:33

Minu nih khan a cung i a tlungmi cu a hngalh i cucaah ther lengmang le phang lengmang in a ra i a ke hramah a bawk i a kong kha a chimh dih.

MARKA 5:34

Jesuh nih cun, "Ka fanu, na zumhnak nih an damter cang. Dai tein va kal law na zawtnak cun va dam ko cang," tiah a ti.

MARKA 5:35

Cu bia cu Jesuh nih a chim lioah khan Jairu inn cun zualko an ra i, "Na fanu cu a thi cang, sayapa cu hnahnawh ti hlah," tiah an rak chimh.

MARKA 5:36

Jesuh nih an chimmi cu zeihmanh ah rel duh loin a um i, "Na thinphang hlah, a zumh bel zum ko," tiah a ti.

MARKA 5:40

Annih nih cun a nih in an nih i cucaah an dihlak in a chuahter hna i ngakchianu a nu le a pa le a zultu pathum hna kha aa kalpi hna i ngakchianu an suannak khaan chungah cun an va lut.

MARKA 5:41

A kut in a vun tlaih i, ``Talitha koum,'' tiah a ti; cu a sullam cu, "Ngakchianute, tho, kan ti," tinak a si.

MARKA 5:42

Hmakhatte ah a tho i aa chawk colh. (Amah cu kum hleihnih mi a si). Cu thil an hmuh tikah an khuaruah a har tuk i a molh dengmang hna.

MARKA 6:4

Jesuh nih cun annih cu a thawh hna i, "Profet hi amah a chuahkehnak khua le a sahlawh a rualchan hna lakah dah ti lo ahcun hmaizahnak a hmu ve ko hen pei," tiah a ti.

MARKA 6:5

Khika ah khan khuaruahhar zeihmanh a tuah kho lo, a zawmi tlawmte lawng an cungah a kut a chuan i a damter hna.

MARKA 6:7

A zultu pahleihnih kha hmunkhat ah a kawh hna i pahnih pahnih in a thlah hna. Khuachia tei khawhnak nawl kha a pek hna i,

MARKA 6:8

"Nan khualtlawnnak dingah hin, ṭhiangṭhunh dah ti lo cu zeihmanh i ken hlah u; riahcaw siseh, zal siseh i phorh hlah u, nan angki zal ah phaisa zong i sanh hlah u.

MARKA 6:9

Phanah i danh u law angki a khethuan i hruk hlah u," a ti hna.

MARKA 6:12

Cucaah an chuak i, nan sualnak in i mer u, tiah mi kha an chimh hna.

MARKA 6:13

Khuachia tampi an ṭhawl hna i a zawmi tampi kha chiti an thuh hna i an damter hna.

MARKA 6:31

A tlung kal an tam tuk hringhran caah Jesuh le a zultu hna cu rawl einak caan hmanh an hmu lo. Cucaah annih cu a thawh hna i, "Kanmah lawng tein kan um khawh nakhnga le a dinh zong nan i dinh nakhnga, kanmah lawngin kaa khatkhat ah kal tuah u sih," tiah a ti hna.

MARKA 6:37

Jesuh nih cun a thawh hna i, "Nanmah nih ta ei awk cu nan pek hna," tiah a ti hna. Annih nih, "A si ahcun, ngun tangka za hnih in rawl va cawk i anmah kha pek maw, na kan duhmi cu a si?" an ti.

MARKA 6:38

Cucaah Jesuh nih khan annih cu, "Changreu tlang zeizat dah nan ngeih? Va kal u law va zoh tuah u," tiah a ti hna. An va zoh dih in, "Tlang nga le nga pahnih," tiah an ti.

MARKA 6:41

Cun Jesuh nih khan changreu tlang nga le nga pahnih cu a lak hna i van kha a zoh i Pathian sinah lunglawmhnak bia a chim. Changreu cu a cheu hna i a zultu kha a pek hna i mizapi kha pe hna u, tiah a ti hna. Cun nga pahnih zong kha an dihlak in a phawt hna.

MARKA 6:43

Cun a zultu hna nih khan changreu ṭiltlawt le nga ṭiltlawt cu sei hleihnih khat an char.

MARKA 6:46

A zultu kha a kalter dih hna hnuah anih cu thlacam awkah tlang cungah a kai.

MARKA 6:48

Thli kha anmah lei hoih in a hran caah a zultu hna nih khan an lawng zah cu an i harh ngai, ti kha a hei hmuh hna. Cucaah zinglei suimilam pathum le paruk kar hrawngah khin an sinah ti cung cun a ra i lonh hnek khi a zalh hna.

MARKA 6:50

an dihlak in an hmuh i an thin a phang i, mithla a si, tiah an ruah i an ai. Sihmanhsehlaw Jesuh nih cun khulrang tein a hei chawnh hna i, "Nan thin phang hlah u, keimah ka si," tiah a ti hna.

MARKA 6:51

Cun lawng chungah cun an sinah khan a vung lut i thlitu cu a dai. A zultu hna cu an khuaruah a har tuk hringhran i an lung a ar ko,

MARKA 6:52

zeicahtiah changreu sullam kha an rak hngal kho lo, an lung a rak pem kho lo.

MARKA 6:56

Cun Jesuh cu a kalnak kip ah khan, khuate ah siseh, khuapi ah siseh, lo ah siseh, mi nih an mizaw hna cu chawdawrnak hmun ah khan an rak chuahpi cio hna i, a zawmi hna nih hin na puanki tal in tawng hna seh, tiah an nawl; cun a tawngmi paoh cu an dam.

MARKA 7:6

Jesuh nih cun a leh hna i, "Nannih kong a rak chim tikah hin Isaiah hi a va hmaan dah! A ṭial bantuk tein miziathiam nan si taktak ko. A ṭialmi cu hitihin a si: 'Pathian nih aa thawh i, Hi mi hna nih hin an bia cun an ka upat ko, Asinain an lung cun an ka hlat taktak.

MARKA 7:7

Annih nih minung serchommi nawlbia kha Pathian nawlbia taktak bantukin mi an cawnpiak hna caah An ka biak hi an caah zeihmanh a ṭhahnem lo,' a ti.

MARKA 7:15

Mi cu lenglei in chunglei ah a lutmi thil nih a thurter lo. A chungin a chuakmi thil tu nih a thurter.

MARKA 7:19

Zeicahtiah a lung chungah lut loin a paw chung tu ah a lut i a pum lengah a chuak ṭhan ko" tiah a ti hna. (Hitihin Jesuh nih a ti tikah hin rawl zeipaoh hi ei awkah aa tlakmi an si ko a ti duhnak a si).

MARKA 7:20

Cun aa thawh ṭhan i, "Minung a thurhnawmhtertu cu a chungin a chuakmi hi an si.

MARKA 7:21

Zeicahtiah ṭhat lonak ziaza a tuahtertu ruahnak ṭhalo kha chunglei in a lung chungin a chuakmi an si: nu le pa sualnak tehna, fir tehna, mi thah tehna,

MARKA 7:22

va cung pa duh tehna, hakkauh tehna, ṭhat lonak a phunphun tuah tehna, lihchim tehna, zuanzam tehna, mi nahchuah tehna, mi congoih tehna, lungpuam tehna, ningcang lo khuasak tehna —

MARKA 7:23

hi thil ṭhalo vialte hi minung chunglei in a chuakmi an si i minung a thurtertu cu hi hna hi an si," tiah a ti.

MARKA 7:25

Nu pakhat, a fanu khuavang nih a tuahmi nih khan Jesuh thawng cu a theih i khulrang tein a sinah cun a ra i a ke hramah a bawk.

MARKA 7:27

Sihmanhsehlaw Jesuh nih cun a thawh i, "Rawl cu fale kha pe hmasa hna u sih, fale rawl cu i lak zau i uico pek cu a hmaan deuh lo," tiah a ti.

MARKA 7:28

Cun minu nih cun, "A si ko, Bawipa, sihmanhsehlaw fale rawl ṭilṭawt cu cabuai tang i a ummi uico hmanh nih an ei ve tawn ko," tiah a leh.

MARKA 7:29

Cucaah Jesuh nih cun, "Cu bantukin na ka leh caah na inn ah va ṭin ko, na fanu chungin khuachia kha a chuak cang," tiah a ti.

MARKA 7:30

Cucaah inn ah cun a ṭin i a fanu cu ihkhun cung i a rak ih ko kha a va hmuh; khuachia nih cun a rak chuahtak taktak cang.

MARKA 7:32

A sinah mipa pakhat an ratpi i cu pa cu a hna a chet i a holh zong a holh kho set lo, Jesuh cu a cungah na kut chia ko, tiah an nawl.

MARKA 7:33

Cucaah Jesuh nih cun zapi sin khan lamhla nawn ah khin amah lawngin aa kalpi i a hnakhaw chungah cun a kutdong a sawh i a cil a chak i mipa lei cu a tongh.

MARKA 7:35

Chikkhatte ah mipa cu a hna kha an awng i a lei cu a luat i ṭha tein a holh kho.

MARKA 7:37

Cun a theimi paohpaoh cu an khuaruah a har dih. "A tuahmi thil hi an va ṭha hringhran dah! Hnachet kha an hna a awnter hna i a holh kho lomi zong kha holh kho in a tuah hna," tiah an thangṭhat.

MARKA 8:2

"Hi hna hi ka sinah ni thum an um cang i atu cu ei awk zeihmanh an ngei ti lo, ka zaang an fak ko.

MARKA 8:3

Rawl ei loin ka tlunter hna ahcun lampi ah an buhri lai, a cheu cu lamhla piin a rami an si fawn," tiah a ti.

MARKA 8:4

A zultu nih cun an thawh i, "Hi ramlak ah hin aho nih dah minung hi zat cu rawl a pek khawh hna lai?" an ti.

MARKA 8:5

"Changreu tlang zeizat dah nan ngeih?" tiah a hal hna i, "Tlang sarih," tiah an leh.

MARKA 8:6

Mizapi cu vawlei ah khan ṭhu u, tiah a ti hna. Cun changreu tlang sarih kha aa lak i Pathian sinah lawmhnak bia a chim hnuah a beoh hna i mizapi kha phawt awkah a zultu kha a pek hna; cun a zultu hna nih cun mizapi cu an phawt hna.

MARKA 8:7

Nga hme tete tlawmpal zong an ngei. Jesuh nih cun nga ca zongah cun lawmhnak bia kha Pathian sinah a chim i a zultu hna cu, phaw hna u, tiah a ti hna.

MARKA 8:8

An dihlak in an ei i an khim dih, minung cu thong li tluk an si.

MARKA 8:15

Annih cu Jesuh nih khan a thawh hna i, "Farasi mi hna thilnu le Herod thilnu kha i ralring u," tiah a ti hna.

MARKA 8:16

Cu tikah annih nih, "Changreu kan ngeih lo caah pei hitin a kan ti ko hi," tiah an i ceih.

MARKA 8:17

Jesuh nih an i ceihmi cu a hngalh i cucaah, "Zeicahdah changreu nan ngeih lonak kong cu nan i ceih len ko? Nan thei kho in nan hngal kho rih hrim lo maw?

MARKA 8:18

Cuticun maw nan lung a pin ko? Mit nan ngeih ko ṭung, nan hmu kho lo maw? Hna nan ngeih ko ṭung, nan thei kho lo maw?

MARKA 8:19

Minung thong nga ca i changreu tlang nga ka cheu kha nan philh manh maw? A ṭiltlawt kha sei zeizat dah nan char kha?" tiah a ti hna. Annih nih, "Sei hleihnih," tiah an leh.

MARKA 8:20

"Cun minung thong li ca i tlang sarih ka cheu ah khan tah sei zeizat dah a ṭiltlawt nan char kha?" tiah a ti i, "Sei sarih," tiah an leh.

MARKA 8:22

Bethsaida khua kha an phan i Jesuh sinah cun mitcawpa pakhat an ratpi i a rak tawngh nakhnga an nawl.

MARKA 8:23

Jesuh nih cun mitcawpa cu a kut in aa hruai i khua lengah a chuahpi. Mipa mit cu a cil a chak hnuah Jesuh nih cun a cungah a kut a chuan i, "Zei tal na hmu kho maw?" tiah a hal.

MARKA 8:24

Mipa cu van a hun cau i, "Mi ka hmuh khawh hna, sihmanhsehlaw thingkung khi i chawk hna seh law, cu ko cu an lo," tiah a ti.

MARKA 8:25

Cun Jesuh nih mipa mit cu a kut in a tongh ṭhan i mipa nih cun fak piin a hun zoh i khua a hun hmu kho i zeizong vialte kha fiang tein a hmuh hna.

MARKA 8:29

Cun annih cu, "Nannih nih tah, aho a si, nan ka ti dah?" tiah a ti hna i Peter nih, "Messiah na si," tiah a leh.

MARKA 8:31

Jesuh nih cun a zultu kha a cawnpiak hna i, "Mi Fapa nih hin temhinnak tampi ka huah lai, upa hna le tlangbawi upa pawl hna le Phungbia cawnpiaktu saya hna nih an ka hlawt lai. Thihnak ka huah lai i ni thum hnuah ka tho ṭhan lai," tiah a chimh hna.

MARKA 8:32

Hihi fiang tein a chimh hna caah Peter nih kaa dang deuh ah khin a hei i kalpi i a mawhchiat.

MARKA 8:33

Sihmanhsehlaw Jesuh cu aa mer i a zultu hna lei kha a zoh i Peter cu a mawhchiat ve i, "Ka sinin kal ko, Satan; zeicahtiah na ruahning hi minung ruahning a si, Pathian ruahning a si lo," tiah a ti.

MARKA 8:34

Cun Jesuh nih mizapi le a zultu hna kha a auh hna i, "Zulh a ka duhmi paoh cu mah zawn aa ruat lomi nan si lai. Cun nan vailamtahnak kha nan i put lai i nan ka zulh lai.

MARKA 8:35

Zeicaahtiah a nunnak khamh a duhmi cu a nunnak kha a sung lai i keimah ruang le thawngṭha bia ruang i a nunnak a sungmi nih a nunnak kha a khamh lai.

MARKA 8:36

Mi pakhatkhat nih vawlei hi a ning piin co seh law, a nunnak sung ṭung seh law, zeital a miak hnga maw? Miak hlah!

MARKA 8:37

Cun a nunnak cu zeital in a caw ṭhan kho hnga maw? Caw ṭhan kho hlah.

MARKA 8:38

Atu chan, Pathian zei ah a rel lo i chan ṭhalo a simi chan ah hin, keimah le ka cawnpiaknak a ka zahpimi cu, Mi Fapa hi ka Pa sunparnak in vancung mithiang mi hna he ka rat tikah, ka zahpi ve hna lai," tiah a ti hna.

MARKA 9:1

Cun a thawh hna i, "Biatak kan chimh hna, hika i a dirmi lakah hin, Pathian pennak a ṭhawnnak he a rat nan hmuh hlan cu, a thi lo dingmi tlawmpal nan um," tiah a ti hna.

MARKA 9:2

Cun ni ruk hnuah Jesuh nih cun Peter le Jeim le Johan kha aa kalpi hna i anmah lawngin tlang sang pakhat ah aa kaipi hna. Annih nih an zoh ko lioah khan a hun i thleng i

MARKA 9:3

a thilpuan cu a tleu in an tleu i an rang ngaingai; cu tluk rang cun vawlei cung mi ahohmanh nih an su kho lai lo.

MARKA 9:4

Cun zultu pathum hna nih cun Elijah le Moses kha Jesuh he bia an i ruah len ko cu an hmuh hna.

MARKA 9:7

Minmei a hung zam i a hun zelh hna i minmei chung cun aw pakhat a hung chuak i, "Hihi ka dawtmi ka Fapa a si, a bia kha ngai u," tiah a ti hna.

MARKA 9:11

Cun Jesuh cu, "Zeicahdah Phungbia cawnpiaktu saya pawl nih, 'Elijah a rat hmasa awk a si,' an ti?" tiah an hal.

MARKA 9:12

Jesuh nih cun, "Zeizong vialte rak timh chung awkah Elijah cu a ra hmasa taktak ko. Asinain, zeicahdah Cathiang nih, Mi Fapa nih temhinnak tampi a huah lai i a hlawt zong hlawt a si lai, tiah a ti hnga?

MARKA 9:13

A chimh cu kan chimh ko hna lai, Elijah cu a ra ko cang i Cathiang nih a chim bantukte khan mi nih an duh bantuk tein a cungah an ṭuan ko cang," tiah a leh hna.

MARKA 9:17

Mizapi lak cun pakhat pa nih a hun leh i, "Saya, ka fapa cu khuavang nih a tuah i a holh khawh lo caah na sinah ka ratpi.

MARKA 9:18

Khuavang nih a chuahhnawh fate vawlei ah khan a thluk i a buanbara a tawh i a hacang aa rial i a ṭhom dih. Na zultu kha khuavang ṭhawl cu ka fial hna nain an ṭhawl kho lo," tiah a ti.

MARKA 9:20

Cun a sinah cun an ratpi. Khuachia nih khan Jesuh kha a hmuh cangka in ngakchiapa cu mah hngal loin a tuah i vawlei ah a hrilh i heh tiah aa let len i a buanbara zong a tawh dih.

MARKA 9:22

Cun a pa nih cun, "Mei chung hawi hna ah a paih, ti chung hawi hna ah a thlak i voi tampi a thah dengmang tawn. Zei kan ti hnga, na kan bawmh khawh ahcun kan bawm hram ko sawh," tiah a ti.

MARKA 9:23

Jesuh nih, "Na kan bawmh khawh ahcun na ti maw? Asi, zumhnak a ngeimi caah cun zei paoh a si kho ko," tiah a ti.

MARKA 9:24

Cun a pa cu a au i, "Ka zumh ko, sihmanhsehlaw a za lo, ka bawm tuah!" tiah a ti.

MARKA 9:27

Sihmanhsehlaw Jesuh nih khan ngakchiapa cu a kut in a vun thawh i a hung dir.

MARKA 9:30

Cuka hmun cun an chuak i Galilee ram ṭol pah thluahmah in an kal. Jesuh nih a zultu pawl kha a cawnpiak lio hna a si caah, a umnak kha ahohmanh nih hngal hna hlah seh ti a duh.

MARKA 9:31

Zeitindah a cawnpiak hna tiah, "Mi Fapa hi mi kut chungah chanh ka si lai i cu hna nih cun an ka thah lai. Sihmanhsehlaw ni thum hnuah ka tho ṭhan lai," tiah a ti.

MARKA 9:35

Jesuh cu a ṭhu i zultu hleihnih hna cu a auh hna i, "A ngan bik si a duhmi cu nauta bik ah le mi vialte sal ah aa chiah hrimhrim awk a si lai," tiah a ti hna.

MARKA 9:37

"Ka min in hi bantuk ngakchia pakhat khat a cohlangmi paoh cu keimah a ka cohlan a si; cun keimah a ka cohlangmi paoh cu keimah lawng kha a ka cohlan si loin a ka thlahtu zong kha a cohlan a si," tiah a ti hna.

MARKA 9:41

Nannih cu Messiah zultu nan si ruangah mi nih ti hrai khat zong an in pek hna ahcun, cu hna cu laksawng hmu loin an um hrimhrim lai lo, ti kha va philh hlah u," tiah a ti hna.

MARKA 9:42

Keimah a ka zummi, hi ngakchia tete hna lak i pakhat hmanh hi, ka lam in a pialtertu cu, a hngawng ah facang rialnak lung tumpi thlaih i rili chung i thlak kha a caah a ṭha deuh.

MARKA 9:38

Johan nih a thawh i, "Saya, na min in khuachia a ṭhawlmi pakhat kan hmuh i kan bu chungmi a si lo caah, tuah ti hlah, kan ti," tiah a chimh.

MARKA 9:39

Jesuh nih cun, "Tuah ti hlah, ti hlah u, zeicahtiah ka min in khuaruahhar mi thil a tuahmi nih cun ka thang cu a ka chiat kho lai lo.

MARKA 9:40

A kan doh lomi cu a kan bawmmi an si.

MARKA 9:49

"A mi kip kha mei in cite bantukin alter an si lai.

MARKA 9:50

Cite hi a ṭha. Sihmanhsehlaw a alnak kha a loh ahcun zeitindah na alter ṭhan khawh ti lai? Nan chungah cite kha i ngeih u law pakhat le pakhat kha i rem tein um u," tiah a ti.

MARKA 10:2

Farasi mi kha an ra i foih an ra timh. "Kan phung nih nupi mak hi a kan onh maw onh lo, kan chim tuah," tiah an ti.

MARKA 10:3

Jesuh nih biahalnak in a leh hna i, "Moses nih zei phung dah an pek hna?" tiah a ti.

MARKA 10:4

Annih nih, "Moses nih a kan pekmi ah cun, mipa nih a nupi kha maknak ca a pek ahcun a mak khawh ko, ti a si," tiah an leh.

MARKA 10:5

Jesuh nih cun a thawh hna i, "Moses nih hi nawlbia an ṭialpiak hna cu, nannih kha cawnpiak nan har tuk hringhran caah a si.

MARKA 10:6

Sihmanhsehlaw a hramthawk, thil ser lio caan ah khan cun, cathiang nih, 'Pathian nih nu le pa in a ser hna i

MARKA 10:7

cu ruangah cun pa nih a nu le a pa kha a kaltak hna lai i a nupi he an i komh lai i,

MARKA 10:8

an pahnih cun pakhat ah an cang lai,' a ti bang khan a si. Cucaah pahnih an si ti lo, pakhat lawng an si cang.

MARKA 10:9

Pathian nih a fonhmi hna cu minung nih ṭhen awk a si lo," tiah a ti.

MARKA 10:13

Jesuh sinah khan, a kut in rak tawng hna seh, tiah ngakchia tete kha an ratpi hna, sihmanhsehlaw a zultu hna nih khan cu hna cu an rak sik hna.

MARKA 10:14

Cucu Jesuh nih a hmuh tikah a thin a hung i a zultu hna cu, "Ngakchia cu ka sinah ratter ko hna u. Pathian Pennak cu hi bantuk mi hna ta hi a si caah, annih cu kham hna hlah u.

MARKA 10:15

Mah hi philh hlah u. Pathian Pennak kha ngakchia nih an cohlan bantukin a cohlang lomi cu, ahohmanh Pathian Pennak chungah cun an lut lai lo," tiah a ti.

MARKA 10:16

Cun ngakchia cu a pom hna i an cungah a kut a chuan i thluachuahnak a pek hna.

MARKA 10:26

Hi bia an theih tikah a zultu hna cu an khuaruah a har tuk hringhran i, "Ahodah khamhnak cu a hmu kho kun lai?" tiah pakhat le pakhat kha an i hal.

MARKA 10:27

Jesuh nih cun dengteo in a zoh hna i, "Hihi minung caah cun a si kho lo, sihmanhsehlaw Pathian caah cun a si kho ko, zeicahtiah Pathian nih a tuah khawh lomi zeihmanh a um lo," tiah a ti hna.

MARKA 10:28

Cun Peter nih, "A si ahcun, kannih hi tah? Zeizong vialte kaltak in kan in zulh ṭung," tiah a hun ti.

MARKA 10:29

Cun Jesuh nih a thawh hna i, "A inn siseh, a lo siseh, a unau si hna seh, a farle si hna seh, a nu siseh, a pa siseh, a fale si hna seh, keimah le ṭhawngṭha ruangah a kaltakmi nih cun,

MARKA 10:30

tam chinchin in atu chan ah hin a hmuh hrimhrim lai. Inn siseh, lo siseh unau si hna seh, far siseh, nu siseh, fa siseh; a let za khat in an hmuh lai; cun hremnak zong an hmuh lai; cun a ra dingmi chan ah hin zungzal nunnak an hmuh lai.

MARKA 10:32

Jerusalem khua leiah khan an hung kal i Jesuh cu an hmaiah khan a kal i a zultu hna kha an khuaruah a har; cun an hnu in a hun zul vemi midang hna kha an thin a phang. Jesuh nih cun zultu pahleihnih hna kha a dang ah aa kalpi ṭhan hna i a cung i a tlung dingmi thil kong kha a chimh hna.

MARKA 10:34

Cu hna nih cun an cawhdeh lai, cil an chak lai, fung in an tuk lai i an thah lai. Cun ni thum hnuah a tho ṭhan lai," tiah a ti hna.

MARKA 10:35

Khi tikah Zebedi fapa Jeim le Johan kha Jesuh sinah cun an ra i, "Saya, na kan tuahpiak awk kan duhmi thil a um," an ti.

MARKA 10:37

Annih nih, "A sunglawimi na Pennak chung i na bawiṭhutdan cung i na ṭhut tikah na sinah kan ṭhutter ve law kan duh, pakhat na orhlei kamah, pakhat na kehlei kamah," tiah an ti.

MARKA 10:38

Jesuh nih cun a thawh hna i, "Nan ka halmi hi nan hngal lo. Ka din dingmi hrai hi nan din khawh lai maw? Tipil ka in ding ning hin nan in khawh ve lai maw?" tiah a ti.

MARKA 10:39

Annih nih, "Kan ti khawh ko lai," tiah an leh. Jesuh nih cun, "Ka din dingmi hrai hi nan din khawh ve taktak ko lai i ka in dingmi tipil inning hi nan in khawh ve taktak ko lai.

MARKA 10:40

Sihmanhsehlaw ka orhlei kam i ṭhut le ka kehlei kam i ṭhut cu keimah pek khawhmi a si lo. Hi hmun cu Pathian nih a timhpiakmi hna kha a pek ko hna lai," tiah a leh hna.

MARKA 10:43

Sihmanhsehlaw nannih cu hi bantukin nan si awk a si lo. Mi ngan si a duhmi cu nan sinum a si awk a si,

MARKA 10:44

bawi cem si a duhmi cu nan dihlak sal a si awk a si.

MARKA 10:45

Zeicahtiah Mi Fapa hmanh hi, rian ṭuanpiakmi si awkah ka rat ṭung lo, midang rian ṭuanpiaktu si awk le mi tampi tlanhnak ding ca i ka nunnak pek awkah pei ka rat cu," tiah a ti hna. 

MARKA 10:47

Nazareth khuami Jesuh a si ti kha a theih tikah, "Jesuh, David Fapa, ka zaangfah tuah," tiah a au.

MARKA 10:48

Mi tampi nih an sik i dai tein um ko, tiah an ti. Sihmanhsehlaw thang chinchin in, "David Fapa, ka zaangfah tuah," tiah a au chin.

MARKA 10:49

Jesuh cu a dir i, "Hei au u," tiah a ti. Cucaah mitcawpa cu an hei auh i, "Na thanuam ko, tho, an kawh cuh," an ti.

MARKA 10:50

A puan kha a hlonh duak i a pet i Jesuh sinah cun a ra.

MARKA 10:51

Jesuh nih cun, "Zeidah in tuahpiakning law na duh?" tiah a hal. Mitcawpa nih cun, "Saya, khua hmuh ṭhan ka duh," tiah a leh.

MARKA 10:52

Jesuh nih cun, "Va kal kun, na zumhnak nih an damter cang," tiah a ti. Chikkhatte ah khin khua cu a hun hmu i lam ah cun Jesuh cu a zulh.

MARKA 11:7

Laa cu Jesuh sinah khan an ratpi i an puan kha a keng ah an danh i Jesuh nih aa cit.

MARKA 11:8

Mi tampi nih an puan kha lam ah khan an phah, cun a cheu nih lo lak i thingnge kha an va sam hna i lam ah cun an phah hna.

MARKA 11:9

"Hosanna! Bawipa min in a rami cu Pathian nih thluachuahnak pe ko seh.

MARKA 11:10

Kan pu David pennak a ra liomi cu thluachuahnak hmu ko seh! Hosanna! A sang bik van ah khin Pathian cu thangṭhat si ko seh," tiah an ti.

MARKA 11:12

A thaizing, Bethani khua in an ra kirpah ah khan, Jesuh cu a rawl a ṭam.

MARKA 11:13

Lamhlat nawn khin a hnah a ṭha ngaimi theipi kung pakhat a hei hmuh i a tlai a um hnga maw tiah a hei fuh; sihmanhsehlaw a hei phak tikah, cu caan cu theipi tlai tik a si lo caah, a hnahpi lawng a rak si kha a va hmuh.

MARKA 11:14

Jesuh nih cun theipi kung cu, "Na thei ahohmanh nih in ei ti hna hlah seh," tiah a ti. Cucu a zultu hna nih khan an theih.

MARKA 11:20

A thaizing zingkate ah, an kal pah ah khin, theipi kung kha an hei zoh. A rak thi i a hram tiangin a car dih.

MARKA 11:22

Jesuh nih a leh hna i, "Pathian kha zum ko u.

MARKA 11:23

Biatak kan chimh hna, ahohmanh nih hi tlang hi, 'Tho law rili ah khin vaa paih,' tiah zumh lonak zeihmanh um loin nan ti i, kan chimmi hi a tling lai, tiah nan zumh ahcun, tuahpiak nan si ko lai.

MARKA 11:24

Cucaah cun, thlacam in nan halmi thil paoh kha, kan hmuh cang, tiah zum u law nan halmi paoh cu nan hmuh ko lai.

MARKA 11:25

Cun thlacam in nan dir tikah, an cung i thinhunnak nan ngeihmi paoh kha, ngaithiam hna u, vancung nan Pa zong nih nan sualnak kha an ngaihthiam khawh ve hna nakhnga," tiah a ti.

MARKA 11:26

Midang kha an sualnak nan ngaihthiam hna lo ahcun vancung i a ummi nan Pa zong nih nan sualnak an ngaithiam ve hna lai lo," tiah a ti.

MARKA 11:28

"Aho nawl in dah hi thil hi na tuah hna? Aho nih dah hi thil tuahnak nawl hi an pek?" tiah an hal.

MARKA 11:29

Jesuh nih cun an bia cu a leh hna i, "Bia pakhat tein kan hal ve tuah hna lai. Ka let u law, aho nawl in dah hi thil hi ka tuah hna ti kha kan chimh ve hna lai.

MARKA 11:30

Johan nih tipil a pek hna kha, Pathian sinin maw nawl kha a hmuh, minung sinin dah?" tiah a ti hna.

MARKA 11:33

Cucaah Jesuh cu, "Kan hngal lo," tiah an leh. Cun Jesuh nih annih cu, "Aho nawl in dah hi thil hi ka tuah hna, ti cu kei zong nih kan chim ve kun hna lai lo," tiah a ti hna.

MARKA 12:2

Mitsur thei kha lawh a cut tikah a co hnga ding a simi va lak awkah a sal pakhat kha a thlah.

MARKA 12:3

Dum a hlanhmi hna nih cun an rak tlaih i an rak velh i zeihmanh pe loin an kirter.

MARKA 12:5

Dum ngeitu nih cun sal dang pakhat a thlah ṭhan i an rak thah; cun a dang tampi kha cu bantuk cun an rak tuah hna, a cheu cu an tuk an den hna i a cheu cu an thah hna.

MARKA 12:6

Thlah dingah a taangmi cu dum ngeitu fapate a dawt ngaingaimi lawng kha a si cang. A hmanung bik ah a fapa cu dum a hlanhmi hna sinah cun a hei thlah i, 'Ka fapa hi cu an hmaizah ṭheo lai,' tiah a ti.

MARKA 12:7

Sihmanhsehlaw dum a hlanhmi hna nih khan, 'Hi pa hi dum ngeitu fapa a si. That u sih, dum hi kanmah ta a si lai,' an ti.

MARKA 12:8

Cucaah a fapa cu an tlaih i an thah i a ruak kha dum lengah an hlonh.

MARKA 12:9

"A si ahcun, dum ngeitu nih khan zeitindah a tuah hna lai? A ra tlung lai i a thah hna lai i dum kha midang a hlanh hna lai.

MARKA 12:12

Judah upa pawl nih khan, hi bianabia cu kanmah a kan chimhnawhchan ti kha an hngalh caah Jesuh cu tlaih an timh, sihmanhsehlaw mizapi kha an ṭih hna caah an kaltak.

MARKA 12:15

Hlen an timh kha a hngalh i, "Zeicahdah foih nan ka timh len ko? Ngun tangka phar khat in rak pu u law ka zoh tuah lai," tiah a leh hna.

MARKA 12:16

Pakhat an rak pek i, "Aho hmai le aho min dah mah hihi an si?" tiah a hal hna. Annih nih, "Siangpahrang hmai le min," tiah an leh.

MARKA 12:17

Cun Jesuh nih, "A si ahcun, Siangpahrang ta a simi cu Siangpahrang cu va pe ko u, Pathian ta a simi cu Pathian kha va pe ko u," tiah a ti hna i an ar ṭhup ko.

MARKA 12:24

Jesuh nih cun a leh hna i, "Nan hei palh hringhran dah! Cun zeicahdah kan palh ti nan hngal maw? Cathiang siseh, Pathian ṭhawnnak siseh nan hngalh lo caah a si.

MARKA 12:25

Mithi cu thawhter an si tikah vancungmi bantuk pei an si lai cu, an i ṭhi in an i um ti lai lo.

MARKA 12:26

Mithi mi thihnak in thawhter ṭhan an si lai le si lai lonak kong cu, Moses cauk chungah khan, burbuk a kangmi kong kha nan rel bal lo maw? Khaka ah khan Pathian nih Moses cu a thawh i, 'Kei cu Abraham Pathian, Isak Pathian, Jakob Pathian ka si,' a ti, tiah aa ṭial ṭung.

MARKA 12:29

Jesuh nih a leh i, " 'Israel mi hna ngai tuah u; Bawipa kan Pathian lawnglawng hi Bawipa a si.

MARKA 12:30

Bawipa nan Pathian cu nan lungthin dihlak le nan nunnak dihlak le nan ruahnak dihlak le nan thazang dihlak in nan dawt lai,' ti hi a biapi bik cu a si.

MARKA 12:31

Cun a pahnihnak cu, Na innpa kha nangmah naa dawt bantukin na dawt lai, ti hi a si. Hi hna pahnih nakin a biapi deuhmi nawlbia dang an um ti lo," tiah a ti.

MARKA 12:33

Cucaah mi nih hin Pathian cu kan lungthin dihlak le kan ruahnak dihlak le kan thazang dihlak in kan dawt awk a si i kan innpa cu kanmah bantukin kan dawt awk hna a si. Hi nawlbia pahnih zulh hi Pathian sin i khangh raithawinak le raithawinak dangdang zong pekchanhnak nakin a ṭha deuh," tiah a ti.

MARKA 12:41

Jesuh cu Biakinn tangka chiahnak pawngah khan a ṭhu i tangka a sanhmi kha a zoh hna. Mirum tampi nih khan tangka tampi an sanh lengmang.

MARKA 12:42

Khi lioah khan a si a fakmi nuhmei pakhat a ra ve i pia hra tluk a man a simi dar tangka pahnih a sanh ve.

MARKA 12:43

Jesuh nih khan a zultu kha a kawh hna i, "Hi a si a fakmi nuhmeinu nih hin tangka kuang ah midang vialte nakin tam bik a sanh.

MARKA 12:44

Zeicahtiah a dang nih cun an ngeih hlei kha an sanh, sihmanhsehlaw hi nu hi cu sifak ngai a si ko nain a ngeihmi vialte kha a sanh dih — a nunnak ca i a hman dingmi kha a thawh dih," tiah a ti.

MARKA 13:8

Ram khat le ram khat an i do lai, peng khat le peng khat an i tu lai. A kenkip ah lihnin a um lai i mangṭam a tlung lai. Hi thil hna hi nau nganfah hramthawk bantuk khi an si.

MARKA 13:9

"Nannih cu i ralring u. Zeicahtiah mi nih an in tlaih hna lai i zung ah an in chuahpi hna lai, pumhnak inn ah khan an in tuk hna lai i an in den hna lai, uktu bawi le siangpahrang hna hmaiah, annih cu Thawngṭha chimh awk le keimah ruangah an in chuahpi hna lai.

MARKA 13:10

Sihmanhsehlaw caan donghnak a phak hlanah Thawngṭha Bia cu miphun kip sinah chim hmasa a si lai.

MARKA 13:11

Cun an in tlaih hna i zung i an in chuahpi hna tikah, zeidah kan chim lai, tiah a hlankan in nan lungre rak thei hlah u; a caan a phak tikah chim awk ding cu pek nan si te ko lai, cucu chim te ko u. Zeicahtiah nan chimmi bia cu nanmah bia a si lai lo, Thiang Thlarau nih an pekmi hna bia a si lai.

MARKA 13:13

Keimah ruangah mi kip nih an in huat hna lai. Sihmanhsehlaw a dongh tiang a hmunmi cu khamh nan si lai.

MARKA 13:14

"Sihmanhsehlaw 'Ṭhiotu Fihnung' cu a dirnak ding a si lomi hmun ah a dir kha nan hmuh tikah (A reltu nih hi a sullam cu hngal u!) khi tikah Judea ram i a ummi cu tlang leiah nan zam awk a si lai.

MARKA 13:19

Zeicahtiah hi a tlung dingmi harnak hi Pathian nih vawlei a ser hramthawk in atu tiangah a um bal lomi thil, ṭih a nung bikmi harnak a si lai. Hmailei zongah cu bantuk cu a um ti lai lo.

MARKA 13:20

Bawipa nih cu caan cu rak tawiter hlah seh law cu, khamhmi ahohmanh an um hnga lo. Sihmanhsehlaw a thimmi a mi hna caah cun, cu caan cu a tawiter.

MARKA 13:21

"Cun nannih cu ahohmanh nih, 'Messiah cu hika ah a um,' an in ti hna ah siseh, 'Khika ah a um,' an in ti hna ah siseh, va zum hna hlah u.

MARKA 13:22

Zeicahtiah Messiah deu le nal profet hna kha an chuak lai. Pathian thimmi hna hmanh kha, a si khawh chungin hlen khawhnak dingah hmelchunhnak le khuaruahharnak an ser hna lai.

MARKA 13:24

"Cu harnak caan hnuah cun ni cu a mui lai i thlapa cu a vang ti lai lo,

MARKA 13:25

van in arfi cu an tla lai i van ṭhawnnak cu an i hnin lai.

MARKA 13:26

Mi Fapa cu a lang lai i khuadawm chung khin lianhngannak le sunparnak he a ra lai.

MARKA 13:27

Vawlei kil li ah khan a vancungmi kha a thlah hna lai i vawlei khattelei deng in khattelei deng tiang Pathian thimmi minung kha an pumh hna lai.

MARKA 13:28

"Theipi kung ah hin cawnpiaknak i lak u. A nge an hung hrin i an hung no i a hnah kha an hung corh tikah, ṭhal caan a nai cang, ti kha nan hngalh.

MARKA 13:29

Cu bantukin hi thil hna an hung um kha nan hmuh tikah, a caan kha a nai cang, innka a phan cang, ti kha nan hngalh lai.

MARKA 13:30

Mah hihi philh hlah u: Hi thil vialte hi, atu i a nungmi hna an thih dih hlanah hin a tlung lai.

MARKA 13:31

Van le vawlei cu an rawk lai nain ka bia cu a rawk lai lo.

MARKA 13:32

"Sihmanhsehlaw cu ni le suimilam caan cu ahohmanh nih an hngal lo, vancung i a ummi vanmi zong nih an hngal lo, Fapa zong nih ka hngal lo, Pa lawnglawng nih a hngalh.

MARKA 13:33

Cu caan cu zeitik ah a si lai kha nan hngalh lo caah i ralring te le fimhring tein um ko u.

MARKA 13:34

Zei he dah aa lawh lai ti ahcun, khualtlawn ah a kal i a sinum hna kha, nan rian cio kha ṭha tein rak ṭuan u, tiah a ti i innka cawngtupa kha, ṭha tein rak cawng, tiah bia a riah tatu inn bawi he aa lo lai.

MARKA 13:35

Inn ngeitu kha zeitik i a kir lai nan hngalh lo caah ṭha tein hngak ko u. Zanlei ah a si kho, zanṭim ah a si kho, khuadei hlanah a si kho, nichuak ah a si kho.

MARKA 13:36

Duak tiah a rat sual ahcun i hngilh hluahmah in, in tanh hna hlah seh.

MARKA 13:37

Nan sin ka chimmi hi mi dihlak sin i ka chim a si: Hngilh loin hngak ko u," tiah a ti hna.

MARKA 14:1

Atu cu Lanhtak Puai le Thilnu Cawh Lo Changreu Puai kha ni hnih lawng a duh cang. Tlangbawi upa hna le Phungbia cawnpiaktu saya pawl hna kha, Jesuh cu a thli tein tlaih i thah khawhnak ding lam kha an kawl.

MARKA 14:3

Jesuh cu Bethani khua i Simon, thinghmuipa inn ah khan rawl a hrawng. Rawl an ei lioah khan minu pakhat a rung lut i lungrang thawl khat tein zihmui a ṭha bik phun kha a rak i put. Thawl kha a khuai i zihmui cu Jesuh lu ah khan a bungh.

MARKA 14:6

Sihmanhsehlaw Jesuh nih a thawh hna i, "Ngol ko u! Amah nan ti lengmangnak zei um hlah. Ka ca i a tuahmi hi aa dawhmi le a ṭhami thil a si ko.

MARKA 14:8

A tuah khawh tawk pei a tuah cu: ka pum zihmui in a ka toih cu vui awk ca i a hlankan in a rak ka timh chung pei a si cu.

MARKA 14:9

Hihi philh hlah u: Vawlei cung khuazakip i thawngṭha an chimnak paoh ah hi nu nih a tuahmi hi amah philh lonak caah an chim camcin lai," tiah a ti.

MARKA 14:12

Thilnu Telhlo Changreu Puai, a ni khat ni, Lanhtak Puai rawldanghnak ca i tuufa an thah hna ni ah khan, Jesuh cu a zultu hna nih khan, "Khuazei ah dah Lanhtak Puai Zanriah ka timhpiak u, ti na kan duh?" an ti.

MARKA 14:16

A zultu cu an kal i khuapi chungah cun an va lut i Jesuh nih a chimh hna ningte khan zeizong vialte cu an va hmuh; cun Lanhtak Puai Zanriah cu an va timh.

MARKA 14:17

Ni a tlak hnuah Jesuh le zultu hleihnih cu an ra.

MARKA 14:21

Cathiang nih a chimning in Mi Fapa cu a thi ko lai, sihmanhsehlaw Mi Fapa a rawitu ding cu, a caah a va poi hringhran dah! Cu pa cu chuak lo lawlaw in rak um seh law a caah a ṭha deuh hnga," tiah a ti.

MARKA 14:22

Annih nih zanriah cu an ei lioah khan Jesuh nih changreu kha aa lak i lunglawmhnak in thla a cam hnuah a cheu i a zultu kha a pek hna. "Ei u, hihi ka pum a si," a ti hna.

MARKA 14:23

Cun hrai kha aa lak i Pathian sinah lawmhnak a chim hnuah a zultu kha a pek hna i an dihlak in an din.

MARKA 14:24

Jesuh nih cun, "Mi tampi ca i ka thletmi ka thi a si. Pathian biakamnak a fehtertu ka thi a si.

MARKA 14:25

Pathian Pennak chungah a thar in ka din ṭhan hlan cu, hi mitsur hang hi ka ding ti lai lo," tiah a ti.

MARKA 14:27

Jesuh nih cun annih cu, "Cathiang chungah, 'Pathian nih tuukhal cu a thah lai i tuu cu an i ṭhek dih lai,' tiah aa ṭial bangin, nan dihlak in nan ka zamtak lai.

MARKA 14:28

Sihmanhsehlaw thihnak in thawh ṭhanter ka si hnuah, nan hmaiah Galilee ah ka rak kal lai," tiah a ti hna.

MARKA 14:29

Peter nih, "A dang nih an dihlak in in zamtak hna hmanh seh law, kei cu kan zamtak hrimhrim lai lo," tiah a hun leh.

MARKA 14:30

Jesuh nih Peter cu, "Hihi philh hlah, ar voi hnih a khuan hlanah, ka hngal lo, tiah voi thum tiang na ka ti lai," tiah a ti.

MARKA 14:31

Peter nih cun ṭhawng chinchin in a leh i, "Nangmah sin i ka thih ve a herh zongah, nangmah cu, ka hngal lo, kan ti bal lai lo," tiah a ti. Cun zultu dang vialte zong nih khan cuticun an ti cio.

MARKA 14:72

Cu caan te ah cun ar kha a khuang ṭhan i Peter nih cun Jesuh i, "Ar voi hnih a khuan hlanah voi thum na ka hlawt lai," a rak timi kha a lung ah a hung chuak. Cun a ṭap.

MARKA 14:32

Gethsemane an timi hmun kha an phan i Jesuh nih a zultu hna cu, "Thla ka cam karah nannih cu hika ah hin rak ṭhu u," tiah a ti hna.

MARKA 14:34

annih cu a thawh hna i, "Ka lungre a thei tuk hringhran. Cucaah hika ah hin rak um u law hngilh loin rak ka hngak u," tiah a ti hna.

MARKA 14:35

Hmailei ah tlawmpal a va kal i vawlei ah a bawk i, a si khawh ahcun harnak khan a luat khawh nakhnga, thla a cam.

MARKA 14:36

"Ka Pa, ka Pa, nangmah nih cun zeizong vialte na tuah khawh dih ko. Hi hrai hi ka lakpiak ko. Sihmanhsehlaw keimah duhnak bantuk cun si hlah seh, nangmah duhnak bantukin si ko seh," tiah a ti.

MARKA 14:38

Cun annih cu, "Nan dihlak in hngilh loin um u law tukforhnak chungah nan tlak nakhnga lo, thla cam u, thlarau nih cun a duh ko, sihmanhsehlaw titsa cu a thazang a tlawm," tiah a ti.

MARKA 14:41

A voi thumnak a rat tikah khan a thawh hna i, "Nan i hngilh ko rih maw? Nan i din ko rih maw? A za cang! A caan a phan cang. Zohhmanh u, Mi Fapa cu misual mi hna kut chungah pek a si cang.

MARKA 14:61

Sihmanhsehlaw Jesuh cu dai tein a um ko i zeihmanh a let lo. Cun Tlangbawi Ngan nih cun, "A Liannganmi Pathian Fapa Messiah cu na si maw?" tiah a hal ṭhan.

MARKA 14:62

Jesuh nih, "Ka si. Cun Mi Fapa cu A Liannganmi Pathian orhlei kamah ka ṭhut i vancung khuadawm he ka rat kha na ka hmuh te lai," tiah a ti.

MARKA 14:63

Tlangbawi Ngan nih cun a puan kha a thleh i, "Tehte dang kan herh ti maw?

MARKA 14:64

Bia ṭhalo a chimmi cu nan theih cio ko. Zeitindah nan ruah?" tiah a ti. Jesuh cu a sual i thih awk a tlak, tiin an zapi an hna a tla.

MARKA 14:65

Cun mi cheukhat nih Jesuh cu cil an chak i a mit an huh i an bengh. "Ahodah an beng, kan chim tuah," an ti. Cun ralvengtu pawl nih khan an kalpi i an bengh.

MARKA 15:2

Pilat nih, "Judah mi siangpahrang cu na si maw?" tiah a hal. Jesuh nih, "Na chim bangin ka si," tiah a leh.

MARKA 15:3

Tlangbawi upa hna nih khan Jesuh cu bia tampi an puh.

MARKA 15:4

Cucaah Pilat nih cun a hal ṭhan i, "Na let hna lai lo maw? An in puhmi hi a tam ṭung," tiah a ti.

MARKA 15:5

Jesuh cu holh loin a um i Pilat cu a khuaruah a har.

MARKA 15:10

Jesuh ka kut chung i an ka pek hi, tlangbawi upa nih an nahchuah caah a si, ti kha Pilat nih ṭha tein a hngalh.

MARKA 15:15

Mizapi kha Pilat nih an lung ton a duh hna caah Barabbas cu a thlahpiak hna. Cun Jesuh cu fung in a tukter hna i vailam i tah awkah a pek hna.

MARKA 15:16

Ralkap nih Jesuh cu Mangki bawi inntual ah khan an luhpi i an hawidang zong kha an auh hna.

MARKA 15:17

Jesuh cu puan sen kha an aih i hling in an phiarmi bawiluchin kha a lu ah an chinh.

MARKA 15:19

A lu ah cun fung in an tuk i an cil an chak i an khuk an i bil i a hmaiah cun an kun.

MARKA 15:20

Cu ti i an cawhdeh dih in puan sen kha an hawh i amah puan kha an aihter ṭhan. Cun vailam i tah awkah an chuahpi.

MARKA 15:22

Jesuh cu Golgotha hmun kha an phakpi, Golgotha a sullam cu Luruh Hmun tinak a si.

MARKA 15:24

Cuticun vailam ah cun an khenh chih i a puan kha an i phaw i aho nih dah a zei zawn hi a co lai tinak caah, camcawh fung in an zuh.

MARKA 15:25

Vailam i an khenh chih kha zinglei suimilam pakua ah a si.

MARKA 15:29

Aa chawkmi hna nih khan Jesuh cu an lu an thinhnawh i an nihsawh: "Biakinn cu na ṭheh dih i ni thum chungah na sak dih ṭhan taktak hi ta!

MARKA 15:30

Atu cu nangmah kha vailam cung khan rung ṭum law i khamh tuah ngat," an ti.

MARKA 15:31

Cu bantuk ṭhiamṭhiam in tlangbawi upa hna le Phungbia cawnpiaktu saya hna nih khan Jesuh cu an nihsawh i, "Midang khamh ṭung in amah vial aa khamh kho ṭung lo hi ta!

MARKA 15:32

Israel mi siangpahrang Messiah cu, atu hrimhrim ah hin vailam tahnak cung hin rung ṭum seh law pei kan hmuh hnga i kan zumh khawh hnga cu!" an ti. Cun a sin i vailam an tahmi pahnih hna zong nih khan an nihsawh ve.

MARKA 15:33

Chun ah cu ram cu a dihlak in muihnak nih suimilam pathum chung a khuh.

MARKA 15:34

Zanlei suimilam pathum ah Jesuh cu fak piin a au i, ``Eloi, Eloi, lema sabakthani,'' tiah a ti, a sullam cu, "Ka Pathian, ka Pathian, zeicahdah na ka kaltak," ti a si.

MARKA 15:37

Jesuh cu fak piin a au i a cat.

MARKA 15:38

Biakinn chung i aa zarmi puan kha a lu in a taw tiang cheu hnih ah aa cheu.

MARKA 15:39

Vailamtahnak hmai i a dirmi ralbawipa nih khan, Jesuh a au le a cah kha a hmuh tikah, "Hi pa cu Pathian Fapa a si hrimhrim ko," tiah a ti.

MARKA 15:44

Pilat nih Jesuh cu a thi cang, ti kha a theih tikah a khuaruah a har ngai. Ralbawipa kha a auh i Jesuh cu a thi cang maw, tiah a hal.

MARKA 16:4

(A khar cu lung nganpi a si). Cun an hun zoh i lung kha a rak i thawn cang.

MARKA 16:5

Cucaah thlan chungah cun an lut i puan rang aa aih i orhlei kam i a rak ṭhumi tlangval pakhat an hmuh i an lau ngaingai.

MARKA 16:6

Cu pa nih cun, "Nan thinphang hlah u. Vailam ah an tahmi Jesuh, Nazareth khua mi kha nan kawl ti kha ka hngalh. Sihmanhsehlaw hika ah hin a um ti lo — a tho cang! An vuinak hmun hi zoh hmanh u.

MARKA 16:7

Cucaah cun va kal u law a zultu hna kha le Peter kha, 'Amah nih an chimh hna bantuk te khan nan hlanah Galilee ah a kal i cuka ah cun nan va hmuh lai,' a ti tiah va chim hna u," tiah a ti.

MARKA 16:9

Jesuh cu thihnak in a thawh hnuah Zarhpi ni zingkate ah khan Mary Magdalin sinah khan a lang hmasa bik. Cu nu cu a chungin khuachia pasarih a chuahpiakmi nu kha a si.

MARKA 16:11

Jesuh cu a nung i ka hmuh, tiah a chimh hna tikah khan an zum lo.

MARKA 16:12

Hi hnuah hin zultu pahnih hna cu khuate lei i an kal lioah khan an sinah Jesuh cu a lang.

MARKA 16:13

An kir i a dang kha an chimh hna, sihmanhsehlaw an zum hna lo.

MARKA 16:14

A hmanung bik ah Jesuh cu a zultu pahleikhat hna sinah khan rawl an ei lioah a lang. Zumhnak an ngeih lo ruang le a nung in a hmumi hna chimmi kha an zumh khawh lo ruangah a sik hna.

MARKA 16:15

A thawh hna i, "Vawlei cung khuazakip ah va kal u law miphun kip kha thawngṭhabia va chim hna u.

MARKA 16:16

A zum i tipilnak a ingmi paoh nih khamhnak an hmuh lai, a zum lomi paoh nih sual phawtnak an hmuh lai.

MARKA 16:17

A zummi pawl cu hi ṭhawnnak hmelchuhnak hi pek an si lai: ka min in khuachia an ṭhawl khawh hna lai, holh theih loin an holh lai,

MARKA 16:18

rul kha an tlaih hna i sivai an din zongah zeiti hmanh in an um lai lo; mizaw cungah an kut an chuan lai i an dam lai," tiah a ti.

MARKA 16:19

Jesuh nih bia a ruah dih hna cun vancung ah a kai i Pathian orhlei kamah khan a hung ṭhu.

MARKA 16:20

A zultu kha khuazakip ah an kal i thawngṭhabia kha an chim; Pathian nih an sinin rian a ṭuan i an phungchimmi kha ahmaan, tiah ṭhawnnak hmelchunhnak a pekmi hna thawngin a langhter.