LAMKALTU 18:1
Cu hnuah cun Paul kha Athens khua khan a chuak i Korinth khua ah a kal.
LAMKALTU 18:4
Sabbath fate pumhnak inn ah khan Judah mi he Grik mi he, an lung pemter awkah bia a chimh lengmang hna.
LAMKALTU 18:5
Silas le Timote kha Masidonia ram in an rak phanh tikah Paul nih a caan kha a dihlak in phungchimnak ah khan a hman i Jesuh cu Messiah kha a si ti kha Judah mi kha a chimh lengmang hna.
LAMKALTU 18:6
Annih nih amah cu an doh i a thang an chiat tikah a puan i leidip kha a thinhnawh hna i, "Nan loh ahcun nanmah mawhchiat awk nan si ko cang lai. Kei cu mawhchiat awk ka si ti lai lo. Atu thawk hin cun Jentail mi sinah ka kal cang lai," tiah a ti hna.
LAMKALTU 18:7
Cucaah annih cu a chuahtak hna i Jentail mi a min Titius Justas a simi inn ah khan a um; amah cu Pathian a biami a si i a inn cu pumhnak inn pawngah khan a si.
LAMKALTU 18:8
Pumhnak inn i haotu a simi Krispas le a chungkhar dihlak nih khan an zumh; cun Korinth khua chung i mi tampi hna nih khan bia cu an theih i an zumh i tipilnak an in.
LAMKALTU 18:9
Zan khat cu Paul nih cun langhnak a hmuh i cu ah cun Bawipa nih a thawh i, "Na thinphang hlah; chim lengmang ko, ngol lai cih,
LAMKALTU 18:10
zeicahtiah keimah nih kan umpi ko. Hi khua chung i a ummi hna lakah hin mi tampi ka minung an si caah ahohmanh nih harnak an in pe kho lai lo," tiah a ti.
LAMKALTU 18:18
Paul cu Korinth khua ah khan ni tam nawn a um hnuah a kaltak hna i Prisilla le Akuila he khan Siria leiah lawng in an kal. Lawng i an kal hlanah cun Kenkhria khua ah biakamnak a tuah i a lu kha aa met.
LAMKALTU 18:19
Efesa khua kha an phan i khika ah Paul nih khan Prisilla le Akuila kha a kaltak hna. Pumhnak inn chungah khan a lut i Judah mi kha bia a chimh hna.
LAMKALTU 18:24
Alekzandria khuami Judah mi pakhat a min Apollo a simi kha Efesa khua ah a ra. Amah cu biachim a thiam ngaingaimi a si i Cathiang kha ṭha tein a hngalmi a si.
LAMKALTU 18:25
Bawipa Lam kong kha hngal cikcek tein cawnpiakmi a si i Jesuh kong kha lungtho ngaiin a chim i hmaan tein mi kha a cawnpiak hna. Sihmanhsehlaw Johan tipilnak lawnglawng kha a hngalh.
LAMKALTU 18:26
Pumhnak inn ah khan ralṭha ngaiin a cawnpiak hna. Cun amah cu Prisilla le Akuila nih khan an theih tikah an inn ah an kalpi i Pathian Lam kong kha hmaan deuh chin in an cawnpiak.
LAMKALTU 18:27
Apollo nih cun Grik ram kal kha aa tim, cucaah Efesa khua chung i a ummi a zummi hna nih khan Grik ram i a ummi an unau hna cu ca an kuat hna i amah cu rak conglawmh u tiah an forh hna. Khika ah a phak tikah Pathian velngeihnak thawngin zumtu a simi hna caah khan bawmtu ngaingai a si.
LAMKALTU 18:28
Zeicahtiah bia al lei i a ṭhawn caah khan Judah mi cu zapi hmai i bia i al tikah a tei lengmang hna i Cathiang chung khan Jesuh cu Messiah kha a si, ti kha a langhter.
LAMKALTU 19:1
Apollo kha Korinth khua i a um lioah Paul cu kha peng chungah khan khual a tlawng i Efesa khua kha a phan. Khika ah zultu tlawmpal kha a va hmuh hna i
LAMKALTU 19:2
annih cu a thawh hna i, "Nan zumh ah khan Thiang Thlarau nan rak hmu maw?" tiah a hal hna. Annih nih, "Thiang Thlarau cu a um le um lo hmanh kan hngalh ṭung lo," tiah an leh.
LAMKALTU 19:3
"A si kun ahcun, zei bantuk tipilnak dah nan in kun?" tiah Paul nih cun a hal hna. Annih nih, "Johan tipilnak," tiah an leh.
LAMKALTU 19:4
Cun Paul nih cun a thawh hna i, "Johan tipilnak cu lungthlen hmelchunhnak caah a si, asinain Johan nih khan, 'Ka hnu in a ra liomi hi nan zumh awk cu a si,' tiah a ti zungzal hna i cu a hnu in a rami cu Jesuh hi a si," tiah a ti hna.
LAMKALTU 19:5
Cucu an theih tikah annih cu Bawipa Jesuh min in tipilnak kha an ing.
LAMKALTU 19:6
Paul nih an cungah a kut a chuan i Thiang Thlarau kha an cungah a tlung; holh theih loin an holh i Pathian bia zong kha an chim.
LAMKALTU 19:7
Annih cu an dihlak in pa pahleihnih tluk an si.
LAMKALTU 19:8
Paul cu pumhnak inn chungah khan a lut i thla thum chung mizapi kha ralṭha ngaiin a chimh hna, annih kha heh tiah a al hna i Pathian Pennak kong i an lung a pem nakhnga aa zuam.
LAMKALTU 19:9
Sihmanhsehlaw annih lak i a cheukhat cu an lung a khong i an zum duh lo; Bawipa Lam kong kha zapi hmaiah a ṭhalo tiah an ti. Cucaah Paul nih khan a chuahtak hna i zultu pawl kha aa kalpi hna; ni fate in Tirannas biachimnak inn timi ah khan mi kha a cawnpiak hna.
LAMKALTU 19:10
Cuticun kum hnih chung a tuah i Asia ram chung i a ummi vialte nih, Judah mi si hna seh, Grik mi si hna seh, Bawipa bia kha an theih.
LAMKALTU 19:11
Pathian nih voi dang i a um tawn lomi khuaruahharnak kha Paul kut in a tuah.
LAMKALTU 19:12
A pavuah le a hngawngngerh hna hmanh kha mizaw sin i an hei kalpi hna tikah an zawtnak kha a dam i an chungin khuachia kha an chuak.
LAMKALTU 19:18
A zummi lak i mi tampi kha an ra i zapi hmaiah an tuahmi vialte kha an phuan.
LAMKALTU 19:19
Camh a rak hmang tawnmi hna nih khan an cauk kha hmunkhat ah an pumh hna i zapi hmaiah khan an khangh hna. Cauk man cu an tuak tikah tangka thong sawm nga tluk a si.
LAMKALTU 19:20
Cuticun Bawipa bia cu a karh chin lengmang i a ṭhang i a ṭhawng chin lengmang.
LAMKALTU 19:13
Judah mi a cheu khuachia ṭhawl i aa chawk lengmangmi hna nih khan cu khuachia ṭhawlnak ah cun Bawipa Jesuh min kha an hman ve. Khuachia cu an thawh hna i, "Paul nih a chimmi Jesuh min in chuak kaan ti," an ti hna.
LAMKALTU 19:14
Cu bantukin a tuahmi cu, Judah mi Tlangbawi Ngan Skeva fapa pasarih an si.
LAMKALTU 19:15
Sihmanhsehlaw khuachia nih cun a thawh hna i, "Jesuh cu ka hngalh i Paul zong cu ka hngalh, sihmanhsehlaw nannih cu ahodah nan si?" tiah a ti hna.
LAMKALTU 19:16
Khuachia a ngeimipa nih cun a ṭhuat ciammam hna i a tei hna i hmapu le an puan tlek dihlak in a inn cun an zaam.
LAMKALTU 19:17
Efesa khua i a ummi Judah mi le Grik mi vialte hna nih cu kong cu an theih i an thin a phang i Bawipa Jesuh min cu an upat chinchin.
LAMKALTU 19:23
Hi caan lioah hin Bawipa Lam kong ah Efesa khua chungah hnahnawhnak a um.
LAMKALTU 19:29
Cuti i an i tuainak cu khuachung kha a khat dih. Mibu nih cun Paul sin i khual a tlawng vemi Masidonia mi pahnih, Gaius le Aristarkas kha an tlaih hna i bual ah khan an tlikpi hna.
LAMKALTU 19:30
Paul nih amah pum in mizapi hmai i va kal kha a duh, sihmanhsehlaw zumtu hna nih khan an thlauh.
LAMKALTU 19:35
A donghnak ah khua cazi nih khan mizapi cu a daihter khawh hna. A thawh hna i, "Efesa khuami hna, Efesa khua hi a liannganmi Artemis biakinn a umnak le vancung in a rung tlami lung thiang a umnak a si ti kha ahodah a hngal lomi a um?
LAMKALTU 19:41
Cu bia a chim dih in pumhnak khan a ṭianter hna.
LAMKALTU 20:1
Hnahnawhnak kha a daih tikah Paul nih khan a zummi kha a kawh hna i thazang peknak bia a chimh hna hnuah, dam tein rung um u, tiah a ti hna i Masidonia ram leiah khan a kal.
LAMKALTU 20:2
Cuka ram chung khua kha a ṭolpah duahmah hna i thazang peknak bia kha a chimh hna. Cun Grik ram kha a phan i
LAMKALTU 20:3
cuka ah cun thla thum a um. Siria i kal dingah a tlam a tlin nawnpah tikah khan Judah mi nih rawi an ka zalh ti kha a hngalh i cucaah Masidonia lei tu khan kal aa tim ṭhan.
LAMKALTU 20:6
Thilnu Phulh Lo Changreu Puai dih in Filipi khua in lawng in kan chuak i ni nga hnuah Troas khua ah kan phak hna; khika ah zarh khat kan cam.
LAMKALTU 20:7
Zarh chung hmasa bik ni ah hawikomhnak rawl dum ṭi awkah kan i pum. Paul cu a thaizing a kal ding a si cang caah, mi kha bia a chimh lengmang hna i zanṭim tiang a chimh hna.
LAMKALTU 20:9
Tlangval pakhat a min Zutikhas an timi kha thlalangawng ah khan a ṭhu i Paul nih ngol loin a chim lengmang caah cun a ngu chin lengmang ve i a donghnak ah cun hngilh taktak tein aa hngilh i inncung dot thumnak cun vawlei ah a tla. An vung char i a thi ko.
LAMKALTU 20:10
Sihmanhsehlaw Paul cu a vung ṭum i a bawhhnawh i a ṭang ah aa behchih. "Nan thinphang hlah u, a nung ko rih!" tiah a ti.
LAMKALTU 20:11
Cun inncung ah khan a hung kai ṭhan i changreu kha a cheu i an ei. Annih cu saupi, khuadei tiang, a chimh hna hnuah aa thawh.
LAMKALTU 20:16
Asia ram chungah kan rauh nakhnga lo lawng in Paul nih Efesa khua kha lanhtak aa zal. Jerusalem khua kha khulrang in phak a duh i a si khawh ahcun Pentekos ni tanh manh kha a duh.
LAMKALTU 20:17
Paul nih Miletas khua khan mi a thlah hna i Efesa khua khrihfa upa kha rak ka tong hna seh tiah bia a cah hna.
LAMKALTU 20:19
Toidorte le mitthli he Bawipa sal ka si bangin, Judah mi nih an ka rawiphiar ruangah harnak ing lengmang in ka rian kha ka ṭuan.
LAMKALTU 20:21
Judah mi nan si ah, Jentail mi nan si ah, Pathian hmaiah nan sualnak kha i ngaihchih i kan Bawipa Jesuh zumh ding kha, nan dihlak in kan forh hna.
LAMKALTU 20:22
Atu cu Thiang Thlarau hruainak zulh in Jerusalem khua ah ka kal lai, khika ah ka cungah zeidah a tlung lai ti ka hngal lo.
LAMKALTU 20:24
Sihmanhsehlaw Bawi Jesuh nih a ka fialmi rian, Pathian velngeihnak Thawngṭha chim hi ka lim khawh paoh ahcun ka nunnak hi cu zeihmanh ah ka rel lo.
LAMKALTU 20:28
Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.
LAMKALTU 20:29
Ka kal hnuah ṭih a nungmi cenghngia kha an ra lai i tuurun kha an ngan hna lai lo ti kha ka hngalh.
LAMKALTU 20:30
Cun nanmah bu chung lila zong hin mi a cheu nih a zummi hna kha anmah lei i hruai awkah lih an chim lai caan kha a phan lai.
LAMKALTU 20:32
"Atu cu Pathian velngeihnak chung le zohkhenhnak chungah nannih kha kan sanh hna. Amah nih cun an ṭhanter khawh hna i a mi vialte caah a chiahmi thluachuahnak kha an pek khawh hna.
LAMKALTU 20:34
Hi ka kutte hin rian ka ṭuan i keimah le ka hawile nih kan herhmi vialte kha keimahte nih ka chuahpi ti cu nanmah hrimhrim nih nan hngalh ko.
LAMKALTU 20:35
Zeizong vialte ah hi bantukin fak piin rianṭuannak thawngin a dermi kha kan bawmh hna awk a si ti cu kan hmuhsak cang hna i Bawipa Jesuh zong nih khan zeitindah a rak ti ti ahcun, 'Pek leiah hin hmuh lei nakin lunglawmhnak a um deuh,' a rak ti; cucu kan philh lo awk a si," tiah a ti.
LAMKALTU 21:3
Saipras tikulh a langhnak tiang kan va phan i cuka cun thlanglei ah kan vung kal i Siria ah kan lan. Tair khua ah tikam ah kan ṭum i cuka ah cun lawng nih a thil phorhmi kha a ṭhumh.
LAMKALTU 21:4
Cuka ah cun a zummi tlawmte kan va hmuh hna i an sinah zarh khat kan cam. Thlarau nih a chimh hna bangin, Paul cu Jerusalem khua ah khan kal hlah tiah an thlauh.
LAMKALTU 21:8
A thaizing ah kan i thawh ṭhan i Sisaria kan phan, khika ah Thawngṭha chimtu Filip inn ah khan kan tlung. Amah cu Jerusalem khua i mi pasarih an thimmi hna lak i pakhat kha a si.
LAMKALTU 21:11
Kan sinah cun a ra i Paul taisawm kha aa lak i a kut le a ke kha taisawm cun aa tem i, "Hihi Thiang Thlarau chimmi a si: Hi taisawm a ngeitupa hi hi bantukin Jerusalem khua ah Judah mi nih an ṭem lai i Jentail mi hna kut ah an chanh lai," tiah a ti.
LAMKALTU 21:13
Sihmanhsehlaw a kan thawh i, "Zeidah nan tuah? Hi bantukin nan ṭah ahcun ka lung nan ka hnoter. Jerusalem ah hin Bawi Jesuh caah ṭemnak huah lawng hi kaa tinhmi a si ṭung lo, thihnak tiang hmanh ka in lai tiah pei kaa timh cu," tiah a kan ti.
LAMKALTU 21:17
Jerusalem kan phak tikah cun unau pawl nih khan an rak kan conglawmh ngaingai.
LAMKALTU 21:18
A thaizing ah Jeim kha va ton awkah Paul le ti cun kan kal i khrihfa upa vialte zong kha an rak tling.
LAMKALTU 21:20
A chimmi cu an theih tikah Pathian kha an thangṭhat. Cun Paul cu an thawh i, "Unaupa, zeitindah thil umtuning a si cu na hngalh ko. Judah mi lakah hin thong tampi a zumtu an um cang i cu hna cu Phung a ṭanh ngaingaimi an si.
LAMKALTU 21:26
Cucaah Paul nih khan mi kha a kalpi hna i a thaizing ah i thianhnak phungphai kha a tuahpi hna. Cun biakinn chungah khan a va lut i an i thianhnak caan a dongh tiangah ni zeizat dah a si lai i cu a dongh tikah an caah raithawinak tuah a herh cio lainak kong kha tlangbawi cu a va chimh.
LAMKALTU 21:27
Ni sarih kha a dongh deng nawn tikah khin Asia ram in a rami Judah mi tlawmpal hna nih Paul kha biakinn chungah cun an hmuh. Mizapi kha an tuai ciammam hna i Paul kha an tlaih.
LAMKALTU 21:31
Mibupi nih khan Paul cu thah an timh lioah khin Jerusalem khua cu a ningpi in a buai cang tiin Rom ralkap a haotu hna bawi kha thawng an thanh.
LAMKALTU 21:34
Zapi lak cun a cheu nih thil pakhat in an rak au, a cheu nih a dang in an rak au. An i tuai tuk caah cun ralkap haotu nih cun thil a rak ummi kha zei set dah a si ti kha a hngal kho lo i cucaah a mi hna kha Paul cu ralhruang chungah hun luhpi u tiah a fial hna.
LAMKALTU 22:1
Paul nih cun a thawh hna i, "U le nau hna le pale hna, nan hmai i kaa humhaknak bia ka chim tikah hin ka bia hi ka ngaihpiak tuah u," tiah a ti.
LAMKALTU 22:4
Hi Lam a zulmi hna hi ka rak hrem hna i ka rak thah hna. Nu he pa he ka rak tlaih hna i thong ah ka rak thlak hna.
LAMKALTU 22:6
"Damaskas khua leiah cun kan kal i kan hei phak deng ah khin, chun hrawng a si lai, ka velchum ah ceunak pakhat a hung ceu zuk ko.
LAMKALTU 22:7
Vawlei ah ka tlu i aw pakhat nih a ka chawnh kha ka theih i, 'Saul, Saul, zeicahdah na ka hrem?' tiah a ti.
LAMKALTU 22:8
Kei nih ka thawh i, 'Ahodah na si, Bawipa?' tiah ka ti i, 'Keimah cu na hremmi Nazareth khuami Jesuh ka si,' tiah a ka ti.
LAMKALTU 22:10
'Zeidah ka tuah lai, Bawipa?' tiah ka hal i Bawipa nih cun 'Tho law Damaskas khua chungah va lut tuah; khika ah Pathian nih na tuah awkah a ruahmi vialte cu an rak in chimh lai,' tiah a ka ti.
LAMKALTU 22:13
Ka sinah khan a ra i ka pawngin a dir i, 'Ka nau Saul, hmu ṭhan tuah,' tiah a ka ti. Cu cangkate cun ka vun hmuh colh i amah cu ka hun zoh.
LAMKALTU 22:14
Aa thawh i, 'Kan pupa hna Pathian nih nangmah cu a duhnak kha hngalhter awk le a dingmi a Sal kha hmuh awkah, amah aw hrim in a chimmi bia kha theih awkah an thim.
LAMKALTU 22:15
Zeicahtiah na hmuhmi le na theihmi kha mi vialte a chimtu amah tehte na si lai.
LAMKALTU 22:16
Cucaah zeicahdah sau deuh ngan a herh? Tho law tipilnak ing ko, amah min na auhnak thawngin na sualnak vialte kha i thianh ko,' tiah a ka ti.
LAMKALTU 22:17
"Jerusalem ah ka kir ṭhan i biakinn chung i thla ka cam lioah langhnak ka hmuh.
LAMKALTU 22:18
Cu langhnak ah cun Bawipa kha ka hmuh i a ka thawh i, 'Khulrang tein Jerusalem khua hi chuahtak tuah, zeicahtiah hika i a ummi hna nih hin keimah kong i na chimmi bia hi an cohlang lai lo,' a ka ti.
LAMKALTU 22:21
Sihmanhsehlaw Bawipa nih cun a ka thawh i, 'Kal ko, zeicahtiah ram hlapi i a ummi Jentail mi hna sinah kan thlah lai,' a ka ti," tiah a ti.
Comments
Post a Comment