GENESIS 6:3
Cun Bawipa nih aa thawh i, "Minung hi zungzal in nun cu ka sianh hna lai lo, zeicahtiah titsa an si. Atu thawk in kum za le kum kul nak tam an nung ti lai lo," a ti.
GENESIS 7:1
Bawipa nih Noah cu a thawh i, "Na innchung khar dihlak he lawng chungah cun lut tuah; nangmah lawnglawng hi atu mi hna lakah hin ka lung a ka tongmi na si.
GENESIS 1:29
Nan ei awk caah thlai phun kip le thei phun kip kan pek hna;
GENESIS 2:16
Mipa cu a thawh i, "Dum chung i a ummi thingkung vialte hi an thei na ei dih ko hna lai,
GENESIS 2:17
sihmanhsehlaw a ṭha le a ṭhalo hngalhnak pe khotu thingkung a tlai hi cu na ei lai lo. Cu thingthei cu na ei hrimhrim lai lo. Na ei ahcun, na ei ni hrimhrim ah na thi lai," a ti.
GENESIS 9:4
asinain sa kha a chung i thi a um lioah cun nan ei lai lo, zeicahtiah nunnak cu thi cu a si.
GENESIS 11:6
"Atu cu hi mi vialte hna hi miphun phun khat an si, holh pakhat lawng an hmang i atu i an tuahmi hi hmailei ah an tuah laimi thil a hramthawknak lawng a si. A rauh hlanah an duhmi thil paoh kha an tuah khawh ko lai.
GENESIS 22:18
Cun vawlei cung miphun vialte nih, na tefa thluachuah ka pek hna bantuk hin thluachuah kan pe ve, tiah an ka nawl lai — hi vialte cu nangmah nih ka nawl na ngaih caah a si," a ti.
GENESIS 24:40
A ka leh i, 'Amah nawl ka ngaih zungzalmi Bawipa nih a vancungmi kha na sinah a kalter lai i na hlawh a tling ko lai. Ka mi hna sinin, ka pa chungkhar hna sinin ka fapa cu nupi na va hmuhpiak ko lai.
GENESIS 24:12
Cun thla a cam i, "Bawipa, ka bawipa Abraham i a Pathian, nihin ah hin hlawhtlinnak ka pe law ka bawipa sin i bia na kammi kha hmunhter ko.
GENESIS 24:27
Cun aa thawh i, "Ka bawipa Abraham i a Pathian, ka bawipa sin i a biakam let lo tein a ummi cu thangṭhat si ko seh. Bawipa nih ka bawipa i a unau inn ah ding tein a ka hruai ko," tiah a ti.
GENESIS 24:48
Ka khuk kaa bil i Bawipa kha ka biak, cun lam ṭha tein a ka hruaitu Pathian, ka bawipa Abraham i a Bawipa kha ka thangṭhat. Amah nih cun ka bawipa i a unau inn ah hin a ka hruai i a fanu kha ka Bawipa fapa caah cun ka hmuh cang.
GENESIS 26:2
Bawipa cu Isak sinah khan a lang i, "Izipt ram ah cun vung kal hlah, um kan tinak ram tu ah um ko.
GENESIS 26:3
Hika ah hin tlawmpal in um ko law na sinah ka um lai i thluachuah kan pek lai i hi ram vialte hi nangmah le na tefa kha kan pek hna lai. Na pa Abraham sin i ka sermi biakamnak kha ka let lai lo.
GENESIS 26:12
Cu ram ah cun Isak nih thlaici a tuh i cu kum ah cun a tuhmi thlaici a let za khat in a zun; cucu Bawipa nih thluachuah a pek caah a si.
GENESIS 26:13
A ṭhangcho chin lengmang i mirum ngaingai ah a cang.
GENESIS 28:12
Mang a manh i a mang ah cun hlei pakhat a hmuh i cu hlei cu vawlei in van tiang a phan i cu hlei ah cun Pathian vancungmi kha an kai i an ṭum lengmang.
JOHAN 1:51
Cun annih cu a thawh hna i, "Hi biatak hi kan chimh hna: Van kha aa hun i Pathian vancungmi hna cu Mi Fapa cung i an ṭum le an kai kha nan hmuh lai," tiah a ti.
GENESIS 28:15
Khuazeika na kalnak hmanh ah kan umpi zungzal lai i kan huhphenh zungzal lai, cucu philh hlah, cun hi ram ah hin kan kirpi ṭhan lai. Kan chimhmi vialte ka tuah dih hlanah cun nangmah cu kan kaltak lai lo," tiah a ti.
Comments
Post a Comment