Nunnak Petu Thawngṭha

         Haman a sungh lainak cu Mordekai hi Judah miphun an si ruangah si loin Pathian thimmi miphun an si ca tuah asi. A hlan chan ah Judah mi cu Pathian nih a tthawnnak he a rak ttampinak hna hi tampi kan hmuh bantukin Jesuh Khrih chan in Thiang Thlarau chan zongah Amah a ttihmi le abiami hna cu a umpi in a ttanpi zungzal ve ko hna. Amen! Ahlei ce in a Fapa Nunnak in a cawkmi kanmah caah hin a mit a tthial in a tthial loh. Amen! Jesuh Khrih na chungah a um hi na hngal taktak maw? Mi nih chimhnak in na theihmi Jesuh Khrih hi a tling lo i nangmah hrimhrim nih Jesuh Khrih na chungah a um hi na hngalh a hau ve cang. Amen! Jesuh Khrih na chungah a um ahcun teitu lakah teitu na si zungzal ko lai. Amen! Jesuh Khrih nih na chungah Thiang Thlarau in an umpi cang maw??? ESTHER 6:13 Cun Haman nih a nupi Zeresh le a hawikom vialte kha a cung i a tlungmi thil vialte cu a chimh hna. Cun a nupi Zeresh le a mifim hna nih cun an thawh i, "A hmaiah tluk hram naa thawkmi Mordek...

      A donghnak lanhtak puai hman ah sunparnak he Jesuh cu Jerusalem ah laa cit in a lut tikah mipi nih thangthatnak le upatnak nganpi an pek. Cu tikah mipi cu a cawnpiak mi hna cu  facang ci pakhat cu vawlei ah tuh a si i a thih ta lo ahcun pakhat lawng a si peng ko. A thih ta lawngah facang mu dang  tampi a chuahter khawh tiah a chimh hna. Asullam cu ka thih ta lo ahcun pakhat lawng ka si i ka thih ahcun mikip thinlung kip ah Thiang Thlarau in hmunhma ka la lai i unau tampi ah kan i chuah lai ti hi asi. Amen! (JOHAN 12:24)        A van peh rihmi cu vawlei uktu satan hi biaceih asi cang i a uknak zong tei asi cang tiah ati. Amen! Cu teinak taktak a ngeimi cu a hlan ah pakhat asimi kha thihnak in a thawh tikah mikip thinlungah Thiang Thlarau in aumpi mi hna le AMAH azummi hna hi kan si. Halleluijah. Amen! Mi vialte caah thihnak in thawhter ka si tikah mi vialte cu ka sinah hnudih an si lai tiah ati. Amen! Chim duhmi taktak cu mi v...

       Pathian nih Nehemiah a t hlacamnak cu a theihpiak i Jerusalem khua remh ding le tuah dinngah a thinlung ah nganpi in a chuahter, Bawipa hmaiah rawlulh thlacamnak he a duhnak a kawlnak cu a leh caah siangpahrang nih Jerusalem ah a kalter i a herhmi vialte le kalnak tiangin khua a khan piak. Ka chim duhmi cu kum (70) sal an tannak in saunawn an kir hnu asi cang i ziah midang zong nih a remh ballo ti hi asi. Khua kulhnak vanpang le kutka remh rih lo asi tiah a ngeih a chiattuknak le a ttahnak, a miphun caah sualphuan thlacamnak a chuahtertu hrampi cu Pathian nih a thinlung chungah rian a rak tuan caah asi. Amen! Bawipa nih a herh a ti ahcun nangmah cung zongah a tuan ve zau ko lai. Amen! Cucaah Zumtu hna i kan lungchung ah a chuakmi hna hi a sawhsawh an si lo i Bawipa nih chuahtermi le tuah seh ti a kan duhmi an si. Amen! Bawipa nih in fianter ko hna seh! Nehemiah nih Jerusalem kutka le kulhnak vanpang cu remh rihlo in a rawk nelnul rih ko ti a theih tikah lun...

NEHEMIAH 1:4 Hi bia cu ka theih tikah ka ṭhu i ka ṭap i saupi ngaihchia in ka um i vancung Pathian hmaiah khan rawl ul lengmang le thlacam lengmang in ka um. NEHEMIAH 1:6 Israel mi hna nih nangmah cungah kan sual cang i cu sualnak cu phuang in na sal Israel mi hna caah chun zan in nangmah hmaiah thla ka cammi hi theih awkah na hna in ka ngaihpiak law, na mit in ka hmuhpiak ko sawh. Asi, keimah le ka pa innchungkhar hna cu kan sual cang. NEHEMIAH 1:9 sihmanhsehlaw ka sinah nan kir i ka nawlbia kha nan zulh hna i nan tuah hna ahcun, nan mi aa ṭhekmi hna cu a hlatnak bik vanhramdeng khi phan hna hmanh seh law, khika khan ka pumh hna lai i ka min chiahnak ah ka thim cangmi hmun ah cun ka pumh hna lai,' ti in na timi kha philh hin hlah. NEHEMIAH 1:11 Maw Bawipa na sal ka thlacamnak hi ka ngaihpiak ko sawh; cun na sal hi nihin ah ka hlawh ka tlinter ko law hi mipa hmaiah hin zaangfahnak ka pe ko," tiah ka ti. Cu lioah cun kei cu siangpahrang hrai putu ka rak si. ...

KHAM KAN SI HI KANMAH DUHNAK TUAH DINGAH SI LOIN A KAN TLANHTU DUHNAK TUAH DINGAH ASI VE! JOHAN 6:38 Zeicahtiah vancung in ka rung ṭum cu keimah duhnak tuah awkah khan si loin a ka thlahtu duhnak tuah awkah khan a si deuh.

PATHIAN nih tuah seh ti a duhmi cu a pekmi tuu vialte kha thlau loin Ni hmanung bik Ni ah nunnak i an dihlak in thawhter hi asi. Amen! Cu Nunnak i an thawh khawhnak dingah le an tlaulo nak hnga JESUH KHRIH nih nihin i kan caah a nunnak a hloh in a thihnak cu asi. Halleluijah. Amen! Kan caah a tuahmi temhinnak in luatnak kan hmu i an tuknak vual in kan dam, kan sualnak le damlonak vialte cu a kalpi dih cang. Amen! A thisen in kan sualnak vialte a kan thenh i a rum ko nain sifahnak ai thim cu a zumtu vialte nih duhdim nunnak kan ngeih khawhnak ding caah asi. Amen! Thihnak ah kan sualnak vialte thihpi asi i thawhthannak ah zungzal nunnak he a kan thawhpi. Halleluijah. Amen! A zummi vialte nih Jesuh Khrih thinak le thawhtthannak nih an luatter cang hi fiang tein rak hngal cang law na chungah Bawipa nung cang ko seh. Amen! Kannih Hrinthan cangmi cu tlau tthan ti lo dingin zungzal nunnak he Jesuh Khrih nih a thisen in biakamh kan si. Amen! JOHAN 6:39 A ka thlahtu nih tuah seh ti a ka...

LUKA 16:16 "Moses Phungbia le profet ṭialmi ca hna cu Tipil petu Johan chan tiang caah khan an si; cu ri cun Pathian Pennak Thawngṭha cu chim a si i a mi kip cu heh tiah an lut. ROM 10:4 Zeicahtiah Khrih nih Nawlbia cu a donghnak a phakter cang i cucaah a zummi paoh nih cun Pathian he remnak kha an hmuh.

    Josiah kong ka rel ah hin ka thinlung ah fak tuk in rian a tuanmi cu Pathian caah zumhtlak tein rian a tuanmi vialte hi ziahhme mahtluk fak hin an i palh i Bawipa aw ngeih hi an thiam ve ton hnga lo ka ti. Neko sinin Pathian aw kha rak ngai sehlaw Josiah hi a thi bak hnga lo. Bawipa na hmai ah hin a sung ciami le a palh zungzal mi ka si ko. Ka nun chung vialte na duhnak leng in ka hlei ka lamhlo nakhnga Thiang Thlarau in fimnak le theidan khawhnak, na aw si hngalh khawhnak thluachuah ka thuam chin ko muh. Amen! 2 CHANRELNAK 35:20 Hi thil vialte hnuah, Josiah nih biaknak inn cu a timhtuah dih tikah khan, Zufrates tiva i a ummi Karkhemish khua i i doh awkah Izipt siangpahrang Neko cu a hung kal i Josiah nih a rak chuahhnawh. 2 CHANRELNAK 35:21 Sihmanhsehlaw a sinah lamkaltu a hei thlah hna i, "Judah siangpahrang, nangmah le keimah cu zeidah kan i ti awk a um? Nihin ah hin nangmah doh awkah ka ra lo, sihmanhsehlaw atu i a ka raltu innchungkhar he doh awkah ka r...

2 CHANRELNAK 33:10 Bawipa nih Manasseh le a mi hna sinah khan bia a chim ko nain zeihmanh ah an rel lo. 2 CHANRELNAK 33:11 Cucaah Bawipa nih an cungah Assiria siangpahrang ralkapbu ralbawi kha a ratpi hna i annih nih Manasseh cu sio in an sio i dar hreng an khenh i Babilon ah an kalpi. 2 CHANRELNAK 33:12 Cun harnak a phak tikah Bawipa a Pathian zaangfahnak kha a nawl i a pupa hna Pathian hmaiah khan fak piin a lung aa ṭhum. 2 CHANRELNAK 33:13 Amah sinah khan thla a cam i Pathian nih a nawlnak kha a cohlan i a thlacamnak kha a theih i amah ram Jerusalem ah khan a kirpi ṭhan. Khi tikah Manasseh nih Bawipa cu Pathian a si kha a hngalh. 2 CHANRELNAK 33:16 Bawipa biakṭheng zong kha a chiah ṭhan i a cungah cun daihnak thawinak hna le lawmhnak thawinak hna kha a pekchanh hna i Bawipa, Israel Pathian cu a rian nan ṭuan lai, tiah Judah mi kha nawl a pek hna.

2 CHANRELNAK 32:1 Hi thil vialte le hi bantukin zumhtlak tein a tuahmi hnuah hin, Assiria siangpahrang Sennakherib cu a ra i Judah cu a chim i kulhmi khua kha a riahhnawh hna i ka tei hna lai tiah aa ruah. 2 CHANRELNAK 32:2 Cun Sennakherib cu a ra cang i Jerusalem tuk kha aa tim ti kha Hezekiah nih a hmuh tikah, 2 CHANRELNAK 32:3 khuapi leng i a ummi cerhti kha a bawi hna le a miṭhawng hna he phih aa tim, annih nih cun an bawmh. 2 CHANRELNAK 32:4 Mi tampi kha an i pum i ram chung i a luangmi cerh hna le tiva tete hna kha an phih hna i, "Zeicahdah Assiria siangpahrang hna cu an rat lai i ti tampi an hmuh lai?" tiah an ti. 2 CHANRELNAK 32:5 Rianṭuan awkah khan lung fek tein aa tim i a cimmi vampang kha a remh i a cungah innsang a sak i a lengah vampang dang pakhat a ser ṭhan; cun David khua i Millo kha fek chin in a tuah. Cun hriamnam le phaw kha tampi a ser hna. 2 CHANRELNAK 32:6 Cun mi zapi cungah khan raltuknak lei ralbawi a chiah hna i khua kutka i a...

 Galati 3:1 3 Sihmanhsehlaw Nawlbia nih a chuahpimi chiatsernak chung khan Khrih nih a kan tlanh cang, cu a kan tlanhnak cu kan ca i chiatserhmi i a cannak thawng khan a si i chiatserhmi a hung i can cu, Cathiang nih, "Thingkung cung i thlaimi paoh cu Pathian chiatserhmi an si," a ti caah khan a si.  Galati 3:14 Hi thil vialte nih aa tinhmi cu, Pathian nih Abraham sinah a kammi thluachuahnak kha Khrih Jesuh thawngin Jentail mi sinah pek siseh ti kha a si i cucaah kannih zong nih zumhnak thawngin Pathian kamhmi Thlarau cu kan hmuh ve nakhnga caah a si.  ROM 15:8 Ka chim duhmi cu hihi a si: Khrih kha Judah mi hna ṭuankan i a can cu, Pathian nih an pupa hna sinah a tuahmi biakamnak kha fehter a si nakhnga caah a si i cu nih cun Pathian nih a bia a let lo ti kha a langhter.

     Nikhat cu Herod siangpahrang nih Jeim a hngawng a tanter hna i Judah mi an i lawm tuk ti kha a hmuh tikah Peter zong a tleihter ve hna i lanhtakpuai dih ah biaceih ve i hngawng tan dingin thong chungah tuahli in a cawnghter hna. Cucaah Khrihfabu chungmi hna nih khan Peter caah cun thla fak piin a campiak peng. Zumtu mi hna thlacamnak cu Bawipa nih a rak theih i Peter khamhtu ah vancungmi a vun thlahpiak. Amen! Zumtu thlacamnak hmual a ngeih ning hi van langhter ka duhmi asi. Atangah Baibal in fiang deuh in van rel ve mu.    Vancungmi cu thong chung i Peter sin ah a phanh tikah khulrang in tho law na thil i hruk in ka zul tuah tiah ati. Peter zong nih hin langhnak ka hmu ruah tiah a ruat i vancungmi cu a hnu cun a zul ciamah ko. Leng an chuah hnu lawngah vancungmi hmang in Bawipa nih a khamh kha  a theih i thlacam mi hna sin a va phanh zongah an rak zum ve lo i Peter (a vancungmi) asi lai tiah an rak ruah. Simhmanhsehlaw a taktak a rak si ko i a l...

          Ahaz siangpahrang hi a pa cu Jotham asi i Pathian a duhmi le a ttihmi asi hleiah Pathian hmai ah ningcang tein a kal caah mitthawng ngai ah aa chuah nain a fapa Ahaz tu cu Pathian a hlawtmi le fihnung pathian phunglam zul in a fapa tiang hmanh raithawinak ah a khang ve mi asi caah Pathian thinhunnak cu Amah cung le Judah cungah a ngan ko. Ruah awk um tukmi cu kan fale hi teh zei lam dah an zulh ve te lai ti hi asi. Kan fanu le  fapa le chimhhrin le cawnpiak, Pathian biatakin an pial sualnak hnga lo Nu le Pa nih Pathian biatak ah hnette in kan dir le kan tanh lawng si loin azungzal in Pathian bia hi biatak tein kan cawnpiak hna awk le lam kan hmuhsak zungzal awk asi. Kan fale siseh zumtu vialte kan dihlak in siseh biatak asimi Jesuh Khrih cu  thinlung dihlak in kan zumh i thukpi in  kan ttanh, kan pi bochan ahcun vawleipi nih theih in a kan  cawisan hrimhrim ko lai. Amen!   Biatak pial le Pathian hlawt ttih a nunning kan v...

Uzziah siangpahrang cu Pathian kawl kha aa sehchih chung le a kawl chung poah cu khua awng a tong i a tlam a tling cuahmah, a ngan i a tthawng chin lengmang. Bawipa bochan le kawl duhnak, tanh duhnak lungthin nih khua awng a pemhter i thluachuah phunza hmuhnak asi. Kan Pathian hi bochantlak asinak fiang tein a rak hngalmi Israel siangpahrang hna cu a cawisan zungzal ko hna. Nangteh cawisan na duh ve ko lo maw? Jesuh ngei ve law Amah bochan nun i hruk in i aih ve hmanh an cawisan ve hrim lai i na bochan rup tein na cungah thluachuahnak he rian a tuan ko lai. Bawipa nih thluachuahnak in pe ko seh!                                                   Uzziah cu a tthawn tikah aa porhlaw ciammam i a rian asi lomi tlangbawi rian zihmui khangh ai timh caah a calpadar ah a thih tiang thinghmui nih a tlunh. Kannih zumtu tampi zong Bawipa nih a kan cawisan ve tik le a kan...

Tlangbawi Jehoiada bawmhnak thawngin Joash cu kum 7 asiah Judah siangpahrang a canter. Tlangbawi a nung chung cu Bawipa rian a tuan ko nain Tlangbawi a thih hnu cu a pial zau i ramdang pathian a biak i profet zong a thlah hnawh ko hna nain an ngai duh lo. Cucaah Tlangbawi Jehoiada fapa Jekhariah cu Pathian Thlarau in a khat i  Pathian nih, 'Zeicahdah Bawipa nawlbia kha nan buar? Cucaah pei khua awng nan pemh khawh lo cu. Nannih nih Bawipa kha nan hlawt caah amah nih an hlawt ve hna a ti caah a pa Jehoiada nih a rak dawtnak le a rak zohkhenhnak vialte kha a philh i a fapa cu lung in thihlak in a chehter hna. Sihmanhsehlaw a tuah bantuk te cun a hnu ah thah asi ve ko.  Chimduhmi cu mah zumhnak le biatak tein Pathian ttanhnak a um ve lo ahcun tlau a fawi te ti hi asi. Nangteh??? A ho bochan in dah vawlei ral na doh??? Jesuh Khrih lawng hi kan chung i kan ngeih tikah kan ral teinak taktak cu asi. Amen! 2 CHANRELNAK 24:1 Joash cu pen hram a thawk ah khan kum sarih a s...

2 CHANRELNAK 21:4 Jehoram cu a pa bawi ṭhutdan cung i a kai i a feh tikah, a unau vialte cu vainam in a thah hna i Judah ram bawi a cheukhat zong kha a thah hna. 2 CHANRELNAK 21:12 Cun a sinah profet Elijah sinin ca pakhat a ra i, "Hi bangin, Bawipa, na pa David i a Pathian nih, 'Na pa Jehoshafat lam kha na zulh hna lo i Judah siangpahrang Asa lam zong kha na zulh hna lo i, 2 CHANRELNAK 21:13 sihmanhsehlaw Israel siangpahrang hna lam kha na zulh hna i Ahab innchungkhar nih Israel mi an pialter hna bang khan nangmah nih Judah ram mi hna le Jerusalem mi hna kha na pialter hna i nangmah nakin a ṭha deuhmi na unau hna, na pa innchungkhar mi a simi hna kha na thah hna caah, 2 CHANRELNAK 21:14 zohhmanh, na mi hna le na fale hna le na nupi hna le na ngeihmi vialte cungah Bawipa nih rai nganpi a tlunter lai i 2 CHANRELNAK 21:15 nangmah cu paw fah zawtnak a fakmi na ngei lai i ni khat hnu ni khat in na ril cu cu zawtnak ruangah cun a chuak lai,' a ti," ti...

2 CHANRELNAK 17:7 A bawi kum thumnak ah a bawi Benhail, Obadiah, Zekhariah, Nethanel le Mikaiah kha Judah ram chung khua hna ah cawnpiaktu ah a thlah hna; 2 CHANRELNAK 17:9 Cun Judah ram chungah khan Bawipa phungbia cauk kha an i put i an cawnpiak hna; Judah ram chung khua vialte kha an ṭol i mi kha an cawnpiak hna. 2 CHANRELNAK 17:10 Cun Judah ram pawngkam i a ummi ram vialte cungah khan Bawipa ṭihnak kha a tlung i Jehoshafat kha an do lo.

2 CHANRELNAK 16:1 Asa a bawi kum sawm thum le kum ruknak ah Israel siangpahrang Baasha nih Judah cu a hung doh i Judah siangpahrang Asa sinah khan ahohmanh luhter lo le chuahter lo awkah Ramah khua kha a ser. 2 CHANRELNAK 16:2 Cun Asa nih Bawipa inn chung le siangpahrang inn chung i a ummi ro chung khan ngun le sui kha a lak hna i Siria siangpahrang Benhadad, Damaskas i a ummi kha a kuat i, 2 CHANRELNAK 16:3 "Ka pa le na pa karlak i a rak um bang khan, keimah le nangmah karlak ah ṭanṭinak um seh; zohhmanh, ngun le sui kan kuat; cucaah va kal law Israel siangpahrang Baasha nih hin a ka kirtak nakhnga, amah he nan ṭanṭinak kha va chat tuah," tiah a ti. 2 CHANRELNAK 16:4 Cun Benhadad nih Siangpahrang Asa kha a bia a ngaih i a ralkapbu haotu hna kha Israel mi khua doh awkah a thlah hna i Ijon, Dan, Abelmaim le Naftali i thil chiahnak khua vialte kha an tei hna. 2 CHANRELNAK 16:7 Cu caan ah cun hmutu Hanani kha Judah siangpahrang Asa sinah cun a ra i, "Siria siangpahrang cu n...

2 CHANRELNAK 14:8 Asa nih Judah in ralkapbu mi sing thum, phaw ngan pipi le fei in aa thuammi le Benjamin in phaw a thlir i likuk a kuaimi sing hnih le sang riat a ngeih hna; hi hna hi an dihlak tein ralṭha miṭhawng an si. 2 CHANRELNAK 14:9 Ethiopia mi Zerah nih ralkap nuai khat le rangleng sing thum he a chuahhnawh hna i Mareshah tiang a ra phan. 2 CHANRELNAK 14:11 Cun Asa nih Bawipa a Pathian kha a auh i, "Maw Bawipa, a ṭhawngmi le a dermi karlak ah, bawmtu nangmah bantuk ahohmanh an um lo. Maw Bawipa kan Pathian, kan bawm ko sawh, zeitintiah nangmah kha kan in bochan i hi mibu nganpi hi nangmah min in kan chuahhnawh hna. Maw Bawipa, nangmah cu kan Pathian na si; minung nih nangmah cu in tei hna hlah seh," tiah a ti. 2 CHANRELNAK 14:12 Cucaah Bawipa nih Ethiopia mi hna cu Asa le Judah mi hna hmaiah a tei hna i Ethiopia mi cu an zam. 2 CHANRELNAK 14:13 Asa le a sin i a ummi hna nih khan Gerar tiang an dawi hna i Ethiopia mi cu a nung in pakhat hmanh an taan lo tiang an thi; ...

2 CHANRELNAK 13:3 Cun Abijah le Jeroboam karlak ah khan ralnak a um. Abijah cu miralṭha ralkap thim khunmi thong za li he raldohnak hmun ah cun an kal i Jeroboam nih khan a ṭhawngmi ralkap thim khunmi thong za riat he a rak orh ve. 2 CHANRELNAK 13:5 Bawipa, Israel Pathian nih Israel mi cung i siangpahrang sinak cu David le a fapa hna sinah zungzal ca in cite biakamnak in a pek cang ti kha hngalh awk nan si lo maw? 2 CHANRELNAK 13:9 Nannih nih Bawipa tlangbawi hna, Aaron fapa hna le Levi mi hna kha nan dawi hna i ramdangmi hna bantukin tlangbawi nanmahte in nan i ser hna lo mei? Ahopaoh cawtum no in siseh tuukawng pasarih in siseh aa thianhmi paoh cu pathian a si ṭung lomi hna tlangbawi ah khan an cang ko. 2 CHANRELNAK 13:10 Sihmanhsehlaw kannih tu cu, Bawipa cu kan Pathian a si i amah cu kan hlaw lo. Bawipa rian a ṭuantu ah tlangbawi Aaron fapa hna kha kan ngei hna i an rian a ṭuantu ah Levi mi kha kan ngei hna. 2 CHANRELNAK 13:11 Kannih nih cun Bawipa kan Pathian n...

Kan Sualnak vialte hi voikhat ah zalak in thenhpiakmi le Khamhnak pek kan si ko cangmi hi ziahhme kan zumh khawh hnga lo aw! Khamh kan si cangmi hi dawh kan thinlung taktak in kan zum lo cu!!! Zungzal nunnak kan hmuhnak hi kanmah tuah ttuannak a pel te hmanh tel loin dawh zungzal nunnak cu Fapa Jesuh Khrih nih raithawinak i ai peknak thawngin pek kan si cuh! Khamhnak lawng si loin Thiang Thlarau huham tthawnnak vialte hna hi Jesuh Min tthawnnak zumhnak thawng lawng tein asi. Amen!           A ruang cu Peter le John nih a chuahka in kebeipa an damter lio ah khan mipi nih khuaruahhar ngang ko in an zoh hna lio ah Peter nih ati mi hna cu hi kebei pa kan kalter khawhnak ah hin kanmah tthawnnak le Pathian hmai i kan tthatnak  thawngin maw a dam tiah nan ruah? Hi pa tlamtling tein kal khawhnak le damnak cu Jesuh Khrih min zumhnak le Thawnnak in pei asi ko cu tiah a rak ti hna. Halleluijah. Amen!(Lamkaltu3:12-16). Tha tein tuak setmat law JESUH KHRIH ni...

MATTHAI 8:23 Jesuh cu lawng chungah cun a lut i a zultu nih khan an zulh. MATTHAI 8:24 Chikkhatte ah khin thlichia a hrang ciammam i tilet nih lawng cu a khuh. Sihmanhsehlaw Jesuh cu aa hngilh. MATTHAI 8:25 A zultu cu a sinah khan an va kal i an ṭhangh i, "Bawipa, kan khamh tuah. Kan thi dih cang lai hi ta," an ti. MATTHAI 8:26 Jesuh nih cun, "Zeicahdah cu ti lawmmam cun nan thin a phan? Nan hei ka bochan lo hringhran dah!" tiah a leh hna. Cun a tho i thli le tilet cu nawl a pek hna i dai zirziar tein rili cu a um ṭhan.

MATTHAI 8:16 Zanlei sang a si tikah khuavang ngeimi tampi kha Jesuh sinah cun an ratpi hna. Bia kaa khat in thlarau ṭhalo kha a ṭhawl hna i a zawmi vialte kha a damter hna. MATTHAI 8:17 Hi a tuahmi hi, profet Isaiah nih, "Amah hrimhrim nih kan zawtnak kha a phorh i kan dam lonak kha a kalpi," tiin a rak chimmi tlinternak caah khan a si.

LAMKALTU 12:5 Cucaah Peter cu thong chungah khan an chiah ko, asinain khrihfabu chungmi hna nih cun a caah khan thla fak piin an cam. LAMKALTU 12:7 Chikkhatte ah khin Bawipa vancungmi pakhat kha khika ah cun a hung dir i thonginn chung cu a ceu. Vancungmi nih cun Peter cu a liang in a hninh i a ṭhangh, "Khulrang in tho tuah!" tiah a ti. Hmakhatte ah Peter kut cun thirhri cu an tla. LAMKALTU 12:8 Cun vancungmi nih cun a thawh i, "Na taisawm i sawmh law na kedan i danh tuah," tiah a ti. Peter nih cu bantuk cun a tuah i vancungmi nih cun, "Na puan kha i aih law hung ka zul," tiah a ti i, LAMKALTU 12:9 Peter nih cun thonginn lengah khan a hei zulh. Asinain vancungmi nih a tuahmi cu a taktak a si rua ti awk a hngal lo, langhnak ka hmu rua tiah a ruah. LAMKALTU 12:10 Ralvengtu hna umnak hmasa bik le a pahnihnak kha an hei lonh i khua chung vung lanhnak thir kutka kha an phan. Kutka cu amah tein a rak i hung i annih cu an chuak. Lam kha an v...

1 CHANRELNAK 23:25 Cucaah David nih hi bangin "Bawipa, Israel Pathian nih a mi cu daihnak a pek cang hna; cun Jerusalem ah zungzal in a um. 1 CHANRELNAK 23:26 Cucaah Levi mi hna nih puan biakinn kha siseh, a chung rianṭuannak ca i thilthuam si hna seh, an phorh a herh ti lo," a ti;

1 CHANRELNAK 22:12 Nangmah cu Israel mi zohkhenh awk ṭuanvo kha an pek tikah Bawipa na Pathian phungbia cu na zulh nakhnga, Bawipa nih fimnak le hngalhthiamnak in pe ko seh. 1 CHANRELNAK 22:13 Khi tikah Bawipa nih Moses cu Israel mi caah a pekmi phunglam le nawlbia hna kha ṭha tein na zulh hna ahcun, na hlawh a tling lai. Ṭhawng ngai le ralṭha in um tuah. Ṭih hlah; na lung dong hlah.

Johan 12:49 Zeicahtiah, keimah nawl in ka chim lo, ka chimmi cu a ka thlahtu ka Pa nih na chim lai tiah a ka fialmi kha an si.  Johan 12:50 Na chim lai tiah a ka fialmi bia cu zungzal nunnak petu a si ti kha ka hngalh. Cucaah ka chimmi bia cu ka Pa nih na chim lai tiah a ka timi bia kha a si," tiah a ti.

MALAKHI 3:9 Nan cheu hra cheu khat le nan thawhlawm ah hin nan ka deh a si lo maw? Nannih nih nan ka deh caah nan phun ning piin nan dihlak cungah chiatserhnak kha a um.

NA PA CU KHUA ZEI AH DAH A UM? JOHAN 8:19 "Na Pa cu khuazei ah dah a um?" tiah an ti. Jesuh nih cun, "Keimah zong nan ka hngal lo, ka Pa zong nan hngal fawn lo. Keimah kha ka hngal u law cu ka Pa zong cu nan hngalh ko hnga," tiah a leh hna. KA PA CU KA CHUNGAH A UM I AMAH CU KEIMAH HI KA SI KO TIAH A LEH HNA! A KA THLAHTU CU KEIMAH HE KAN UM TIAH 29 AH A TI. Johan 8:24 Cucaah cun pei, 'nan sualnak ah nan thi lai' tiah kan ti hna cu. Amah cu Keimah hi ka si tiah nan ka zumh lo ahcun nan sualnak chungah nan thi lai," tiah ati. (Rev. Hoi Cung Tum lehmi)