Kan Sualnak vialte hi voikhat ah zalak in thenhpiakmi
le Khamhnak pek kan si ko cangmi hi ziahhme kan zumh khawh hnga lo aw! Khamh
kan si cangmi hi dawh kan thinlung taktak in kan zum lo cu!!! Zungzal nunnak
kan hmuhnak hi kanmah tuah ttuannak a pel te hmanh tel loin dawh zungzal nunnak
cu Fapa Jesuh Khrih nih raithawinak i ai peknak thawngin pek kan si cuh!
Khamhnak lawng si loin Thiang Thlarau huham tthawnnak vialte hna hi Jesuh Min
tthawnnak zumhnak thawng lawng tein asi. Amen!
A ruang cu Peter le John nih a chuahka in kebeipa an damter lio
ah khan mipi nih khuaruahhar ngang ko in an zoh hna lio ah Peter nih ati mi hna
cu hi kebei pa kan kalter khawhnak ah hin kanmah tthawnnak le Pathian hmai i
kan tthatnak thawngin maw a dam tiah nan ruah? Hi pa tlamtling tein kal
khawhnak le damnak cu Jesuh Khrih min zumhnak le Thawnnak in pei asi ko cu tiah
a rak ti hna. Halleluijah. Amen!(Lamkaltu3:12-16). Tha tein tuak setmat law
JESUH KHRIH nih an limpiak ciami hi a ngantuk dah kaw. Thinlung dihlak zumhnak taktak
nih cun Nunnak a chuahpi, lawmhnak a chuahpi, inkhawhnak a chuahpi, teimak
duhnak a chuahpi, lungsaunak a chuahpi, zumh ngamnak a chuahpi, Pathian bia
duhnak le ttanh duhnak a chuahpi, damnak tling a chuahpi, tuahmi kipah i
biatak duhnak a chuahpi, cohlannak duhnak tling a chuahpi i cu nih cun
Hrinthannak tlingah a kan ser. Amen!
Hal kan duhmi cu JESUH KHRIH nih a nunnak pek in na sual
ngeihthiamnak le zungzal nunnak na hmuhnak dingah a thi i thawh tthannak hi na
thinlung dihlak taktak in na zum ve maw? Zangdam tein JESUH KHRIH nih voikhat
ah zalak in na sualnak vialte thenhpiak na si le nangmah Khamh dingah vawlei ah
a thi i a thawh tthannak hi na lungthin dihlak in rak cohlang law rak zumh ve
cang tiah kan nawl. Hrintthannak ka hmu cang kan ti khawhnak le Khamh ka si
cang kan ti khawh cionak cu JESUH KHRIH nih a rak lim cangmi nan sualnak vialte
cu ka kalpi dih cang i sualnak nan ngeih ti lo caah zungzal nunnak ah Keimah he
kan nungtti lai ati mi te hi kan thinlung dihlak tein kan zumh le kan cohlannak
hin asi. Amen! Cu biatak in zumhnak le cohlannak thawng cun Fapa min in Thiang
Thlarau cu kan chungah a nung i Amah cu ZUNGZAL NUNNAK kan timi cu asi! Amah
nih cun kan kalnak ding lam a kan hmusak cang. Amen!
Zungzal Nunnak taktak na hmuh khawhnak Lam cu JESUH KHRIH nih a limcia
cangmi Zumhnak le cohlannak thawng lawng in asi. Halleluijah. Amen!
- NA SUALNAK VIALTE NGEIHTHIAM NA SI CANG.
- ZUNGZAL NA NUNNAK DINGAH A THO TTHAN CANG.
- NA ZAWTNAK LE DAMLONAK VIALTE A KALPI DIH CANG.
- DUHDIM NUNNAK NA NGEIH KHAWHNAK DINGAH VAWLEI AH A RA I A TU TIANG ZONG IN AN UMPI KO.
- NA UKTU, NA SIANGPAHRANG, NA BIACEIHTU, NA BAWIPA, NA PATHIAN, NA TLANGBAWI, I NA THINLUNG DIHLAK IN NA ZUMH, NA COHLAN AHCUN JESUH CU NANGMAH TA ASI KO LAI. Cu asullam cu Nangmah kha nangmah nih nawl naa ngeih ti lo i JESUH KHRIH ta na si cang tinak asi. Amen! A thisen man in cawk na si cang kha na hngalh cang tinak asi. Halleluijah. Amen!
Na sual vialte thenhpiak cia na si le Khamnak pekcia na si hi na thinlung
dihlak in na zumh i an pekmi Khamhnak hi na cohlan ahcun JESUH he unau nan si
kho cang tinak asi. Amen! Lungthin dihlak in zumh kan i fialmi hi a lim
dih cangmi zumh kha kan i fialmi asi i cohlan kan i sawm tik zongah Khamhnak a
tuah cangmi cohlan kha asi ko. Kanmah nih tuah chawmmi ah khamhnak hmuh si loin
a tuah cangmi le a lim cangmi te zumh le cohlan hi KHAMNAK ngeihnak le
ZUNGZAL NUNNNAK kan ngeihnak cu an si. Amen! Bawipa nih Thiang Thlarau in
nan thinlung in on piak cio ko hna seh. Amen! JESUH
KHRIH kan chungah THIANG THLARAU in a kan umpi hnu ahcun a hodah kan si kha kan
i hngal i a ho ta kan si zong kan i hngal. Mah hgal loin kan um ti lo i
SIANGPAHRANG FAPA ah rel ve kan si cang caah SIANGPAHRANG FA sining le duhning
in kan nung cang. Bawipa nih sunparnak co ko seh! Amen!
HEBRU
10:10
Jesuh
Khrih nih Pathian duhmi kha a tuah caah, voi khat ah za lak in amah a pum aa
pekchanhnak thawng khan kannih cu kan sualnak in a kan thianh cang.
Comments
Post a Comment