Ka thlacamnak cu hi hi asi: Bawipa vawlei cungah a ka lawmhtertu bik hi nangmah thisen si ko seh, Jesuh Khrih nangmah le na min tthawnnak, zungzal NUNNAK min cazin chungah ttial ka si ruangah hin si zungzal ko seh ti hi asi. Amen! Vawlei in thluachuah kan hmuhmi thil vialte hna hi nangmah thisen man in a luangmi le na kutneh dawh aitelmi si zungzal ko seh ti hi ka thlacamnak cu asi. Amen!
Maw Bawipa nangmah tel loin vawlei theitlai nih a chuahtermi lawmhnak hna i a hnu zul cu ttih a nung i a khami thihnak, rawhnak hna le hling bantukin mi a chuntu le a kan hrawktu, innchungkhar a tthentu an si zungzal. Maw Bawipa ZU le vawlei thilri hna nih hin chikhat mi a lawmhter i lungre theihnak a philhter ko hmanh zongah duhsah tein innchungkhar a hrawktu le si afahtertu cirik bantuk asi i kan pumchung ah damh khawh lomi cancer bangin hrawktu satan hriamtha asi. Maw Bawipa mah sal tangmi vialte chungin hi na thawngtha relmi sinah an Thlarau Nun damter tthannak le Nangmah lawnglawng nih na chuahter cang hna nak hi van hngalhter ve cio hna tiah kan nawl!
Maw Bawipa ka lawmhnak hrambik cu ka chuahka in ka thih ni tiang Nangmah thisen in luatnak, cu luatnak in van cungah min ttial ka si cangmi thawng hin si zungal ko seh. Zingka ka thawhkaa in ka ih hlan tiang ka lawmhnak le ka hnangamnak hna cu Na Min tthawnnak le Nangmah bochannak thawngin si zungzal ko seh. Ka ihkaa in ka thawhhlan tiang kaa lawmhnak le ka hnangamnak, himnak bik cu Nangmah BIA le na thawhtthannak hin si zungzal ko seh. Amen! Kan thih zongah kan nun zongah Nangmah bang ka si lai timi na BIA nih hin kaa lawmhnak le hnangamnak cu an tlinter ko. Amen! Azungzal in ka lawmhnak, ka hnangamnak, ka tthawnnak, ka teinak hna hi JESUH KHRIH NANGMAH ka chung i na umnak thawngin le zungzal Nangmah ta ka sinak thawngin si zungzal ko seh. Amen!
Maw Bawipa zeizong vialte cungin kilvennak le Khamhnak thawngin zungzal nunnak na ka pekmi hlei ah hmuh ciami le hmuh rih laimi thluachuah vialte hi NANGMAH thisen thawngin le kutneh asi dih ti ka theih caah ka lawmhnak hi tuchun zongah na tlinter tthan. Amen! Bawipa Nangmah tel lo cun kan nun a bau, a hul i a car tawn ko, mah nuncarnak nih a van chuahtermi cu Nangmah van neihchin duhnak a chuahpi i na sin ka aunak thawng cu na ka leh i Thiang Thlarau in lawmhnak TI na ka toih than tikah nunhulnak cu dangcar ti hal diriamh bangin na thawnnnak le Na Thlarau nih lawmhnak tam chinchin in ka Thlarau tihal na riamhter tthan. Amen! Bawipa ka cungah a tlungmi vialte hna hi NANGMAH kut le NANGMAH thawngin si zungzal ko seh. Amen!
ESTHER 1:10
A ni sarihnak ni, siangpahrang cu zu nih a lung a lawmhter ni ah cun, inn zohkhenhtu a simi hna tildit pasarih Mehuman, Biztha, Harbona, Bigtha le Abagtha, Zethar le Karkas hna cu nawl a pek hna i
ESTHER 1:11
Siangpahrangnu Vashti cu midawh ngai a si caah aa dawhnak cu mizapi hna le bawi hna kha hmuhsak awkah a bawi luchin he siangpahrang hmaiah cun ra chuak seh, tiah a ti hna.
MAWI BAWIPA KAA LAWMHNAK TAKTAK CU: VAN CUNG I KA MIN TTIAL A SI CANGNAK LE NANGMAH TA KA SI CANGNAK TEHTE NA THAWHTHANNAK LE A HMUN ZUNGZAL MI NA BIA THAWNGIN ASI. AMEN! VAN LE VAWLEI RAWK HMANH SEHLAW KA BIA CU A RAWK LAI LO A TI TU NANGMAH BIA THAWNG HIN KA THLARAU CU HIMNAK A HMU. AMEN! HI VAWLEI AH NANGMAH MIN TTHAWNNAK BOCHANNAK LE RUAHCHANNAK LE NA TEINAK HRAWMH IN NA KA NUNPI CAAH KAA LAWMHNAK A TLING! AMEN!
LUKA 10:20
sihmanhsehlaw thlarau ṭhalo nih nan nawl an in ngaih hna caah khan i lawm hlah u, vancung i nan min ṭial a si ca tu ah khan i lawm tuah u," a ti hna.
NANG TEH ZEI NIH DAH AN LAWMTER I AN TTHAWNTER VE?????
Comments
Post a Comment