Nunnak Petu Thawngṭha

Joshua le a mi hna nih Bawipa nih a rak kamhmi hna Kanaan ram cu a kan pek taktak cang ko ti an hngalhnak cu Kanaan ram chung ummi vialte kha Israel mi ruangah therphang in an um dihnak hin asi. Amen! Ahmasa deuh i Moses nih minung 12 a rak thlahmi hna nih hin Kanaan mi hna anmah ruangah an thinphannak le an ther dihnak kong tu hi an rak phurh ve mi cu rak si sehlaw a va ttha hringhran hnga dah ti hi na ruat ve tawn maw? A taktak le ngaingai ti ahcun ram ngiathaitu an ra ti hmanh rak theih a si dek maw? Nain Joshua nih a thlahmi hna sin tu ahcun Israel mi cungah Bawipa tthawnnak kha a um ti cu mi vialte nih hngalh dih asi cang. Izipt ram i tthawnnak in a rak chuahpi tu hna Pathian bochan an rak ngamh lo caah khan a voi (2)nak ram ngiatu a thlahmi hna sin tu ahcun anmah nih Kanaan mi ttihnak um ti lo ding in Kanaan mi kha anmah ruang tuah an thin phannak le ttihnak tu kha a hmuhter hna. Amen. Cu ve bangin kanmah ttih awk um ti lo dingin Jesuh Khrih nih a limlo mi a um ti loh. Amen! Sa...

Joshua hi Bawipa nih tthawng ko law ralttha in um ko, na lung zong dong hlah, na thin zong phang hlah, na kalnak poah ah kan umpi zungzal lai timi thazang peknak bia hi an va luh hnawh laimi Kanaan mi an tuk tikah kan dirpi zungzal lai timi biacah asi. Joshua le a mi vialte hna va kal ulaw kan umpi hna lai caah nan tei hrimhrim ko hna lai, nan hmai ah a dir kho ding an um hrimhrim lai lo ti hi forhfialnak biacah cu asi. Ka duh tukmi cu khua zeika na kalnak hmanh ah na sinah ka um ko timi bia hi asi. Sihmanhsehlaw Joshua sinah a chimmi asi tikah keimah caah asi ka ti kho ve hnga maw ti hi ruah awk ngai asi. Cucaah pei Israel ralkap cheukhat nih Moses sinah Pathian a um bantuk in nangmah sin zongah Pathian um ve ko seh an tinak asi cu. phundang in ka chim ahcun Joshua kha a ral rak chia in Pathian tthawnnak he rak um hlah sehlaw mipi a hruai kho hna hnga lo i ral zong an rak tel kho taktak hna hnga lo. Cun van pek ka duhmi cu Joshua le ralkap nih an luh hnawhmi ram kha an doh hrimhrim ...

Atang hmanthlak ka zoh ah hin acelh in ka celhlo, Na fale na vuak tawn hna le fak deuh in na chimhhrin tawn hna kha na mitthlam a cuang ve maw? Fale hi zeitindah kan chimhhrin cio hna tihi fak deuh in kan ruah ahau cang. Kan lung an kan tonlo tik le kan thin an kan hanter tikah diriam tuk in kan fale kan chimhhrin hna in fak tuk in kan vua sual hna maw? Mah hmanthlak na zohnak nih hin na thinlung ah bia tampi a chim lai i tampi an cawnpiak lai tiah zumhnak ka ngei. Kan fale hi kan duhtuk ko hna i kan dawttuk ko hna nain kan ing apuang cio cang ahcun duhtawk tein vuak hmangmi kan si hi apoi ngai tawn tiah ka ruah. Fale hi duh an nungtuk i an sungtuk hringhran. A can tampi ahcun ka fale ka zoh hna i ka lung an si tuk ruangah hin mitthli thlak buin anlu cungah kutchuang in Bawipa sinah lunglawmhnak ka chim tawn. Nangta na fale hi na lung an si tuk ve ko lo maw? An lu cungah kut chuangin mitthli he thlacam lawmhnak na chim ve maw? Baibal zong nih kan fale hi Khrihfa ziaza in cawnpi...

Nihin Khrihfa ai timi tampi hi lungthlennak um lo bakin Khrihfa ka si aitimi le ka Hrinthan a timi tampi kan um. Lungthlennak um loin cun Thawntha chimtu caah siseh ngaitu caah siseh kan au lengmang mi le caan kan pek lengmangmi hi sullam a ngeih  hnga hme maw? Paul nih Rome khuami hna sinah ca kuat a ttialmi cu Thawngth asimi Jesuh Khrih kong ka chimnak ah Jentailmi hna sinah lungthlennak a um bantukin Rome khua zongah lungthlenmi umter ve cu ka duh hringhran tiah ati. Nihin Thawngtha chimtu le ngaitu hna nih hin kan i ruahchih dingah a biapi tukmi cu Nunnak Bia Thawngtha chungah hin lungthlennak le tthawnnak hleiah teinak a um ti hi kan hngalh zungzal awk asi. Thawngtha asimi Jesuh Khrih ruangah lungthlennak cu a hmun i a chunglei in a tthalomi kha kirhnawh a duh ti hrimhrim lo, a taksa nih a hlamcan hmanh ah Bawmtu Thiang Thlarau tthawnnak thawngin a tei khawh ko.  Paul nih cun Rome khuami hna sin zongah lungthlennak umter hi a saduh thah taktak asi bangin Thawngtha chi...

Minung tampi nih Thawngtha chim kan ngai kan timi le Thawngtha kan chim kan timi le Thawngtha kan ti lengmangmi sullam taktak a muru hi zeidah asi ti hi na ruat bal ve tawn maw? Pathian biatak Thawngtha hi Thawngtha chimtu pa nih a chimmi le chimthiammi cungah khan si loin a kong an chimmi Pa ( JESUH KHRIH) tu hi THAWNGTHA cu asi. Halleluijah. Amen! Cu Thawngtha cu Pathian nih Profet hna sin in a rak kan kamh i Cathiang chungah a rak i ttialmi cu Fapa Jesuh Khrih kong hi a rak si. Amen! Kamhmi Thawngtha (JESUH) cu vawlei ah a ra diam cang i a tu kannih chan tu ahcun a zummi vialte kan thinlung chungah Thiang Thlarau in Thawgtha cu a tlinter cang. Amen! Cucaah THAWNGTHA kan ti lengmang mi hi thluachuahnak le tlamtlinnak hna hi sawh duhmi si loin JESUH KHRIH tu hi asi i JESUH KHRIH a ngei taktakmi kan caah cun zeizong vialte hi kanmah ta an asi dih i kan caah Thawngtha cu Jesuh Khrih lawng asi ko. Amen..  KA LUNGTHIN DIHLAK IN KA TTUANMI RIAN CU THAWNGTHA ASI MI FAPA JESUH KHRIH ...

NIHIN CU A TANG BAIBAL KA REL TIKAH KAA LAWM TUK I THLUACHUAHNAK VIALTE HI KEIMAH CA BAKAH ASI TIIN LUNGLAWMHNAK KA CHIM COLH. KA CHIM DIH HNU AH KA RUAH TTHANMI CU PATHIAN DAWTNAK KA THEIH HNU AH MAH THLUACHUAHNAK HNA NIH HIN A KAN ZULH AWK BAK ASI TTUNG, ZIAH NIHIN I KA DIRHMUN HE AI RALKAH CANG NE TTUNG TIMI HI KA RUAH COLH TTHANMI ASI. APHI KA HMUHMI CU BAWIPA KAA BOCHAN KA RAK TIMI LE KAA HNGATCHAN KA RAK TIMI KHA A BIAKAM CUNGAH FEK TEIN KA RAK DIRLO CAAH ASI KHA KA VAN I FIANG TTHAN. PHUNDANG IN KA CHIM AHCUN BAIBAL NIH A KAN CHIMHMI BIAKAMNAK HI KAN RAK ZUM KHO DIH NGAINGAI LO CAAH ASI. CUCU NA ZUMH TAKTAK AHCUN NA ZUMH BANTUKIN ZEI THIL KONG POAH AH PATHIAN KHA NAA HNGATCHAN LE NAA BOCHAN ZUNGZAL A HAU VE. CU HNA NIH A VAN ZULH DINGMI CU HARSATNAK LE TEMINAK, LUNGRE THEIHNAK NIH A VAN ZULH COLH HNA LAI, NA LUNG A DONGH LO I PATHIAN BIAKAM CUNGAH AMAH KHA NAA BOCHAN I NAA HNGATCHAN PENG KO AHCUN BIAKAMNAK CU NA CUNGAH A TLING HRIMHRIM KO LAI. AMEN!      PATH...

Kan miphun nih Jesuh kan zumhnak le khamh cang mi kan si kan tinak cio ah hin zeitindek nan hei ruah cio? Ka lung a fakmi tampi a um. Pathian cu biatak a ttanhmi Pathian asi i nihin ah zumtu tampi nih hin biatak Thlarau maw kan tanh, taksa biatak dah kan ttanh. Pathian cu Thlarau asi i Thlarau lawng in ttanh khawhmi le biak khawhmi Pathian asi. Kanmah le Saya cheukhat cawnpiaknak hin i hlen in kan thi dih te lai. Pathian Bia chimtu zong nih hin Thlarau Biatak hi thih tiang in kan dirpi awk le ttanh awk asi. Vawlei na nun chungah hin aho dah na saya asi i an cawnpiaktu asi i na bawi le na pa asi? Kei nih kan lehnak cu kei ka Saya, Cawnpiaktu le Bawi cu Jesuh Khrih chunglei in a ka umpitu Thiang Thlarau hi asi ka ti hnga. Jesuh hrimhrim nih saya cu Keimah ka si, cawnpiaktu zong keimah ka si i Bawi zong keimah asi ati thotho, Pa zong Pathian lawnglawng asi a ti.        Zumtu tampi le thawngtha chim tampi zong nih Thiang Thlarau hi hmunhma kan pe lo i Thlarau hruai...