Kan miphun nih Jesuh kan zumhnak le khamh cang mi kan si kan tinak cio ah hin zeitindek nan hei ruah cio? Ka lung a fakmi tampi a um. Pathian cu biatak a ttanhmi Pathian asi i nihin ah zumtu tampi nih hin biatak Thlarau maw kan tanh, taksa biatak dah kan ttanh. Pathian cu Thlarau asi i Thlarau lawng in ttanh khawhmi le biak khawhmi Pathian asi. Kanmah le Saya cheukhat cawnpiaknak hin i hlen in kan thi dih te lai. Pathian Bia chimtu zong nih hin Thlarau Biatak hi thih tiang in kan dirpi awk le ttanh awk asi. Vawlei na nun chungah hin aho dah na saya asi i an cawnpiaktu asi i na bawi le na pa asi? Kei nih kan lehnak cu kei ka Saya, Cawnpiaktu le Bawi cu Jesuh Khrih chunglei in a ka umpitu Thiang Thlarau hi asi ka ti hnga. Jesuh hrimhrim nih saya cu Keimah ka si, cawnpiaktu zong keimah ka si i Bawi zong keimah asi ati thotho, Pa zong Pathian lawnglawng asi a ti.
Zumtu tampi le thawngtha chim tampi zong nih Thiang Thlarau hi hmunhma kan pe lo i Thlarau hruainak in kallo in kanmah fimnak le thiamnak men in Thawngtha kan aupi tawn. Thawngtha chimnak nawl a ngeitu hi Reverence le Dr. a hmumi le Baibal sianginn a kaimi asi lo i Bawmtu Thiang Thlarau a ngeimi lawng nih chim phung asi. Kannih miphun cu Thiang Thlarau a ngeimi zong nih chim, a ngeilomi zong nih chim asi tikah kan vaivuan dih cang. Pathian duhnak taktak a hgalh dihtu cu Thiang Thlarau lawng asi. Ka lung a fak ko. Thiang Thlarau loin zumtu nun hi zeihme a si. Lih asi ko lo maw? Thiang Thlarau a ngei lomi poah cu na zumh ve zumh ve lo hi zeihme ai dang. A thi ding thotho na si ko cu. Minung zuamnak le hmuhnak ahcun hawi hlei in a ttha na va lo ko lai nain Pathian Bia hi Nunnak le Tthawnnak nih dawh a zulh tiah. Ziah hme kan miphun nih kan kenmi Jesuh Khrih Thawngtha nih hin Zuu ding Pa hmanh a lung a thlen khawh lo ee. Hnu zultu Thiang Thlarau tthawnnak hi dawh a um bak lo cuh. Minung nunnak taktak a remhtu cu pung suai thiam le Baibal le minung nun ai kaihmi kawl thiamnak in si loin Thiang Thlarau tthawnnak tuin asi deuh.
Thiang Thlarau a cohlang lomi le zei ngai ah a rellomi zumtu zong hi kan um rih ko. Nunnak taktak hi Pathian Thlarau asi hi kan hngal taktak lo maw? Kanmah cawnpiaknak hi dah kan ttanh tuk peng! Ka miphun vialte nih hngalh dingah ka chim duhmi cu Thiang Thlarau hi a nung i a cawlmi, thinlung kipah a kangmi Thlarau dawh asi cuh ti hi fak piin au ka duh. Nihin Jesuh ka zumh i khamh ka si ko lai tiah aa zummi vialte na nunnak ah thlennak a um lomi le Thiang Thlarau na chungah a um na hngalh taktak ttunglo ahcun rak i hleng duh hlah. Jesuh Khrih Thawngtha hi a limmi Thawngtha vial duh i kanmah duh poah nun dingah khamh kan si lo. Jesuh thisen na zumhnak nih hin na sining te hi in hngalhter in an thleng hnga lo maw? Zumh hlan le zumh hnu zong mah ning te dirhmun hin maw? Kan thih tiang Khrihfa kan si kan ti lengmang ko lai.... Thiang Thlarau na chungah a um na theih lo ahcun na thi ko lai. Jesuh hi kanmah chung lawngah a um ttung lo Amah chungah pei kan um ve tiah! Khrih Thlarau na ngeih lo ahcun na thi ko lai, Hell na tla ko lai...
ROM 8:9
Sihmanhsehlaw nannih cu cuticun nan nung lo; Thlarau hruaining tu in nan nung deuh — Pathian Thlarau a ngei lomi cu Khrih ta an si lo.
ROM 8:14
Pathian Thlarau nih a hruaimi hna cu Pathian fale an si.
Thiang Thlarau a ngeimi lawnglawng zungzal nunnak kan ngei. Thiang Thlarau ka chungah a umnak cu Pathian Fa ka si caah asi. Pathian Fale asimi lawng Thiang Thlarau nih a hruai hna.... Nang zei thlarau nih dah an hruai? Na taksa duhnak nih an uk peng ko ahcun Satan thlarau nih an uk tinak asi. Khrih Thlarau nih an hruai ahcun Pathian Bia, BIBLE biatak ah hin naa lawm lai. Na rawl thawbik cu Baibal asi ko lai. Pathian Bia cu ei (rel) lawng si loin nunnak ah thilpuan bantukin na hmang zungzal lai. Hihi Pathian fale taktak nih tuah kan i zuammi si loin kan thinlung ah ai tthi chihmi le lumsa ngaiin puan bang kan i hruk zungzal mi asi. Halleluijah.. Ka Pathian hi ka thih tiang ka thangtthat zungzal lai. Ka nunnak dihlak hin ka biak, ka upat,ka ttihzah, ka lawmh zungzal, zungzal, zung peng lai. Amen... Amen.... Amen...
Comments
Post a Comment