Skip to main content

FALE CAWNPIAK FIAL KAN SI CEMMI HI ZEIDAH ASI HNGA?

Bawipa nih kan fale cawnpiak peng hna seh ti a kan duhmi cu Bawipa lawnglawng hi Pathian asi i Pathian dang a um hrimhrim lo timi hi asi. Amen! Cun nihin ah kan pekmi bia hi na lungchung ah na riahter lai i na fale kha a zungzal in na cawnpiak hna lai a timi zong hi Bawipa na Pathian cu na thinlung dihlak, na ruahnak dihlak le na tthawnnak dih in na dawt lai timi hi asi. Amen! Fale cawnpiak fial kan si taktak mi cu Bawipa lawng Pathian asimi Bawipa kan Pathian hi an thinlung dihlak, ruahnak le tthawnnak dihlak in an dawtnak hnga a zungzal in cawnpiak le lam hmuhsak hi asi. Amen! Hi vialte a tlamtling khawhnak ding ahcun na hrintthan ve hrimhrim a hau. Nangmah nih Pathian na chungah na ngeih lawngah Pathian dawt na fialmi hna cu na nun theitlai zoh in hmual a ngei lai i Pathian cu an dawt khawh ve taktak lai! Nihin zumtu tampi ai timi cu kanmah nih kan ngeih lomi pek kan hmang tuk. Na ngeihlo mi (chung lei nunnak ngeilo mi) pek le chim cu pakpalawng asi ko tihi biapi ngaiin kan ruah caan asi cang. Pathian nih kanmah le kan fale nih tuah hna seh ti a duhbikmi le aa ruahchan bikmi cu ka daw zungzal ve hna seh ti hi asi. Amen! Pathian kan dawt khawhnak ding cu Amah nih a kan dawt hmasa caah asi i a dawtnak a hngalmi le cohlangmi caah cun Amah chungah kan nung i kan chungah a nung ve. Amen! Amah chungah a nung tatkak mi nih cun Bawipa dawt hi kan i thim zungzal ve i kan fale zong nih an i thim zungzal nak dingah thlacamnak he Pathian na dawt zungzal lai ti hi kan chimh lengmang hna. Amen! Nangteh ho dah na dawt bik i na fale kha a hodah na dawt bik awk asi tiah na cawnpiak lengmang ve hna? Bawipa nih  na fale cungah le pumpak nunnak ah Pathian hi pakhatnak ah a daw zungzal mi ah in ser ve ko hna seh....
DEUTERONOMI 6:4
"Thei hmanh, maw Israel: Bawipa hi kan Pathian a si, Bawipa lawnglawng hi;
DEUTERONOMI 6:5
Bawipa na Pathian cu na lungthin dihlak le na ruahnak dihlak le na ṭhawnnak dihlak in na dawt lai.
DEUTERONOMI 6:6
Cun nihin ah kan pekmi bia hi na lung chungah na riahter lai i
DEUTERONOMI 6:7
na fale kha fel tein na cawnpiak hna lai i, na inn chung i na ṭhut ah siseh, lam i na kal ah siseh, na ih ah siseh, na thawh ah siseh, na chim lengmang hna lai.

Labels:

Comments

Post a Comment

Popular posts from this blog

“Pathian Pennak Sullam.”

Vawlei cung hmunzakip ah a ummi ka miphun vialte hna Bawipa nih nan umnak hmun cioah Amah dawtnak thukpi in intheihter chin hna sehlaw biathli in ruah cio ko hna seh. Atu i Thawngṭha ka ṭialmi Pathian Pennak chungah na lut cang maw? timi hi fak deuh in rak ka ruahpi ve tiah kan sawm. Pathian Pennak chungah na lut cang maw timi biahalnak hi va luh dingmi khi halduhmi cu asi nain a taktak le ngaingai ah cun kan thinlung chungah ngeih dingmi tu hi a rak si deuh. Biatak cu Pathian Pennak hi tuahṭuannak in le nunthiannak men in kan hmuhkhawhmi asi hrimlo ti hi voi tampi chim ka duh. Pathian Pennak kan luhkhawhnak dingah cun lamkhat lawng aum i cucu Jesuh Khrih zumhnak thawng lawng bak in asi ko. Pathian Fapa Jesuh Khrih kan zumhnak thawngin Ti le Thlarau in kan hrinṭhan lawnglawng ah Pathian Pennak chungah kan lut kho ti hi fakpi in chim ṭhan ve ka duhmi asi. Bawipa Jesuh nih a timi cu ka Pa nih tuah hna seh ti a duhmi a tuahmi lawnglawng an lut lai tiah a ti taktak. Cucu tuahnak biafan...
Post a Comment
Read more

"NUNNAK."

JESUH CU NUNNAK ASI (John 14:6) Minung vialte nih kan herhbikmi hi “Nunnak”, asi. Tulio i kan kawl, kan ṭ uanmi tampi hna zong hi nun duh ah an rak si i Kan pum in dam kan duh lengmang mi zong hi nun kan duh caah asi. Thuk deuh in kan rak ruahlomi cu Nunnak maw abiapi deuh? Damnak dah abiapi deuh timi kong hi asi. Na dam ruangah na nun si loin na nun rih ruangah damnak na herh asi deuh. Damnak cu anungmi nih kan herhmi asi i athimi caah cun damnak aherhnak a um ti loh. Cubantuk in Khamhnak zong hi taksa in anung rihmi le Thlarau in athimi hna ca i sualnak thianhpiak, Sualman leiba champiak le sualnak chungin luatnak thawngin khamhnak kan hmuhnak ding caah Khamh kan herh arak si ve. Khamhnak kan ti lengmang mi cu sualnak ruangah Pathian thinhunnak in aluangmi dantatnak kan in dingmi chungin kan luat khawhnak ding caah Jesuh Khrih thisen in sual ngaihthiamnak kan hmuhnak ding caah tuahpiakmi le sualnak chungin luatternak thawngin sualnak sal kan si tinak hnga lo caah asi. Sualnak sal kan...
1 comment
Read more

"BIATAK."

Biatak timi cu biachimmi biataknak le tuahnak i fakpi alangmi khi biatak asi ve ko nain chunglei ah hmuhkhawhlomi biatak kha lenglei kan tuahnak in a hunglangmi tu khi asi deuh. Tuahnak in a hunglangmi ka ti tikah tuahnak paoh khi biatak an si ka ti duhnak siloin na chunglei ah aummi biatak kha tuahnak in na langhter tikah na chunglei ah aummi biatak he aikhat in na tuahmi khi biatak ka timi cu asi. Biatak le dawtnak hi hmuhkhawhlomi chunglei ah aithupmi veve an si i an kalning le an sining ailo ngai. Dawtnak le biatak hi lenglei tuahnak cungah aihngatmi siloin dawtnak he chungleiin aithawkmi an si i lenglei langhtermi tuahnak tiangah dawtnak taktak le biatak in chunglei umning in rianlimtu khi an si. Biachim i biataknak le tuahnak i biataknak vialte hi biatak i theitlai tu an si deuh. Sihmanhsehlaw Kaa in biatak achimmi tampi kan um nain nun in ai biataklomi tampi kan um ve. Baibal nih biatak ati lengmang mi tu cu kaa le tuahnak hlan ah nunnak ah biatak ngeihtu hi biatak atimi cu asi....
Post a Comment
Read more