Ni le thla le kum hna hi an liam lengmang nain Bawipa nih a kan dawtnak hi ai tlheng bal lo i a zangfahnak zong nih a kan hngah zungzal ko. Nikhat hnu nikhat aliam cuahmahmi ah hin zei hi dah lim naa timh bikmi le na rian nganbik ah naa chiahmi asi ve? Kei kaa rian nganbik ah ka chiahmi cu ka Bawipa he hawikomhnak ngeih zungzal hi asi?Atu i ka van ttialmi kong hi zumtu tampi nih kan buai ngaingai mi asi i hngalh zong a har ngaingaimi asi. Sihmanhsehlaw nihin ka ttialmi ca a reltu vialte caah Pathian kan Pa le Fapa Jesuh Khrih nih a kan pekmi raltthatnak le lawmhnak le diahnak cu nan cungah phan cio ko seh.. Biatak cu atu na taksa nunnak hi a dih tikah na thlarau khuazei ah dah a kal lai timi hi hngalhnak tling kan ngeih a herh ngaingaimi asi i cu hngalhnak tling na ngeih khawhnak cu nangmah nih a tu te i na ngeihmi zumhnak nih hin ahodah na si ti kha a langhter i an fianter lai. Jesuh Khrih thawngin Pathian fa na si taktak ko ahcun na thih le cangka in Bawipa Jesuh Khrih sinah na kal te lai tihi Paul sin in kan hmuh khawhmi Thawngtha asi. Atu i kan umnak kan pum vawlei thlam hi ttheh asi tikah vancung ah khin pum loin kan um lai lo i Pathian hrimhrim nih a sakmi zungzal a hmun dingmi inn ah kan um te lai. Atu ahcun taksa pum inn ah kan um i thih hnu thawhtthanter kan si tikah cun Thlarau pum he kan tho ve te lai i cucu zungzal a hmunmi inn cu asi te lai.
Cun na thi hnu ah khuazei ah dah na kal cawlh lai tiah cun Jesuh he um dingah Amah sinah na kal lai tihi Paul nih a fiantermi cu asi: Zeitin tiah atu ka nunnak hi kaltak in Khrih he um cu ka duh hringran a timi nih hin na thi tikah Bawipa Jesuh Khrih sinah na kal lai ti kha a fianter ngaingai.. Cu lawng hmanh si loin Jesuh Khrih nih a chimmi bia cu hihi asi: Misual pa kha nihin Keimah sinah Paradis ah na um lai tiah ati ve taktak. Nangmah le Keimah zong Jesuh Khrih zumh buin kan thih i Amah nih hngalhmi kan si ko ahcun Amah sin ah kan kal cawlh in kan um ve cawl lai tihi biatak Thawngtha cu asi. Halleluijah. Amen..
----
Cun na thi hnu ah khuazei ah dah na kal cawlh lai tiah cun Jesuh he um dingah Amah sinah na kal lai tihi Paul nih a fiantermi cu asi: Zeitin tiah atu ka nunnak hi kaltak in Khrih he um cu ka duh hringran a timi nih hin na thi tikah Bawipa Jesuh Khrih sinah na kal lai ti kha a fianter ngaingai.. Cu lawng hmanh si loin Jesuh Khrih nih a chimmi bia cu hihi asi: Misual pa kha nihin Keimah sinah Paradis ah na um lai tiah ati ve taktak. Nangmah le Keimah zong Jesuh Khrih zumh buin kan thih i Amah nih hngalhmi kan si ko ahcun Amah sin ah kan kal cawlh in kan um ve cawl lai tihi biatak Thawngtha cu asi. Halleluijah. Amen..
----
2 KORIN 5:1
Kannih kan umnak thlam, vawlei cung kan pum hi, ṭheh a si tikah, vancung ah khin kan umnak ding caah Pathian nih inn a kan pek lai ti kha kan hngalh — cu inn cu amah Pathian nih a sakmi inn, zungzal hmun dingmi inn cu a si.
FILIPI 1:23
Thil pahnih karlak ah kaa tenh: hi nunnak hi kaltak i Khrih he um cu ka duh hringhran, cucu a ṭha deuh suaumaumi a si;
Comments
Post a Comment