Skip to main content

JESUH HE UNAU NA SI MAW?

Jesuh he unau kan si cang maw? ti theih hi a biapi taktakmi asi. Khamhnak a co ve rihlomi le Hrintthannak a hmu ve rihlomi, vancung pennak chungah a lut ve rihlomi nih zeitindah unau sinak ro cu an co khawh lai. Tuahnak lawng si loin zumhnak in khamh kan si i khamh kan si cangnak tehte cu Ti le Thlarau in hrinthannak kan hmuh hi asi. Ti le Thlarau in hrinthannak kan hmuh cu vancung pennak chungah kan luhnak hnga caah asi ve. Mah hna sinak ngeih hnu i tuahnak tu hi Jesuh Khrih nih a lawmhmi asi i Pathian fa sinak phanh hlan i tuahmi le Pathian Fa si hnu tuahmi cu hmual an ngeih ning ai dang taktak. Thawngtha zong hi theihnak in tuahnak na zuanhnawh ahcun palh a fawi ko lai nain zumhnak in tuahnak tu na zuanhnawh ahcun zumhnak lawnglawng in Pathian he rem khawh asi timi cu na khen ko lai. Jesuh he unau sinak na phan ve cang maw? Van i check ve tuah?
1. Jesuh he Unau taktak cu Pathian Bia atheihmi, Thawngtha chimtu sinin atheihmi Pathian Bia kha zumhnak he a tuah cawlhmi le aa nunpi cawlhmi hna hi an si..
2. Jesuh he unau taktak cu zumhnak in Cathiang a relmi chungin a thinlung tawngtu Pathian Bia aa nunpimi hna hi kan si..
3. Jesuh he unau taktak si na duh ahcun theihnak tiang lawng si ti loin Thawngtha na theihmi le Cathiang na relmi chungin na lung an tongtu hna kha atak in nunpi caan asi cang..
4. Jesuh hrimhrim nih ka unau taktak cu Pathian Bia kha athei i atheih bantukin atuahmi hna hi ka unau cu an si tiah ati ko..
5. Nangteh Jesuh he unau taktak na sinak zeitindah na langhter ve. Na zumhnak in na theihmi Thawngtha le Cathiang na relmi chungin na nun an tawngtu hi naa nunpi cang lai lo maw?
6. Jesuh he unau ka si cang maw? ti hngalh na duh ahcun mah nih hin hngalhnak an pek lai. Thawngtha na theihmi kha theihnak tiang lawng na tang rih ahcun unau sinak na phan rihloh tinak asi. Thawngtha chim fial kan si hi theih ding lawngah si loin kan theihmi Thawngtha kha zumhnak in cohlan i tuahding le nunpi ding  caah asi.
7. Thawngtha theihnak le Cathiang relnak tiang lawng na si rih ahcun Jesuh he unau sinak na phan rihloh tinak asi i na theihmi Thawngtha le Cathiang na relmi chungin na thinlung an tongtu kha atak in zumhnak he naa nunpi taktak le na tuah tik taktak lawngah Jesuh he unau nan sinak taktak alang ve lai. 
—-
LUKA 8:21
Annih cu Jesuh nih, "Ka nu le ka naule cu maw — ka nu le ka naule cu Pathian bia kha a thei i an theih bantukin a tuahmi paoh kha an si ko," tiah a leh hna.
Labels:

Comments

Post a Comment

Popular posts from this blog

ISRAEL MI HNA NIH MOSES LE PATHIAN AN LAWMHTER HNA LO

        Israel miphun hna cu Izipt ram in an chuah hnu kumhnih le thlahnihnak, nikhatnak ni ah Bawipa nih Moses cu Sinai ramlak ah a chawnh i milu a relter than. Bawipa fial bangin an rel hna i sing ruk, thong thum, za nga le sawm nga an si. Mah hnu ni (20) hnu ah puan Biakinn cung Minmei cu aa tthial tikah Israel pawl zong an i thawh ve i Paran ramlak ah khan an kal. Cun Bawipa minmei cu, an riahhmun in an i thawh fate chun ah annih cungah a um i kuang cu aa thawh fate Moses nih, "Tho tuah, maw Bawipa, na ral kha i ṭ hek dih hna seh law, nangmah an huatu hna cu na hmaiah zaam hna seh," tiah a ti. Cun aa dinh tikah, "Ra kir tuah, maw Bawipa, Israel mi a thong a sang hna sinah hin," tiah a ti.             Israel mi hna cu Bawipa theih ah an sifah retheih an innak ruangah an zai hawi tthan i Bawipa thinhunnak cu a alh i riahhmun kiang i aummi riahbuk a cheukhat cu a kangh hna. Cu tikah Moses nih thla a campi...
Post a Comment
Read more

Sazuk nih rial tidai a ngaih bang in ka nun nih Bawipa an ngai

Sazuk nih rialtidai a ngaih bangin kei ka nun zong nih Bawipa an ngai. Minung hi Pathian he kan i peh hnuah cun Bawipa he nunti le umtti hi a nuamh theih tuk asi, kan ti a hal tuk caan i ti kan din i kan di ariam bantukin Thlarau in Bawipa he hawi komhnak kan ngeih caan le Thlarau in kan khah caan i Bawipa kan thangtthat tikah sazuk bangin Thlarau nun in kan di ariam taktak ve. Minung hi sualnak he kan i tthen kho tawn lo i sualnak kan tuah tikah le Thlarau rawl ei loin le lungthin takin thla cam loin caan sau kan um tikah kan nun a hul i Thlarau ti le rawl ka hal tuk tawn. Pathian nih a kan hlat si loin kanmah tu nih kan hlat a rak si. Kan nun a hul deuhdeuh i kan dar a car deudeuh tikah cun a celh in kan celh lo lio caan theng teah Nunnak ti asimi Thlarau ti le rawl lei panh in sual phuannak kan neih tikah Bawipa nih thangthat lawmhnak a kan pek tthan i sazuk nih rialti dai a din i a di riamh bangin Thlarau ti le rawl in kan di a rian ve tawn. A taktak le ngaingai tiah cun a zungzal...
Post a Comment
Read more

Pathian nih Abram auhnak le Thluachuah peknak

             Vawlei cung mi vialte hi Noah fapa le hna nih hrinthlak mi lawngte kan si. Noah fapa pathum lak ah hin upa bik Shem hin thluahchuahnak le Pathian nih thim khunmi asi nak alang. Adam nih fapa angeihmi ah Seth hlan ah Kain aum ko nain fa upa rocotu ah Seth hi Pathian nih athim bantuk in Noah fale zongah hin Upabik Shem hi ahlei in thluachuah pek dingah athim ve. Chim duhmi cu Seth cii ruang chung in Noah a chuak i Shem chung hin Abram te pawl zong an chuak ve. Pathian nih Noah le fapa hna cu thluachuahnak apek hna i fa tampi an ngei, vawlei ah cun an karh chin lengmang. Buanchukcho in kum hnih hnuah Shem nih fapa angeih, Shem a fapa hi kum 403 anung. Cu ti cun an fapa le upa bik changchang cun an van izul i Shem in Peleg chan, chan 5 nak ah hin cun kum 209 lawng an nung cang. Cu cu Pathian nih minung hi kum 120 cung nung ka sianh ti hna lo ati mi kha a van tling cuahmah. Shem in Abram pa Terah tiang hi chan (10) arau i Terah cu kum 205 a ...
Post a Comment
Read more