Zumtu ka si aitimi tampi nih hin khamhnak ahmu cangmi ah kan i ruah dih kho cio ko. Kan hmuhtak le taklo belte Pathian le kanmah lawng nih kan hngalh. Khamhnak hmuhnak lam cu Jesuh Khrih thawngin asi timi cu biatak bak asi. Hal kan duhmi cu hihi asi:
Khamhnak na co cang maw? Sualnak in na luat cang maw?
Thiang Thlarau toih (hrinṭhan) na si cang maw? Pathian Fa na si cang maw?
Khamnak na hmu, sualnak chungin na luat cang i Thiang Thlarau toihnak in Pathian Fa na sinak tehte na ngeih cang ahcun lunglawmh awk taktak cu na si. Bawipa nih sunparnak co zungzal ko seh..
Khamhnak na co cang maw? Sualnak in na luat cang maw?
Thiang Thlarau toih (hrinṭhan) na si cang maw? Pathian Fa na si cang maw?
Khamnak na hmu, sualnak chungin na luat cang i Thiang Thlarau toihnak in Pathian Fa na sinak tehte na ngeih cang ahcun lunglawmh awk taktak cu na si. Bawipa nih sunparnak co zungzal ko seh..
Khamhnak na hmuh rihlo le Thiang Thlarau toih na si rihlo ahcun mah Thawng ṭha nih hin Khamhnak le hrinṭhannak chungah an luhpi lai. Amen. Jesuh na zum maw tiah in hal ning law ka zumh tiah na ka leh hrimhrim lai. Kan miphun dihlak in Jesuh kan zumh dih taktak ko nain Khamhnak ahmuh rihlomi le Hrinṭhannak ahmu rihlomi cu tampi an si. Aruang cu Jesuh Khrih nan zumhlo ruangah le Vailam cungah thihnak le thawhṭhannak na zumhlo ruangah si loin Jesuh Khrih hi na nunnak le na zeizong vialte Uktu(Bawipa) ah na serlo ruang tu ah Khamhnak le Hrinṭhannak na hmu khawhlo arak si diam. Bawipa I ser timi cu ka van fianh hmanh lai muh: USA ram ahcun Boss kuttang ah rianṭuanmi kan si dih cio i kanmah duh si loin anmah duh in kan ṭuan, rian kan tlai deuh sual lai tiah cun rian ka tlai lai tiah thawngthanh ahau I off ka duh zongah kan off duh tiah halta an hau. Aruang cu kan Boss(kan cung bawi) an si caah le kan bawipa an si caah asi i kanmah nawl in anmah ngeihmi rian tang ahcun duhpaoh umnak nawl kan ngei lo. Cubantuk in Jesuh Khrih hi na zumh le Bawipa ah kaa ser ko lai na ti ahcun na nunnak le na zeizong vialte hi nangmah nawl siti loin na caah athimi Jesuh Khrih ta le Amah nawl asi ve cang. Biatak cu Jesuh Khrih hi na Bawipa le Uktu ah naa ser rihlo caah na duh paoh in na nun rihmi hi asi. Jesuh Khrih hi Bawipa taktak i naa ser ahcun zeithil na tuah laimi kipah ruahnak na hal hmasa dingmi cu Jesuh Khrih asi ve cang. Nangmah tein tuahnak Nawl na ngeihmi hrimhrim aum ti loh. Cucu Bawipa i iser timi cu asi. Sal nih cun a bawi nawllo in zeihmanh tuahnak nawl angei ballo.
Khamhnak taktak le hrinṭhannak taktak hmuh na duh ahcun Jesuh Khrih hi zumh lawng si ti loin na nunnak le na zeizong vialte an Uktu le na Bawipa ah rak i ser. Cu nih cun sual in luatnak (Khamhnak) le Pathian Fa sinak(Hrinṭhannak) an phanhpi lai. Jesuh zumh cu kan zumh tuk ko cang caah hin mi kuttang i rianṭuan kan luh bantukin Jesuh Khrih tangah lut in kan Uktu le Bawipa taktak ah iser cang. Bawipa ser ka ti lengmang mi cu biafang hi si loin nunnak dihlak in na tuah laimi le na ruatmi kipah ahlan i Jesuh Khrih hi Bawipa naa serhlan bantukin nun siti loin Jesuh Khrih hi Bawipa ah naa ser cang caah Amah nih tuah an sianhmi le an onhmi cung lawngah tuah ding le nun ding khi ka chim duhmi cu asi.. Jesuh Khrih hi Bawipa ah iser timi cu Keimah ta kasi tilo Jesuh ta kasi cang ti ihngalh le keimah duh in nunnak nawl ka ngei tilo, Jesuh duhning le Jesuh nawl lawngin nung ding kasi cang timi hi asi. Jesuh Khrih hi tu bak ah na nunnak le na zeizong vialte caah Khamhtu le Bawipa I naa ser taktak ko ahcun Khamhnak le Hrinṭhannak cu Bawipa nih an pek hrimhrim lai. Amen
Rome 10:9
Nan kaa in, “Jesuh cu Bawipa a si,” tiah nan ti i “amah cu Pathian nih mithi hna sinin a thawhter” tiah nan lung in nan zumh ahcun, khamh nan si lai. 10Zeicahtiah kan lung in kan zumh i Pathian he i remnak kan hmuh; kan kaa in kan chim i khamh kan si.
Luka 5:31
Jesuh nih a thawh hna i, “A dammi nih sibawi an herh lo, a zawmi lawnglawng nih an herh. 32Sualnak kan ngei lo tiah aa ruatmi hna kha i ngaihchih u ti awkah ka ra lo, misual mi tu kha, i ngaichih u tiin kawh awkah ka ra,” tiah a ti.
Rome 10:9
Nan kaa in, “Jesuh cu Bawipa a si,” tiah nan ti i “amah cu Pathian nih mithi hna sinin a thawhter” tiah nan lung in nan zumh ahcun, khamh nan si lai. 10Zeicahtiah kan lung in kan zumh i Pathian he i remnak kan hmuh; kan kaa in kan chim i khamh kan si.
Luka 5:31
Jesuh nih a thawh hna i, “A dammi nih sibawi an herh lo, a zawmi lawnglawng nih an herh. 32Sualnak kan ngei lo tiah aa ruatmi hna kha i ngaihchih u ti awkah ka ra lo, misual mi tu kha, i ngaichih u tiin kawh awkah ka ra,” tiah a ti.
Comments
Post a Comment