Jesuh Khrih nih kan sualnak vialte cu vailam tahnak ah akalpi ding cang. Jesuh Khrih vailam i athihnak chan cu sual in kan thihnak ding, sualnak in kan luatnak ding, sualnak kan tuahmi in thian le ngaihthiam kan sinak ding caah asi i Jesuh Khrih nunnak i thawhter asi cu Amah azummi paoh sualnak in thianh le ngaihthiamnak, sualnak in luatternak, sualnak in thih ding ca lawng siltio in Amah bantukin zungzal nunnak kan ngeih ve ding ah asi, sullam cu Pathian he remter kan si cang ti lawng siti loin thiamcoter zong kan si cang tinak asi..
Sualnak ah na thi cang maw? Sualnak sal dah na si rih ko? Mithi nih zeihmanh an tuah khawhlo bantukin kan nih Jesuh Khrih azummi zong Jesuh Khrih he kan thiṭi, sualnak ah kan thi cang i dinnak sal le dinnak ah kan nung cang tinak asi.. Tulio an uktu hi thlarau duhnak maw? Taksa duhnak dah? Taksa duhnak in na khah le taksa duhnak na tuahrih ko ahcun sualnak in na thi rihlo in sualnak sal na si rih ko tinak asi i aphi cu na thi lai tinak asi..
Biatak cu hrinṭhanmi cu dinnak sal kan si cang i tuah kan duhmi le nun kan duhmi, duhnak cu thlarau duhnak asi i thlarau duhnak in kan nung fawn cang. Thlarau duhnak hi na duhnak le naa lawmhnak asi ahcun sualnak in na thi cang i dinnak sal na si cangnak langhtertu zong asi.. Dinnak sal, thlarau duhnak in nun timi cu naa lawmhnak hi thlacam asi maw? Baibal rel asi maw? Thawngṭha ngeih asi maw? Thiang Thlarau hi thlacamnak in hngah i hawikomhnak ngeih asi maw? Rawlulh le thlacam duhnak ngeih asi maw? Mah asi ahcun sualnak ah na thi cang i dinnak ah na nung cang tinak asi. Mibawmh, ṭhatnak tuah, midang ngaihthiam, biakinn sak, thilṭha tampi tuah zong hi an si ko lai nain Baibal rello, thlacamnak ngeihlo, Thawngṭha ngaih nih thawtlo, rawlulh thlacam duhnak zong ngeihballo, Thiang Thlarau he hawikomh ballo le hawikomh duhnak ngeihballo ahcun mah zuamnak in tuahmi asi kho men... Bawipa he hawikomhnak ngeih hnu i tuahmi tampi cu Bawipa duhnak asimi atam deuh hrimhrim ko lai...
Sualnak ah na thi cang maw? Sualnak na tuah peng rih ko ahcun sualnak ah na thi rihlo tinak asi ko.. Jesuh Khrih azum taktakmi cu sualnak in kan thi taktak cang... Sualnak thi hnu lawngah hrinṭhannak taktak cu na phan te lai... Dinnak sal dah na si ve cang... Dinnak sal ka si cang.. Amen..
1PETER 2:24
Khrih nih a pum hrimhrim in kan sualnak cu vailam tahnak ah khan a kalpi i cucaah kannih cu sualnak ah khan kan thi cang i dinnak ah kan nung cang. A hma in nan dam cang.
၂၄ငါတို့သည်အပြစ်နှင့်ဆိုင်သောအရာ၌ အသေဖြစ်၍၊ ဖြောင့်မတ်ခြင်းအရာ၌ အသက်ရှင်စေမည် အကြောင်း၊ ငါတို့အပြစ်များကို ကိုယ်တော်တိုင် သစ်တိုင်မှာခံတော်မူပြီး ဒဏ်ချတော်များအားဖြင့် သင်တို့သည် အနာပျောက်လျက်ရှိကြ၏။
24“He himself bore our sins” in his body on the cross, so that we might die to sins and live for righteousness; “by his wounds you have been healed.”
Rome 6:2
Tuah naisai hlah. Sualnak ah cun kan thi cang, zeitindah cu chungah cun kan um peng khawh lai?
Rome 6:11
Cu bantukin nannih zong nih, kannih cu sualnak ah kan thi cang i asinain Khrih Jesuh he i pehtlaihnak thawngin Pathian ah kan nung tiah nan i ruah awk a si.
Rome 6:18
Sualnak chungin luatter nan si cang i dinnak sal ah khan nan i cang cang.
Rome 6:20
Sualnak sal nan rak si ah khan dinnak chungin nan rak luat;
Rome 6:22
Sihmanhsehlaw atu cu sualnak chung khan luatter nan si cang i Pathian sal nan si cang; nan miakmi cu Pathian sinah pekchanhmi nunning a si i cu nih a chuahpimi cu zungzal nunnak a si.
JESUH KHRIH NIH KA SUALNAK VIALTE VAILAM CUNGAH ATHIHPI DIH CANG..
---------
Jesuh Khrih nih vawlei cung sualnak vialte apum in aphurh i vailam cungah a thihpi chin. Nang sualnak teh thihpi chih asi ve maw? Na sualnak thihpi chih asi ahcun sualnak in na luat in sualnak in na thih cang caah dinnak in na nung cang tinak asi. Jesuh Khrih nih Vailam cungah na sualnak thihpi le thihpilo hngalh na duh ahcun dinnak in na nun le nunnlo nih na sualnak thihpi le thihpilo afiangter..
Dinnak chungah maw na nun cang? Sualnak cungah dah na nun ko rih? Pathian ta maw na si? Satan ta dah na si? Pathian fa na si ahcun thlarau duhning in na nung lai... Satan ta na si ahcun taksa duhnak in na nung lai...
Ngaihchihnak Umlo In Ngaihthiamnak Aum Kholo....
Ngaihthiamnak Umlo In Khamhnak Hmuhkhawh Asilo..
Khamhnak Hmuhlo In Hrinṭhannak Hmuhkhawh Asilo..
ThiangThlarau in Hrinṭhannak Hmuhlo Ahcun Pathian Fa Si Khawhnak Aumlo..
Pathian Fa Silo Ahcun Pathian Sin Phanhnak Lam Aumlo...
Pathian Sin Phanhnak Lam Cu Jesuh Lawng Asi.. Jesuh Khrih Ka Zumh Timi Lawng Siti Loin Jesuh Khrih Zumh Thawngin ThiangThlarau In Hrinnak Hmu Hram Ko Uh.... Thiang Thlarau In Hrinṭhannak Hmumi Lawng Pathian Fa Taktak Cu Kan Si. Amen..
Jesuh Khrih lawnglawng hi Thiang Thlarau in tipilnak petu cu asi...
Johan 1:32
Cun Johan nih cun, “Vancung in Thlarau cu ṭhuro bantukin a rung ṭum i a cung i aa fut kha ka hmuh. 33Amah cu ka rak hngal ṭhiamṭhiam lo, sihmanhsehlaw ti in tipilnak va pe hna tiah a ka thlahtu nih khan, ‘Mi pakhatkhat cungah Thiang Thlarau kha a rung ṭum i aa fut kha na hmuh tikah, cu pa cu Thiang thlarau in tipilnak a petu hna ding cu a si ti kha na hngalh lai,’ a ka ti. 34Cucu keimah hrimhrim nih ka hmuh i tehte ka khaan. Amah hi Pathian Fapa cu a si ko,” tiah a ti.
Comments
Post a Comment