Nunnak Petu Thawngṭha

JESUH CU NUNNAK ASI (John 14:6) Minung vialte nih kan herhbikmi hi “Nunnak”, asi. Tulio i kan kawl, kan ṭ uanmi tampi hna zong hi nun duh ah an rak si i Kan pum in dam kan duh lengmang mi zong hi nun kan duh caah asi. Thuk deuh in kan rak ruahlomi cu Nunnak maw abiapi deuh? Damnak dah abiapi deuh timi kong hi asi. Na dam ruangah na nun si loin na nun rih ruangah damnak na herh asi deuh. Damnak cu anungmi nih kan herhmi asi i athimi caah cun damnak aherhnak a um ti loh. Cubantuk in Khamhnak zong hi taksa in anung rihmi le Thlarau in athimi hna ca i sualnak thianhpiak, Sualman leiba champiak le sualnak chungin luatnak thawngin khamhnak kan hmuhnak ding caah Khamh kan herh arak si ve. Khamhnak kan ti lengmang mi cu sualnak ruangah Pathian thinhunnak in aluangmi dantatnak kan in dingmi chungin kan luat khawhnak ding caah Jesuh Khrih thisen in sual ngaihthiamnak kan hmuhnak ding caah tuahpiakmi le sualnak chungin luatternak thawngin sualnak sal kan si tinak hnga lo caah asi. Sualnak sal kan...

FIMNAK CU THIANG THLARAU ASI. JOHN 16:13 Fimnak kan ti lengmang mi hi zumlotu caah si loin Pathian fale kan caah asi deuh. Asinain nihin vawlei kan kalning zaoh ah zumlotu hi afim deuhmi le a hngalh deuhmi ko an lo. Ataktak le ngaingai ahcun zumlotu hmanh an fim le an thiam ahcun Pathian fanu le fapa hi cu kan fim chinchin awk le kan hngalh chinchin awk asi. Bawipa ṭih hi fimnak hramthoknak asi ati bantukin Bawipa a ṭihmi cu Pathian fanu le fapa kan si. Pathian ṭih timi hlan ah hin ahram aum i cucu Jesuh zumh le cohlan hi asi. Jesuh azumlomi le a cohlanglomi nih cun Pathian cu an ṭih bal lai lo I Baibal nih mihrut a timi hna le a rawk dingmi a timi hna an si. (1 Korin 1:18) Bawipa Jesuh Khrih a zumlomi le a cohlanglomi paoh cu mihrut an si lawng siloin zungzal rawhnak ah a rawk dingmi an si. Pathian fanu le Fapa sinak ro zong an co bal lai lo. Pathian aṭihmi le a dawmi cu Jesuh Khrih azumh le a cohlangnak thawngin khamhnak a hmumi kan si i khamhnak ahmuhnak thawngin Thiang Thlarau in h...

Minung tampi nih hin kan kaa in cun Thiang Thlarau timi biafang hi kan chim lengmang ko nain Thiang Thlarau he atak in hawikomhnak le tonnak, umṭinak taktak an ngeilo. Bawipa cungah le Thiang Thlarau cungah siseh Pa Pathian cungah siseh kaa lawmtukmi cu thlacam duhnak Thiang Thlarau nih a van ka pek i thlacamnak in ka van hngah i a ka tonmi le Amah he hawikomh athawtnak a ka hrawmhmi hi cu asunglawi tuk ee. Thiang Thlarau nih a van kan tongh ah hin cun minung hmurkaa in chimkhawh leng tiang in Pathian biak hi asunglawi i thlacamnak in Amah hngah hi ngolawk aṭha ti lo.. Zeithil paoh hi athawt na teh cangmi cu na ngol kho ti lai lo.. Tuzing zong zinglei 10:00Am hrawngin Thiang Thlarau nih thlacam duhnak a ka pek i 11:40Am hrawng tiang ka hngah hnu ah atak in a van ka tong cu ka pum dihlak nih Bawipa an thangṭhat ee. Amen. Halleluijah. Amen... Pathian nih hin Amah kan biak le kan zumh, anawl kan ngeih athawt chinnak dingah mah le caan te ah thlacam duhnak, rawlulh duhnak, Baibal rel duhn...

 

T ukforhnak hi Pathian Fa Asi rihlomi nih ton zungzalmi asi i Pathian Fa asi cangmi nih Bawipa he thlacamnak in hawikomhnak daithlannak in thlarau thazang der caan ah taksa duhnak ṭhaloin tukforh kan si tawn. Pathian Fa asi rihlomi cu khuachia ta an si caah khuachia nih atuahmi cu ṭhatlonak lawngte asi caah amah ta asimi zong ṭhatlonak, taksa duhnak, lungthin ṭhalomi phunphun, mah le mah thah duhnak, mi thahduhnak, firduhnak, nupa siduhnak, zu, kuak, khaini, hmawmmi le zukmi phunphun tuahduhnak in nifate an chungah aummi duhnak ṭhatlo ningin atukforh zungzal hna. Tukforhnak kan timi hi taksa duhnak ṭhalomi le thinlung ṭhalomi he pehtlai deuhmi chungin tukforh kan si i cucu khuachiapa sin in arami tukforhnak asi. Tlukforhnak cu zeitikhmanh ah Bawipa sinin arami asi ballo i khuachiapa sinin kan mah nih duhnak ṭhalomi kan ngeihmi hmangin a kan tukforh tawn. Micheu nih zu hi ka duhlo nain ka ding peng an timi bantukin khuachiapa nih zu an dih i an rawhnak hnga, an or nih ahlamlo hmanh ah a...

J esuh Khrih Nih Thiang Thlarau A Kan Toih Hnu Zultu, Pathian Fale Cu Thih Tiangin Zumhtlakin An Rak Nung.. Biakamhlun Pathian Arak Dawmi Hna Cu An Tlu, Thih Tiang Zumh Atlakmi An Tlawm Timi Hi Hmuhkhawh asi Nain Biakamthar Jesuh Khrih Thihnak In Thawh ṭ han Hnu Le Thiang Thlarau Toihmi Pathian Fale Hi An Nunnak Pek Tiangin Zumhawk An Rak Tlak Taktak Tihi Biatak Asi. Nangmah Le Keimah Zong Kan Chungah Pathian, Thiang Thlarau Aummi Thawngin Zumhtlak Kan Si Ve Ko Lai. Ahleiin Kan Hmuhkhawhmi Hna Lamkaltu Hna Hi Cu An Zummi Bawipa Cungah Le Pathian Fale Kan Ca Vialte Ah An Nunnak An Pek I An Thih Tiang Zumhtlak In An Rak Nung I Zohchunhtlak Taktak An Rak Si. Sualnak Na Tuahkhawhrih Ko Ahcun Zumhawktlak Cu Na Si Bal Lai Lo I Zumhawktlak Na Silo Ahcun Bawipa Nih Cun An Umpi Bal Ve Lai Lo Timi Cu Biatak Asi Ko. Zumhawktlaklo Nupi/Va Aumpi Pengmi Cu An Um Bal Lai Lo. Biatak Tein Chim Ka Duhmi Cu Biakamthar Zumtu, Pathian Fale Vialte Hi Cu Thih Tiangin Zumhtlak Kan Si Hrimhrim Ko Lai Timi Hi A...

J esuh nih retheimi le thilritmi vialte hna ka sinah ra tuah uh, "Dinhnak", kan pek hna lai ati. Ka pum le ka sining in retheih caan le ka thinlung khingrih caan ah Bawipa Jesuh nih achim bangin ka thilrit le ka retheihnak he thlacamnak in Bawipa hmai ah Amah he hawikomh ding in ka kal tawn, Amah nih achim bantukin ka kal leiah ka re athei i ka khing arit taktak ko nain thlacam in hawikomhnak ka dih tik ahun (Dinhnak=Rest) ka hmu taktak. Halleluijah... Amen.. Bawipa Jesuh Khrih nih Dinhnak kamh kan simi hi chimthiamnak men lawngin silo in na lungre atheihtuk le na battuk caan ah thlacamnak in Bawipa Jesuh Khrih nih achim bangin ahmai ah thlacamnak in hawikomhnak ngeih dingah va chuak ve law dinhnak tling cu an pek ko lai. Lungthin tak tein thlacam hawikomhnak ngeih dingah na chuah ko i lungsau tein na hngah i Thiang Thlarau nih an ton tiang na hngah ko ahcun dinhnak tling cu na hmu hrimhrim ko lai.. Dinhnak timi cu Dinh bak hi asi ko. Bawipa nih dinhnak an pek ahcun na lung...