Nunnak Petu Thawngṭha

Pathian nih a lehmi thlacamnak le a cohlanmi rawl ulhnak cu kan thinung in a rami nih a chuahter mi ziaza tthalomi vialte kan hlawtnak hin asi. Amen! Pathian nih Nineveh khuami rawl ulhnak le thlacamnak a cohlan hna nak cu rawl ulhnak an tuahmi ruang lawngah si loin an thinlung in a chuakmi tthatlonak le an rak ngeihmi ziaza tthalo vialte an hlawt a hmuhnak khan asi deuh. Amen! Tuahnak tampi a chuahtertu cu kan sual ngeihchihnak kan ngeihnak hin asi tawn, cu ve bantuk tthiamtthiam in Pathian duhnak tlinternak in kan hmuh laimi ruahchannak tampi ruang zongah an si ve tawn. Sihmanhsehlaw Bawipa nih a cohlan taktak mi tuahnak vialte hi tuahnak sawhsawh men si loin kan nunzia a tthalo mi remhnak tu he tuahmi tu hi a cohlanmi le a duhmi cu asi. Amen! Mah vialte nunzia remhnak he a kan tuahtertu hi kan chim lengmangmi Jesuh Khrih zumhnak nih a hrimmi asi. Amen! Zeizong vialte kan hmuhnak dingah zumhtlak Jesuh Khrih Min cu nganchin lengmang ko sehlaw Fapa hmanh zuahlo in a kan dawtu kan Pat...

Bawipa Ni a phanh lai ahcun Ttih a nungmi harnak a phunphun a phak lai i Ni a ceu ti lai lo, thlapa zong a vang ti lai loh, khi tikah mi vialte cu ttihnak le thinphannak in an khat lai, mah caan hmanh ah Jesuh min aumi le bawmh halmi cu khamhnak kan pek rih hna lai ti hi Bawipa biakam asi. Amen! Kan Pathian dawtnak hi zeitluk in dah a ngan, lungthin takin bawmh halnak he a aumi hna khamh cu ai fawih tuk. Amen! Lungthin takin kan auh lo ruang tu ah hin a kan bawm kho lo i asi. Nihin ah sawm kan duhmi cu Bawipa rat lai ni hngah hau loin pei pumpak na nunnak ah na thinlung cu a muih i ttihnak le thinphannak vialte nih an khuh ko kha, mah vialte chanchuahtu ah Jesuh Khrih hi na thinlung dihlak he bawmh rak hal law, an leh dingmi cu hi hi asi: Ka min auh in bawmh a halmi hna Khamhnak an hmuh khawhnak ding caah pei vawlei ah ka rat cu ti hi asi lai i a tu te lawng na rak kir hi a tlai hmanh na tlai tiah lung lawm tein na thinlung a muihnak vialte chungin an chuah lai i zungzal nunnak ruahc...

Jonah sual ruangah an tonmi thlichia hrannak cu Jonah an hlawnh tik i thlichia a deih tikah zumlotu hna nih cun a nungmi Pathian le biaktlak Pathian hi hodah asi ti kha an hngalh i Pathian cu an ttih. Amen! Kan Pathian cu an Pathian ah an ser ve i raithawinak pek in biakamnak kha an ser. Amen! Chim duhmi cu Jonah chimh hrinnak le dantatnak hlah maw asi tiah ruahmi zong hi Jonah ca lawng si loin Jonah kam i a ummi vialte nih zungzal nunnak an hmuhnak ca tu ah a rak si ai. Amen! Pathian fale taktak cu kanmah cungah chimhrinnak le dantatnak a um ko ruah hih kan ti ko bu hmanh ah zumlotu hna nih a nungmi Pathian an hmuhnak le zungzal nunnak lam an kalnak tuah a canter tawn. Amen! Cucaah na tonmi vialte hi Bawipa nih na caah a tha lei in an mer piak ko hi rak i cinken ve muh! Mahtluk hin Pathian fale a si cangmi caah cun kan nunnak hi sullam kan ngei. Amen! Pathian duhnak kan zulh lonak dingah ka chim duhmi si loin na tonmi chimhrinnak le hneksaknak tampi hna zong hi lung donghnak ah hman...

S erhsatnak na inmi hi Jesuh Khrih zumhnak le Pathian biatak na ttanh ruangah asi ahcun lawmh awk tlak taktak asi hnga! Cu nih an chimpiakmi cu Pathian Thlarau na cungah a um timi a langhter. Amen! Mi nih an in serhsat hi zei kong cem ah dah asi ve? Tehte sautuk na khan ruangah maw? Thla saupi na cam ruangah maw? Thawngtha chim nih an thawt tuk ruang i sautuk na chim ruangah maw? Thlarau riantuannak kaupi hngalh chin lengmang duh ruang i rawl na ulh lengmang ruang ah maw? Pathian biatak na ttanh tuk ruang i kan nun dan hi Pathian duhning asi lo ti na chim lengmang ruangah maw? Chun he zaan he Baibal na rel lengmang ruangah maw? Na thinlung dihlak le thazang he Bawipa thangthat in na lam ruangah maw? Kan zeizong vialte pek in kan Pathian hi kan zumh, kan biak awk si na ti ruangah maw? Mah vialte ruangah an si ahcun lawmh awk taktak cu an si hnga i cu nih cun Pathian Thlarau na chung a um kha mi nih chimpiak hau loin Pathian Fa na si kha tehte a khang ko.  Sihmanhsehlaw chim ...

Z umtu tampi nih hin Thiang Thlarau dawnh le ngeihchiatter hi a ho hmanh nih kan duh balmi asi lo nain kanmah nih kan i hngalh lomi kan tuahmi cung in kan ngeihchiatter in kan dawn tawm ve ko lo maw timi hi ka hmuhmi asi. Cucu zeidah asi ti ahcun Phungchim kha zei rel loin um hlah uh timi bia hin asi. Thawngtha chim ngeih na duh maw? Na rem maw? Na dawn maw? ti hi i hal ahcun a hohmanh nih pumhnak le thawngtha chimnak ngeih cu dawn le duhlo in kan um ngam hrimhrim lai lo. Sihmanhsehlaw Thawngtha chimtu hi minung an si ti hi kan van i fianchih a hau ve. Cucaah thawngtha chimtu minung asi caah Amah zoh in bia kan khiah tikah a chimmi Thawngtha ngeih kan huam ti lo i zei te ah kan rel ti lo tikah Phungchim zel rellomi ah kan van i cang ko lo maw? Phungchim zei rello ah kan i cang ahcun Thiang Thlarau dawntu ah kan i cang chih ti hi hngalhter kan duh vemi hna cu asi. Cubantuk tthiam in Thiang Thlarau kha don hlah uh a timi ah hin kan i tel ve sual maw ti hi ruah lo awk a tha lo mi asi....

Bawipa nih kan fale cawnpiak peng hna seh ti a kan duhmi cu Bawipa lawnglawng hi Pathian asi i Pathian dang a um hrimhrim lo timi hi asi. Amen! Cun nihin ah kan pekmi bia hi na lungchung ah na riahter lai i na fale kha a zungzal in na cawnpiak hna lai a timi zong hi Bawipa na Pathian cu na thinlung dihlak, na ruahnak dihlak le na tthawnnak dih in na dawt lai timi hi asi. Amen! Fale cawnpiak fial kan si taktak mi cu Bawipa lawng Pathian asimi Bawipa kan Pathian hi an thinlung dihlak, ruahnak le tthawnnak dihlak in an dawtnak hnga a zungzal in cawnpiak le lam hmuhsak hi asi. Amen! Hi vialte a tlamtling khawhnak ding ahcun na hrintthan ve hrimhrim a hau. Nangmah nih Pathian na chungah na ngeih lawngah Pathian dawt na fialmi hna cu na nun theitlai zoh in hmual a ngei lai i Pathian cu an dawt khawh ve taktak lai! Nihin zumtu tampi ai timi cu kanmah nih kan ngeih lomi pek kan hmang tuk. Na ngeihlo mi (chung lei nunnak ngeilo mi) pek le chim cu pakpalawng asi ko tihi biapi ngaiin kan ruah c...

Minung tampi nih hin awl tein Pathian riantuan ka duh kan ti cio ko lai nain temhinnak nih a kan den tikah cun kan kaa in kan chim lo hmanh ah kan thinlung te cun ingpuannak le Pathian sinah zainak kan ngei cio i kan lung a dong deng lengmang. Minung tampi nih kan theih khawhmi le kan duhbikmi cu Khamhnak, Khrih Vel hi asi. Mah hi cu nangmah tuah haumi le retheih naa pek haumi pakhat hmanh a um lo i lung lawm tein cohlannak in hmuh khawhmi le tingco khawhmi asi. Amen! Cucaah Khrih Vel kong Thawngtha chimtu nih an van chim ahcun mi zei poah hi kan i tlum dih ko nain Khrih caah temhinnak le zumh awktlak nun kong chim ahcun a ei kholomi kan tampi ko rih tihi hmuh chin lengmangmi asi. Khamhnak hi a tingcomi caah cun a lak tein pek kan si nain a ingtu Jesuh Khrih ca bel ah zeitlukin dah a hei fah in a har hnga? Pathian pei asi cu a fak lai lo ti zongah ruah a fawi nain minung sinak 100% aa hrawm bakmi asi i a rawl ttam in a thabatnak hna hi Baibal ah hmuh khawh asi. Cu nih a sawh duhmi cu...

Minung tampi khamhnak kan hmuh tikah kan i lawm tuk cio, lawmh lo awk zong cu a tthalomi hrim asi, Aruang cu mit in hmuh khawhmi lenglei thilri ruangah le a rawk khomi laksawng ruangah si loin hmuh khawh lomi asi ttung i a rawk kho lomi chunglei nunnak laksawng, lawmhnak ruang tuah asi caah asi. Amen! Mah hnu ah pehtlai thluamah in kan van i lawmhnak cu Bawipa chungah fek tein kan dir ti kan i theihnak hin asi. Amen! Kanmah Bawipa chungah fek tein kan dir lo ahcun lawmhnak lam a um lo i Paul zong Thesolonika khuami Bawipa chungah fek tein an dir ti a theihnak in a lawmh khawhnak le nunnak thaw asi khawhnak cu Amah zong fek tein Bawipa chungah a rak dir peng caah asi. Amen! Kanmah chungah lawmhnak tlin ta loin mi cungah a tlingmi lawng hin cun lawmh khawh peng a rak si kho hrimhrim lo. Kanmah chung hrimhrim ah nichiar, zingchiar tein Thiang Thlarau tthawnnak he lawmhnak in kan khah zungzal a herh. Amen!        Bawipa chungah fek tein kan dir ti kan i hngalhnak c...

Nihin Khrihfa ai timi kan miphun tampi nih kan uar ngaimi le kan chim ngaimi cu a lamkip in tthang usih ti hi asi. Mah Baibal hi khamhnak aco rihlomi caah si loin Khamhnak ahmu cangmi hna kan caah asi. Khamhnak na co ve rihlo asi ahcun Khamhnak tling na co taktak nak hnga, Khamhnak tling an pe khotu Bawipa Jesuh hi na zumhnak an cohlang ve tiang na lungthin taktak in rak zum ko. Lungthin taktak azummi caah cun Khamhnak tling kan pek cang ti kan i hngalhnak dingah Thiang Thlarau toih kan si. Amen. Dawtnak lungthin tuin thil pahnih a kan fialmi cu hihi asi: 1)  BIATAK asimi JESUH KHRIH kong hi kan chim deuh awk asi timi le. 2) kan LU asi mi KHRIH   LEIAH hin ALAMKIP in kan TTHAN awk asi timi hi asi ko. Amen! Paul nih Efesa khua mi hna sinah alamkip in rak tthang ulaw ati hnawhchan mi cu zeidang, zeidang ah si loin Jesuh Khrih lei tu ah, Jesuh Khrih he hawikomhnak le Jesuh Khrih he i hngalhnak tu ah tthang uh tihi asi. Paul nih a kan fialmi cu zeidang si loin Jesuh Khrih...

Ruth nih cun Noami sinah nangmah he itthen ding in kan lem len hlah! Na kalnak ah ka kal ve lai i na miphun cu ka mi phun asi lai, na Pathian cu ka Pathian a si ve lai i na thihnak ah ka thi ve lai, thihnak hmanh nih a kan tthen kho lai lo tiah a nu cungah a ngeihmi dawtnak le tlaihchannak cu a langhter. A nu cungah dawtnak le tlaihchannak a ngeihmi cu a ngantuk caah a caah zeidang vialte kaltak hi ai harh hrimhrim lo. Na duh tukmi nungak, tlangval he tthen le na dawt cumakmi fanu le fapa he tthen le na nupi le va he tthen cu a fawi bal ve hme maw? Pathian kan dawt hi kanmah nih kan dawt hmasa caah si loin a Fapa hmangin a kan dawt hmasa tuah hin kan dawt khawh ve nak tu asi. Amen! Kan dawt bikmi cu Khrih a hung si cang. Amen! Caah cun Khrih thihnak le thawhtthannak kan zumh kan ti tikah hin Khrih nih a temh inmi ing ve ding le a lawmhnak zong hmuh ve dingin biakamnak kan ser chih dih. Amen!        Cu bangin Khrih nih kan cungah dawtnak in ngaihthiamnak le kham...