Nunnak Petu Thawngṭha

         Hezekiah nih Pathian duhnak kawl in a miphun le ram damnak caah a neihchia chawva le thazang he Pathian hmai a kawl i Judah ram chung lawng si loin Israel ram tiangin Pathian sinah kir tthan dingin ca a phorhter hna i Jerusalem biakinn ah langtakpuai hman zongah an ra i Bawipa an thangtthatti hna i an sualnak ngeihthiam in damnak a rak pek hna. Mah bantukin Pathian lei ian i mer tikah Tlangbawi le Levi mi hna nih tlamtling tein Pathian biakinn chungah le Pathian rian an tuan khawhnak hnga 1/10 le thlaithar pek dingin mipi cu a forh hna hna i thazang a pek hna. Bawipa nih mipi an thinlung ah rian a tuan ciammam i 1/10 le thlaithar cu tampi an rak chuahpi tikah Hezekiah le tlangbawi hna nih an hmuh tikah Bawipa an thangthat i mipi an hruainak ah nawlbia he aitlakin Bawipa kha lungthin dihlak in an kawl caah an tuahmi kip ah khuaawng an tong. Amen!      Khrihfabu a ning cang tein a kal khawhnak ding ahcun 1/10 le thawhlawm, thlaithar hi Bawi...

     Jesuh Khrih nih zeitlukin dah a kan dawtnak hi zungzal nunnak lawng si loin Khrih ah pakhat taktak kan si i kan ipeh khawhnak ding hi aitinhmi le a duh zungzal mi a rak si. Amen! KHRIH ah pumkhat chung taktak kan sinak thleitlai nih zumlotu vialte nun hi a van uk lai i a kan zultu le zumtu an si kha an van hngal lai i an nun lak duhnak an ngei lai ti kha a rak hmuh ciami asi. Cuticun Jesuh Khrih nih a zultu hna hi van nung hna seh tiah ro a kan vuih ning cu asi. Si ahcun a tu chan zumtu kannih dihlak hi teh Khrih ah pakhat taktak bantukin kan i pektlai kho maw? ti hi hal lo awk ttha loin kan um cang?     JESUH KHRIH nih a PA sinah a kan nawlpiak ning cu hitihin asi: KEI zumtu vialte an chungah um in NANG ka chungah um law NANGMAH le KEIMAH cu pakhat kan si bantukin an chungah kan umnak thawngin kan dihlak in pakhat chung taktak ah kan um hna lai. Amen! NANGMAH le KEIMAH pakhat kan si bantukin le an chung i kan umnak thawngin pakhat taktak cu an si lai ...

David Siangpahrang chan lio ah Israel ram chungah mangttam kumthum chung arak tlung i David nih Bawipa hmai a rak kawl. Bawipa nih achimmi cu Saul le a innchungkhar cungah thisen chuah mawhnak aum ruangah asi tiah arak leh. Zei ruangah ti ahcun Sual nih Israel le Judah mi ca i arak ttantuk caah Gibeon mi kha a rak dawi hna i arak thah hna. Gibeon mi hi Israel mi si loin Joshua chan ah kan in that hna lai lo tiah Bawipa ruahnak hal ta loin Bawipa min in biakamnak an rak sermi hna miphun an si. Joshua chan ah Bawipa min in kan in that hna lai lo tiah bia an i kammi kha Saul nih ramdang mi nan si ai tiin thahding ah le hrawhding ah Israel ram chungin a rak dawi hna i thah dingah arak kawl hna. Saul nih arak hngalh khawh lomi cu keimah le ka innchungkhar nih kan tuahmi ruangah hin thisen chuahmawhnak kan cungah a um lai i kan miphun tiang mangttam a tlung te lai timi hi arak ruat kho lo. Saul a thih hnu pi ah Israel ram ah kumthum chung mangtam a tlun tik ahcun David nih zei ruangah dah k...

Ni le thla le kum hna hi an liam lengmang nain Bawipa nih a kan dawtnak hi ai tlheng bal lo i a zangfahnak zong nih a kan hngah zungzal ko. Nikhat hnu nikhat aliam cuahmahmi ah hin zei hi dah lim naa timh bikmi le na rian nganbik ah naa chiahmi asi ve? Kei kaa rian nganbik ah ka chiahmi cu ka Bawipa he hawikomhnak ngeih zungzal hi asi?Atu i ka van ttialmi kong hi zumtu tampi nih kan buai ngaingai mi asi i hngalh zong a har ngaingaimi asi. Sihmanhsehlaw nihin ka ttialmi ca a reltu vialte caah Pathian kan Pa le Fapa Jesuh Khrih nih a kan pekmi raltthatnak le lawmhnak le diahnak cu nan cungah phan cio ko seh.. Biatak cu atu na taksa nunnak hi a dih tikah na thlarau khuazei ah dah a kal lai timi hi hngalhnak tling kan ngeih a herh ngaingaimi asi i cu hngalhnak tling na ngeih khawhnak cu nangmah nih a tu te i na ngeihmi zumhnak nih hin ahodah na si ti kha a langhter i an fianter lai. Jesuh Khrih thawngin Pathian fa na si taktak ko ahcun na thih le cangka in Bawipa Jesuh Khrih sinah na kal...

Jesuh nih achimmi bia hi lung atling kho tuk... Profet Jonah hi Nineveh khuami hna caah hmelchunhnak asi bantukin tuchanmi minung vialte caah hin Pathian Fapa, Jesuh Khrih, Keimah zong hi hmelchunhnak ka si ve tiah ati... Hmelchunhnak an si ning cu hiti hin asi: Jonah nih tuhnu ni sawmli ah Nineveh khua cu hrawh asi lai tihi ahmanmi le asi lai dingmi hmelchunhnak thawngtha achimmi cu arak si i Jonah nih chimmi cu an theih tikah Nineveh khuami hna nih an sual an i hmu i ngaihchihnak le nun thlennak he Bawipa hmai an kawl caah zangfahnak an rak hmu.. Jonah nih Thawngtha achim i an nun an i thlen bantukin Nineveh khuami caah luatnak hmelchunhnak arak si. An sualnak mertak lo le lungthlen loin rak um hna hmanh sehlaw Sadom le Gamorah khua bangin hrawh an si taktak hnga i hrawh an si zongah Profet Jonah hi an caah hmelchunhnak cu asi tthiamtthiam ko hnga. Jesuh Khrih hi vawlei cung minung vialte azummi he zumlo mi he kan caah hmelchunhnak taktak cu asi ko. Pathian Fapa asi tiin ka zumh...

Jesuh Khrih nih kan sualnak vialte cu vailam tahnak ah akalpi ding cang. Jesuh Khrih vailam i athihnak chan cu sual in kan thihnak ding, sualnak in kan luatnak ding, sualnak kan tuahmi in thian le ngaihthiam kan sinak ding caah asi i Jesuh Khrih nunnak i thawhter asi cu Amah azummi paoh sualnak in thianh le ngaihthiamnak, sualnak in luatternak, sualnak in thih ding ca lawng siltio in Amah bantukin zungzal nunnak kan ngeih ve ding ah asi, sullam cu Pathian he remter kan si cang ti lawng siti loin thiamcoter zong kan si cang tinak asi.. Sualnak ah na thi cang maw? Sualnak sal dah na si rih ko? Mithi nih zeihmanh an tuah khawhlo bantukin kan nih Jesuh Khrih azummi zong Jesuh Khrih he kan thiṭi, sualnak ah kan thi cang i dinnak sal le dinnak ah kan nung cang tinak asi.. Tulio an uktu hi thlarau duhnak maw? Taksa duhnak dah? Taksa duhnak in na khah le taksa duhnak na tuahrih ko ahcun sualnak in na thi rihlo in sualnak sal na si rih ko tinak asi i aphi cu na thi lai tinak asi.. Biatak cu hri...

Vawlei cung hmunzakip ah a ummi ka miphun vialte hna Bawipa nih nan umnak hmun cioah Amah dawtnak thukpi in intheihter chin hna sehlaw biathli in ruah cio ko hna seh. Atu i Thawngṭha ka ṭialmi Pathian Pennak chungah na lut cang maw? timi hi fak deuh in rak ka ruahpi ve tiah kan sawm. Pathian Pennak chungah na lut cang maw timi biahalnak hi va luh dingmi khi halduhmi cu asi nain a taktak le ngaingai ah cun kan thinlung chungah ngeih dingmi tu hi a rak si deuh. Biatak cu Pathian Pennak hi tuahṭuannak in le nunthiannak men in kan hmuhkhawhmi asi hrimlo ti hi voi tampi chim ka duh. Pathian Pennak kan luhkhawhnak dingah cun lamkhat lawng aum i cucu Jesuh Khrih zumhnak thawng lawng bak in asi ko. Pathian Fapa Jesuh Khrih kan zumhnak thawngin Ti le Thlarau in kan hrinṭhan lawnglawng ah Pathian Pennak chungah kan lut kho ti hi fakpi in chim ṭhan ve ka duhmi asi. Bawipa Jesuh nih a timi cu ka Pa nih tuah hna seh ti a duhmi a tuahmi lawnglawng an lut lai tiah a ti taktak. Cucu tuahnak biafan...

Righteousness = Pathian Dinnak (Mat 6:33, 13:44-46, Rome 1:16-17, 3:22, 4:3-13-25) Dinnak timi sullam cu Pathian He kan I rem cang tinak asi. Righteousness meaning is to be  right with God . Pathian he kan I remnak cu Bawipa Jesuh Khrih kan zumhnak thawng lawngin asi. Cu Bawipa Jesuh Khrih kan zumh hlanah hin Bawipa Jesuh hi zumhtlak asinak le kan zumhngam nakhnga nganpi in rian a limmi aum I cucu rian a limmi thawngin cun Pathian he remnak kan hmuhkhawhnak cu asi. Pathian he remnak kan hmuhmi hi Bawipa Jesuh nih a nunnak pek in rian a limmi thawngin asi nain nangmah le keimah caah Pathian he kan I remkhawhnak dingah cun a thlahmi Fapa zumh le a kan limpiakmi zumh thawng lawngin hmuhmi asi. Nangmah le keimah caah zumh fial kan simi hi a fawimite alo lai nain Bawipa Jesuh caah cun nunnak tiang pekmi, Pathian he remter khawhnak tiang chuahtertu nunnak in pekmi raithawinak asi. Nunnak in pekmi raithawinak nih cun Pathian he remnak a chuahter I cucu nangmah le keimah nih Bawipa Jesuh k...

Biatak timi cu biachimmi biataknak le tuahnak i fakpi alangmi khi biatak asi ve ko nain chunglei ah hmuhkhawhlomi biatak kha lenglei kan tuahnak in a hunglangmi tu khi asi deuh. Tuahnak in a hunglangmi ka ti tikah tuahnak paoh khi biatak an si ka ti duhnak siloin na chunglei ah aummi biatak kha tuahnak in na langhter tikah na chunglei ah aummi biatak he aikhat in na tuahmi khi biatak ka timi cu asi. Biatak le dawtnak hi hmuhkhawhlomi chunglei ah aithupmi veve an si i an kalning le an sining ailo ngai. Dawtnak le biatak hi lenglei tuahnak cungah aihngatmi siloin dawtnak he chungleiin aithawkmi an si i lenglei langhtermi tuahnak tiangah dawtnak taktak le biatak in chunglei umning in rianlimtu khi an si. Biachim i biataknak le tuahnak i biataknak vialte hi biatak i theitlai tu an si deuh. Sihmanhsehlaw Kaa in biatak achimmi tampi kan um nain nun in ai biataklomi tampi kan um ve. Baibal nih biatak ati lengmang mi tu cu kaa le tuahnak hlan ah nunnak ah biatak ngeihtu hi biatak atimi cu asi....

JESUH CU NUNNAK ASI (John 14:6) Minung vialte nih kan herhbikmi hi “Nunnak”, asi. Tulio i kan kawl, kan ṭ uanmi tampi hna zong hi nun duh ah an rak si i Kan pum in dam kan duh lengmang mi zong hi nun kan duh caah asi. Thuk deuh in kan rak ruahlomi cu Nunnak maw abiapi deuh? Damnak dah abiapi deuh timi kong hi asi. Na dam ruangah na nun si loin na nun rih ruangah damnak na herh asi deuh. Damnak cu anungmi nih kan herhmi asi i athimi caah cun damnak aherhnak a um ti loh. Cubantuk in Khamhnak zong hi taksa in anung rihmi le Thlarau in athimi hna ca i sualnak thianhpiak, Sualman leiba champiak le sualnak chungin luatnak thawngin khamhnak kan hmuhnak ding caah Khamh kan herh arak si ve. Khamhnak kan ti lengmang mi cu sualnak ruangah Pathian thinhunnak in aluangmi dantatnak kan in dingmi chungin kan luat khawhnak ding caah Jesuh Khrih thisen in sual ngaihthiamnak kan hmuhnak ding caah tuahpiakmi le sualnak chungin luatternak thawngin sualnak sal kan si tinak hnga lo caah asi. Sualnak sal kan...

FIMNAK CU THIANG THLARAU ASI. JOHN 16:13 Fimnak kan ti lengmang mi hi zumlotu caah si loin Pathian fale kan caah asi deuh. Asinain nihin vawlei kan kalning zaoh ah zumlotu hi afim deuhmi le a hngalh deuhmi ko an lo. Ataktak le ngaingai ahcun zumlotu hmanh an fim le an thiam ahcun Pathian fanu le fapa hi cu kan fim chinchin awk le kan hngalh chinchin awk asi. Bawipa ṭih hi fimnak hramthoknak asi ati bantukin Bawipa a ṭihmi cu Pathian fanu le fapa kan si. Pathian ṭih timi hlan ah hin ahram aum i cucu Jesuh zumh le cohlan hi asi. Jesuh azumlomi le a cohlanglomi nih cun Pathian cu an ṭih bal lai lo I Baibal nih mihrut a timi hna le a rawk dingmi a timi hna an si. (1 Korin 1:18) Bawipa Jesuh Khrih a zumlomi le a cohlanglomi paoh cu mihrut an si lawng siloin zungzal rawhnak ah a rawk dingmi an si. Pathian fanu le Fapa sinak ro zong an co bal lai lo. Pathian aṭihmi le a dawmi cu Jesuh Khrih azumh le a cohlangnak thawngin khamhnak a hmumi kan si i khamhnak ahmuhnak thawngin Thiang Thlarau in h...